บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๑ ภาษาบาลี อักษรไทย พุทฺธ.อ. (มธุรตฺถ.) หน้าที่ ๘๑.
อถ โข เต ภิกฺขู เถรสฺส วจนํ สุตฺวา อตฺตโน อตฺตโน ปตฺตจีวรมาทาย สุวมฺมิตา วิย มหานาคา ปภินฺนกิเลสา ฉินฺนพนฺธนา อปฺปิจฺฉา สนฺตุฏฺา ปวิวิตฺตา อสํสฏฺา สีลสมาธิปญฺาวิมุตฺติวิมุตฺติาณทสฺสนสมฺปนฺนา ตรมานา สนฺนิปตึสุ. เตน วุตฺตํ:- [๔๙] "สาธูติ เต ปฏิสฺสุตฺวา นิปกา สํวุตินฺทฺริยา ปตฺตจีวรมาทาย ตรมานา อุปาคมุนฺ"ติ. ตตฺถ สาธูติ อยํ สาธุสทฺโท อายาจนสมฺปฏิจฺฉนสมฺปหํสนสุนฺทราทีสุ ทิสฺสติ. ตถา เหส "สาธุ เม ภนฺเต ภควา สงฺขิตฺเตน ธมฺมํ เทเสตู"ติอาทีสุ ๑- อายาจเน ทิสฺสติ. "สาธุ ภนฺเตติ โข โส ภิกฺขุ ภควโต ภาสิตํ อภินนฺทิตฺวา อนุโมทิตฺวา"ติอาทีสุ ๒- สมฺปฏิจฺฉเน. "สาธุ สาธุ สาริปุตฺตา"ติ อาทีสุ ๓- สมฺปหํสเน. "สาธุ ธมฺมรุจิ ราชา สาธุ ปญฺาณวา นโร สาธุ มิตฺตานมทฺทุพฺโภ ปาปสฺสากรณํ สุขนฺ"ติ- อาทีสุ ๔- สุนฺทเร. อิธ สมฺปฏิจฺฉเน. ตสฺมา สาธุ สุฏฺูติ เถรสฺส วจนํ สมฺปฏิจฺฉิตฺวาติ อตฺโถ. ๕- นิปกาติ ปณฺฑิตา ปญฺวนฺตา. สํวุตินฺทฺริยาติ อินฺทฺริเยสุ คุตฺตทฺวารา, อินฺทฺริยสํวรสมนฺนาคตาติ อตฺโถ. ตรมานาติ ตุรินา. อุปาคมุนฺติ เถรํ อุปสงฺกมึสุ. [๕๐-๕๑] อิทานิ ธมฺมเสนาปติสฺส ปวตฺตึ ทสฺเสนฺเตหิ สงฺคีติการเกหิ "ขีณาสเวหิ วิมเลหี"ติอาทิคาถาโย วุตฺตา. ตตฺถ ทนฺเตหีติ กาเยน จ จิตฺเตน จ ทนฺเตหิ. อุตฺตเม ทเมติ อรหตฺเต, นิมิตฺตตฺเถ ภุมฺมํ ทฏฺพฺพํ. เตหิ ภิกฺขูหีติ @เชิงอรรถ: ๑ สํ.สฬา. ๑๘/๑๓๑/๘๙ (สฺยา) สํ.มหา. ๑๙/๓๘๑/๑๔๓, องฺ.จตุกฺก. ๒๑/๒๕๗/๒๗๖ @๒ ม.อุ. ๑๔/๘๖/๖๗ ๓ ที.ปา. ๑๑/๓๔๙/๒๔๐ @๔ ขุ.ชา. ๒๘/๕๐/๒๐ (สฺยา) ๕ สุ.วิ. ๑/๑๘๙/๑๕๔-๕, ป.สู. ๑/๑/๒๐, สา.ป. ๒/๘เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๘๑. http://84000.org/tipitaka/read/attha_page.php?book=51&page=81&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=1797&pagebreak=1 http://84000.org/tipitaka/atthapali/th_line.php?B=51&A=1797&pagebreak=1#p81
จบการแสดงผล หน้าที่ ๘๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]