ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๗ ภาษาบาลี อักษรไทย ม.อ. (ปปญฺจ.๑)

หน้าที่ ๒๖๘.

         "นาวา มาลุตเวเคน             ชิยาเวเคน เตชนํ
          ยถา ยาติ ตถา กาโย           ยาติ วาตาหโต อยํ.
          ยนฺตํ สุตฺตวเสเนว              จิตฺตสุตฺตวเสนิทํ
          ปยุตฺตํ กายยนฺตํปิ               ยาติ าติ นิสีทติ.
          โก นาม เอตฺถ โส สตฺโต        โย วินา เหตุปจฺจเย
          อตฺตโน อานุภาเวน             ติฏฺเ วา ยทิ วา วเช"ติ.
     ตสฺมา เอวํ เหตุปจฺจยวเสเนว ปวตฺตานิ คมนาทีนิ สลฺลกฺเขนฺโต เอส
คจฺฉนฺโต วา คจฺฉามีติ ปชานาติ, ิโต วา, นิสินฺโน วา, สยาโน วา
สยาโนมฺหีติ ปชานาตีติ เวทิตพฺโพ.
     ยถา ยถา วา ปนสฺส กาโย ปณิหิโต โหติ, ตถา ตถา นํ ปชานาตีติ
สพฺพสงฺคาหิกวจนเมตํ. อิทํ วุตฺตํ โหติ:- เยน เยน วา อากาเรน ตสฺส
กาโย ิโต โหติ, เตน เตน นํ ปชานาติ. คมนากาเรน ิตํ คจฺฉตีติ
ปชานาติ. านนิสชฺชาสยนากาเรน ิตํ สยาโนติ ปชานาตีติ.
     อิติ อชฺฌตฺตํ วาติ เอวํ อตฺตโน วา จตุอิริยาปถปริคฺคณฺหเนน กาเย
กายานุปสฺสี วิหรติ. พหิทฺธา วาติ ปรสฺส วา จตุอิริยาปถปริคฺคณฺหเนน.
อชฺฌตฺตพหิทฺธา วาติ กาเลน อตฺตโน, กาเลน ปรสฺส จตุอิริยาปถปริคฺคณฺหเนน
กาเย กายานุปสฺสี วิหรติ. สมุทยธมฺมานุปสฺสี วาติอาทีสุ ปน "อวิชฺชาสมุทยา
รูปสมุทโย"ติ ๑- อาทินา นเยน ปญฺจหากาเรหิ รูปกฺขนฺธสฺส สมุทโย จ วโย จ
นีหริตพฺโพ. ตญฺหิ สนฺธาย อิธ "สมุทยธมฺมานุปสฺสี วา"ติอาทิ วุตฺตํ. อตฺถิ กาโยติ
วา ปนสฺสาติอาทิ วุตฺตสทิสเมว.
     อิธ ปน จตุอิริยาปถปริคฺคาหิกา สติ ทุกฺขสจฺจํ, ตสฺสา สมุฏฺาปิกา
ปุริมตณฺหา สมุทยสจฺจํ, อุภินฺนํ อปฺปวตฺติ นิโรธสจฺจํ, ทุกฺขปริชานโน
@เชิงอรรถ:  ขุ. ปฏิ. ๓๑/๑๐๖/๙๗ อุทยพฺพยาณนิทฺเทส (สฺยา)



เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๒๖๘. http://84000.org/tipitaka/read/attha_page.php?book=7&page=268&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=6857&pagebreak=1 http://84000.org/tipitaka/atthapali/th_line.php?B=7&A=6857&pagebreak=1#p268


จบการแสดงผล หน้าที่ ๒๖๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]