ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔๙ ภาษาบาลี อักษรไทย อป.อ.๑ (วิสุทฺธ.๑)

หน้าที่ ๓๓๖.

     [๔๘๗] อปริเมยฺยุปาทายาติ อเนกสตสหสฺเส อาทึ กตฺวา. ปตฺเถมิ
ตว สาสนนฺติ "โคตมสฺส ภควโต สาสเน วินยธรานํ อคฺโค ภเวยฺยนฺ"ติ
ตุยฺหํ สาสนํ ปตฺเถมิ อิจฺฉามีติ อตฺโถ. โส เม อตฺโถติ โส เอตทคฺคฏฺ-
านนฺตรสงฺขาโต อตฺโถ เม มยา อนุปฺปตฺโตติ อตฺโถ. สพฺพสํโยชนกฺขโยติ
สพฺเพสํ สํโยชนานํ ขโย มยา อนุปฺปตฺโตติ สมฺพนฺโธ, นิพฺพานํ อธิคตนฺติ
อตฺโถ.
     [๔๘๘] ราชทณฺเฑน ตชฺชิโต ปีฬิโต สูลาวุโต สูเล อาวุโต
อาวุณิโต โปโส ปุริโส สูเล สาตํ มธุรสุขํ อวินฺทนฺโต นานุภวนฺโต
ปริมุตฺตึว ปริโมจนเมว อิจฺฉติ ยถาติ สมฺพนฺโธ.
     [๔๘๙-๙๐] มหาวีร วีรานมนฺตเร วีรุตฺตม อหํ ภวทณฺเฑน
ชาติทณฺเฑน ตชฺชิโต ปีฬิโต กมฺมสูลาวุโต กุสลากุสลกมฺมสูลสฺมึ อาวุโต
สนฺโต สํวิชฺชมาโน ปิปาสาเวทนาย ปิปาสาตุรภาเวน อฏฺฏิโต อภิภูโต
ทุกฺขาปิโต ภเว สาตํ สํสาเร สุขํ น วินฺทามิ น ลภามิ. ราคคฺคิโทสคฺคิ-
โมหคฺคิสงฺขาเตหิ, นรกคฺคิกปฺปุฏฺานคฺคิทุกฺขคฺคิสงฺขาเตหิ วา ตีหิ อคฺคีหิ
ฑยฺหนฺโต ปริมุตฺตึ ปริมุจฺจนุปายํ คเวสามิ ปริเยสามิ ตเถวาติ สมฺพนฺโธ. ยถา
ราชทณฺฑํ อิโต คโต ปตฺโต ปริมุตฺตึ คเวสติ, ตถา อหํ ภวทณฺฑปฺปตฺโต
ปริมุตฺตึ คเวสามีติ สมฺพนฺโธ.
     [๔๙๑-๒] ปุน สํสารโต โมจนํ อุปโมปเมยฺยวเสน ทสฺเสนฺโต ยถา
วิสาโทติอาทิมาห. ตตฺถ วิเสน สปฺปวิเสน อา สมนฺตโต ทํสียิตฺถ ทฏฺโ
โหตีติ วิสาโท, สปฺปทฏฺโติ อตฺโถ. อถ วา วิสํ หลาหลวิสํ อทติ คิลตีติ
วิสาโท, วิสขาทโกติ อตฺโถ. โย ปุริโส วิสาโท, เตน ตาทิเสน วิเสน
ปริปีฬิโต, ตสฺส วิสสฺส วิฆาตาย วินาสาย อุปายนํ อุปายภูตํ อคทํ โอสธํ
คเวเสยฺย ปริเยเสยฺย, ตํ คเวสมาโน วิสฆาตกํ วิสนาสกํ อคทํ โอสธํ
ปสฺเสยฺย ทกฺเขยฺย. โส ตํ อตฺตโน ทิฏฺ โอสธํ ปิวิตฺวา วิสมฺหา วิสโต
ปริมุตติยา ปริโมจนการณา สุขี อสฺส ภเวยฺย ยถาติ สมฺพนฺโธ.



เนื้อความอรรถกถาฉบับภาษาบาลี อักษรไทย เล่มที่ ๔๙ หน้าที่ ๓๓๖. http://84000.org/tipitaka/read/attha_page.php?book=49&page=336&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=49&A=8396&pagebreak=1 http://84000.org/tipitaka/atthapali/th_line.php?B=49&A=8396&pagebreak=1#p336


จบการแสดงผล หน้าที่ ๓๓๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]