อรรถกถาเล่มที่ ๕๔ หน้าที่ ๕๓๙.

ปฏิพาหนฺติ. ตถา ทิฏฺธมฺมเวทนียาทีสุปิ สพฺพโกฏฺาเสสุ เอกมฺปิ อสมฺปฏิจฺฉิตฺวา สพฺเพ ปฏิพาหนฺติ. อเหตุอปฺปจฺจยาติ เหตุญฺจ ปจฺจยญฺจ วินา อการเณเนว ปฏิสํเวเทตีติ อตฺโถ. อยํ อาชีวกสมโย. เอวํวาทิโน เอเตปิ เหฏฺา วุตฺเตสุ การเณสุ จ พฺยาธิอาทีสุ ^๑- จ เอกมฺปิ อสมฺปฏิจฺฉิตฺวา สพฺพํ ปฏิกฺขิปนฺติ. [๙๒๔] กิญฺจนาติ ปลิโพธา. ราโค กิญฺจนนฺติ ราโค อุปฺปชฺชมาโน สตฺเต พนฺธติ ปลิพุนฺเธติ, ตสฺมา กิญฺจนนฺติ วุจฺจติ. โทสโมเหสุปิ เอเสว นโย. องฺคณานีติ "อุทงฺคเณ ตตฺถ ปปํ อวินฺทุนฺ"ติ ^๒- อาคตฏฺาเน ภูมิปเทโส องฺคณํ. "ตสฺเสว รชสฺส วา องฺคณสฺส วา ปหานาย วายมตี"ติ ^๓- อาคตฏฺาเน ยงฺกิญฺจิ มลํ วา ปงฺโก วา. "สงฺคโณว สมาโน"ติ ^๔- อาคตฏฺาเน นานปฺปกาโร ติพฺพกิเลโส. อิธาปิ ตเทว กิเลสงฺคณํ อธิปฺเปตํ. เตเนว ราโค องฺคณนฺติอาทิมาห. มลานีติ มลีนภาวกรณานิ. ราโค มลนฺติ ราโค อุปฺปชฺชมาโน จิตฺตํ มลีนํ กโรติ, มลํ คาหาเปติ, ตสฺมา มลนฺติ วุจฺจติ. อิตเรสุปิ ทฺวีสุ เอเสว นโย. วิสมนิทฺเทเส ยสฺมา ราคาทีสุ เจว กายทุจฺจริตาทีสุ จ สตฺตา ปกฺขลนฺติ, ปกฺขลิตา จ ปน สาสนโตปิ สุคติโตปิ ปตนฺติ, ตสฺมา ปกฺขลนปาตเหตุโต ราโค วิสมนฺติอาทิ วุตฺตํ. อคฺคีติ อนุทหนฏฺเน อคฺคิ. ราคคฺคีติ ราโค อุปฺปชฺชมาโน สตฺเต อนุทหติ ฌาเปติ, ตสฺมา อคฺคีติ วุจฺจติ. โทสโมเหสุปิ เอเสว นโย. ตตฺถ วตฺถูนิ:- เอกา กิร ทหรภิกฺขุนี จิตฺตลปพฺพตวิหาเร อุโปสถาคารํ คนฺตฺวา @เชิงอรรถ: ^๑ ฉ.ม. พฺยาธีสุ ^๒ ขุ.ชา. ๒๗/๒/๑ (สฺยา) @^๓ ม.มู. ๑๒/๑๘๔/๑๕๕, องฺ.ทสก. ๒๔/๕๑/๗๓ ^๔ ม.มู. ๑๒/๕๗/๓๒

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๓๙. http://84000.org/tipitaka/read/attha_page.php?book=54&page=539&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12670&pagebreak=1 http://84000.org/tipitaka/atthapali/th_line.php?B=54&A=12670&pagebreak=1#p539