อรรถกถาเล่มที่ ๔๘ ภาษาบาลี อักษรไทย
ปฏิสํ.อ.๒ (สทฺธมฺม.๒)
หน้าที่ ๓๐๐.

อาวชฺชนานนฺตรํ ชวนญาเณน ชานาตีติ อตฺโถ. อิตรานิ เทฺว ปทานิ
อิเมสํ ทฺวินฺนํ ปทานํ ยถากฺกเมน อตฺถปฺปกาสนตฺถํ วุตฺตานิ. พุทฺโธ อาสยํ
ชานาตีติอาทีนิ ญาณกถายํ วณฺณิตานิ. มหานิทฺเทเส ๑- ปน "ภควา อาสยํ
ชานาตี"ติ อาคตํ. ตตฺถ "พุทฺธสฺส ภควโต"ติ อาคตฏฺฐาเน จ อิธ กตฺถจิ
"พุทฺธสฺสา"ติ อาคตํ.
     อนฺตมโสติ อุปริมนฺเตน. ติมิติมิงฺคลนฺติ เอตฺถ ติมิ นาม เอกา มจฺฉชาติ,
ติมึ คิลิตุํ ๒- สมตฺถา ตโต มหนฺตสรีรา ติมิงฺคลา นาม เอกา มจฺฉชาติ, ติมิงฺคลมฺปิ
คิลิตุํ สมตฺถา ปญฺจโยชนสติกสรีรา ติมิติมิงฺคลา นาม เอกา มจฺฉชาติ. อิธ
ชาติคฺคหเณน เอกวจนํ กตนฺติ เวทิตพฺพํ. ครุฬํ เวนเตยฺยนฺติ เอตฺถ ครุโฬติ
ชาติวเสน นามํ, เวนเตยฺโยติ โคตฺตวเสน. ปเทเสติ เอกเทเส. สาริปุตฺตสมาติ
สพฺพพุทฺธานํ ธมฺมเสนาปติตฺเถเร คเหตฺวา วุตฺตนฺติ เวทิตพฺพํ. เสสสาวกา หิ
ปญฺญาย ธมฺมเสนาปติตฺเถเรน สมา นาม นตฺถิ. ยถาห "เอตทคฺคํ ภิกฺขเว มม
สาวกานํ ภิกฺขูนํ มหาปญฺญานํ ยทิทํ สาริปุตฺโต"ติ. ๓- อฏฺฐกถายญฺจ วุตฺตํ:-
               "โลกนาถํ ฐเปตฺวาน   เย จญฺเญ สนฺติ ปาณิโน
               ปญฺญาย สาริปุตฺตสฺส    กลํ นาคฺฆนฺติ โสฬสินฺ"ติ. ๔-
     ผริตฺวาติ พุทฺธญาณํ สพฺพเทวมนุสฺสานมฺปิ ปญฺญํ ปาปุณิตฺวา ฐานโต
เตสํ ปญฺญํ ผริตฺวา พฺยาปิตฺวา ติฏฺฐติ. อติฆํสิตฺวาติ พุทฺธญาณํ
สพฺพเทวมนุสฺสานมฺปิ ปญฺญํ อติกฺกมิตฺวา เตสํ อวิสยภูตมฺปิ สพฺพเนยฺยํ ฆํสิตฺวา
ภญฺชิตฺวา ติฏฺฐติ. มหานิทฺเทเส ๕- ปน "อภิภวิตฺวา"ติ ปาโฐ, มทฺทิตฺวาติปิ อตฺโถ.
เยปิ เตติอาทีหิ เอวํ ผริตฺวา อติฆํสิตฺวา ฐานสฺส ปจฺจกฺขการณํ ทสฺเสติ. ตตฺถ
@เชิงอรรถ: ๑ ขุ.มหา. ๒๙/๓๒๐/๒๑๗ (สฺยา)  ๒ สี. คลิตุํ
@๓ องฺ.เอกก. ๒๐/๑๘๙/๒๓  ๔ วิสุทฺธิ. ๒/๗  ๕ ขุ.มหา. ๒๙/๓๒๐/๒๑๗ (สฺยา)


เนื้อความอรรถกถาฉบับภาษาบาลี อักษรไทย เล่มที่ ๔๘ หน้าที่ ๓๐๐.
http://84000.org/tipitaka/read/attha_page.php?book=48&page=300&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=48&A=6766&modeTY=2&pagebreak=1
http://84000.org/tipitaka/atthapali/th_line.php?B=48&A=6766&modeTY=2&pagebreak=1#p300