ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒ ภาษาบาลี อักษรไทย พระวินัยปิฎกเล่มที่ ๒ วินย. มหาวิภงฺโค (๒)
     [๕๗๕]   เตน  สมเยน พุทฺโธ ภควา เจติเยสุ จาริกํ จรมาโน เยน
ภทฺทวติกา   เตน   ปายาสิ   ฯ   อทฺทสํสุ  โข  โคปาลกา  ปสุปาลกา
กสกา  ๑-  ปถาวิโน  ภควนฺตํ  ทุรโต  ว  อาคจฺฉนฺตํ  ทิสฺวาน  ภควนฺตํ
เอตทโวจุํ   มา   โข   ภนฺเต   ภควา  อมฺพติตฺถํ  อคมาสิ  อมฺพติตฺเถ
ภนฺเต   ชฏิลสฺส   อสฺสเม   นาโค   ปฏิวสติ   อิทฺธิมา  อาสีวิโส  ๒-
โฆรวิโส  โส  ภควนฺตํ  มา  วิเหเสีติ  ฯ  เอวํ  วุตฺเต  ภควา  ตุณฺหี
อโหสิ   ฯ  ทุติยมฺปิ  โข  ฯเปฯ  ตติยมฺปิ   โข  โคปาลกา  ปสุปาลกา
กสกา   ๓-   ปถาวิโน   ภควนฺตํ  เอตทโวจุํ  มา  โข  ภนฺเต  ภควา
อมฺพติตฺถํ    อคมาสิ   อมฺพติตฺเถ   ภนฺเต   ชฏิลสฺส   อสฺสเม   นาโค
ปฏิวสติ  อิทฺธิมา  อาสีวิโส  ๔-  โฆรวิโส  โส ภควนฺตํ มา วิเหเสีติ ฯ
ตติยมฺปิ โข ภควา ตุณฺหี อโหสิ ฯ
     {๕๗๕.๑}   อถโข   ภควา   อนุปุพฺเพน  จาริกํ  จรมาโน  เยน
ภทฺทวติกา   ตทวสริ   ฯ   ตตฺร   สุทํ  ภควา  ภทฺทวติกายํ  วิหรติ  ฯ
อถโข   อายสฺมา   สาคโต   เยน   อมฺพติตฺถํ   ๕-  ชฏิลสฺส  อสฺสโม
เตนุปสงฺกมิ     อุปสงฺกมิตฺวา    อคฺยาคารํ    ปวิสิตฺวา    ติณสนฺถารกํ
ปญฺาเปตฺวานิสีทิ    ๖-   ปลฺลงฺกํ   อาภุชิตฺวา   อุชุํ   กายํ   ปณิธาย
ปริมุขํ  สตึ  อุปฏฺเปตฺวา  ฯ  อทฺทสา  โข  โส นาโค อายสฺมนฺตํ สาคตํ
@เชิงอรรถ: ๑-๓ ม. กสฺสกา ฯ  ๒-๔ ม. อาสิวิโส ฯ   ม. อมฺพติตฺถสฺส ฯ สี. ยุ.
@อมฺพติตฺถกสฺส ฯ   ม. ปญฺเปตฺวา ฯ

--------------------------------------------------------------------------------------------- หน้าที่ ๓๘๓.

ปวิฏฺ ทิสฺวาน ทุกฺขี ๑- ทุมฺมโน ปธูปาสิ ๒- ฯ อายสฺมาปิ สาคโต ปธูปาสิ ๒- ฯ อถโข โส นาโค มกฺขํ อสหมาโน ปชฺชลิ ฯ อายสฺมาปิ สาคโต เตโชธาตุํ สมาปชฺชิตฺวา ปชฺชลิ ฯ อถโข อายสฺมา สาคโต ตสฺส นาคสฺส เตชสา เตชํ ปริยาทยิตฺวา ๓- เยน ภทฺทวติกา เตนุปสงฺกมิ ฯ อถโข ภควา ภทฺทวติกายํ ยถาภิรนฺตํ วิหริตฺวา เยน โกสมฺพี เตน จาริกํ ปกฺกามิ ฯ อสฺโสสุํ โข โกสมฺพิกา อุปาสกา อยฺโย กิร สาคโต อมฺพติตฺถเกน นาเคน สทฺธึ สงฺคาเมสีติ ฯ {๕๗๕.๒} อถโข ภควา อนุปุพฺเพน จาริกํ จรมาโน เยน โกสมฺพี ตทวสริ ฯ อถโข โกสมฺพิกา อุปาสกา ภควโต ปจฺจุคฺคมนํ กริตฺวา เยนายสฺมา สาคโต เตนุปสงฺกมึสุ อุปสงฺกมิตฺวา อายสฺมนฺตํ สาคตํ อภิวาเทตฺวา เอกมนฺตํ อฏฺสุ ฯ เอกมนฺตํ ิตา โข โกสมฺพิกา อุปาสกา อายสฺมนฺตํ สาคตํ เอตทโวจุํ กึ ภนฺเต อยฺยานํ ทุลฺลภญฺจ มนาปญฺจ กึ ปฏิยาเทมาติ ฯ เอวํ วุตฺเต ฉพฺพคฺคิยา ภิกฺขู โกสมฺพิเก อุปาสเก เอตทโวจุํ อตฺถาวุโส กาโปติกา นาม ปสนฺนา ภิกฺขูนํ ทุลฺลภา จ มนาปา จ ตํ ปฏิยาเทถาติ ฯ อถโข โกสมฺพิกา อุปาสกา ฆเร ฆเร กาโปติกํ ปสนฺนํ ปฏิยาเทตฺวา ๔- อายสฺมนฺตํ สาคตํ ปิณฺฑาย จรนฺตํ ๕- ทิสฺวาน อายสฺมนฺตํ สาคตํ เอตทโวจุํ ปิวตุ ภนฺเต อยฺโย สาคโต กาโปติกํ ปสนฺนํ @เชิงอรรถ: ม. อยํ ปาโ นตฺถิ ฯ ม. ปธูปายิ ฯ ม. ปริยาทิยิตฺวา ฯ อิโต ปรํ @อทฺทสํสูติ ปาเน ภวิตพฺพํ ฯ ม. ยุ. ปวิฏฺ

--------------------------------------------------------------------------------------------- หน้าที่ ๓๘๔.

ปิวตุ ภนฺเต อยฺโย สาคโต กาโปติกํ ปสนฺนนฺติ ฯ อถโข อายสฺมา สาคโต ฆเร ฆเร กาโปติกํ ปสนฺนํ ปิวิตฺวา นครมฺหา นิกฺขมนฺโต นครทฺวาเร ปริปติ ฯ {๕๗๕.๓} อถโข ภควา สมฺพหุเลหิ ภิกฺขูหิ สทฺธึ นครมฺหา นิกฺขมนฺโต อทฺทส อายสฺมนฺตํ สาคตํ นครทฺวาเร ปริปติตํ ทิสฺวาน ภิกฺขู อามนฺเตสิ คณฺหถ ภิกฺขเว สาคตนฺติ ฯ เอวํ ภนฺเตติ โข เต ภิกฺขู ภควโต ปฏิสฺสุณิตฺวา อายสฺมนฺตํ สาคตํ อารามํ เนตฺวา เยน ภควา เตน สีสํ กตฺวา นิปาเตสุํ ฯ อถโข อายสฺมา สาคโต ปริวตฺติตฺวา เยน ภควา เตน ปาเท กตฺวา เสยฺยํ กปฺเปสิ ฯ อถโข ภควา ภิกฺขู อามนฺเตสิ นนุ ภิกฺขเว สาคโต ตถาคเต สคารโว อโหสิ สปฺปติสฺโสติ ฯ เอวํ ภนฺเต ฯ อปิ นุ โข ภิกฺขเว สาคโต เอตรหิ ตถาคเต สคารโว สปฺปติสฺโสติ ฯ โน เหตํ ภนฺเต ฯ นนุ ภิกฺขเว สาคโต อมฺพติตฺถเกน นาเคน สงฺคาเมสีติ ฯ เอวํ ภนฺเต ฯ อปิ นุ โข ภิกฺขเว สาคโต เอตรหิ ปโหติ เทฑฺฑุเภนปิ ๑- สทฺธึ สงฺคาเมตุนฺติ ฯ โน เหตํ ภนฺเต ฯ อปิ นุ โข ภิกฺขเว ตํ ปาตพฺพํ ยํ ปิวิตฺวา วิสญฺี อสฺสาติ ฯ โน เหตํ ภนฺเต ฯ อนนุจฺฉวิกํ ภิกฺขเว สาคตสฺส อนนุโลมิกํ อปฺปฏิรูปํ อสฺสามณกํ อกปฺปิยํ อกรณียํ กถํ หิ นาม ภิกฺขเว สาคโต มชฺชํ ปิวิสฺสติ เนตํ ภิกฺขเว อปฺปสนฺนานํ วา ปสาทาย ปสนฺนานํ วา ภิยฺโยภาวาย ฯเปฯ @เชิงอรรถ: ม. ยุ. นาเคน ฯ

--------------------------------------------------------------------------------------------- หน้าที่ ๓๘๕.

เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ {๕๗๕.๔} สุราเมรยปาเน ปาจิตฺติยนฺติ ฯ [๕๗๖] สุรา นาม ปิฏฺสุรา ปูวสุรา โอทนสุรา กิณฺณปกฺขิตฺตา สมฺภารสํยุตฺตา ฯ เมรโย นาม ปุปฺผาสโว ผลาสโว มธฺวาสโว คุฬาสโว สมฺภารสํยุตฺโต ฯ ปิเวยฺยาติ ๑- อนฺตมโส กุสคฺเคนปิ ปิวติ อาปตฺติ ปาจิตฺติยสฺส ฯ [๕๗๗] มชฺเช มชฺชสญฺี ปิวติ อาปตฺติ ปาจิตฺติยสฺส ฯ มชฺเช เวมติโก ปิวติ อาปตฺติ ปาจิตฺติยสฺส ฯ มชฺเช อมชฺชสญฺี ปิวติ อาปตฺติ ปาจิตฺติยสฺส ฯ อมชฺเช มชฺชสญฺี อาปตฺติ ทุกฺกฏสฺส ฯ อมชฺเช เวมติโก อาปตฺติ ทุกฺกฏสฺส ฯ อมชฺเช อมชฺชสญฺี อนาปตฺติ ฯ [๕๗๘] อนาปตฺติ อมชฺชญฺจ โหติ มชฺชวณฺณํ มชฺชคนฺธํ มชฺชรสํ ตํ ปิวติ สูปสํปาเก มํสสํปาเก เตลสํปาเก อามลกผาณิเต อมชฺชํ อริฏฺ ปิวติ อุมฺมตฺตกสฺส อาทิกมฺมิกสฺสาติ ฯ ปมสิกฺขาปทํ นิฏฺิตํ ฯ -------- @เชิงอรรถ: อยํ ปาโ วิจาเรตพฺโพ มาติกายํ อนาคตตฺตา ฯ

--------------------------------------------------------------------------------------------- หน้าที่ ๓๘๖.

ทุติยสิกฺขาปทํ


             เนื้อความพระไตรปิฎกฉบับภาษาบาลีอักษรไทย เล่มที่ ๒ หน้าที่ ๓๘๒-๓๘๖. http://84000.org/tipitaka/pitaka_item/pali_item_s.php?book=2&item=575&items=4&pagebreak=1&mode=bracket              อ่านโดยใช้เนื้อความเป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=2&item=575&items=4&pagebreak=1              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=2&item=575&items=4&pagebreak=1&mode=bracket              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=2&item=575&items=4&pagebreak=1&mode=bracket              ศึกษาอรรถกถานี้ได้ที่ :- http://84000.org/tipitaka/attha/attha.php?b=2&i=575              The Pali Atthakatha in Thai :- http://84000.org/tipitaka/atthapali/read_th.php?B=2&A=9504              The Pali Atthakatha in Roman :- http://84000.org/tipitaka/atthapali/read_rm.php?B=2&A=9504              สารบัญพระไตรปิฎกเล่มที่ ๒ http://84000.org/tipitaka/read/?index_2

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :