อรรถกถาเล่มที่ ๔๒ หน้าที่ ๒๖๖.

เต ทิสฺวา ปุญฺสงฺกาเส อุโภ ลกฺขณสมฺมเต ขลุ สญฺมโน ราชา อมจฺเจ อชฺฌภาสถ ฯ เทถ ลุทฺทสฺส วตฺถานิ อนฺนปานญฺจ โภชนํ กามงฺกโร หิรญฺสฺส ยาวนฺตํ เอส อิจฺฉตีติ ฯ ตตฺถ ปุญฺสงฺกาเสติ อตฺตโน ปุญฺสทิเส ฯ ลกฺขณสมฺมเตติ เสฏฺสมฺมเต อภิญฺาเต ฯ ขลูติ นิปาโต ฯ ตสฺส เต ขลุ ทิสฺวาติ ปุริมปเทน สมฺพนฺโธ ฯ เทถาติ อาทีนิ ราชา ปสนฺนาการํ กโรนฺโต อาห ฯ ตตฺถ กามงฺกโร หิรญฺสฺสาติ หิรญฺ อสฺส กามกิริยา อตฺถุ ฯ ยาวนฺตนฺติ ยตฺตกํ เอส คจฺฉติ ตตฺตกํ หิรญฺมสฺส เทถาติ อตฺโถ ฯ เอวํ ปสนฺนาการํ กาเรตฺวา ปีติโสมนสฺสสมุสฺสาหิโต คจฺฉถ นํ อลงฺกริตฺวา อาเนถาติ อาห ฯ อถ นํ อมจฺจา ราชนิเวสนา โอตาเรตฺวา กปฺปิตเกสมสฺสุํ นหาตานุลิตฺตํ สพฺพาลงฺการปฏิมณฺฑิตํ กตฺวา รญฺโ ทสฺเสสุํ ฯ อถสฺส ราชา เอกสํวจฺฉเร สตสหสฺสุฏฺานเก ทฺวาทสคามเก อาชญฺยุตฺตํ รถํ อลงฺกตมหาเคหํ เทถาติ มหนฺตํ ยสํ ทาเปสิ ฯ โส มหนฺตํ ยสํ ลภิตฺวา อตฺตโน กมฺมํ ปกาเสตุํ อารภิ น เต เทว มยา โย วา โส วา หํโส อานีโต อยํ ปน ฉนฺนวุติหํสสหสฺสานํ ราชา ธตรฏฺโ นาม อยํ เสนาปติ สุมุโข นามาติ อาห ฯ อถ นํ ราชา กถํ เต สมฺม เอเต คหิตาติ ปุจฺฉิ ฯ ตมตฺถํ ปกาเสนฺโต สตฺถา อาห

เนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๒๖๖. http://84000.org/tipitaka/read/attha_page.php?book=42&page=266&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=5398&pagebreak=1 http://84000.org/tipitaka/atthapali/th_line.php?B=42&A=5398&pagebreak=1#p266