ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๖ ภาษาบาลี อักษรไทย ที.อ. (สุมงฺคล.๓)

หน้าที่ ๕.

อาทิวจนมโวจ. ตตฺถ ตฺวํปิ นามาติ ครหฏฺเ ปิกาโร. ครหนฺโต หิ นํ ภควา
"ตฺวํปิ นามา"ติ อาห. "ตฺวํปิ นาม เอวํ หีนชฺฌาสโย, อหํ สมโณ
สกฺยปุตฺติโยติ เอวํ ปฏิชานิสฺสสี"ติ อยญฺเหตฺถ อธิปฺปาโย. กึ ปน มํ ภนฺเตติ
ภนฺเต มยฺหํ กึ คารยฺหํ ทิสฺวา ภควา "เอวมาหา"ติ ปุจฺฉติ. อถสฺส ภควา
อาจิกฺขนฺโต "นนุ เต"ติ อาทิมาห. มจฺฉรายตีติ "มา อญฺสฺส อรหตฺตํ
โหตู"ติ กึ ภควา เอวํ  อรหตฺตสฺส มจฺฉรายตีติ ปุจฺฉติ. น โข อหนฺติ
อหํ โมฆปุริส สเทวกสฺส โลกสฺส อรหตฺตปฏิลาภเมว ปจฺจาสึสามิ, ๑-
เอตทตฺถเมว เม พหูนิ ทุกฺกรานิ กโรนฺเตน ปารมิโย ปูริตา, น โข อหํ
โมฆปุริส อรหตฺตสฺส มจฺฉรายามิ. ปาปกํ ทิฏฺิคตนฺติ อนรหนฺเต ๒- อรหาติ,
อรหนฺเต จ อนรหนฺโตติ เอวํ ตสฺส ทิฏฺิ อุปฺปนฺนา. ตํ สนฺธาย "ปาปกํ
ทิฏฺิคตนฺ"ติ อาห. ยํ โข ปนาติ ยํ เอตํ อเจลํ เอวํ มญฺสิ. สตฺตมํ
ทิวสนฺติ สตฺตเม ทิวเส. อลสเกนาติ อลสกพฺยาธินา. กาลํ กริสฺสตีติ
อุทฺธุมาตกอุทโร ๓- มริสฺสติ.
     กาลกญฺชิกาติ เตสํ อสุรานํ นามํ. เตสํ กิร ติคาวุโต อตฺตภาโว
อปฺปมํสโลหิโต ปุราณปณฺณสทิโส กกฺกฏกานํ วิย อกฺขีนิ นิกฺขมิตฺวา มตฺถเก
ติฏฺนฺติ, มุขํ สูจิปาสกสทิสํ มตฺถกสฺมึ เยว โหติ, เตน โอนเมตฺวา โคจรํ
คณฺหนฺติ. วีรณตฺถมฺภเกติ ๔- วีรณตฺถมฺโภ ตสฺมึ สุสาเน อตฺถิ, ตสฺมา ตํ
วีรณตฺถมฺภกนฺติ วุจฺจติ.
     เตนุปสงฺกมีติ ภควติ เอตฺตกํ วตฺวา ตสฺมึ คาเม ปิณฺฑาย จริตฺวา
วิหารํ คเต วิหารา นิกฺขมิตฺวา อุปสงฺกมิ. เยน ตฺวนฺติ เยน การเณน ตฺวํ.
ยสฺมาปิ ภควตา พฺยากโต, ตสฺมาติ อตฺโถ. มตฺตํ มตฺตนฺติ ปมาณยุตฺตํ
ปมาณยุตฺตํ. "มนฺตา มนฺตา"๕- ติปิ ปาโ, ปญฺาย อุปปริกฺขิตฺวา อุปปริกฺขิตฺวาติ
อตฺโถ. ยถา สมณสฺส โคตมสฺสาติ ยถา สมณสฺส โคตมสฺส มิจฺฉาวจนํ อสฺส,
ตถา กเรยฺยาสีติ อาห. เอวํ วุตฺเต อเจโล สุนโข วิย อุทฺธนฏฺาเน นิปนฺโน
สีสํ อุกฺขิปิตฺวา อกฺขีนิ อุมฺมิเลตฺวา โอโลเกนฺโต กึ กเถสิ "สมโณ นาม
@เชิงอรรถ:  ฉ.ม. ปจฺจาสีสามิ เอวมุปริปิ       ฉ.ม. อิ. น อรหนฺตํ.
@ ฉ.ม. อิ. อุทฺธุมาตอุทโร.         ฉ.ม. อิ. พีร....   ม. มนฺตฺวา มนฺตฺวา.



เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๕. http://84000.org/tipitaka/read/attha_page.php?book=6&page=5&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=107&pagebreak=1 http://84000.org/tipitaka/atthapali/th_line.php?B=6&A=107&pagebreak=1#p5


จบการแสดงผล หน้าที่ ๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]