ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๐๙.

ปฏิชานาติ. ยสฺมา ปเนตํ ๑- โสตาปนฺนสฺส ผเล ฐิตสฺส ญาณํ น โหติ, ตสฺมา
วิมุตฺติ ๒- นาม น โหตีติ โจทนตฺถํ ปุน สกวาที โสตาปนฺนสฺสาติอาทิมาห.
อิมินา อุปาเยน สพฺพตฺถ อตฺโถ เวทิตพฺโพติ.
                       วิมุตฺติกถาวณฺณนา นิฏฺฐิตา.
                           ----------
                       ๒. อเสกฺขญาณกถาวณฺณนา
     [๔๒๑] อิทานิ อเสกฺขกถา นาม โหติ. ตตฺถ ยสฺมา อานนฺทตฺเถราทโย
เสกฺขา "อุฬาโร ภควา"ติอาทินา นเยน อเสกฺเข ชานนฺติ, ตสฺมา "เสกฺขสฺส
อเสกฺขญาณํ อตฺถี"ติ เยสํ ลทฺธิ เสยฺยถาปิ อุตฺตราปถกานํ, เต สนฺธาย ปุจฺฉา
สกวาทิสฺส, ปฏิญฺญา อิตรสฺส. ชานาติ ปสฺสตีติ อิทํ อตฺตนา อธิคตสฺส
ชานนวเสน วุตฺตํ. โคตฺรภุโนติอาทิ เหฏฺฐิมาย ภูมิยํ ฐิตสฺส อุปรูปริญาณสฺส
อภาวทสฺสนตฺถํ วุตฺตํ. นนุ อายสฺมา อานนฺโท เสกฺโข "อุฬาโร ภควา"ติ
ชานาตีติ ปรวาที อเสกฺโข ภควาติ ๓- ปวตฺตตฺตา ตํ อเสกฺขญาณนฺติ อิจฺฉติ,
น ปเนตํ อเสกฺขํ, ตสฺมา เอวํ ปติฏฺฐาปิตาปิ ลทฺธิ อปฺปติฏฺฐาปิตาว โหตีติ.
                     อเสกฺขญาณกถาวณฺณนา นิฏฺฐิตา.
                           ----------
                         ๓. วิปรีตกถาวณฺณนา
     [๔๒๔] อิทานิ วิปรีตกถา นาม โหติ. ตตฺถ "ยฺวายํ ปฐวีกสิเณ
ปฐวีสญฺญี สมาปชฺชติ, ตสฺส ตํ ญาณํ วิปรีตญาณนฺ"ติ เยสํ ลทฺธิ เสยฺยถาปิ
อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส, ปฐวึ นิสฺสาย
อุปฺปนฺนนิมิตฺตญฺหิ น ปฐวีเยว, ตตฺร จายํ ปฐวีสญฺญึ สมาปชฺชติ. ๔- ตสฺมา
วิปรีตํ ตํ ญาณนฺติ ๕- อยเมตสฺส อธิปฺปาโย. ตโต สกวาที "ลกฺขณปฐวีปิ
@เชิงอรรถ:  ฉ.ม. ยสฺมา ปน ตํ             ฉ.ม. วิมุตฺตํ      ฉ.ม. อเสเข ภควติ
@ ฉ.ม. "ปฐวึ สมาปชฺชตี"ติ ปาฐา น ทิสฺสนฺติ           ฉ.ม. วิปรีตญาณนฺติ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๐๙. http://84000.org/tipitaka/read/attha_page.php?book=55&page=209&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4689&modeTY=2&pagebreak=1 http://84000.org/tipitaka/atthapali/th_line.php?B=55&A=4689&modeTY=2&pagebreak=1#p209


จบการแสดงผล หน้าที่ ๒๐๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]