บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๙ ภาษาบาลี อักษรไทย ชา.อ.๕ ฉกฺก-ทสกนิปาต หน้าที่ ๑๒.
ปาปานิ กมฺมานิ กริตฺว ราช พหุสฺสุโต เนว จเรยฺย ธมฺมํ สหสฺสเวโทปิ น ตํ ปฏิจฺจ ทุกฺขา ปมุญฺเจ จรณํ อปตฺวาติ ฯ ตตฺถ กริตฺวาติ กตฺวา ฯ จรณนฺติ สห สีเลน อฏฺ สมาปตฺติโย ฯ อิทํ วุตฺตํ โหติ มหาราช อหํ พหุสฺสุโตมฺหีติ สหสฺสเวโทปิ ติวิธํ สุจริตธมฺมํ น จเรยฺย ปาปาเนว กเรยฺย โส ตานิ ปาปานิ กมฺมานิ กตฺวา ตํ พาหุสจฺจํ ปฏิจฺจ สีลสมาปตฺติสงฺขาตํ จรณํ อปตฺวา ทุกฺขา น มุญฺเจ อปายทุกฺขโต น มุญฺจเตวาติ ฯ ตํ สุตฺวา ราชา ตาปเสสุ ปสาทํ หริ ฯ ตโต เสตเกตุ จินฺเตสิ อิมสฺส รญฺโ ตาปเสสุ ปสาโท อุทปาทิ ตํ ปเนส ปุโรหิโต วาสิยา ปหริตฺวา วิย ปจฺฉินฺทิ มยา เอเตน สทฺธึ กเถตุํ วฏฺฏตีติ ฯ โส เตน สทฺธึ กเถนฺโต ปญฺจมํ คาถมาห สหสฺสเวโทปิ น ตํ ปฏิจฺจ ทุกฺขา ปมุญฺเจ จรณํ อปตฺวา มญฺามิ เวทา อผลา ภวนฺติ สุสํยมํ จรณญฺเว สจฺจนฺติ ฯ ตสฺสตฺโถ สหสฺสเวโทปิ ตํ พาหุสจฺจํ ปฏิจฺจ จรณํ อปตฺวา อตฺตานํ ทุกฺขา น ปมุญฺเจ เอวํ สนฺเต อหํ มญฺามิ ตโย เวทา อผลา โหนฺติ สสีลกํ อฏฺสมาปตฺตึ ปฏิจฺจ จรณญฺเว สจฺจํ โหตีติ ฯเนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๑๒. http://84000.org/tipitaka/read/attha_page.php?book=39&page=12&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=224&pagebreak=1 http://84000.org/tipitaka/atthapali/th_line.php?B=39&A=224&pagebreak=1#p12
จบการแสดงผล หน้าที่ ๑๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]