อรรถกถาเล่มที่ ๕๑ หน้าที่ ๓๘๔.

[๓๑] เอวมหํ สํสริตฺวา ปริวชฺเชนฺโต อนาจรํ ทุกฺกรญฺจ กตํ มยฺหํ โพธิยาเยว การณา"ติ. ตตฺถ ภูมนฺตลิกฺขกุสโลติ ภูมิสิกฺขาสุ จ ^๑- อนฺตลิกฺเขสุ จ โชติจกฺกาจาเร โชติวิชฺชาย จ กุสโลติ อตฺโถ. อุปฏฺโกติ อุปฏฺายโก. สปฺปติสฺโสติ สปฺปติสฺสโย. นิพฺพุโตติ วินีโต, วิสฺสุโต วา. ตติเย ผเลติ นิมิตฺตสตฺตมี, ตติยผลาธิคมเหตุ นิพฺพุโตติ อตฺโถ. อาทายาติ มํ คเหตฺวา, วตฺตาวตฺเตสูติ ขุทฺทกวตฺตมหาวตฺเตสุ. โกวิโทติ เตสํ ปูรเณ กุสโล. น กฺวจิ ปริหายามีติ กฺวจิปิ สีเลสุ วา สมาธิสมาปตฺติอาทีสุ วา กตฺถจิ กุโตปิ น ปริหายามิ, สพฺพตฺถ เม ปริหานิ นาม น วิชฺชตีติ ทีเปติ. "น โกจิ ปริหายามี"ติปิ ปาโ, โสเยวตฺโถ. ยาวตาติ ปริจฺเฉทวจนเมตํ, ยาวตกนฺติ อตฺโถ. พุทฺธภณิตนฺติ พุทฺธวจนํ. โสภยินฺติ โสเภสึ ปกาเสสึ. มม อจฺฉริยนฺติ มม สมฺมาปฏิปตฺตึ อญฺเหิ อสาธารณํ อจฺฉริยํ อพฺภุตํ กสฺสโป ภควา ทิสฺวาติ อตฺโถ. สํสริตฺวาติ สํสาเร สํสริตฺวา. ^๒- อนาจรนฺติ อนาจารํ อกตฺตพฺพํ, อกรณียนฺติ อตฺโถ. ตสฺส ปน กสฺสปสฺส ภควโต ชาตนครํ พาราณสี นาม อโหสิ, พฺรหฺมทตฺโต นาม พฺราหฺมโณ ปิตา, ปรมคุณวตี ธนวตี นาม พฺราหฺมณี มาตา, ติสฺโส จ ภารทฺวาโช จ เทฺว อคฺคสาวกา, สพฺพมิตฺโต นามุปฏฺาโก, อนุฬา จ อุรุเวฬา จ เทฺว อคฺคสาวิกา, นิโคฺรธรุกฺโข โพธิ, สรีรํ วีสติหตฺถุพฺเพธํ อโหสิ, วีสติวสฺสสหสฺสานิ อายุ, สุนนฺทา นามสฺส อคฺคมเหสี, วิชิตเสโน นาม ปุตฺโต, ปาสาทยาเนน นิกฺขมิ. เตน วุตฺตํ:- @เชิงอรรถ: ^๑ สี.,อิ. ภูมิปริกฺขาสุ จ ^๒ ม. สนฺธาวิตฺวา

เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๓๘๔. http://84000.org/tipitaka/read/attha_page.php?book=51&page=384&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=8497&pagebreak=1 http://84000.org/tipitaka/atthapali/th_line.php?B=51&A=8497&pagebreak=1#p384