อรรถกถาเล่มที่ ๕๑ หน้าที่ ๑๘๙.

[๒๖] ^๑- ตปุสฺสภลฺลิกา นาม อเหสุํ อคฺคุปฏฺกา สิริมา โสณา อุปฏฺิกา ทีปงฺกรสฺส สตฺถุโน. ^๑- [๒๗] อสีติหตฺถมุพฺเพโธ ทีปงฺกโร มหามุนิ โสภติ ทีปรุกฺโขว สาลราชาว ผุลฺลิโต ^๒- ปภา นิทฺธาวตี ตสฺส สมนฺตา ทสโยชเน. ^๒- [๒๘] สตสหสฺสวสฺสานิ อายุ ตสฺส มเหสิโน ตาวตา ติฏฺมาโน โส ตาเรสิ ชนตํ พหุํ. [๒๙] โชตยิตฺวาน สทฺธมฺมํ สนฺตาเรตฺวา มหาชนํ ชลิตฺวา อคฺคิกฺขนฺโธว นิพฺพุโต โส สสาวโก. [๓๐] สา จ อิทฺธิ โส จ ยโส ตานิ จ ปาเทสุ จกฺกรตนานิ สพฺพํ ตมนฺตรหิตํ ^๓- นนุ ริตฺตา สพฺพสงฺขารา"ติ. ^๔- ทีปงฺกโร ชิโน สตฺถา นนฺทารามมฺหิ นิพฺพุโต ตตฺเถว ตสฺส ชินถูโป ฉตฺตึสุพฺเพธโยชโน. ปตฺตจีวรํ ปริกฺขารํ ปริโภคญฺจ สตฺถุโน โพธิมูเล ตทา ถูโป ติโยชนสมุคฺคโต"ติ. ^๔- ตตฺถ สุเทโว นาม ขตฺติโยติ สุเทโว นามสฺส ขตฺติโย ปิตา อโหสีติ อตฺโถ. ชนิกาติ ชเนตฺติ. ปิปฺผลีติ ปิลกฺขกปีตนรุกฺโข โพธิ. อสีติหตฺถมุพฺเพโธติ อสีติหตฺถํ อุจฺจคฺคโต. ทีปรุกฺโขวาติ สมฺปชฺชลิตทีปมาลากุโล ทีปรุกฺโข วิย อาโรหปริณาหสณฺานปริปูริสมฺปนฺโน ทฺวตฺตึสวรลกฺขณานุพฺยญฺชนสมลงฺกตสรีโร วิปฺผุริตรํสิชาลาวิสรตาราคณสมุชฺชลมิว คคนตลํ ภควา ธรมานกาเล. @เชิงอรรถ: ^๑-๑ ฉ.ม. อยํ คาถา น ทิสฺสติ ^๒-๒ ฉ.ม. อิเม ปาา น ทิสฺสนฺติ @^๓ สี.,ก. สมนฺตรหิตํ ^๔-๔ ฉ.ม. พุทฺธวํสฏฺกถายํ อิมา คาถาโย น ทิสฺสนฺติ

เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๑๘๙. http://84000.org/tipitaka/read/attha_page.php?book=51&page=189&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=4216&pagebreak=1 http://84000.org/tipitaka/atthapali/th_line.php?B=51&A=4216&pagebreak=1#p189