บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๑๘ ภาษาบาลี อักษรไทย พระสุตตันตปิฎกเล่มที่ ๑๐ สังยุตตนิกาย สฬายตนวรรค
[๔๙๓] ปญฺจิมานิ ภิกฺขเว ฐานานิ ทุลฺลภานิ อกตปุญฺเญน มาตุคาเมน ฯ กตมานิ ปญฺจ ฯ ปฏิรูเป กุเล ชาเยยฺยนฺติ อิทํ ภิกฺขเว ปฐมํ ฐานํ ทุลฺลภํ อกตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คจฺเฉยฺยนฺติ อิทมฺปิ ๑- ภิกฺขเว ทุติยํ ฐานํ ทุลฺลภํ อกตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ ๒- อคารํ อชฺฌาวเสยฺยนฺติ อิทมฺปิ ๑- ภิกฺขเว ตติยํ ฐานํ ทุลฺลภํ อกตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ ๒- อคารํ อชฺฌาวสนฺตี ปุตฺตวตี อสฺสนฺติ อิทมฺปิ ๑- ภิกฺขเว จตุตฺถํ ฐานํ ทุลฺลภํ อกตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ ๒- อคารํ อชฺฌาวสนฺตี ปุตฺตวตี สมานา สามิกํ อภิภุยฺย วตฺเตยฺยนฺติ อิทมฺปิ ๑- ภิกฺขเว ปญฺจมํ ฐานํ ทุลฺลภํ อกตปุญฺเญน @เชิงอรรถ: ๑ ม. ยุ. ปิสทฺโท นตฺถิ ฯ ๒ ยุ. อสปตฺตี ฯ มาตุคาเมน ฯ อิมานิ โข ภิกฺขเว ปญฺจ ฐานานิ ทุลฺลภานิ อกตปุญฺเญน มาตุคาเมน ฯ สตฺตมํ ฯ [๔๙๔] ปญฺจิมานิ ภิกฺขเว ฐานานิ สุลภานิ กตปุญฺเญน มาตุคาเมน ฯ กตมานิ ปญฺจ ฯ ปฏิรูเป กุเล ชาเยยฺยนฺติ อิทมฺปิ ภิกฺขเว ปฐมํ ฐานํ สุลภํ กตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คจฺเฉยฺยนฺติ อิทมฺปิ ภิกฺขเว ทุติยํ ฐานํ สุลภํ กตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ อคารํ อชฺฌาวเสยฺยนฺติ อิทมฺปิ ภิกฺขเว ตติยํ ฐานํ สุลภํ กตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ อคารํ อชฺฌาวสนฺตี ปุตฺตวตี อสฺสนฺติ อิทมฺปิ ภิกฺขเว จตุตฺถํ ฐานํ สุลภํ กตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ อคารํ อชฺฌาวสนฺตี ปุตฺตวตี สมานา สามิกํ อภิภุยฺย วตฺเตยฺยนฺติ อิทมฺปิ ภิกฺขเว ปญฺจมํ ฐานํ สุลภํ กตปุญฺเญน มาตุคาเมน ฯ อิมานิ โข ภิกฺขเว ปญฺจ ฐานานิ สุลภานิ กตปุญฺเญน มาตุคาเมนาติ ฯ อฏฺฐมํ ฯเนื้อความพระไตรปิฎกฉบับภาษาบาลีอักษรไทย เล่มที่ ๑๘ หน้าที่ ๓๐๗-๓๐๘. http://84000.org/tipitaka/pitaka_item/pali_item_s.php?book=18&item=493&items=2&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=18&item=493&items=2&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=18&item=493&items=2&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=18&item=493&items=2&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=18&i=493 สารบัญพระไตรปิฎกเล่มที่ ๑๘ http://84000.org/tipitaka/read/?index_18
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]