บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
อฏฺฐมํ ติรํสิยตฺเถราปทานํ (๓๑๘) [๓๒๐] |๓๒๐.๓๙| เกสรึ อภิชาตํว อคฺคิกฺขนฺธํว ปพฺพเต โอภาเสนฺตํ ทิสาสินฺนํ ๒- สิทฺธตฺถํ ปพฺพตนฺตเร ฯ |๓๒๐.๔๐| สุริยสฺส จ อาโลกํ จนฺทาโลกํ ตเถว จ พุทฺธาโลกญฺจ ทิสฺวาน ปีติ ๓- เม อุปปชฺชถ ฯ |๓๒๐.๔๑| ตโย อาโลเก ทิสฺวาน ทิสฺวาน ๔- สาวกุตฺตมํ เอกํสํ อชินํ กตฺวา สนฺถวึ โลกนายกํ ฯ @เชิงอรรถ: ๑ ยุ. สเทวมานุเสน โส ฯ ๒ ม. ยุ. ทิสา สพฺพา ฯ ๓ ม. ยุ. วิตฺติ ฯ @๔ ม. สมฺพุทฺธํ สาวกุตฺตมํ ฯ |๓๒๐.๔๒| ตโย หิ อาโลกกรา โลเก โลกตโมนุทา จนฺโท จ สุริโย จาปิ พุทฺโธ จ โลกนายโก ฯ |๓๒๐.๔๓| อุปมํ อุปทสฺเสตฺวา กิตฺติโต เม มหามุนิ พุทฺธสฺส วณฺณํ กิตฺเตตฺวา กปฺปํ สคฺคมฺหิ โมทหํ ฯ |๓๒๐.๔๔| จตุนวุเต อิโต กปฺเป ยํ พุทฺธมภิกิตฺตยึ ทุคฺคตึ นาภิชานามิ กิตฺตนาย อิทํ ผลํ ฯ |๓๒๐.๔๕| เอกสฏฺฐิมฺหิโต กปฺเป เอโก ญาณวโร ๑- อหุ สตฺตรตนสมฺปนฺโน จกฺกวตฺติ มหพฺพโล ฯ |๓๒๐.๔๖| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ติรํสิโย เถโร อิมา คาถาโย อภาสิตฺถาติ ฯ ติรํสิยตฺเถรสฺส อปทานํ สมตฺตํ ฯ นวมํ นาลิปุปฺผิยตฺเถราปทานํ (๓๑๙) [๓๒๑] |๓๒๑.๔๗| สินฺธุยา นทิยา ตีเร อโหสึ กสฺสโก ตทา ปรกมฺมายเน ยุตฺโต ปรภตฺตํ อปสฺสิโต ฯ |๓๒๑.๔๘| สินฺธุํ อนุจรนฺโตหํ สิทฺธตฺถํ ชินมทฺทสํ สมาธินา นิสินฺนํ จ ๒- สตฺตปตฺตํว ปุปฺผิตํ ฯ @เชิงอรรถ: ๑ ม. ยุ. ญาณธโร ฯ ๒ ม. ยุ. ว ฯ |๓๒๑.๔๙| สตฺตกํ นาลิปุปฺผานิ วณฺเฏ เฉตฺวานหนฺตทา มตฺถเก อภิโรเปสึ พุทฺธสฺสาทิจฺจพนฺธุโน ฯ |๓๒๑.๕๐| สุวณฺณวณฺณํ สมฺพุทฺธํ อนุกูเล สมาหิตํ ติธาปฺปภินฺนํ มาตงฺคํ กุญฺชรํว ทุราสทํ ฯ |๓๒๑.๕๑| ตมหํ อุปคนฺตฺวาน นิปกํ ภาวิตินฺทฺริยํ อญฺชลึ ปคฺคเหตฺวาน อวนฺทึ สตฺถุโน อหํ ฯ |๓๒๑.๕๒| จตุนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๒๑.๕๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นาลิปุปฺผิโย เถโร อิมา คาถาโย อภาสิตฺถาติ ฯ นาลิปุปฺผิยตฺเถรสฺส อปทานํ สมตฺตํ ฯ ทสมํ กุมุทมาลิยตฺเถราปทานํ (๓๒๐) [๓๒๒] |๓๒๒.๕๔| อุสภํ ปวรํ วีรํ มเหสึ วิชิตาวินํ วิปสฺสินํ มหาวีรํ อภิชาตํว เกสรึ ฯ |๓๒๒.๕๕| รถิยํ ปฏิปชฺชนฺตํ อาหุตีนํ ปฏิคฺคหํ คเหตฺวา กุมุทํ มาลํ พุทฺธเสฏฺฐํ สโมกิรึ ฯ |๓๒๒.๕๖| เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๒๒.๕๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติ ฯ กุมุทมาลิยตฺเถรสฺส อปทานํ สมตฺตํ ฯ อุทฺทานํ อารกฺขโท โภชนโท คตสญฺญี ปทุมิโก ปุปฺผาสนิ สนฺถวิโก สทฺทสญฺญี ติรํสิโย นาลิโก กุมุที เจว สตฺตปญฺญาส คาถกา ฯ อารกฺขทายกวคฺโค พตฺตึโส ฯ -----------เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๓๙๓-๓๙๖. http://84000.org/tipitaka/pitaka_item/pali_item_s.php?book=32&item=320&items=3&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=320&items=3&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=320&items=3&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=320&items=3&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=320 The Pali Atthakatha in Thai :- http://84000.org/tipitaka/atthapali/read_th.php?B=50&A=5207 The Pali Atthakatha in Roman :- http://84000.org/tipitaka/atthapali/read_rm.php?B=50&A=5207 สารบัญพระไตรปิฎกเล่มที่ ๓๒ http://84000.org/tipitaka/read/?index_32
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]