บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๗ ภาษาบาลี อักษรไทย ม.อ. (ปปญฺจ.๑) หน้าที่ ๓๕๘.
นิรโยติอาทีสุ นิรติอฏฺเน นิรสฺสาทฏฺเน นิรโย. ติริยํ อญฺฉนฺตีติ ๑- ติรจฺฉานา. เตสํ โยนิ ติรจฺฉานโยนิ. เปจฺจภาวํ ปตฺตานํ วิสโยติ เปตฺติวิสโย. มนโส อุสฺสนฺนตฺตา มนุสฺสา. ปญฺจหิ กามคุเณหิ อตฺตโน อตฺตโน อานุภาเวหิ จ ทิพฺพนฺตีติ เทวา. นิรยญฺจาหํ สาริปุตฺตาติอาทีสุ นิรโยติ สทฺธึ โอกาเสน ขนฺธา. ติรจฺฉานโยนึ จาติอาทีสุปิ เอเสว นโย. มคฺคํ ปฏิปทนฺติ อุภเยนาปิ วุตฺตํ คติสํวตฺตนิกกมฺมเมว ทสฺเสติ. ยถา จ ปฏิปนฺโนติ เยน มคฺเคน ยาย ปฏิปทาย ปฏิปนฺโนติ อุภยํปิ เอกโต กตฺวา นิทฺทิสติ. อปายนฺติอาทีสุ วุฑฺฒิสงฺขาตา ๒- สุขสงฺขาตา วา อยา อเปตตฺตา อปาโย. ทุกฺขสฺส คติ ปฏิสฺสรณนฺติ ทุคฺคติ. ทุกฺกฏการิโน เอตฺถ วินิปตนฺตีติ วินิปาโต. นิพฺพานญฺจาหนฺติ อิทํ ปน น เกวลํ คติคติเมว, คตินิสฺสรณํ นิพฺพานํปิ ชานามีติ ทสฺสนตฺถํ อาห. อิธ มคฺโคติ ปฏิปทาติ ๓- อุภเยนปิ อริยมคฺโคว วุตฺโต. าณปฺปวตฺตาการวณฺณนา [๑๕๔] อิทานิ ยถาวุตฺเตสุ าเนสุ ๔- อตฺตโน าณปฺปวตฺตาการํ ทสฺเสนฺโต อิธาหํ สาริปุตฺตาติอาทิมาห. ตตฺถ เอกนฺตทุกฺขาติ นิจฺจทุกฺขา นิรนฺตรทุกฺขา. ติปฺปาติ ๕- พหลา. กฏุกาติ ขรา. เสยฺยถาปีติอาทีนิ โอปมฺมทสฺสนตฺถํ วุตฺตานิ. ตตฺถ กาสูติ อาวาโฏปิ วุจฺจติ ราสีปิ. "กินฺนุ สนฺตรมาโนว กาสุํ ขณสิ สารถิ ปุฏฺโ เม สมฺม อกฺขาหิ กึ กาสุยา กริสฺสสี"ติ ๖- เอตฺถ หิ อาวาโฏ กาสุ นาม:- "องฺคารกาสุํ อปเร ถุนนฺติ ๗- นรา รุทนฺตา ปริทฑฺฒคตฺตา"ติ ๘- @เชิงอรรถ: ๑ ฉ.ม. อญฺฉิตาติ ๒ ฉ.ม. วฑฺฒิสงฺขาตา ๓ ฉ.ม. มคฺโค ปฏิปทาติ @๔ ฉ.ม. สตฺตสุ าเนสุ อฏฺสุ าเนสุ ๕ ฉ.ม. ติพฺพาติ ๖ ขุ. ชา, @มหา. ๒๘/๓๙๖/๑๕๓ เตมิยชาตก (สฺยา) ๗ ฉ.ม. ผุณนฺติ, อิ. ผุนนฺติ @๘ ขุ. ชา, มหา. ๒๘/๕๔๖/๒๐๓ เนมิราชชาตก (สฺยา)เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๓๕๘. http://84000.org/tipitaka/read/attha_page.php?book=7&page=358&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=9161&pagebreak=1 http://84000.org/tipitaka/atthapali/th_line.php?B=7&A=9161&pagebreak=1#p358
จบการแสดงผล หน้าที่ ๓๕๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]