บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

นวมํ ธมฺมสฺสวนิยตฺเถราปทานํ (๓๓๙) [๓๔๑] |๓๔๑.๑๑๒| ปทุมุตฺตโร นาม ชิโน สพฺพธมฺมาน ปารคู จตุสจฺจํ ปกาเสนฺโต สนฺตาเรติ ^๓- พหุชฺชนํ ฯ |๓๔๑.๑๑๓| อหํ เตน สมเยน ชฏิโล อุคฺคตาปโน ธุนนฺโต วากจีรานิ คจฺฉามิ อมฺพเร ตทา ฯ |๓๔๑.๑๑๔| พุทฺธเสฏฺสฺส อุปริ คนฺตุ น วิสหามหํ ปกฺขีว เสลมาปชฺช ^๔- คมนํ น ลภินฺตทา ^๕- ฯ @เชิงอรรถ: ^๑ ยุ. อวิญฺตฺติ นิเสวามิ ฯ ^๒ ม. ลาภี ฯ ยุ. ลาภีหิ ฯ ^๓ ม. สนฺตาเรสิ พหุ ชนํ ฯ @^๔ ม. ยุ. เสลมาสชฺช ฯ ^๕ ม. น ลภามหํ ฯ ยุ. น ลเภ ตทา ฯ |๓๔๑.๑๑๕| น เม อิทํ ภูตปุพฺพํ อิริยสฺส วิโกปนํ ทเก ยถา อุมฺมิลิตฺวา เอวํ คจฺฉามิ อมฺพเร ฯ |๓๔๑.๑๑๖| อุฬารภูโต มนุโช จ เหฏฺาสีโน ภวิสฺสติ หนฺท เมตํ คเวสิสฺสํ อปิ อตฺถํ ลเภยฺยหํ ฯ |๓๔๑.๑๑๗| โอโรหนฺโต อนฺตลิกฺขา สทฺทมสฺโสสิ สตฺถุโน อนิจฺจตํ กเถนฺตสฺส ตมหํ อุคฺคหึ ตทา ฯ |๓๔๑.๑๑๘| อนิจฺจสญฺมุคฺคยฺห อคมาสึ มมสฺสมํ ยาวตายุ วสิตฺวาน ตตฺถ กาลํ กโต อหํ ฯ |๓๔๑.๑๑๙| จริเม วตฺตมานมฺหิ ตํ ธมฺมสฺสวนํ สรึ เตน กมฺเมน สุกเตน ตาวตึสํ อคจฺฉหํ ฯ |๓๔๑.๑๒๐| ตึสกปฺปสหสฺสานิ เทวโลเก รมึ อหํ เอกปญฺาสกฺขตฺตุญฺจ เทวรชฺชมการยึ ฯ |๓๔๑.๑๒๑| เอกสตฺตติกฺขตฺตุญฺจ จกฺกวตฺติ อโหสหํ ปเทสรชฺชํ วิปุลํ คณนาโต อสงฺขยํ ฯ |๓๔๑.๑๒๒| ปิตุฆเร นิสีทิตฺวา สมโณ ภาวิตินฺทฺริโย คาถาย ปริทีเปนฺโต อนิจฺจวตฺถุทาหริ ^๑- ฯ |๓๔๑.๑๒๓| อนุสฺสรามิ ตํ สญฺ สํสรนฺโต ภวาภเว น โกฏึ ปฏิวิชฺฌามิ นิพฺพานํ อจฺจุตํ ปทํ ฯ |๓๔๑.๑๒๔| อนิจฺจา วต สงฺขารา อุปฺปาทวยธมฺมิโน อุปฺปชฺชิตฺวา นิรุชฺฌนฺติ เตสํ วูปสโม สุโข ฯ @เชิงอรรถ: ^๑ ม. อนิจฺจตมุทาหริ ฯ |๓๔๑.๑๒๕| สห คาถํ สุณิตฺวาน ปุพฺพกมฺมํ อนุสฺสรึ เอกาสเน นิสีทิตฺวา อรหตฺตํ อปาปุณึ ฯ |๓๔๑.๑๒๖| ชาติยา สตฺตวสฺโสหํ อรหตฺตํ อปาปุณึ อุปสมฺปาทยิ พุทฺโธ คุณมญฺาย จกฺขุมา ฯ |๓๔๑.๑๒๗| ทารโกว อหํ สนฺโต กรณียํ สมาปยึ กึ เม กรณียํ อชฺช สกฺยปุตฺตสฺส สาสเน ฯ |๓๔๑.๑๒๘| สตสหสฺเส อิโต กปฺเป ยํ กมฺมมกรึ ตทา ทุคฺคตึ นาภิชานามิ สทฺธมฺมสฺสวเน ผลํ ฯ |๓๔๑.๑๒๙| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ธมฺมสฺสวนิโย เถโร อิมา คาถาโย อภาสิตฺถาติ ฯ ธมฺมสฺสวนิยตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๒๔-๔๒๖. http://84000.org/tipitaka/pitaka_item/pali_item_s.php?book=32&item=341&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=341&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=341&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=341&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=341 สารบัญพระไตรปิฎกเล่มที่ ๓๒ http://84000.org/tipitaka/read/?index_32