อรรถกถาเล่มที่ ๔๙ หน้าที่ ๓๔๗.

ฉสตสหสฺสสงฺขฺยานํ อาคมธมฺมานํ สติปฏฺานาทีนญฺจ ปรมตฺถธมฺมานํ ธารณโต ธมฺมธโร อานนฺโท. สพฺพปาี จ สาสเนติ พุทฺธสาสเน สพฺเพสํ ปาีนํ ปนฺตานํ สชฺฌายนฺตานํ ภิกฺขูนํ อคฺโค เสฏฺโติ สพฺพปาี นาเมน อานนฺโท นาม เถโร. ธมฺมารกฺโข ตวาติ ^๑- ตว ตุยฺหํ ธมฺมสฺส ปิฏกตฺตยธมฺมภณฺฑสฺส อารกฺโข รกฺขโก ปาลโก, ธมฺมภณฺฑาคาริโกติ อตฺโถ. [๕๔๓] เอเต สพฺเพ อติกฺกมฺมาติ ภควา ภคฺยวา สมฺมาสมฺพุทฺโธ เอเต สาริปุตฺตาทโย มหานุภาเวปิ เถเร อติกฺกมฺม วชฺเชตฺวา มมํเยว ปเมสิ ^๒- ปมาณํ อกาสิ มนสิ อกาสีติ อตฺโถ. วินิจฺฉยํ เม ปาทาสีติ วินยญฺูหิ ปณฺฑิเตหิ เทสิตํ ปกาสิตํ วินเย วินิจฺฉยํ โทสวิจารณํ เม มยฺหํ ภควา ปาทาสิ ปกาเรน อทาสิ, มยฺหเมว ภารํ อกาสีติ สมฺพนฺโธ, [๕๔๔] โย โกจิ วินเย ปญฺหนฺติ โย โกจิ ภิกฺขุ พุทฺธสาวโก วินยนิสฺสิตํ ปญฺหํ มํ ปุจฺฉติ, ตตฺถ ตสฺมึ ปุจฺฉิตปเญฺห เม มยฺหํ จินฺตนา วิมติ กงฺขา นตฺถิ. ตเญฺหวตฺถํ ^๓- ตํ เอว ปุจฺฉิตํ อตฺถํ อหํ กเถมีติ สมฺพนฺโธ. [๕๔๕] ยาวตา พุทฺธเขตฺตมฺหีติ ยาวตา ยตฺตเก าเน พุทฺธสฺส อาณาเขตฺเต ตํ มหามุนึ สมฺมาสมฺพุทฺธํ เปตฺวา วินเย วินยปิฏเก วินยวินิจฺฉยกรเณ วา มาทิโส มยา สทิโส นตฺถิ, อหเมว อคฺโค, ภิยฺโย มมาธิโก กุโต ภวิสฺสตีติ สมฺพนฺโธ. [๕๔๖] ภิกฺขุสํเฆ นิสีทิตฺวา ภิกฺขุสํฆมชฺเฌ นิสินฺโน โคตโม ภควา เอวํ คชฺชติ สีหนาทํ กโรติ. กถํ? วินเย อุภโตวิภงฺเค, ขนฺธเกสุ มหาวคฺคจูฬวคฺเคสุ, จ-สทฺเทน ปริวาเร อุปาลิสฺส อุปาลินา สโม สทิโส นตฺถีติ เอวํ คชฺชติ. [๕๔๗] ยาวตาติ ยตฺตกํ พุทฺธภณิตํ พุทฺเธน เทสิตํ นวงฺคํ สุตฺตเคยฺยาทิสตฺถุสาสนํ สตฺถุนา ปกาสิตํ สพฺพํ วินโยคธํ ^๔- ตํ วินเย อนฺโตปวิฏฺ วินยมูลกํ อิจฺเจวํ ปสฺสิโน ปสฺสนฺตสฺส. @เชิงอรรถ: ^๑ ปาฬิ. ธมฺมรกฺโข ตวํ. ^๒ ปาฬิ. มเหสี. ^๓ ปาฬิ. ตญฺเวตฺถํ. ^๔ ปาฬิ. @วินเยกถิตํ.

เนื้อความอรรถกถาฉบับภาษาบาลี อักษรไทย เล่มที่ ๔๙ หน้าที่ ๓๔๗. http://84000.org/tipitaka/read/attha_page.php?book=49&page=347&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=49&A=8672&pagebreak=1 http://84000.org/tipitaka/atthapali/th_line.php?B=49&A=8672&pagebreak=1#p347