อรรถกถาเล่มที่ ๘ ภาษาบาลี อักษรไทย
ม.อ. (ปปญฺจ.๒)
หน้าที่ ๑๒๕.

ทุพฺพลีกรณา"ติ วุจฺจนฺติ. ตถาคตปทํ อิติปีติ อิทํปิ ตถาคตสฺส าณปทํ
าณวลญฺชํ าเณน อกฺกนฺตฏฺานนฺติ วุจฺจติ. ตถาคตนิเสวิตนฺติ ตถาคตสฺส
าณผาสุกาย นิฆํสิตฏฺานํ. ตถาคตารญฺชิตนฺติ ตถาคตสฺส าณทาาย
อารญฺชิตฏฺานํ.
    [๒๙๙] ยถาภูตํ ปชานาตีติ ยถาสภาวํ ปชานาติ. น เตฺวว ตาว อริยสาวโก
นิฏฺ คโต โหตีติ อิมา ฌานาภิญฺา พาหิรเกหิปิ สาธารณาติ น ตาว นิฏฺ
คโต โหติ. มคฺคกฺขเณปิ อปริโยสิตกิจฺจตาย น ตาว นิฏฺาคโต โหติ. อปิจ โข
นิฏฺ คจฺฉตีติ อปิจ โข ปน มคฺคกฺขเณ มหาหตฺถึ ปสฺสนฺโต นาควนิโก วิย
สมฺมาสมฺพุทฺโธ ภควาติ อิมินา อากาเรน ตีสุ รตเนสุ นิฏฺ คจฺฉติ. นิฏฺ
คโต โหตีติ เอวํ มคฺคกฺขเณ นิฏฺ คจฺฉนฺโต อรหตฺตผลกฺขเณ
ปริโยสิตสพฺพกิจฺจตาย สพฺพากาเรน ตีสุ รตเนสุ นิฏฺ คโต โหติ. เสสํ สพฺพตฺถ ๑-
อุตฺตานตฺถเมวาติ.
                    ปปญฺจสูทนิยา มชฺฌิมนิกายฏฺกถาย
                    จูฬหตฺถิปโทปมสุตฺตวณฺณนา นิฏฺิตา.
                          ------------
                     ๘. มหาหตฺถิปโทปมสุตฺตวณฺณนา
    [๓๐๐] เอวมฺเม สุตนฺติ มหาหตฺถิปโทปมสุตฺตํ. ตตฺถ ชงฺคลานนฺติ
ปวีตลวาสีนํ. ๒- ปาณานนฺติ สปาทกปาณานํ. ปทชาตานีติ ปทานิ. สโมธานํ
คจฺฉนฺตีติ โอธานํ อุปกฺเขปํ ๓- คจฺฉนฺติ. อคฺคมกฺขายตีติ เสฏฺ อกฺขายติ. ยทิทํ
มหนฺตตฺเตนาติ มหนฺตภาเวน อคฺคมกฺขายติ, น คุณวเสนาติ อตฺโถ. เย เกจิ
กุสลา ธมฺมาติ เย เกจิ โลกิยา วา โลกุตฺตรา วา กุสลา ธมฺมา. สงฺคหํ
@เชิงอรรถ: ๑ ฉ.ม. อยํ ปาโ น ทิสฺสติ   ๒ ฉ.ม. ปถวีตลจารีนํ   ๓ ฉ.ม. ปกฺเขปํ


เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๑๒๕.
http://84000.org/tipitaka/read/attha_page.php?book=8&page=125&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=8&A=3197&pagebreak=1
http://84000.org/tipitaka/atthapali/th_line.php?B=8&A=3197&pagebreak=1#p125