อรรถกถาเล่มที่ ๓๙ หน้าที่ ๑๘๗.

ตตฺถ กามนฺติ เอกํเสน ฯ อิทํ วุตฺตํ โหติ อยุตฺตการโก ปุคฺคโล อยุตฺตํ เต กตนฺติ โอวทิยมาโน เอกํเสเนว กุชฺฌตุ วา มา วา กุชฺฌตุ ฯ อถวา ภุสมุฏฺิ วิย วิกิริยฺยตุ มยฺหํ ปน ธมฺมํ ภณนฺตสฺส ปาปนฺนาม นตฺถีติ ฯ เอวญฺจ ปน วตฺวา น โข อหํ อานนฺท ตถา ปรกฺกมิสฺสามิ ยถา กุมฺภกาโร อามเก อามเก มตฺติเก นิคฺคยฺห นิคฺคยฺหาหํ อานนฺท วกฺขามิ โย สาโร โส สฺสตีติ อิมสฺส สุคโตวาทสฺส อนุรูปาย ปฏิปตฺติยา ตฺวา ยถา กุมฺภกาโร ภาชเนสุ ปุนปฺปุนํ อาโกเฏตฺวา อาโกเฏตฺวา อามกํ อคเหตฺวา สุปกฺกเมว ภาชนํ คณฺหิ เอวํ ปุนปฺปุนํ โอวทิตฺวา นิคฺคณฺหิตฺวา ปกฺกภาชนสทิสา ปุคฺคลา คหิตาติ ทสฺเสตุํ ปุน ตํ โอวทนฺโต โน เจ อสฺส สกา พุทฺธิ วินโย วา สุสิกฺขิโต วเน อนฺธมหิโสว จเรยฺย พหุโก ชโน ฯ ยสฺมา จ ปนิเธกจฺเจ อาจารมฺหิ สุสิกฺขิตา วินีตวินยา ธีรา จรนฺติ สุสมาหิตาติ อิทํ คาถทฺวยมาห ฯ ตสฺสตฺโถ สมฺม เวเทห อิเมสํ หิ สตฺตานํ สเจ อตฺตโน พุทฺธิวา ปณฺฑิเต โอวาททายเก นิสฺสาย อาจารปญฺตฺติ วินโย วา สุสิกฺขิโต น ภเวยฺย เอวํ สนฺเต ยถา ติณลตาทิคหเน วเน อนฺธมหิโส โคจราโคจรํ สาสงฺกนิราสงฺกญฺจ านํ อชานนฺโต จรติ ตถา ตุมฺหาทิโส พหุโก ชโน จเรยฺย ยสฺมา ปน อิธ

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๑๘๗. http://84000.org/tipitaka/read/attha_page.php?book=39&page=187&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=3732&pagebreak=1 http://84000.org/tipitaka/atthapali/th_line.php?B=39&A=3732&pagebreak=1#p187