ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔ ภาษาบาลี อักษรไทย ที.อ. (สุมงฺคล.๑)

หน้าที่ ๑๔๕.

กิลเมนฺตสฺสาปิ ๑- ปเรหิ กิลมาเปนฺตสฺสาปิ. ผนฺทโต ผนฺทาปยโตติ ปรํ ผนฺทนฺตํ
พนฺธนกาเล ๒- สยํปิ ผนฺทโต ปรํปิ ผนฺทาปยโต. ปาณมติปาตาปยโตติ ปาณํ
หนนฺตสฺสาปิ หนาเปนฺตสฺสาปิ. เอวํ สพฺพตฺถ กรณการาปนวเสเนว ๓- อตฺโถ
เวทิตพฺโพ.
      สนฺธินฺติ ฆรสนฺธึ. นิลฺโลปนฺติ มหาวิโลปํ. เอกาคาริกนฺติ เอกเมว
ฆรํ ปริวาเรตฺวา วิลุมฺปนํ. ปริปนฺเถติ อาคตาคตานํ อจฺฉินฺทนตฺถํ มคฺเค ติฏฺฐโต.
กโรโต น กริยติ ปาปนฺติ "ยํ กิญฺจิ ปาปํ กโรมี"ติ สญฺญาย กโรโตปิ ปาปํ
น กริยติ, นตฺถิ ปาปํ. สตฺตา ปน "ปาปํ กโรมา"ติ เอวํ สญฺญิโน โหนฺตีติ
ทีเปติ. ขุรปริยนฺเตนาติ ขุรเนมินา, ขุรธารสทิสปริยนฺเตน วา. เอกํ มํสขลนฺติ
เอกํ มํสราสึ. ปุญฺชนฺติ ตสฺเสว เววจนํ. ตโตนิทานนฺติ เอกมํสขลกรณนิทานํ.
      ทกฺขิณนฺติ ทกฺขิณตีเร มนุสฺสา กกฺขฬา ทารุณา, เต สนฺธาย
"หนนฺโต"ติอาทิมาห. อุตฺตรตีเร สตฺตา สทฺธา โหนฺติ ปสนฺนา พุทฺธมามกา
ธมฺมมามกา สํฆมามกา, เต สนฺธาย "ททนฺโต"ติอาทิมาห. ตตฺถ ยชนฺโตติ
มหายาคํ กโรนฺโต.  ทเมนาติ อินฺทฺริยทเมน, อุโปสถกมฺเมน วา. สํยเมนาติ ๔-
สีลสญฺญเมน. สจฺจวชฺเชนาติ สจฺจวจเนน. อาคโมติ อาคมนํ, ปวตฺตีติ อตฺโถ.
สพฺพถาปิ ปาปปุญฺญานํ กิริยเมว ปฏิกฺขิปติ.
      อมฺพํ ปุฏฺโฐ ลพุชํ พฺยากโรติ นาม, โย "กีทิโส อมฺโพ, กีทิสานิ
วา อมฺพสฺส ขนฺธปณฺณปุปฺผผลานี"ติ วุตฺเต "เอทิโส ลพุโช, เอทิสานิ วา
ลพุชสฺส ขนฺธปณฺณปุปฺผผลานี"ติ  พฺยากโรติ. วิชิเตติ อาณาปวตฺติเทเส.
อปสาเทตพฺพนฺติ วิเหเฐตพฺพํ. อนภินนฺทิตฺวาติ "สาธุ สาธู"ติ เอวํ ปสํสํ อกตฺวา.
อปฺปฏิกฺโกสิตฺวาติ พาล ทุพฺภาสิตํ ตยา ภาสิตนฺติ เอวํ อปฺปฏิพาหิตฺวา.
อนุคฺคณฺหนฺโตติ สารโต ๕- อคฺคณฺหนฺโต. อนิกฺกุชฺเชนฺโตติ สารวเสเนว อิทํ
นิสฺสรณํ, อยํ ปรมตฺโถติ หทเย อฏฺฐเปนฺโต. พยญฺชนํ ปน เตน อุคฺคหิตญฺเจว
นิกฺกุชฺชิตญฺจ.
@เชิงอรรถ:  ฉ.ม. กิลมนฺตสฺสปิ              ฉ.ม. ผนฺทนกาเล
@ ฉ.ม. กรณการณวเสเนว         ก. สญฺญเมนาติ          ฉ.ม. สารวเสเนว



เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๔๕. http://84000.org/tipitaka/read/attha_page.php?book=4&page=145&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=3805&modeTY=2&pagebreak=1 http://84000.org/tipitaka/atthapali/th_line.php?B=4&A=3805&modeTY=2&pagebreak=1#p145


จบการแสดงผล หน้าที่ ๑๔๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]