ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๒ ภาษาบาลี อักษรไทย ชา.อ.๘ ปญฺญาส-อสีตินิปาต

หน้าที่ ๗.

ตาปโส มาตุคามสรีรสฺส อทิฏฺฐปุพฺพตฺตา ตํ ทิสฺวาน วโณ
เอโสติ สญฺญาย เอวมาห
                กินฺเต อิทํ ตว อูรูนมนฺตรํ
                สุปิจฺฉิตํ กณฺหริวปฺปกาสติ
                อกฺขาหิ เม ปุจฺฉิโต เอตมตฺถํ
                โกเส นุ เต อุตฺตมงฺคํ ปวิฏฺฐนฺติ ฯ
     ตตฺถ สุปิจฺฉิตนฺติ ทฺวินฺนํ อูรูนํ สมาคมนกาเล สุผุสิตํ
สิปฺปิปูฏมุขสณฺฐานํ สุภลกฺขเณน หิ อสมนฺนาคตาย ตํ ฐานํ
อาวาฏธาตุกํ โหติ สมนฺนาคตาย อพฺภุนฺนตํ สิปฺปิปูฏมุขสณฺฐานํ ฯ
กณฺหริวปฺปกาสตีติ อุโภสุ ปสฺเสสุ กาฬกํ วิย ขายติ ฯ โกเส
นุ เต อุตฺตมงฺคํ ปวิฏฺฐนฺติ ตว อุตฺตมงฺคํ ลิงฺคสณฺฐานํ น ปญฺญายติ
กินฺนุ ตํ ตว สรีรสงฺขาเต โกเส ปวิฏฺฐนฺติ ปุจฺฉติ ฯ
     อถ นํ สา วญฺจยนฺตี คาถาทฺวยมาห
                อหํ วเน มูลผเลสนํ จรํ
                อสาทยึ อจฺฉํ สุโฆรรูปํ
                โส มํ ปติตฺวา สหสชฺฌปฺปตฺโต
                ปนุชฺช มํ อพฺพหิ อุตฺตมงฺคํ ฯ
                สฺวายํ วโณ ขชฺชติ กณฺฑุวายติ
                สพฺพญฺจ กาลํ น ลภามิ สาตํ
                ปโห ภวํ กณฺฑุมิมํ วิเนตุํ
                กุรุตํ ภวํ ยาจิโต พฺราหฺมณตฺถนฺติ ฯ



เนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๗. http://84000.org/tipitaka/read/attha_page.php?book=42&page=7&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=125&modeTY=2&pagebreak=1 http://84000.org/tipitaka/atthapali/th_line.php?B=42&A=125&modeTY=2&pagebreak=1#p7


จบการแสดงผล หน้าที่ ๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]