อรรถกถาเล่มที่ ๕๕ หน้าที่ ๒๐๗-๒๐๘.

หน้าที่ ๒๐๗.

โชติปาลกาลํ สนฺธาย ปฏิญฺญา ตสฺเสว. สาวโก หุตฺวาติอาทีสุปิ เอเสว นโย. อนุสฺสวิโยติ อนุสฺสเวน ปฏิวิทฺธธมฺโม. ปจฺฉิมภวํ สนฺธาย ปฏิกฺขิปิตฺวา โชติปาลกาเล อนุสฺสวํ สนฺธาย ปฏิชานาติ. [๔๐๔] อญฺญํ สตฺถารนฺติ อาฬารญฺจ รามปุตฺตญฺจ สนฺธาย วุตฺตํ. อายสฺมา อานนฺโทติอาทิ "โอกฺกนฺตนิยามาว สาวกา โหนฺติ, น อิตเร โอกฺกนฺตนิยามา เอวรูปา โหนฺตี"ติ ทสฺเสตุํ วุตฺตํ. สาวโก ชาตึ วีติวตฺโตติ ยาย ชาติยา สาวโก, ตํ วีติวตฺโต อญฺญสฺมึ ภเว อสาวโก โหตีติ ปุจฺฉติ, อิตโร โสตาปนฺนาทีนํ สาวกภาวโต ^๑- ปฏิกฺขิปติ. เสสเมตฺถ อุตฺตานตฺถเมวาติ. นิยาโมกฺกนฺติกถาวณฺณนา นิฏฺฐิตา. ----------- ๙. อปราปิสมนฺนาคตกถาวณฺณนา [๔๐๖] อิทานิ อปราปิ สมนฺนาคตกถา นาม โหติ. ตตฺถ เยสํ "จตุตฺถมคฺคฏฺโฐ ปุคฺคโล ปตฺติธมฺมวเสน ตีหิ ผเลหิ สมนฺนาคโต"ติ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ เหฏฺฐา จตูหิ ผเลหิ สมนฺนาคตกถาย วุตฺตนเยเนว เวทิตพฺพนฺติ. อปราปิสมนฺนาคตกถาวณฺณนา นิฏฺฐิตา. ------------- ๑๐. สพฺพสญฺโญชนปฺปหานกถาวณฺณนา [๔๑๓] อิทานิ สพฺพสญฺโญชนปฺปหานกถา นาม โหติ. ตตฺถ เยสํ "นิปฺปริยาเยเนว สพฺพสญฺโญชนปฺปหานํ อรหตฺตนฺ"ติ ลทฺธิ เสยฺยถาปิ เอตรหิ @เชิงอรรถ: ^๑ ฉ.ม. โสตาปนฺนาทิสาวกภาวโต

--------------------------------------------------------------------------------------------- หน้าที่ ๒๐๘.

อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ปุน สพฺเพ สญฺโญชนาติ ปุฏฺโฐ เหฏฺฐา วุตฺตมคฺคตฺตเยน ปหีนํ ^๑- สนฺธาย ปฏิกฺขิปติ. ทุติยํ ปุฏฺโฐ เตน มคฺเคน อปฺปหีนสฺส อภาวา ปฏิชานาติ. สกฺกายทิฏฺฐิอาทีสุปิ ปฐมมคฺเคน ปหีนภาวํ สนฺธาย ปฏิกฺขิปติ, จตุตฺถมคฺเคน อนวเสสปฺปหานํ สนฺธาย ปฏิชานาติ. เอเสว นโย สพฺพตฺถาติ. สพฺพสญฺโญชนปฺปหานกถาวณฺณนา นิฏฺฐิตา. จตุตฺโถ วคฺโค สมตฺโต. ----------- ๕. ปญฺจมวคฺค ๑. วิมุตฺติกถาวณฺณนา [๔๑๘] อิทานิ วิมุตฺติกถา นาม โหติ. ตตฺถ วิปสฺสนา, มคฺโค, ผลํ, ปจฺจเวกฺขณญาณนฺติ ^๒- จตุนฺนํ ญาณานํ วิมุตฺติญาณนฺติ นามํ. เตสุ วิปสฺสนาญาณํ นิจฺจนิมิตฺตารมฺมณาทีหิ วา ^๓- วิมุตฺตตฺตา ตทงฺควิมุตฺติภาเวน วา วิมุตฺตตฺตา วิมุตฺติญาณํ. มคฺโค สมุจฺเฉทวิมุตฺติ, ผลํ ปฏิปฺปสฺสทฺธิวิมุตฺติ, ปจฺจเวกฺขณ- ญาณมฺปน วิมุตฺตึ ชานาตีติ วิมุตฺติญาณํ. เอวํ จตุพฺพิเธ วิมุตฺติญาเณ นิปฺปริยาเยน ผลญาณเมว วิมุตฺตํ, ^๔- เสสานิ "วิมุตฺตานี"ติ วา "อวิมุตฺตานี"ติ วา น วตฺตพฺพานิ. ตสฺมา "อิทนฺนาม วิมุตฺติญาณํ วิมุตฺตนฺ"ติ อวตฺวา อวิเสเสเนว "วิมุตฺติญาณํ วิมุตฺตนฺ"ติ เยสํ ลทฺธิ เสยฺยถาปิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ^๕- ปุน ยงฺกิญฺจีติ ปุฏฺโฐ ปจฺจเวกฺขณาทีนิ สนฺธาย ปฏิกฺขิปติ. ปฏิปนฺนสฺสาติ ปุฏฺโฐ มคฺคญาณสฺส อนาสวตํ สนฺธาย @เชิงอรรถ: ^๑ ฉ.ม. ปหีเน ^๒ ฉ.ม. ปจฺจเวกฺขณนฺติ ^๓ ฉ.ม. นิจฺจนิมิตฺตาทีหิ @^๔ ฉ.ม. วิมุตฺติ ^๕ ฉ.ม. ปรวาทิสฺส

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๐๗-๒๐๘. http://84000.org/tipitaka/read/attha_page.php?book=55&page=207&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4645&modeTY=2&pagebreak=1 http://84000.org/tipitaka/atthapali/th_line.php?B=55&A=4645&modeTY=2&pagebreak=1#p207