ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๔ ภาษาบาลี อักษรไทย พระสุตตันตปิฎกเล่มที่ ๑๖ สุตฺต. องฺ. (๕): ทสก-เอกาทสกนิปาตา
     [๙๐]   อถโข   อายสฺมา  สารีปุตฺโต  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺนํ   โข   อายสฺมนฺตํ   สารีปุตฺตํ   ภควา  เอตทโวจ  กติ  นุ  โข
สารีปุตฺต   ขีณาสวสฺส   ภิกฺขุโน   พลานิ   เยหิ   พเลหิ   สมนฺนาคโต
ขีณาสโว ภิกฺขุ อาสวานํ ขยํ ปฏิชานาติ ขีณา เม อาสวาติ ฯ
     {๙๐.๑}   ทส  ภนฺเต  ขีณาสวสฺส  ภิกฺขุโน  พลานิ  เยหิ  พเลหิ
สมนฺนาคโต   ขีณาสโว   ภิกฺขุ   อาสวานํ   ขยํ  ปฏิชานาติ  ขีณา  เม
อาสวาติ   ฯ  กตมานิ  ทส  อิธ  ภนฺเต  ขีณาสวสฺส  ภิกฺขุโน  อนิจฺจโต
สพฺเพ   สงฺขารา  ยถาภูตํ  สมฺมปฺปญฺาย  สุทิฏฺา  โหนฺติ  ยมฺปิ  ภนฺเต
ขีณาสวสฺส   ภิกฺขุโน  อนิจฺจโต  สพฺเพ  สงฺขารา  ยถาภูตํ  สมฺมปฺปญฺาย
สุทิฏฺา  โหนฺติ  อิทมฺปิ  ภนฺเต  ขีณาสวสฺส  ภิกฺขุโน  พลํ  โหติ  ยํ  พลํ
อาคมฺม ขีณาสโว ภิกฺขุ อาสวานํ ขยํ ปฏิชานาติ ขีณา เม อาสวาติ ฯ
     {๙๐.๒}   ปุน  จปรํ  ภนฺเต  ขีณาสวสฺส  ภิกฺขุโน  องฺคารกาสูปมา
กามา    ยถาภูตํ    สมฺมปฺปญฺาย    สุทิฏฺา   โหนฺติ   ยมฺปิ   ภนฺเต
ขีณาสวสฺส   ภิกฺขุโน   องฺคารกาสูปมา   กามา   ยถาภูตํ  สมฺมปฺปญฺาย
สุทิฏฺา   โหนฺติ   อิทมฺปิ   ภนฺเต   ขีณาสวสฺส  ภิกฺขุโน  พลํ  โหติ  ยํ
พลํ   อาคมฺม   ขีณาสโว   ภิกฺขุ  อาสวานํ  ขยํ  ปฏิชานาติ  ขีณา  เม
อาสวาติ ฯ
     {๙๐.๓}   ปุน  จปรํ  ภนฺเต  ขีณาสวสฺส  ภิกฺขุโน  วิเวกนินฺนํ จิตฺตํ
โหติ   วิเวกโปณํ   วิเวกปพฺภารํ   วิเวกฏฺ   เนกฺขมฺมาภิรตํ  พฺยนฺตีภูตํ
สพฺพโส   อาสวฏฺานิเยหิ   ธมฺเมหิ   ยมฺปิ  ภนฺเต  ขีณาสวสฺส  ภิกฺขุโน
วิเวกนินฺนํ  จิตฺตํ  โหติ  วิเวกโปณํ  วิเวกปพฺภารํ วิเวกฏฺ เนกฺขมฺมาภิรตํ
พฺยนฺตีภูตํ    สพฺพโส    อาสวฏฺานิเยหิ    ธมฺเมหิ    อิทมฺปิ    ภนฺเต
ขีณาสวสฺส   ภิกฺขุโน   พลํ   โหติ   ยํ   พลํ  อาคมฺม  ขีณาสโว  ภิกฺขุ
อาสวานํ ขยํ ปฏิชานาติ ขีณา เม อาสวาติ ฯ
     {๙๐.๔}   ปุน  จปรํ ภนฺเต ขีณาสวสฺส ภิกฺขุโน จตฺตาโร สติปฏฺานา
ภาวิตา   โหนฺติ  สุภาวิตา  ยมฺปิ  ภนฺเต  ขีณาสวสฺส  ภิกฺขุโน  จตฺตาโร
สติปฏฺานา   ภาวิตา   โหนฺติ   สุภาวิตา   อิทมฺปิ   ภนฺเต  ขีณาสวสฺส
ภิกฺขุโน   พลํ   โหติ  ยํ  พลํ  อาคมฺม  ขีณาสโว  ภิกฺขุ  อาสวานํ  ขยํ
ปฏิชานาติ ขีณา เม อาสวาติ ฯ
     {๙๐.๕}   ปุน จปรํ ภนฺเต ขีณาสวสฺส ภิกฺขุโน จตฺตาโร สมฺมปฺปธานา
ภาวิตา   โหนฺติ   สุภาวิตา   ...   จตฺตาโร   อิทฺธิปฺปาทา   ภาวิตา
โหนฺติ   สุภาวิตา   ...  ปญฺจินฺทฺริยานิ  ปญฺจ  พลานิ  ภาวิตานิ  โหนฺติ
สุภาวิตานิ  ...  สตฺต  โพชฺฌงฺคา  ภาวิตา  โหนฺติ สุภาวิตา ... อริโย
อฏฺงฺคิโก   มคฺโค   ภาวิโต  โหติ  สุภาวิโต  ยมฺปิ  ภนฺเต  ขีณาสวสฺส
ภิกฺขุโน   อริโย   อฏฺงฺคิโก   มคฺโค  ภาวิโต  โหติ  สุภาวิโต  อิทมฺปิ
ภนฺเต   ขีณาสวสฺส   ภิกฺขุโน   พลํ   โหติ  ยํ  พลํ  อาคมฺม  ขีณาสโว
ภิกฺขุ   อาสวานํ   ขยํ   ปฏิชานาติ   ขีณา   เม  อาสวาติ  ฯ  อิมานิ
โข  ภนฺเต  ทส  ขีณาสวสฺส  ภิกฺขุโน  พลานิ  เยหิ  พเลหิ  สมนฺนาคโต
ขีณาสโว ภิกฺขุ อาสวานํ ขยํ ปฏิชานาติ ขีณา เม อาสวาติ ฯ
                    เถรวคฺโค จตุตฺโถ ฯ
                        ตสฺสุทฺทานํ
         วาหุโน จานนฺโท จ ๑-    ปุณฺณิโย จ พฺยากรณํ
         กตฺถี อญฺาธิกรณํ        โกกาลิโก จ พลานิ จ ๒- ฯ
                     ------------



             เนื้อความพระไตรปิฎกฉบับภาษาบาลีอักษรไทย เล่มที่ ๒๔ หน้าที่ ๑๘๖-๑๘๘. http://84000.org/tipitaka/pitaka_item/pali_item_s.php?book=24&item=90&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=24&item=90&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=24&item=90&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=24&item=90&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=24&i=90              The Pali Atthakatha in Thai :- http://84000.org/tipitaka/atthapali/read_th.php?B=16&A=8251              The Pali Atthakatha in Roman :- http://84000.org/tipitaka/atthapali/read_rm.php?B=16&A=8251              สารบัญพระไตรปิฎกเล่มที่ ๒๔ http://84000.org/tipitaka/read/?index_24

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :