อรรถกถาเล่มที่ ๕๑ หน้าที่ ๑๑๗.

ตํ ปพฺพตํ อุปนิสฺสาย อภิญฺาโย นิพฺพตฺเตตฺวา สมณธมฺมํ อกํสุ. ตสฺมา สมณธมฺมสฺส นิสฺสยภูตตฺตา "ธมฺมิโก"เตฺวว ปากโฏ อโหสิ. อสฺสโม สุกโต มยฺหนฺติอาทินา สุเมธปณฺฑิเตน อสฺสมปณฺณสาลา จงฺกมา สหตฺถา มาปิตา วิย วุตฺตา, น จ ปน สหตฺถา มาปิตา, กินฺตุ สกฺเกน เทเวน เปสิเต วิสฺสกมฺมุนา ^๑- เทวปุตฺเตน นิมฺมิตา. ภควา ปน ตทา อตฺตโน ปุญฺานุภาเวน นิพฺพตฺตํ ตํ สมฺปทํ สนฺธาย "สาริปุตฺต ตสฺมึ ปพฺพเต:- อสฺสโม สุกโต มยฺหํ ปณฺณสาลา สุมาปิตา จงฺกมํ ตตฺถ มาเปสึ ปญฺจโทสวิวชฺชิตนฺ"ติ- อาทิมาห. ตตฺถ ปณฺณสาลาติ ปณฺณฉทนสาลา. ตตฺถาติ ตสฺมึ อสฺสมปเท. ปญฺจโทสวิวชฺชิตนฺติ ปญฺจหิ จงฺกมโทเสหิ วิวชฺชิตํ. กตเม ปญฺจ จงฺกมโทสา นาม? ถทฺธวิสมตา อนฺโตรุกฺขตา คหนจฺฉนฺนตา อติสมฺพาธตา อติวิสาลตาติ อิเมหิ ปญฺจหิ โทเสหิ วิวชฺชิตํ. อุกฺกฏฺปริจฺเฉเทน ทีฆโต สฏฺิรตโน วิตฺถารโต ทิยฑฺฒรตโน จงฺกโม วุตฺโต. อถ วา ปญฺจโทสวิวชฺชิตนฺติ ปญฺจหิ นีวรณโทเสหิ วิวชฺชิตํ ปริหีนํ อภิญฺาพลมาหรินฺติ อิมินา อุตฺตรปเทน สมฺพนฺโธ ทฏฺพฺโพ. ^๒- อฏฺคุณสมุเปตนฺติ "เอวํ สมาหิเต จิตฺเต ปริสุทฺเธ ปริโยทาเต อนงฺคเณ วิคตูปกฺกิเลเส มุทุภูเต กมฺมนิเย ิเต อาเนญฺชปฺปตฺเต"ติ เอวํ วุตฺเตหิ อฏฺคุเณหิ ^๓- สมนฺนาคตํ อภิญฺาพลํ อาหรึ อาเนสินฺติ อตฺโถ. เกจิ ปน "อฏฺหิ สมณสุเขหิ อุเปตํ, อฏฺิมานิ สมณสุขานิ นาม ธนธญฺปริคฺคหาภาโว, อนวชฺชปิณฺฑปาตปริเยสนภาโว, นิพฺพุตปิณฺฑภุญฺชนภาโว, รฏฺ ปีเฬตฺวา ธนธญฺาทีสุ คณฺหนฺเตสุ ราชปุริเสสุ @เชิงอรรถ: ^๑ ม. วิสฺสุกมฺมุนา ^๒ อภิ.อ. ๑/๓๙ @^๓ วิ.มหา.วิ. ๑/๑๒/๕, ที.สี. ๙/๒๓๔, ๒๓๖/๗๗-๘๔. @ม.มู. ๑๒/๓๘๔-๖, ๔๓๑-๓/๓๔๔, ๓๗๙-๘๐

เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๑๑๗. http://84000.org/tipitaka/read/attha_page.php?book=51&page=117&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=2627&pagebreak=1 http://84000.org/tipitaka/atthapali/th_line.php?B=51&A=2627&pagebreak=1#p117