ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๖ ภาษาบาลี อักษรไทย นิทฺ.อ.๒ (สทฺธมฺมปชฺ.)

หน้าที่ ๖๙.

อารญฺญิกงฺคาธิมุตฺโตติอาทีนิ ธุตงฺคสมาทานวเสน ๑- วุตฺตานิ. ปฐมชฺฌานาธิ-
มุตฺโตติอาทีนิ ปฏิลาภวเสน วุตฺตานิ.
      กมฺมปรายนนฺติ อภิสงฺขารวเสน. วิปากปรายนนฺติ ปวตฺติวเสน.
กมฺมครุกนฺติ เจตนาครุกํ. ปฏิสนฺธิครุกนฺติ อุปปตฺติครุกํ.
      [๘๔] อากิญฺจญฺญาสมฺภวํ ญตฺวาติ อากิญฺจญฺญายตนสมาปตฺติโต
วุฏฺฐหิตฺวา อากิญฺจญฺญายตนชนกํ กมฺมาภิสงฺขารํ ญตฺวา "กินฺติ ปลิโพโธ
อยนฺ"ติ. นนฺทิสญฺโญชนํ อิตีติ ยา จตุตฺถอรูปราคสงฺขาตา นนฺที ตญฺจ
สญฺโญชนํ ญตฺวา. ตโต ตตฺถ วิปสฺสตีติ อถ ตตฺถ อากิญฺจญฺญายตนสมาปตฺติโต
วุฏฺฐหิตฺวา ตํ สมาปตฺตึ อนิจฺจาทิวเสน วิปสฺสติ. เอตํ ญาณํ ตถํ ตสฺสาติ
เอตํ ตสฺส ปุคฺคลสฺส เอวํ วิปสฺสโต อนุกฺกเมน อุปฺปนฺนํ อรหตฺตญาณํ
อวิปรีตํ. วุสีมโตติ วุสิตวนฺตสฺส. เสสํ สพฺพตฺถ ปากฏเมว.
      เอวํ ภควา อิทมฺปิ สุตฺตํ อรหตฺตนิกูเฏเนว เทเสสิ, เทสนาปริโยสาเน
จ ปุพฺพสทิโส เอว ธมฺมาภิสมโย อโหสีติ.
                  สทฺธมฺมปฺปชฺโชติกาย จูฬนิทฺเทสฏฺฐกถาย
                    โปสาลสุตฺตนิทฺเทสวณฺณนา นิฏฺฐิตา.
                             จุทฺทสมํ.
                   ๑๕. โมฆราชมาณวสุตฺตนิทฺเทสวณฺณนา
      [๘๕] ปณฺณรสเม โมฆราชสุตฺเต:- ทฺวาหนฺติ เทฺว วาเร อหํ. โส
หิ ปุพฺเพ อชิตสุตฺตสฺส ๒- จ ติสฺสเมตฺเตยฺยสุตฺตสฺส ๓- จ อวสาเน ทฺวิกฺขตฺตุํ
ภควนฺตํ ปุจฺฉิ, ภควา ปนสฺส อินฺทฺริยปริปากํ อาคมยมาโน น พฺยากาสิ.
เตนาห "ทฺวาหํ สกฺกํ อปุจฺฉิสฺสนฺ"ติ. ยาวตติยญฺจ เทวีสิ, พฺยากโรตีติ เม
สุตนฺติ ยาวตติยญฺจ สหธมฺมิกํ ปุฏฺโฐ วิสุทฺธิเทวภูโต อิสิ ภควา สมฺมาสมฺพุทฺโธ
@เชิงอรรถ:  ก. ธุตงฺควเสน    ขุ. สุ. ๒๕/๑๐๓๙-๔๖/๕๓๑-๒    ขุ. สุ. ๒๕/๑๐๔๗-๙/๕๓๒-๓



เนื้อความอรรถกถาฉบับภาษาบาลี อักษรไทย เล่มที่ ๔๖ หน้าที่ ๖๙. http://84000.org/tipitaka/read/attha_page.php?book=46&page=69&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=46&A=1738&modeTY=2&pagebreak=1 http://84000.org/tipitaka/atthapali/th_line.php?B=46&A=1738&modeTY=2&pagebreak=1#p69


จบการแสดงผล หน้าที่ ๖๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]