ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔๕ ภาษาบาลี อักษรไทย นิทฺ.อ.๑ (สทฺธมฺมปชฺ.)

หน้าที่ ๒๖๖.

อารมฺมเณ สมาปชฺชิตพฺพํ, น มยิ จิตฺเตกคฺคตากรเณ ภาโร อตฺถีติ ตานิ
อารมฺมณานิ อภิภวิตฺวา สมาปชฺชติ. สห นิมิตฺตุปฺปาเทเนเวตฺถ อปฺปนํ
นิพฺพตฺเตตีติ อตฺโถ. เอวํ อุปฺปาทิตานิ ฌานานิ อภิภายตนานีติ วุจฺจนฺติ, เตสํ
อฏฺนฺนํ อภิภายตนานํ. นวนฺนํ อนุปุพฺพวิหารสมาปตฺตีนนฺติ ปุพฺพํ ปุพฺพํ อนุ
อนุปุพฺพํ, อนุปุพฺพํ วิหริตพฺพโต สมาปชฺชิตพฺพโต อนุปุพฺพวิหารสมาปตฺติ,
อนุปฏิปาฏิยา สมาปชฺชิตพฺพาติ อตฺโถ, ตาสํ นวนฺนํ อนุปุพฺพวิหารสมาปตฺตีนํ.
ทสนฺนํ  สญฺาภาวนานนฺติ คิริมานนฺทสุตฺเต ๑- อาคตานํ อนิจฺจสญฺาทีนํ
ทสนฺนํ สญฺาภาวนานํ. ทสนฺนํ กสิณสมาปตฺตีนนฺติ สกลฏฺเน กสิณสงฺขาตานํ
ปวีกสิณชฺฌานาทีนํ ทสนฺนํ ฌานานํ. อานาปานสฺสติสมาธิสฺสาติ
อานาปานสฺสติสมฺปยุตฺตสมาธิสฺส. อสุภสมาปตฺติยาติ อสุภชฺฌานสมาปตฺติยา. ทสนฺนํ
ตถาคตพลานนฺติ ทสพลพลานํ ทสนฺนํ. จตุนฺนํ เวสารชฺชานนฺติ วิสารทภาวานํ จตุนฺนํ
เวสารชฺชานํ. จตุนฺนํ ปฏิสมฺภิทานนฺติ ปฏิสมฺภิทาาณานํ จตุนฺนํ. ฉนฺนํ
อภิญฺานนฺติ อิทฺธิวิธาทีนํ ฉนฺนํ อภิญฺาณานํ. ฉนฺนํ พุทฺธธมฺมานนฺติ "สพฺพํ
กายกมฺมํ าณานุปริวตฺตี"ติอาทินา ๒- นเยน อุปริ อาคตานํ ฉนฺนํ พุทฺธธมฺมานํ.
    ตตฺถ จีวราทโย ภาคฺยสมฺปตฺติวเสน วุตฺตา. อตฺถรสติโก ปฏิเวธวเสน วุตฺโต.
อธิสีลติโก ปฏิปตฺติวเสน. ฌานตฺติโก รูปารูปชฺฌานวเสน. วิโมกฺขตฺติโก
สมาปตฺติวเสน. สญฺาจตุกฺโก อุปจารปฺปนาวเสน. สติปฏฺานาทโย
สตฺตตึสโพธิปกฺขิยธมฺมวเสน. ตถาคตพลานนฺติอาทโย อาเวณิกธมฺมวเสน วุตฺตาติ
เวทิตพฺพา.
    อิโต ปรํ ภควาติ เนตํ นามนฺติอาทิ "อตฺถมนุคตา อยํ ปญฺตฺตี"ติ
อุปนยนตฺถํ ๓- วุตฺตํ. ตตฺถ สมณา ปพฺพชฺชูปคตา. พฺราหฺมณา โภวาทิโน สมิตปาปา
พาหิตปาปา วา. ๔- เทวตา สกฺกาทโย พฺรหฺมาโน จ. วิโมกฺขนฺติกนฺติ วิโมกฺโข
อรหตฺตมคฺโค, วิโมกฺขสฺส อนฺโต อรหตฺตผลํ, ตสฺมึ วิโมกฺขนฺเต ภวํ วิโมกฺขนฺติกํ
@เชิงอรรถ:  องฺ.ทสก. ๒๔/๖๐/๘๖   ขุ.จูฬ. ๓๐/๔๙๒/๒๓๙   สี.,ฉ.ม. าปนตฺถํ
@ ฉ.ม. สมิตปาปพาหิตปาปา วา



เนื้อความอรรถกถาฉบับภาษาบาลี อักษรไทย เล่มที่ ๔๕ หน้าที่ ๒๖๖. http://84000.org/tipitaka/read/attha_page.php?book=45&page=266&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=45&A=6161&pagebreak=1 http://84000.org/tipitaka/atthapali/th_line.php?B=45&A=6161&pagebreak=1#p266


จบการแสดงผล หน้าที่ ๒๖๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]