บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๔๕ ภาษาบาลี อักษรไทย นิทฺ.อ.๑ (สทฺธมฺมปชฺ.) หน้าที่ ๖๒.
สพฺเพ กิเลสาติ สพฺเพปิ อกุสลา ธมฺมา อุปตาปนฏฺเน วิพาธนฏฺเน จ กิเลสา. กิเลสทูสิกตฺตา ๑- ทุจฺจริตา. ทรถกรณฏฺเน ๒- ทรถา. อนฺโตฑาหาทิกรณฏฺเน ปริฬาหา. สทา ตาปนฏฺเน สนฺตาปา. อโกสลฺลสมฺภูตฏฺเน อภิสงฺขรณฏฺเน จ สพฺเพ อกุสลาภิสงฺขารา. เกนฏฺเนาติ เกน อตฺเถน. อภิภวนาทิติวิธํ อตฺถํ ทสฺเสตุํ "ปริสหนฺตีติ ปริสฺสยา"ติอาทิมาห. ปริสหนฺตีติ ทุกฺขํ อุปฺปาเทนฺติ อภิภวนฺติ. ปริหานาย สํวตฺตนฺตีติ กุสลานํ ธมฺมานํ ปริจฺจชนาย ปวตฺตนฺติ. ๓- ตตฺราสยาติ ตสฺมึ สรีเร อกุสลา ธมฺมา อาสยนฺติ นิวสนฺติ อุปฺปชฺชนฺตีติ อตฺโถ. เต ปริสฺสยาติ กายทุจฺจริตาทโย อุปทฺทวา. กุสลานํ ธมฺมานํ อนฺตรายายาติ อุปริ วตฺตพฺพานํ สมฺมาปฏิปทาทิโกสลฺลสมฺภูตานํ ธมฺมานํ อนฺตรธานาย อทสฺสนตฺถาย สํวตฺตนฺติ. สมฺมาปฏิปทายาติ สุนฺทราย, ปสฏฺาย วา ปฏิปทาย, น มิจฺฉาปฏิปทาย. อนุโลมปฏิปทายาติ อวิรุทฺธปฏิปทาย, น ปฏิโลมปฏิปทาย. อปจฺจนีกปฏิปทายาติ น ปจฺจนีกปฏิปทาย, อปจฺจตฺถิกปฏิปทาย. อนฺวตฺถปฏิปทายาติ อตฺถํ อนุคตาย ปฏิปทาย, อุปรูปริ วฑฺฒิตาย ปฏิปทาย, ยถา อตฺโถ, ตถา ปฏิปชฺชิตพฺพาย ปฏิปทายาติ วุตฺตํ โหติ. "อตฺตตฺถปฏิปทายา"ติปิ ปาฬิ, ตํ น สุนฺทรํ. ธมฺมานุธมฺมปฏิปทายาติ ธมฺโม นาม นวโลกุตฺตรธมฺโม. อนุธมฺโม นาม วิปสฺสนาทิ. ตสฺส ธมฺมสฺส อนุรูปา ธมฺมปฏิปทา ธมฺมานุธมฺมปฏิปทา, ตสฺสา ธมฺมานุธมฺมปฏิปทาย. สีเลสุ ปริปูริการิตายาติ ปาติโมกฺขสีเลสุ ปาริปูรึ กตฺวา ิตตาย. อินฺทฺริเยสุ คุตฺตทฺวารตายาติ "จกฺขุนา รูปํ ทิสฺวา"ติอาทินา ๔- นเยน วุตฺเตสุ มนจฺฉฏฺเสุ อินฺทฺริเยสุ สุโคปิตทฺวารตาย. ๕- โภชเน มตฺตญฺุตายาติ ปฏิคฺคหณาทีสุ ปมาณยุตฺตตาย. อลํสาฏกาทึ มุญฺจิตฺวา มิตโภชนตาย. @เชิงอรรถ: ๑ ฉ.ม. กิเลสปูติกตฺตา ๒ ฉ.ม. กิเลสทรถกรณฏฺเน ๓ ฉ.ม. สํวตฺตนฺติ ๔ ที.สี. @๙/๒๑๓/๗๐, องฺ.ติก. ๒๐/๑๖/๑๐๘, ม.ม. ๑๓/๒๔/๑๘, ขุ.จูฬ. ๓๐/๑๔๘/๗๑ (สฺยา) ๕ ฉ.ม. @สุโคปิตทฺวารภาวสฺสเนื้อความอรรถกถาฉบับภาษาบาลี อักษรไทย เล่มที่ ๔๕ หน้าที่ ๖๒. http://84000.org/tipitaka/read/attha_page.php?book=45&page=62&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=45&A=1421&pagebreak=1 http://84000.org/tipitaka/atthapali/th_line.php?B=45&A=1421&pagebreak=1#p62
จบการแสดงผล หน้าที่ ๖๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]