บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.) หน้าที่ ๒๑๖.
อินฺทฺริยปุคฺคลปโรปริยตฺติโย, ตาสํ อตฺถิตาย ตสฺส ตสฺส ปุคฺคลสฺส เตสํ เตสํ อินฺทฺริยานํ วเสเนว ตํ ตํ ผลํ ชานนฺติ, กินฺเต สาวกสฺสาปิ เอตา ปโรปริยตฺติโย อตฺถีติ. อตฺถิ สาวกสฺส ขนฺธปญฺญตฺตีติอาทีนิปิ "ยทิ เต สาวกสฺส พุทฺธานํ วิย ผเล ญาณํ อตฺถิ, อิมาหิปิสฺส ปญฺญตฺตีหิ ภวิตพฺพํ, กิมสฺส ตา อตฺถิ, สกฺโกติ โส เอตา ปญฺญตฺติโย อตฺตโน พเลน ชานิตุํ วา ปญฺญาเปตุํ วา"ติ โจทนตฺถํ วุตฺตานิ. สาวโก ชิโนติอาทิ "ยทิ สาวกสฺส พุทฺธานํ วิย ผเล ญาณํ อตฺถิ, เอวํ สนฺเต เสฺวว ชิโน"ติ โจทนตฺถํ วุตฺตํ. สาวโก อนุปฺปนฺนสฺสาติ ปเญฺหปิ อยเมว นโย. อญฺญาณีติ ปเญฺห อวิชฺชาสงฺขาตสฺส อญฺญาณสฺส วิหตตฺตา ปฏิกฺขิตฺโต, น ปนสฺส พุทฺธานํ วิย ผเล ญาณํ อตฺถิ. ตสฺมา อปฺปติฏฺฐิโตว ปรวาทีวาโทติ. ผลญาณกถาวณฺณนา นิฏฺฐิตา. ปญฺจโม วคฺโค นิฏฺฐิโต. มหาปณฺณาสโก สมตฺโต. ------------- ๖. ฉฏฺฐวคฺค ๑. นิยามกถาวณฺณนา [๔๔๕-๔๔๗] อิทานิ นิยามกถา นาม โหติ. ตตฺถ นิยาโมติ "ภพฺพา นิยามํ โอกฺกมิตุํ กุสเลสุ ธมฺเมสุ สมฺมตฺตนฺ"ติ ๑- วจนโต อริยมคฺโค วุจฺจติ. ยสฺมา ปน ตสฺมึ อุปฺปชฺชิตฺวา นิรุทฺเธปิ ปุคฺคโล อนิยโต นาม น โหติ, ตสฺมา "โส นิยาโม นิจฺจฏฺเฐน อสงฺขโต"ติ เยสํ ลทฺธิ เสยฺยถาปิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ตโต "ยทิ โส อสงฺขโต, เอวรูเปน เตน ภวิตพฺพนฺ"ติ ทีเปนฺโต นิพฺพานนฺติอาทิมาห. สํสนฺทนปุจฺฉา อุตฺตานตฺถาเยว. @เชิงอรรถ: ๑ อภิ. ๓๖/๑๓/๑๒๐เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๑๖. http://84000.org/tipitaka/read/attha_page.php?book=55&page=216&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4852&modeTY=2&pagebreak=1 http://84000.org/tipitaka/atthapali/th_line.php?B=55&A=4852&modeTY=2&pagebreak=1#p216
จบการแสดงผล หน้าที่ ๒๑๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]