บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๑๗ ภาษาบาลี อักษรไทย พระสุตตันตปิฎกเล่มที่ ๙ สุตฺต. สํ. ขนฺธวารวคฺโค
คนฺธพฺพกายสํยุตฺตํ [๕๓๖] เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯเปฯ ภควา เอตทโวจ คนฺธพฺพกายิเก [๑]- เทเว โว ภิกฺขเว เทสิสฺสามิ ตํ สุณาถ ฯเปฯ กตเม จ ภิกฺขเว คนฺธพฺพกายิกา เทวา ฯ สนฺติ ภิกฺขเว มูลคนฺเธ อธิวตฺถา เทวา สนฺติ ภิกฺขเว สารคนฺเธ อธิวตฺถา เทวา สนฺติ ภิกฺขเว เผคฺคุคนฺเธ อธิวตฺถา เทวา สนฺติ ภิกฺขเว ตจคนฺเธ อธิวตฺถา เทวา สนฺติ ภิกฺขเว ปปฏิกคนฺเธ อธิวตฺถา เทวา สนฺติ ภิกฺขเว ปตฺตคนฺเธ อธิวตฺถา เทวา สนฺติ ภิกฺขเว ปุปฺผคนฺเธ อธิวตฺถา เทวา สนฺติ ภิกฺขเว ผลคนฺเธ อธิวตฺถา เทวา สนฺติ ภิกฺขเว รสคนฺเธ อธิวตฺถา เทวา สนฺติ ภิกฺขเว คนฺธคนฺเธ อธิวตฺถา เทวา ฯ อิเม วุจฺจนฺติ ภิกฺขเว คนฺธพฺพกายิกา เทวาติ ฯ [๕๓๗] สาวตฺถี ฯ อถ โข อญฺญตโร ภิกฺขุ เยน ภควา ฯเปฯ เอกมนฺตํ นิสินฺโน โข โส ภิกฺขุ ภควนฺตํ เอตทโวจ โก นุ โข ภนฺเต เหตุ โก ปจฺจโย เยน มิเธกจฺโจ กายสฺส เภทา ปรํ มรณา คนฺธพฺพกายิกานํ เทวานํ สหพฺยตํ อุปปชฺชตีติ ฯ อิธ ภิกฺขุ เอกจฺโจ กาเยน สุจริตํ จรติ วาจาย สุจริตํ จรติ มนสา สุจริตํ จรติ ตสฺส สุตํ โหติ คนฺธพฺพกายิกา เทวา ทีฆายุกา วณฺณวนฺโต สุขพหุลาติ ฯ ตสฺส เอวํ โหติ อโห วตาหํ กายสฺส @เชิงอรรถ: ๑ ยุ. โวติ ทิสฺสติ ฯ ม. โข ฯ เภทา ปรํ มรณา คนฺธพฺพกายิกานํ เทวานํ สหพฺยตํ อุปปชฺเชยฺยนฺติ ฯ โส กายสฺส เภทา ปรํ มรณา คนฺธพฺพกายิกานํ เทวานํ สหพฺยตํ อุปปชฺชติ ฯ อยํ โข ภิกฺขุ เหตุ อยํ ปจฺจโย เยน มิเธกจฺโจ กายสฺส เภทา ปรํ มรณา คนฺธพฺพกายิกานํ เทวานํ สหพฺยตํ อุปปชฺชตีติ ฯเนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๓๐๙-๓๑๐. http://84000.org/tipitaka/pitaka_item/pali_item_s.php?book=17&item=536&items=2&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=17&item=536&items=2&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=17&item=536&items=2&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=17&item=536&items=2&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=17&i=536 The Pali Atthakatha in Thai :- http://84000.org/tipitaka/atthapali/read_th.php?B=12&A=8409 The Pali Atthakatha in Roman :- http://84000.org/tipitaka/atthapali/read_rm.php?B=12&A=8409 สารบัญพระไตรปิฎกเล่มที่ ๑๗ http://84000.org/tipitaka/read/?index_17
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]