ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๖๕.

                      ๘. ชีวิตาโวโรปนกถาวณฺณนา
     [๖๔๘-๖๔๙] อิทานิ ชีวิตาโวโรปนกถา นาม โหติ. ตตฺถ ยสฺมา
โทสสมฺปยุตฺตจิตฺเตน ปาณาติปาโต โหติ, โทโส จ ทิฏฺฐิสมฺปนฺนสฺส อปฺปหีโน,
ตสฺมา "ทิฏฺฐิสมฺปนฺโน สญฺจิจฺจ ปาณํ ชีวิตา โวโรเปยฺยา"ติ  เยสํ ลทฺธิ
เสยฺยถาปิ ปุพฺพเสลิยานํ, ๑- เต สนฺธาย ทิฏฺฐิสมฺปนฺโนติ ปุจฺฉา สกวาทิสฺส,
ปฏิญฺญา อิตรสฺส. สญฺจิจฺจ มาตรนฺติอาทิปเญฺหสุ ปน "อฏฺฐานเมตํ อนวกาโส"ติ
สุตฺตภเยน ปฏิกฺขิปติ. สตฺถริ อคารโวติอาทิ สตฺถาราทีสุ สคารวสฺส สิกฺขาปทํ ๒-
วีติกฺกมาภาวทสฺสนตฺถํ วุตฺตํ. อิตโร ปน อกุสลวเสน ตสฺส อคารโว นาม
นตฺถีติ ปฏิกฺขิปิตฺวา สคารวภาวญฺจ สมฺปฏิจฺฉิตฺวา ปุน อคารโวติ ปุฏฺโฐ เตสุ
เตสุ กิจฺเจสุ ปสุตตาย วิกฺขิตฺตานํ อสติยา อมนสิกาเรน เจติเย อภิวาทน-
ปทกฺขิณกรณาภาวํ สนฺธาย ปฏิชานาติ. ปุน โอหเนยฺยาติอาทินา ๓- นเยน ปุฏฺโฐ
ตาทิสาย กิริยาย สญฺจิจฺจ อกรณโต ปฏิกฺขิปติ. เสสเมตฺถ อุตฺตานตฺถเมวาติ.
                    ชีวิตาโวโรปนกถาวณฺณนา นิฏฺฐิตา.
                          ------------
                         ๙. ทุคฺคติกถาวณฺณนา
     [๖๕๐-๖๕๒] อิทานิ ทุคฺคติกถา นาม โหติ. ตตฺถ เย ทุคฺคติญฺจ
ทุคฺคติสตฺตานํ รูปาทิอารมฺมณํ ตณฺหญฺจาติ อุภยมฺปิ ทุคฺคตีติ คเหตฺวา ปุน ตถา
อวิภชิตฺวา อวิเสเสเนว "ทิฏฺฐิสมฺปนฺนสฺส ปหีนา ทุคฺคตี"ติ วทนฺติ เสยฺยถาปิ
อุตฺตราปถกานํ, ๔- เต สนฺธาย ปุจฺฉา สกวาทิสฺส, ปฏิญฺญา อิตรสฺส. อาปายิเก
รูเป รชฺเชยฺยาติอาทิ ปรวาทิโน ลทฺธิยา ทิฏฺฐิสมฺปนฺนสฺส ทุคฺคติ อปฺปหีนา,
ตสฺสา ๕- วเสน โจเทตุํ วุตฺตํ. เสสเมตฺถ อุตฺตานตฺถเมว. นิรยํ อุปปชฺเชยฺยาติอาทิ
@เชิงอรรถ:  ฉ.ม. ปุพฺพเสลิยาปรเสลิยานํ     ฉ.ม. สิกฺขาปทสฺส
@ ฉ.ม. โอหเทยฺยาติ   ฉ.ม. อุตฺตราปถกา    ฉ.ม. ตสฺส



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๖๕. http://84000.org/tipitaka/read/attha_page.php?book=55&page=265&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5967&modeTY=2&pagebreak=1 http://84000.org/tipitaka/atthapali/th_line.php?B=55&A=5967&modeTY=2&pagebreak=1#p265


จบการแสดงผล หน้าที่ ๒๖๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]