ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๑๔๐.

ตถา เวทนาทิมูลเกสูติ วีสติ. อายตเนสุ จกฺขฺวายตนมูลเก จกฺเก เอกาทส, ตถา
เสเสสูติ ทฺวตฺตึสสตํ. ธาตูสุ จกฺขุธาตุมูลเก จกฺเก สตฺตรส, ตถา เสเสสูติ
ฉาธิกานิ ตีณิ สตานิ. อินฺทฺริเยสุ จกฺขุนฺทฺริยมูลเก จกฺเก เอกวีสติ, ตถา
เสเสสูติ ทฺวาสฏฺฐาธิกานิ จตฺตาริ สตานิ. เอวํ สพฺพานิปิ วีสาธิกานิ นว
นิคฺคหปญฺจกสตานิ โหนฺติ.
     [๓๗-๔๕] ปรวาทีปกฺเขปิ รูปํ อุปลพฺภตีติ อนุโลมวเสเนว รูปเวทนาทีนํ
อญฺญตฺตปฏิญฺญํ กาเรตฺวา ปุน อตฺถิ ปุคฺคโลติ สุตฺตํ นิสฺสาย ฉลวเสน ปุคฺคลสฺส
รูปาทีหิ อุปลทฺธิสามญฺญํ อาโรเปตฺวา อญฺญตฺตานุโยโค กโต. เสสมิธาปิ อตฺถโต
อุตฺตานเมว. ธมฺมโตปิ สกวาทีปกฺเข วุตฺตนเยน วีสาธิกานิ นว ปฏิกมฺมปญฺจกสตานิ.
                รูปาทีหิ สทฺธึ โอปมฺมวเสน สจฺฉิกฏฺฐสํสนฺทนํ.
                          ------------
                       ๗. จตุกฺกนยสํสนฺทนวณฺณนา
     [๔๖-๕๒] อิทานิ ยํ สจฺฉิกฏฺฐปรมตฺเถน อุปลพฺภติ, เตน ยสฺมา
รูปาทีสุ สตฺตปญฺญาสาย สจฺฉิกฏฺฐปรมตฺเถสุ อญฺญตเรน ภวิตพฺพํ, รูปาทินิสฺสิเตน
วา อญฺญตฺร วา รูปาทีหิ รูปาทีนํ วา นิสฺสเยน, ตสฺมา อิมินา จตุกฺกนเยน
สจฺฉิกฏฺฐสํสนฺทนํ อารทฺธํ. ตตฺถ รูปํ ปุคฺคโลติ อนุโยโค สกวาทิสฺส,
อุจฺเฉททิฏฺฐิภเยน น เหวนฺติ ปฏิกฺเขโป ปรวาทิสฺส, นิคฺคหาโรปนํ สกวาทิสฺส.
กึ ปเนตํ ยุตฺตํ, นนุ รูปํ เวทนาติ วุตฺตมฺปิ ปฏิกฺขิปิตพฺพเมวาติ? อาม
ปฏิกฺขิปิตพฺพํ, ตํ ปน รูปโต เวทนาย อญฺญสภาวสพฺภาวโต, น อญฺญตฺตาภาวโต.
อยญฺจ รูปาทีสุ เอกธมฺมโตปิ ปุคฺคลสฺส อญฺญตฺตํ น อิจฺฉติ, ตสฺมา ยุตฺตํ.
อยญฺจ อนุโยโค รูปํ ปุคฺคลํ ฯเปฯ อญฺญาตาวินฺทฺริยํ ปุคฺคโลติ สกลํ
ปรมตฺถสจฺจํ สนฺธาย อารทฺโธ, สกลํ ปน ปจฺจตฺตลกฺขณวเสน เอกโต วตฺตุํ น



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๔๐. http://84000.org/tipitaka/read/attha_page.php?book=55&page=140&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=3126&modeTY=2&pagebreak=1 http://84000.org/tipitaka/atthapali/th_line.php?B=55&A=3126&modeTY=2&pagebreak=1#p140


จบการแสดงผล หน้าที่ ๑๔๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]