อรรถกถาเล่มที่ ๔๘ หน้าที่ ๒๗๑.

ปจฺจามิตฺเตน อกมฺปิโย อจลฏฺฐาเนน ติฏฺฐติ, เอวํ ติฏฺฐมาโน จ ตํ อาสภํ ฐานํ ปฏิชานาติ อุปคจฺฉติ น ปจฺจกฺขาติ, อตฺตนิ อาโรเปติ. เตน วุตฺตํ "อาสภํ ฐานํ ปฏิชานาตี"ติ. ปริสาสูติ ขตฺติยพฺราหฺมณคหปติสมณจาตุมหาราชิกตาวตึสมารพฺรหฺมานํ วเสน อฏฺฐสุ ปริสาสุ. สีหนาทํ นทตีติ เสฏฺฐนาทํ อฉมฺภิตนาทํ นทติ, สีหนาทสทิสํ วา นาทํ นทติ. อยมตฺโถ สีหนาทสุตฺเตน ^๑- ทีเปตพฺโพ. ยถา วา สีโห สหนโต หนนโต จ สีโหติ วุจฺจติ, เอวํ ตถาคโต โลกธมฺมานํ สหนโต ปรปฺปวาทานํ หนนโต สีโหติ วุจฺจติ. เอวํ วุตฺตสฺส สีหสฺส นาทํ สีหนาทํ. ตตฺถ ยถา สีโห สีหพเลน สมนฺนาคโต สพฺพตฺถ วิสารโท วิคตโลมหํโส สีหนาทํ นทติ, เอวํ ตถาคตสีโหปิ ตถาคตพเลหิ สมนฺนาคโต อฏฺฐสุ ปริสาสุ วิสารโท วิคตโลมหํโส "อิติ รูปนฺ"ติอาทินา ^๒- นเยน นานาวิธเทสนาวิลาสสมฺปนฺนํ สีหนาทํ นทติ. เตน วุตฺตํ "ปริสาสุ สีหนาทํ นทตี"ติ. พฺรหฺมจกฺกํ ปวตฺเตตีติ เอตฺถ พฺรหฺมนฺติ เสฏฺฐํ อุตฺตมํ วิสุทฺธํ. จกฺกสทฺโท ปนายํ:- สมฺปตฺติยํ ลกฺขเณ จ รถงฺเค อิริยาปเถ ทาเน รตนธมฺมูร จกฺกาทีสุ จ ทิสฺสติ ธมฺมจกฺเก อิธ มโต ตมฺปิ เทฺวธา วิภาวเย. "จตฺตาริมานิ ภิกฺขเว จกฺกานิ, เยหิ สมนฺนาคตานํ เทวมนุสฺสานนฺ"ติอาทีสุ ^๓- หิ อยํ สมฺปตฺติยํ ทิสฺสติ. "เหฏฺฐา ปาทตเลสุ จกฺกานิ ชาตานิ โหนฺตี"ติ ^๔- เอตฺถ ลกฺขเณ. "จกฺกํว วหโต ปทนฺ"ติ ^๕- เอตฺถ รถงฺเค. "จตุจกฺกํ นวทฺวารนฺ"ติ ^๖- เอตฺถ @เชิงอรรถ: ^๑ ๑/๑๔๖/๑๐๕ ^๒ สํ.ข. ๑๗/๗๘/๖๙ ^๓ องฺ.จตุกฺก. ๒๑/๓๑/๓๗ @ ^๕ ขุ.ธ. ๒๕/๑/๑๕ ^๖ สํ.ส. ๑๕/๒๙/๑๘

เนื้อความอรรถกถาฉบับภาษาบาลี อักษรไทย เล่มที่ ๔๘ หน้าที่ ๒๗๑. http://84000.org/tipitaka/read/attha_page.php?book=48&page=271&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=48&A=6109&modeTY=2&pagebreak=1 http://84000.org/tipitaka/atthapali/th_line.php?B=48&A=6109&modeTY=2&pagebreak=1#p271