ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๔๙.

อุปปตฺเตสิยกฺขนฺธานญฺจ กิริยากฺขนฺธานญฺจ วเสน วุตฺตํ. ตตฺถ ปฐมปเญฺห ขนฺธลกฺขณ-
วเสน กิริยาวเสน ๑- จ ปญฺเจว นาม เต ขนฺธาติ ปฏิกฺขิปติ. ทุติยปเญฺห
ปุริมปจฺฉิมวเสน อุปปตฺเตสิยกิริยาวเสน จ นานตฺตํ สนฺธาย ปฏิชานาติ. ทฺวินฺนมฺปน
ผสฺสานํ จิตฺตานญฺจ สโมธานํ ปุฏฺโฐ สุตฺตเลสาภาเวน ปฏิกฺขิปติ.
     กิริยา จตฺตาโรติ รูเปน วินา กุสลา วา อกุสลา วา จตฺตาโร คหิตา.
กิริยาญาณนฺติ ปรวาทินา จกฺขุวิญฺญาณสมงฺคิกฺขเณ อรหโต อนุญฺญาตํ อนารมฺมณ-
ญาณํ. นิรุทฺเธ มคฺโค อุปฺปชฺชตีติ ปุจฺฉา ปรวาทิสฺส, อนิรุทฺเธ อนุปฺปชฺชนโต
ปฏิญฺญา สกวาทิสฺส. มโต มคฺคํ ภาเวตีติ ฉเลน ปุจฺฉา ปรวาทิสฺส.
ยสฺมา ปน ปฏิสนฺธิโต ยาว จุติจิตฺตา สตฺโต ชีวติเยว นาม, ตสฺมา สกวาที
น เหวนฺติ ปฏิกฺขิปติ.
                      นิโรธกถาวณฺณนา นิฏฺฐิตา.
                         -----------
                      ๒. รูปํมคฺโคติกถาวณฺณนา
     [๕๗๓-๕๗๕] อิทานิ รูปํ มคฺโคติกถา นาม โหติ. ตตฺถ เยสํ
"สมฺมาวาจากมฺมนฺตาชีวา รูปนฺ"ติ ลทฺธิ เสยฺยถาปิ มหิสาสกสมิติยมหาสํฆิกานํ,
เต สนฺธาย มคฺคสมงฺคิสฺสาติ ปุจฺฉา สกวาทิสฺส, ปฏิญฺญา อิตรสฺส. อถ นํ
"ยทิ เต สมฺมาวาจาทโย รูปํ, น วิรติโย, ยถา สมฺมาทิฏฺฐาทิมคฺโค สารมฺมณาทิ-
สภาโว, เอวํ ตมฺปิ รูปํ สิยา"ติ โจเทตุํ สารมฺมโณติอาทิมาห. ตตฺถ ปฏิกฺเขโป
จ ปฏิญฺญา จ ปรวาทิโน ลทฺธิวเสน ๒- เวทิตพฺพา. เสสเมตฺถ อุตฺตานตฺถเมวาติ.
                     รูปํมคฺโคติกถาวณฺณนา นิฏฺฐิตา.
                          ------------
@เชิงอรรถ:  ฉ.ม. กิริยวเสน    ฉ.ม. ลทฺธิอนุรูเปน



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๔๙. http://84000.org/tipitaka/read/attha_page.php?book=55&page=249&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5606&modeTY=2&pagebreak=1 http://84000.org/tipitaka/atthapali/th_line.php?B=55&A=5606&modeTY=2&pagebreak=1#p249


จบการแสดงผล หน้าที่ ๒๔๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]