อรรถกถาเล่มที่ ๖ หน้าที่ ๓๑.

โลกิยโลกุตฺตโร ธมฺโม. เตนาห "ธมฺมทีปา ธมฺมสรณา อนญฺญสรณา"ติ. "กาเย กายานุปสฺสี"ติ อาทีนิ มหาสติปฏฺฐาเน วิตฺถาริตานิ. โคจเรติ จริตุํ ยุตฺตฏฺฐาเน. สเกติ อตฺตโน สนฺตเก. เปตฺติเก วิสเยติ ปิติโต อาคตวิสเย. จรตนฺติ วิจรนฺตานํ. ^๑- "จรนฺตนฺ"ติปิ ปาโฐ, อยเมวตฺโถ. น ลจฺฉตีติ น ลภิสฺสติ น ปสฺสิสฺสติ. มาโรติ เทวปุตฺตมาโรปิ มจฺจุมาโรปิ กิเลสมาโรปิ. โอตารนฺติ รนฺธํ ฉิทฺทํ วิวรํ. อยํ ปนตฺโถ เลฑฺฑุฏฺฐานโต นิกฺขมฺม โตรเณ นิสีทิตฺวา พาลาตปํ ตปนฺตํ ลาปํ สกุณํ คเหตฺวา ปกฺขนฺทเสนสกุณวตฺถุนา ทีเปตพฺโพ. วุตฺตํ เหตํ:- ภูตปุพฺพํ ภิกฺขเว สกุณคฺฆี ลาปํ สกุณํ สหสา อชฺฌปฺปตฺตา อคฺคเหสิ. อถโข ภิกฺขเว ลาโป สกุโณ สกุณคฺฆิยา หริยมาโน เอวํ ปริเทเวสิ "มยเมวมฺห อลกฺขิกา, มยํ อปฺปปุญฺญา, เย มยํ อโคจเร จริมฺห ปรวิสเย, สเจชฺช มยํ โคจเร จเรยฺยาม สเก เปตฺติเก วิเสย, น มฺยายํ สกุณคฺฆี อลํ อภวิสฺส ยทิทํ ยุทฺธายา"ติ. โก ปน เต ลาป โคจโร สโก เปตฺติโก วิสโยติ. ยทิทํ นงฺคลฏฺฐกรณํ เลฑฺฑุฏฺฐานนฺติ. อถโข ภิกฺเขเว สกุณคฺฆี สเก พเล อปตมานา ^๒- ลาปํ สกุณํ มุญฺจิ "คจฺฉ โข ตฺวํ ลาป, ตตฺรปิ คนฺตฺวา น โมกฺขสี"ติ. อถโข ภิกฺขเว ลาโป สกุโณ นงฺคลกฏฺฐกรณํ เลฑฺฑุฏฺฐานํ คนฺตฺวา มหนฺตํ เลฑฺฑุํ อภิรูหิตฺวา สกุณคฺฆึ อปตมาโน ^๓- อฏฺฐาสิ "เอหิ โขทานิ เม สกุณคฺฆิ, เอหิ โขทานิ เม สกุณคฺฆี"ติ. อถโข สา ภิกฺขเว สกุณคฺฆี สเก พเล อปตฺถทฺธา สเก พเล อปตมานา อุโภ ปกฺเข สนฺนยฺห ลาปํ สกุณํ สหสา อชฺฌปฺปตฺตา. ยทา โข ภิกฺขเว อญฺญาสิ ลาโป สกุโณ ปหุอาคตา โข มฺยายํ สกุณคฺฆีติ, อถโข ตสฺเสว เลฑฺฑุสฺส อนฺตรํ ปจฺจุปาทิ. อถโข ภิกฺขเว สกุณคฺฆี ตตฺเถว อุรํ ปจฺจตาเลสิ. เอวญฺหิ ตํ ภิกฺขเว โหติ โย อโคจเร จรติ ปรวิสเย. ตสฺมาติห ภิกฺขเว มา อโคจเร จริตฺถ ปรวิสเย, อโคจเร ภิกฺขเว จรตํ ปรวิสเย ลจฺฉติ มาโร โอตารํ, ลจฺฉติ มาโร อารมฺมณํ. @เชิงอรรถ: ^๑ ฉ.ม., อิ. จรนฺตานํ ^๒ ฉ.ม. อสํวทมานา. ^๓ ฉ.ม. วทมาโน

เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๓๑. http://84000.org/tipitaka/read/attha_page.php?book=6&page=31&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=767&modeTY=2&pagebreak=1 http://84000.org/tipitaka/atthapali/th_line.php?B=6&A=767&modeTY=2&pagebreak=1#p31