ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
     [๓๙๓]   |๓๙๓.๑| นคเร หํสวติยา           อาสึ โทวาริโก อหํ
                      อกฺโขพฺภํ ๑- อมิตํ โภคํ       ฆเร สนฺนิจิตํ มม ฯ
       |๓๙๓.๒| รโหคโต นิสีทิตฺวา              ปหํสิตฺวาน มานสํ
                      นิสชฺช ปาสาทวเร               เอวํ จินฺเตสหํ ตทา ฯ
       |๓๙๓.๓| พหู เมว ๒- คตา โภคา       ผีตํ อนฺเตปุรํ มม
                      ราชาปิ มํ นิมนฺเตสิ ๓-       อานนฺโท ปฐวิสฺสโร ฯ
       |๓๙๓.๔| อยญฺจ พุทฺโธ อุปฺปนฺโน      อธิจฺจุปฺปตฺติโก มุนิ
                      สํวิชฺชนฺติ จ เม โภคา          ทานํ ทสฺสามิ สตฺถุโน ฯ
       |๓๙๓.๕| ปทุเมน ๔- ราชปุตฺเตน      ทินฺนํ ทานวรํ ชิเน
                      หตฺถินาเค จ ปลฺลงฺเก        อปสฺเสนํ จนปฺปกํ ฯ
       |๓๙๓.๖| อหํปิ ทานํ ทสฺสามิ             สงฺเฆ คณวรุตฺตเม ๕-
                      อทินฺนปุพฺพํ ทานวรํ ๖-       ภวิสฺสํ อาทิกมฺมิโก ฯ
       |๓๙๓.๗| จินฺเตตฺวาหํ พหุวิธํ              ยาเค ยสฺส สุขํ ผลํ
                      ปริกฺขารทานมทฺทกฺขึ         มม สงฺกปฺปปูรณํ ฯ
       |๓๙๓.๘| ปริกฺขารานิ ทสฺสามิ           สงฺเฆ คณวรุตฺตเม ๗-
                      อทินฺนปุพฺพมญฺเญสํ          ภวิสฺสํ อาทิกมฺมิโก ฯ
@เชิงอรรถ:  ม. ยุ. อกฺโขภํ ฯ  ม. ยุ. พหูเมธิคตา ฯ  ม. ยุ. ราชาปิ สนฺนิมนฺเตสิ ฯ
@ ยุ. ปทุเม ฯ ๕-๗ โป. ยุ. คุณวรุตฺตเม ฯ  ม. ยุ. อทินฺนปุพฺพมญฺเญสํ ฯ
       |๓๙๓.๙| นฬกาเร อุปาคมฺม             ฉตฺตํ กาเรสิ ตาวเท
                      ฉตฺตสตสหสฺสานิ               เอกโต สนฺนิปาตยึ ฯ
       |๓๙๓.๑๐| ทุสฺสสตหสฺสานิ               เอกโต สนฺนิปาตยึ
                         ปตฺตสตสหสฺสานิ            เอกโต สนฺนิปาตยึ ฯ
       |๓๙๓.๑๑| วาสิโย สตฺถเก จาปิ         สูจิโย นขเฉทเน
                         เหฏฺฐา ฉตฺเต ฐปาเปสึ    กาเรตฺวา ตทนุจฺฉเว ฯ
       |๓๙๓.๑๒| วิธูปเน ตาลปณฺเณ ๑-    โมรหตฺเถ จ จามเร
                         ปริสฺสาวเน เตลธาเร       การยึ ตทนุจฺฉเว ฯ
       |๓๙๓.๑๓| สูจิฆเร อํสวทฺเธ              อโถปิ กายพนฺธเน
                         อาธารเก จ สุกเต            การยึ ตทนุจฺฉเว ฯ
       |๓๙๓.๑๔| ปริโภคภาชเน จ              อโถปิ โลหถาลเก
                         เภสชฺเช ๒- ปูรยิตฺวาน     เหฏฺฐาฉตฺเต ฐเปสหํ ฯ
       |๓๙๓.๑๕| วจํ อุสีรํ ลฏฺฐิมธุํ              ปิปฺผลิมริจานิ จ
                         หรีตกึ สิงฺคิเวรํ                สพฺเพ ปูเรสิ ภาชเน ฯ
       |๓๙๓.๑๖| อุปาหนา ปาทุกาโย        อโถ อุทกปุญฺฉเน
                         กตฺตรทณฺเฑ สุกเต         การยึ ตทนุจฺฉเว ฯ
       |๓๙๓.๑๗| โอสถํ อญฺชนาปิจ ๓-      สลากา ธมฺมกุตฺตรา
                         กุญฺจิกา ปญฺจวณฺเณหิ   สิพฺพิเต กุญฺจิกาฆเร ฯ
       |๓๙๓.๑๘| อาโยเค ธูมเนตฺเต จ       อโถปิ ทีปธารเก
                         ตุมฺพเก จ กรณฺเฑ จ       การยึ ตทนุจฺฉเว ฯ
@เชิงอรรถ:  ม. ยุ. ตาลวณฺเฏ ฯ  ยุ. เภสชฺชํ ฯ  ม. ยุ. โอสธญฺชนนาฬี จ ฯ
       |๓๙๓.๑๙| สณฺฑาเส ปิปฺผเล เจว     อโถปิ มลหาริโน ๑-
                         เภสชฺชถวิเก เจว             การยึ ตทนุจฺฉเว ฯ
       |๓๙๓.๒๐| อาสนฺทิโย ปีฐเก จ          ปลฺลงฺเก จตุโรมเย
                         ตทนุจฺฉเว กาเรตฺวา       เหฏฺฐาฉตฺเต ฐเปสหํ ฯ
       |๓๙๓.๒๑| อุณฺณาภิสึ ๒- ตุลภิสึ      อโถปิ ปีฐกาภิสึ
                         พิพฺโพหเน จ สุกเต         การยึ ตทนุจฺฉเว ฯ
       |๓๙๓.๒๒| กุรุวินฺเท มธุสิตฺเถ           เตลหตฺถปตาปกํ
                         สิเวฏิผลกํ ๔- สุจึ            มญฺจํ อตฺถรเณน จ ฯ
       |๓๙๓.๒๓| เสนาสเน ปาทปุญฺเฉ      สยนาสนฑณฺฑเก
                         ทนฺตโปเณ จ กถลึ ๕-     สีสเลปนคนฺธเก ๖- ฯ
       |๓๙๓.๒๔| อรณึ ๗- ผลปีเฐ จ          ปตฺตปิธานถาลเก
                         อุทกสฺส กฏจฺฉุญฺจ ๘-    จุณฺณกํ รชนมฺพณํ ฯ
       |๓๙๓.๒๕| สมฺมุญฺชนํ ๙- อุทวตฺถํ    ตถา วสฺสิกสาฏกํ
                         นิสีทนํ กณฺฑุจฺฉาทึ         อถ อนฺตรวาสกํ ฯ
       |๓๙๓.๒๖| อุตฺตราสงฺคสงฺฆาฏึ         นตฺถุกํ มุขโสธนํ
                         พิลงฺคโลณภูตญฺจ ๑๐-   มธุํ จ ทธิปานกํ ฯ
       |๓๙๓.๒๗| ปุปฺผสิตฺถํ ปิโลติญฺจ        มุขปุญฺฉนสุตฺตกํ
                         ทาตพฺพํ นาม ยํ อตฺถิ      ยญฺจ กปฺปติ สตฺถุโน ฯ
       |๓๙๓.๒๘| สพฺพเมตํ สมาเนตฺวา      อานนฺทํ อุปสงฺกมึ
                         อุปสงฺกมฺม ราชานํ         ชเนตารํ มหายสํ ๑๑-@เชิงอรรถ:  ม. ยุ. มลหารเก ฯ  ม. ยุ. อูณฺณาภิสี ... ปิฐกาภิสี ฯ  ม. ยุ. พิมฺโพหเน ฯ
@ ม. ยุ. สิปาฏิผลเก สุจี ฯ  ม. อาฏฺลี ฯ  ม. ยุ. สีสาเลปนคนฺธเก ฯ
@ ม. ยุ. อรณี ฯ  ม. กฏจฺฉู จ ฯ  ม. สมฺมชฺชนํ ฯ ๑๐ ม. พิลงฺคโลณํ ปหูตํ จ ฯ
@๑๑ ม. มเหสิโน ฯ
       |๓๙๓.๒๙| สิรสา อภิวาเทตฺวา         อิทํ วจนมพฺรวึ
                         เอกโต ชาติสํวฑฺฒา       อุภินฺนํ เอกโต ยโส ๑- ฯ
       |๓๙๓.๓๐| สาธารณา สุเข ทุกฺเข      อุโภ จ อนุวตฺตกา
                         อตฺถิ เจตสิกํ ทุกฺขํ           ตวาเธยฺยํ ๒- อรินฺทม ฯ
       |๓๙๓.๓๑| ยทิ สกฺโกสิ ตํ ทุกฺขํ          วิโนเทยฺยาสิ ขตฺติย
                         ตว ทุกฺขํ มม ทุกฺขํ           อภินฺนํ เอกโต มนํ ๓- ฯ
       |๓๙๓.๓๒| นิฏฺฐิตนฺติ วิชานาสิ ๔-    ตํ โมเจยฺย สเจ ตุวํ
                         ชานาหิ โข มหาราช        ทุกฺขํ เม ทุพฺพิโนทยํ ฯ
       |๓๙๓.๓๓| พหุํ สมาโน คชฺชสฺสุ        เอตนฺเต ทุจฺจชํ ธนํ ๕-
                         ยาวตา วิชิเต ๖- อตฺถิ     ยาวตา มม ชีวิตํ ฯ
       |๓๙๓.๓๔| เอเตหิ ยทิ เต อตฺโถ        ทสฺสามิ อวิกมฺปิโต
                         คชฺชิตํ โข ตยา เทว         มิจฺฉา ตํ พหุคชฺชิตํ ฯ
       |๓๙๓.๓๕| ชานิสฺสามิ ตุวํ อชฺช        สพฺพธมฺเม ปติฏฺฐิตํ
                         อติพาฬฺหํ นิปีเฬสิ          ททมานสฺส เม สโต ฯ
       |๓๙๓.๓๖| กินฺเต ๗- สลฺลปิเตนตฺโถ  ปตฺถิตํ เต กเถหิ เม
                         อิจฺฉามหํ มหาราช          พุทฺธเสฏฺฐํ อนุตฺตรํ ฯ
       |๓๙๓.๓๗| โภชยิสฺสามิ สมฺพุทฺธํ       วชฺชํ เม มาหุ ชีวิตํ
                         อญฺญํ เตหํ วรํ ทมฺมิ        อยาจิโต ๘- ตถาคโต ฯ
       |๓๙๓.๓๘| อเทยฺโย กสฺสจิ พุทฺโธ      มณิ โชติรโส ยถา
                         นนุ เต คชฺชิตํ เทว           ยาว ๙- ชีวิตมตฺถิกํ ฯ
@เชิงอรรถ:  ม. มนํ ฯ ยุ. ยสํ ฯ  โป. วิโนเทตุํ ฯ  ม. มโน ฯ  ม. ยุ. วิชานาหิ ฯ
@ ม. วรํ ฯ  ยุ. วิชิตํ ฯ  ม. กึ เต เม ปิฬิเตนตฺโถ ฯ  ม. มายาจิตฺโถ
@ ม. มายาจิตฺโถ ตถาคตํ ฯ  ม. ยาว ชีวิตมตฺตโน ฯ
       |๓๙๓.๓๙| ชีวิตํ ททมาเนน               ยุตฺตํ ทาตุํ ตถาคตํ
                         ฐปนีโย มหาวีโร             อเทยฺโย กสฺสจิ ชิโน ฯ
       |๓๙๓.๔๐| น เม ปฏิสฺสุโต พุทฺโธ      วรสฺสุ อมิตํ ธนํ
                         วินิจฺฉยํ ปาปุณามิ ๑-     ปุจฺฉิสฺสามิ ๒- วินิจฺฉเย ฯ
       |๓๙๓.๔๑| ยถา สณฺหํ กเถสฺสนฺติ      ปฏิปุจฺฉาม ตํ ตถา
                         รญฺโญ หตฺเถ คเหตฺวาน  อคมาสึ วินิจฺฉยํ ฯ
       |๓๙๓.๔๒| ปุรโต อกฺขทสฺสานํ          อิทํ วจนมพฺรวึ
                         สุณนฺตุ เม อกฺขทสฺสา      ราชา วรํ อทาสิ เม ฯ
       |๓๙๓.๔๓| น กิญฺจิ ฐปยิตฺวาน          ชีวิตํปิ ปวารยึ ๓-
                         ตสฺส เม วรทินฺนสฺส         พุทฺธเสฏฺฐํ วรึ อหํ ฯ
       |๓๙๓.๔๔| สุทินฺโน โหติ เม พุทฺโธ     ฉินฺทถ ๔- สํสยํ มม
                         สุสฺสาม ตว วจนํ             ภูมิปาลสฺส ราชิโน ฯ
       |๓๙๓.๔๕| อุภินฺนํ วจนํ สุตฺวา           ฉินฺทิสฺสาเมตฺถ สํสยํ
                         สพฺพํ เทว ตยา ทินฺนํ       อิมสฺส สพฺพคาหิตํ ๕- ฯ
       |๓๙๓.๔๖| น กิญฺจิ ฐปยิตฺวาน          ชีวิตํปิ ปวารยึ
                         กิจฺฉปฺปตฺโตว หุตฺวาน     ยาวชีวมนุตฺตรํ ๖- ฯ
       |๓๙๓.๔๗| อิมํ สุทุกฺขิตํ ญตฺวา         อทาสึ สพฺพคาหิตํ ๗-
                         ปราชโย ตุวํ เทว             อสฺส เทยฺโย ตถาคโต ฯ
       |๓๙๓.๔๘| อุภินฺนํ สํสโย ฉินฺโน         ยถา สณฺฐมฺหิ ติฏฺฐถ
                         ราชา ตตฺเถว ฐตฺวาน      อกฺขทสฺเสตทพฺรวิ ฯ
@เชิงอรรถ:  ม. ยุ. ปาปุณาม ฯ  ม. ยุ. ปุจฺฉิสฺสาม ฯ  โป. ม. ยุ. ปวารยิ ฯ
@ ยุ. อถวา ฯ ๕-๗ ม. ยุ. สพฺพคาหิกํ ฯ  ม. ยุ. ยาจีวรมนุตฺตรํ ฯ
       |๓๙๓.๔๙| สมฺมา มยฺหํปิ เทยฺยาถ      ปุน พุทฺธํ ลภามหํ
                        ปูเรตฺวา ตว สงฺกปฺปํ          โภชยิตฺวา ตถาคตํ ฯ
       |๓๙๓.๕๐| ปุน เทยฺยาสิ สมฺพุทฺธํ        อานนฺทสฺส ยสสฺสิโน
                        อกฺขทสฺเสภิวาเทตฺวา        อานนฺทมปิ ๑- ขตฺติยํ ฯ
       |๓๙๓.๕๑| ตุฏฺโฐ ปมุทิโต หุตฺวา         สมฺพุทฺธํ อุปสงฺกมึ
                        อุปสงฺกมฺม สมฺพุทฺธํ          โอฆติณฺณํ อนาสวํ ฯ
       |๓๙๓.๕๒| สิรสา อภิวาเทตฺวา            อิทํ วจนมพฺรวึ
                        วสีสตสหสฺเสหิ                 อธิวาเสหิ จกฺขุมา ฯ
       |๓๙๓.๕๓| หาสยนฺโต มม จิตฺตํ          นิเวสนมุเปหิ เม
                        ปทุมุตฺตโร โลกวิทู            อาหุตีนํ ปฏิคฺคโห ฯ
       |๓๙๓.๕๔| มม สงฺกปฺปมญฺญาย        อธิวาเสสิ จกฺขุมา
                        อธิวาสนมญฺญาย            อภิวาทิย สตฺถุโน ฯ
       |๓๙๓.๕๕| หฏฺโฐ อุทคฺคจิตฺโตหํ         นิเวสนมุปาคมึ
                        มิตฺตามจฺเจ สมาเนตฺวา     อิทํ วจนมพฺรวึ ฯ
       |๓๙๓.๕๖| สุทุลฺลโภ มยา ลทฺโธ         มณิ โชติรโส ยถา
                        เกน ตํ ปูชยิสฺสามิ ๒-        อปฺปเมยฺโย อนูปโม ฯ
       |๓๙๓.๕๗| อตุโล อสโม ธีโร ๓-          ชิโน อปฺปฏิปุคฺคโล
                        ตถาสมสโม เจว               อทุติโย นราสโภ ฯ
       |๓๙๓.๕๘| ทุกฺกรํ อธิการํ หิ               พุทฺธานุจฺฉวิกํ มยา ๔-
                        นานาปุปฺเผ สมาเนตฺวา    กโรม ปุปฺผมณฺฑปํ ฯ
@เชิงอรรถ:  ม. ยุ. อานนฺทญฺจาปิ ฯ  ม. ยุ. ปูชยิสฺสาม ฯ  ยุ. วีโร ฯ  ยุ. ตยา ฯ
       |๓๙๓.๕๙| พุทฺธานุจฺฉวิกํ เอตํ            สพฺพปูชา ภวิสฺสติ
                        อุปฺปลํ ปทุมํ วาปิ             วสฺสิกํ อธิมุตฺตกํ ฯ
       |๓๙๓.๖๐| จมฺปกํ นาคปุปฺผญฺจ         มณฺฑปํ การยึ อหํ
                        สตาสนสหสฺสานิ             ฉตฺตฉายาย ปญฺญปึ ฯ
       |๓๙๓.๖๑| ปจฺฉิมํ อาสนํ มยฺหํ           อธิกํ สตมคฺฆติ
                        สตาสนสหสฺสานิ             ฉตฺตฉายาย ปญฺญปึ ฯ
       |๓๙๓.๖๒| ปฏิยาเทตฺวา อนฺนปานํ     กาลํ อาโรจยึ อหํ
                        อาโรจิตมฺหิ กาลมฺหิ         ปทุมุตฺตโร มหามุนิ ฯ
       |๓๙๓.๖๓| วสีสตสหสฺเสหิ                 นิเวสนมุเปสิ เม
                        ธาเรนฺตํ อุปริจฺฉตฺตํ          สุผุลฺลปุปฺผมณฺฑเป ฯ
       |๓๙๓.๖๔| วสีสตสหสฺเสหิ                 นิสีทิ ปุริสุตฺตโม
                        ฉตฺตสตสหสฺสานิ             สตสหสฺสมาสนํ ฯ
       |๓๙๓.๖๕| กปฺปิยํ อนวชฺชญฺจ           ปฏิคฺคณฺหาหิ จกฺขุมา
                        ปทุมุตฺตโร โลกวิทู           อาหุตีนํ ปฏิคฺคโห ฯ
       |๓๙๓.๖๖| มมํ ตาเรตุกาโม โส          สมฺปฏิจฺฉิ มหามุนิ
                        ภิกฺขุโน เอกเมกสฺส          ปจฺเจกํ ปตฺตทาสหํ ฯ
       |๓๙๓.๖๗| ชหึสุ สมฺภตํ ๑- ปตฺตํ       โลหปตฺตํ อธารยุํ
                        สตฺตรตฺตินฺทิวํ พุทฺโธ        นิสีทิ ปุปฺผมณฺฑเป ฯ
       |๓๙๓.๖๘| โพธยนฺโต พหู สตฺเต        ธมฺมจกฺกํ ปวตฺตยิ
                        ธมฺมจกฺกํ ปวตฺเตนฺโต       เหฏฺฐโต ปุปฺผมณฺฑเป ฯ
@เชิงอรรถ:  ม. สุมฺภกํ ฯ ยุ. ปุปฺผกํ ฯ
       |๓๙๓.๖๙| จุลฺลาสีติสหสฺสานํ            ธมฺมาภิสมโย อหุ
                        สตฺตเม ทิวเส ปตฺเต          ปทุมุตฺตโร มหามุนิ ฯ
       |๓๙๓.๗๐| ฉตฺตฉายาย นิสินฺโน         อิมา คาถา อภาสถ
                        อนูนกํ ทานวรํ                 โย เม ปาทาสิ มาณโว ฯ
       |๓๙๓.๗๑| ตมหํ กิตฺตยิสฺสามิ            สุณาถ มม ภาสโต
                        หตฺถี อสฺสา รถา ปตฺตี       เสนา จ จตุรงฺคินี ฯ
       |๓๙๓.๗๒| ปริวาเรสฺสนฺติ ตํ ๑- นิจฺจํ   สพฺพทานสฺสิทํ ผลํ
                        หตฺถิยานํ อสฺสยานํ          สิวิกํ ๒- สนฺทมานิกํ ฯ
       |๓๙๓.๗๓| อุปฏฺฐิสฺสนฺติ ตํ นิจฺจํ         สพฺพทานสฺสิทํ ผลํ
                        สฏฺฐี รถสหสฺสานิ             สพฺพาลงฺการภูสิตา ฯ
       |๓๙๓.๗๔| ปริวาเรสฺสนฺติ ตํ นิจฺจํ        สพฺพทานสฺสิทํ ผลํ
                        สฏฺฐี ตุริยสหสฺสานิ           เภริโย สมลงฺกตา ฯ
       |๓๙๓.๗๕| วชฺชยิสฺสนฺติ ตํ นิจฺจํ          สพฺพทานสฺสิทํ ผลํ
                        ฉฬาสีติสหสฺสานิ             นาริโย สมลงฺกตา ฯ
       |๓๙๓.๗๖| วิจิตฺตวตฺถาภรณา            อามุตฺตมณิกุณฺฑลา
                        อาฬารมุขา ๓- หสุลา       สุสญฺญา ตนุมชฺฌิมา ฯ
       |๓๙๓.๗๗| ปริวาเรสฺสนฺติ ตํ นิจฺจํ        สพฺพทานสฺสิทํ ผลํ
                        ตึสกปฺปสหสฺสานิ            เทวโลเก รมิสฺสติ ฯ
       |๓๙๓.๗๘| สหสฺสกฺขตฺตุํ เทวินฺโท       เทวรชฺชํ กริสฺสติ
                        สหสฺสกฺขตฺตุํ ราชา จ        จกฺกวตฺติ ภวิสฺสติ ฯ
@เชิงอรรถ:  ม. ยุ. สพฺพตฺถ มํ ฯ  ม. สิวิกา สนฺทมานิกา ฯ  ม. อาฬารปมฺหา ฯ
       |๓๙๓.๗๙| ปเทสรชฺชํ วิปุลํ                 คณนาโต อสงฺขยํ
                        เทวโลเก วสนฺตสฺส           ปุญฺญกมฺมสมงฺคิโน ฯ
       |๓๙๓.๘๐| เทวโลกานุปริยนฺเต ๑-      รตนฉตฺตํ ธริสฺสติ
                        อิจฺฉิสฺสติ ยทา วายํ ๒-     ฉทนํ ทุสฺสปุปฺผชํ ฯ
       |๓๙๓.๘๑| อิมสฺส จิตฺตมญฺญาย        นิวทฺธํ ฉาทยิสฺสติ
                        เทวโลกา จวิตฺวาน           สุกฺกมูเลน โจทิโต ฯ
       |๓๙๓.๘๒| ปุญฺญกมฺเมน สํยุตฺโต       พฺรหฺมพนฺธุ ภวิสฺสติ
                        กปฺปสตสหสฺสมฺหิ            โอกฺกากกุลสมฺภโว ฯ
       |๓๙๓.๘๓| โคตโม นาม นาเมน         สตฺถา โลเก ภวิสฺสติ
                        สพฺพเมตํ อภิญฺญาย        โคตโม สกฺยปุงฺคโว ฯ
       |๓๙๓.๘๔| ภิกฺขุสงฺเฆ นิสีทิตฺวา          เอตทคฺเค ฐเปสฺสติ
                        ปิลินฺทวจฺโฉ นาเมน         เหสฺสติ สตฺถุสาวโก ฯ
       |๓๙๓.๘๕| เทวานํ อสุรานญฺจ            คนฺธพฺพานญฺจ สกฺกโต
                        ภิกฺขูนํ ภิกฺขุนีนญฺจ           คิหีนญฺจ ตเถว โส ฯ
       |๓๙๓.๘๖| ปิโย หุตฺวาน สพฺเพสํ         วิหริสฺสตินาสโว
                        สตสหสฺเส กตํ กมฺมํ          ผลํ ทสฺเสสิ เม อิธ ฯ
       |๓๙๓.๘๗| สุมุตฺโต สรเวโคว              กิเลเส ฌาปยึ ๓- อหํ
                        อโห เม สุกตํ กมฺมํ           ปุญฺญกฺเขตฺเต อนุตฺตเร ฯ
       |๓๙๓.๘๘| ยตฺถ การํ กริตฺวาน           ปตฺโตสฺมิ อจลํ ปทํ
                        อนูนกํ ทานวรํ                 อทาสิ โย หิ มาณโว ฯ
@เชิงอรรถ:  ม. เทวโลกปริยนฺตํ ฯ  ม. ฉายํ ฯ ยุ. จายํ ฯ  ม. ฌาปยี มม ฯ ยุ. ฌาปยิสฺสติ ฯ
       |๓๙๓.๘๙| อาทิปุพฺพงฺคโม อาสิ         ตสฺส ทานสฺสิทํ ผลํ
                        ฉตฺเต ๑- สุคเต ทตฺวาน     สงฺเฆ คณวรุตฺตเม ๒- ฯ
       |๓๙๓.๙๐| อฏฺฐานิสํเส อนุโภมิ          กมฺมานุจฺฉวิเก มม
                        สีตํ อุณฺหํ น ชานามิ          รโชชลฺลํ น ลิมฺปติ ฯ
       |๓๙๓.๙๑| อนุปทฺทโว อนีติ จ            โหมิ อปจิโต สทา
                        สุขุมจฺฉวิโก โหมิ              วิสทํ โหมิ มานสํ ฯ
       |๓๙๓.๙๒| ฉตฺตสตสหสฺสานิ             ภเว สํสรโต มม
                        สพฺพาลงฺการยุตฺตานิ        ตสฺส กมฺมสฺส วาหสา ฯ
       |๓๙๓.๙๓| อิมํ ๓- ชาตึ ฐเปตฺวาน       มตฺถเก ธารยนฺติ เม
                        ตสฺมา ๔- อิมาย ชาติยา   นตฺถิ เม ฉตฺตธารณา ฯ
       |๓๙๓.๙๔| มม สพฺพํ กตํ กมฺมํ           วิมุตฺติฉตฺตปตฺติยา
                        ทุสฺสานิ สุคเต ทตฺวา         สงฺเฆ คณวรุตฺตเม ฯ
       |๓๙๓.๙๕| อฏฺฐานิสํเส อนุโภมิ          กมฺมานุจฺฉวิเก มม
                        สุวณฺณวณฺโณ วิรโช          สปฺปภาโส ปตาปวา ฯ
       |๓๙๓.๙๖| สินิทฺธํ โหติ เม คตฺตํ          ภเว สํสรโต มม
                        ทุสฺสสตสหสฺสานิ             เสตา ปีตา จ โลหิตา ฯ
       |๓๙๓.๙๗| ธาเรนฺติ มตฺถเก มยฺหํ       ทุสฺสทานสฺสิทํ ผลํ
                        โกเสยฺยกมฺพลิยานิ          โขมกปฺปาสิกานิ จ ฯ
       |๓๙๓.๙๘| สพฺพตฺถ ปฏิลภามิ           เตสํ นิสฺสนฺทโต อหํ
                        ปตฺเต จ สุคเต ทตฺวา         สงฺเฆ คณวรุตฺตเม ฯ
@เชิงอรรถ:  ม. ฉตฺเต จ สุกเต ทตฺวา ฯ  โป. ม. ยุ. คุณวรุตฺตเม ฯ อิโต ปรํ อีทิสเมว ฯ
@ ยุ. อิทํ ฯ  ม. กสฺมา ฯ
       |๓๙๓.๙๙| ทสานิสํเส อนุโภมิ           กมฺมานุจฺฉวิเก มม
                         สุวณฺณถาเล มณิถาเล     รชเตปิจ ถาลเก ฯ
       |๓๙๓.๑๐๐| โลหิตงฺกมเย ถาเล         ปริภุญฺชามิ สพฺพทา
                           อนุปทฺทโว อนีติ จ        โหมิ อปจิโต สทา ฯ
       |๓๙๓.๑๐๑| ลาภี อนฺนสฺส ปานสฺส    วตฺถสฺส สยนสฺส จ
                           น วินสฺสนฺติ เม โภคา     ฐิตจิตฺโต ภวามหํ ฯ
       |๓๙๓.๑๐๒| ธมฺมกาโม สทา โหมิ      อปฺปเกฺลโส อนาสโว
                           เทวโลเก มนุสฺเส วา       อนุพนฺธา อิเม คุณา ฯ
       |๓๙๓.๑๐๓| ฉายา ยถาปิ รูปสฺส ๑-   สพฺพตฺถ น ชหนฺติ มํ
                           จิตฺตพนฺธนสมฺพทฺธา     สุกตา วาสิโย พหู ฯ
       |๓๙๓.๑๐๔| ทตฺวาน พุทฺธเสฏฺฐสฺส     สงฺฆสฺส จ ตเถวหํ
                           อฏฺฐานิสํเส อนุโภมิ      กมฺมานุจฺฉวิเก มม ฯ
       |๓๙๓.๑๐๕| สูโร ๒- โหมิ ๓- วิสารี จ  เวสารชฺเชสุ ปารมี
                           ธิติวิริยวา โหมิ              ปคฺคหิตมโน สทา ฯ
       |๓๙๓.๑๐๖| กิเลสจฺเฉทนํ ญาณํ         สุขุมํ อตุลํ สุจึ
                           สพฺพตฺถ ปฏิลภามิ        ตสฺส นิสฺสนฺทโต มม ฯ
       |๓๙๓.๑๐๗| อกกฺกเส อผรุเส             อโธเต สตฺถเก พหู
                           ปสนฺนจิตฺโต ทตฺวาน     พุทฺเธ สงฺเฆ ตเถว จ ฯ
       |๓๙๓.๑๐๘| ปญฺจานิสํเส อนุโภมิ      กมฺมานุจฺฉวิเก มม
                           กลฺยาณมิตฺตํ วิริยํ         ขนฺติญฺจ เมตฺติสตฺถกํ ฯ
@เชิงอรรถ:  ม. ยุ. รุกฺขสฺส ฯ  โป. สีโห ฯ  ม. โหม ฯ
       |๓๙๓.๑๐๙| ตณฺหาสลฺลสฺส ฉินฺนตฺตา   ปญฺญาสตฺถํ อนุตฺตรํ
                           วชิเรน สมํ ญาณํ          เตสํ นิสฺสนฺทโต ลเภ ฯ
       |๓๙๓.๑๑๐| สูจิโย สุคเต ทตฺวา         สงฺเฆ คณวรุตฺตเม
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๑๑| นมสฺสิโย กงฺขจฺเฉโท      อภิรูโป จ โภควา
                           ติกฺขปญฺโญ สทา โหมิ   สํสรนฺโต ภวาภเว ฯ
       |๓๙๓.๑๑๒| คมฺภีรํ นิปุณํ ฐานํ          อตฺถํ ญาเณน ปสฺสยึ
                           วชิรคฺคสมํ ญาณํ          โหติ เม ตมฆาตนํ ฯ
       |๓๙๓.๑๑๓| นขจฺเฉทเน สุคเต ทตฺวา สงฺเฆ คณวรุตฺตเม
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๑๔| ทาสทาสี ควสฺเส จ        ภฏเก นาฏเก ๑- พหู
                           นฺหาปิเต ภตฺตเก สูเท    สพฺพตฺเถว ลภามหํ ฯ
       |๓๙๓.๑๑๕| วิธูปเน สุคเต ทตฺวา       ตาลปณฺเณ จ โสภเน
                           อฏฺฐานิสํเส อนุโภมิ      กมฺมานุจฺฉวิเก มม ฯ
       |๓๙๓.๑๑๖| สีตํ อุณฺหํ น ชานามิ      ปริฬาโห น วิชฺชติ
                           ทรถํ นาภิชานามิ          จิตฺตสนฺตาปนํ มม ฯ
       |๓๙๓.๑๑๗| ราคคฺคิ โทสโมหคฺคิ       มานคฺคิ ทิฏฺฐิอคฺคิ จ
                           สพฺพคฺคิ นิพฺพุโต มยฺหํ  ตสฺส นิสฺสนฺทโต มม ฯ
       |๓๙๓.๑๑๘| โมรหตฺเถ จามริโย         ทตฺวา สงฺเฆ คณุตฺตเม
                           อุปสนฺตกิเลโสหํ           วิหรามิ อนงฺคโณ ฯ
@เชิงอรรถ:  ยุ. อารกฺเข ฯ
       |๓๙๓.๑๑๙| ปริสฺสาวเน สุคเต ทตฺวา  สุคเต ๑- ธมฺมกุตฺตเร
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๒๐| สพฺเพสํ สมติกฺกมฺม       ทิพฺพํ อายุํ ลภามหํ
                           อปฺปสโยฺห สทา โหมิ    โจรปจฺจตฺถิเกหิ วา ฯ
       |๓๙๓.๑๒๑| สตฺเถน วา วิเสน วา       วิเหสํปิ น กุพฺพเต
                           อนฺตรามรณํ นตฺถิ         เตสํ นิสฺสนฺทโต มม ฯ
       |๓๙๓.๑๒๒| เตลธาเร สุคเต ทตฺวา     สงฺเฆ คณวรุตฺตเม
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๒๓| สุจารุรูโป สุภทฺโท ๒-     สุสมุคฺคตมานโส
                           อวิกฺเขปมโน โหมิ         สพฺพารกฺเขหิ รกฺขิโต ฯ
       |๓๙๓.๑๒๔| สูจิฆเร สุคเต ทตฺวา        สงฺเฆ คณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๒๕| เจโตสุขํ กายสุขํ             อิริยาปถชํ สุขํ
                           อิเม คุเณ ปฏิลภามิ ๓-  ตสฺส นิสฺสนฺทโต อหํ ฯ
       |๓๙๓.๑๒๖| อํสวทฺเธ ชิเน ทตฺวา        สงฺเฆ คณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๒๗| สทฺธมฺเม คาฬฺหํ ๔- วินฺทามิ  สรามิ ทุติยํ ภวํ
                           สพฺพตฺถ สุจฺฉวิ โหมิ      ตสฺส นิสฺสนฺทโต อหํ ฯ
       |๓๙๓.๑๒๘| กายพนฺเธ ชิเน ๕- ทตฺวา สงฺเฆ คณวรุตฺตเม
                           ฉานิสํเส อนุโภมิ          กมฺมานุจฺฉวิเก มม ฯ
@เชิงอรรถ:  ยุ. สงฺเฆ คณุตฺตเม ฯ ม. ธมฺมกรุตฺตเม ฯ  ยุ. สุคโต ฯ  ม. ปฏิลเภ ฯ
@ โป. พนฺธามิ ฯ ม. ยุ. คาธํ ฯ  ยุ. สุคเต ฯ
       |๓๙๓.๑๒๙| สมาธีสุ น กมฺปามิ         วสี โหมิ สมาธิสุ
                           อเภชฺชปริโส โหมิ          อาเทยฺยวจโน สทา ฯ
       |๓๙๓.๑๓๐| อุปฏฺฐิตสฺสติ โหมิ          ตาโส มยฺหํ น วิชฺชติ
                           เทวโลเก มนุสฺเส วา      อนุพนฺธา อิเม คุณา ฯ
       |๓๙๓.๑๓๑| อาธารเก ชิเน ทตฺวา       สงฺเฆ คณวรุตฺตเม
                           ปญฺจวณฺเณ ๑- ภยาภาโว    อจโล โหมิ เกนจิ ฯ
       |๓๙๓.๑๓๒| เยเกจิ เม สุตา ธมฺมา     สติญาณปฺปโพธนา
                           ธตา ๒- เม น วินสฺสนฺติ ภวนฺติ สุวินิจฺฉิตา ฯ
       |๓๙๓.๑๓๓| ภาชเน ปริโภเค จ          ทตฺวา พุทฺเธ คณุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๓๔| โสวณฺณมเย มณิมเย     อโถปิ ผลิกามเย
                           โลหิตงฺกมเย เจว           ลภามิ ภาชเน อหํ ฯ
       |๓๙๓.๑๓๕| ภริยา ทาสทาสี จ          หตฺถิสฺสรถปตฺติเก
                           อิตฺถี ปติพฺพตา เจว       ปริโภคานิ สพฺพทา ฯ
       |๓๙๓.๑๓๖| วิชฺชา มนฺตปเท เจว        วิวิเธ อาคเม พหู
                           สพฺพสิปฺปํ นิสาเมมิ       ปริโภคานิ สพฺพทา ฯ
       |๓๙๓.๑๓๗| ถาลเก สุคเต ทตฺวา        สงฺเฆ คุณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๓๘| โสวณฺณมเย มณิมเย     อโถปิ ผลิกามเย
                           โลหิตงฺกมเย เจว           ลภามิ ถาลเก อหํ ฯ
@เชิงอรรถ:  ม. ยุ. ปญฺจวณฺเณหิ ทายาโท ฯ  ยุ. วตา ฯ
       |๓๙๓.๑๓๙| อสฺสฏฺฐเก ผลมเย          อโถ โปกฺขรปตฺตเก
                           มธุปานกสงฺเข จ           ลภามิ ถาลเก อหํ ฯ
       |๓๙๓.๑๔๐| วตฺเต คุเณ ปฏิปตฺตึ ๑- อาจารกิริยาสุ จ
                           อิเม คุเณ ปฏิลเภ          ตสฺส นิสฺสนฺทโต อหํ ฯ
       |๓๙๓.๑๔๑| เภสชฺชํ สุคเต ทตฺวา        สงฺเฆ คณวรุตฺตเม
                           ทสานิสํเส อนุโภมิ        กมฺมานุจฺฉวิเก มม ฯ
       |๓๙๓.๑๔๒| อายุวา พลวา ธีโร          วณฺณวา ยสวา สุขี
                           อนุปทฺทโว อนีติ จ        โหมิ ๒- อปจิโต สทา
                           น เม ปิยวิโยคตฺถิ          ตสฺส นิสฺสนฺทโต มม ฯ
       |๓๙๓.๑๔๓| อุปาหเน ชิเน ทตฺวา       สงฺเฆ คณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๔๔| หตฺถิยานํ อสฺสยานํ        สิวิกํ สนฺทมานิกํ
                           สฏฺฐี รถสหสฺสานิ          ปริวาเรนฺติ มํ สทา ฯ
       |๓๙๓.๑๔๕| มณิมยา ตมฺพมยา ๓-    โสณฺณรชตปาทุกา
                           นิพฺพตฺตนฺติ ปทุทฺธาเร   ภเว สํสรโต มม ฯ
       |๓๙๓.๑๔๖| นิยามํ ปฏิธาวนฺติ ๔-     อาจารคุณโสธนํ ๕-
                           อิเม คุเณ ปฏิลเภ          ตสฺส นิสฺสนฺทโต อหํ ฯ
       |๓๙๓.๑๔๗| ปาทุเก สุคเต ทตฺวา        สงฺเฆ คุณวรุตฺตเม
                           อิทฺธิปาทุกมารุยฺห        วิหรามิ ยถิจฺฉกํ ฯ
@เชิงอรรถ:  ม. ปฏิปตฺติ ฯ ยุ. ปฏิลเภ ฯ  ยุ. โภมิ จาปจิโต สทา ฯ  ยุ. มณฺฑลกา ฯ
@ ม. สติ ธาวนฺติ ฯ  ม. อาคุอาจารโสธนํ ฯ
       |๓๙๓.๑๔๘| มุขปุญฺฉนํ ๑- สุคเต ทตฺวา   สงฺเฆ คณวรุตฺตเม
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๔๙| สุวณฺณวณฺโณ วิรโช       สปฺปภาโส ปตาปวา
                           สินิทฺธํ โหติ เม คตฺตํ      รโชชลฺลํ น ลิมฺปติ ฯ
       |๓๙๓.๑๕๐| อิเม คุเณ ปฏิลเภ           ตสฺส นิสฺสนฺทโต อหํ
                           กตฺตรทณฺเฑ สุคเต ทตฺวา  สงฺเฆ คณวรุตฺตเม ๒- ฯ
       |๓๙๓.๑๕๑| ปญฺจานิสํเส ๓- อนุโภมิ กมฺมานุจฺฉวิเก มม
                           ปุตฺตา มยฺหํ พหู โหนฺติ  ตาโส มยฺหํ น วิชฺชติ ฯ
       |๓๙๓.๑๕๒| อปฺปสโยฺห สทา โหมิ     สพฺพารกฺเขหิ รกฺขิโต
                           ขลิตมฺปิ ๔- น ชานามิ   อภนฺตํ มานสํ มม ฯ
       |๓๙๓.๑๕๓| โอสถํ อญฺชนํ ทตฺวา       สงฺเฆ ๕- คณวรุตฺตเม
                           อฏฺฐานิสํเส อนุโภมิ      กมฺมานุจฺฉวิเก มม ฯ
       |๓๙๓.๑๕๔| วิสาลนยโน โหมิ           เสตปิโต จ โลหิโต
                           อนาวิลปสนฺนกฺโข         สพฺพโรควิวชฺชิโต ฯ
       |๓๙๓.๑๕๕| ลภามิ ทิพฺพนยนํ          ปญฺญาจกฺขุํ อนุตฺตรํ
                           อิเม คุเณ ปฏิลเภ          ตสฺส นิสฺสนฺทโต อหํ ฯ
       |๓๙๓.๑๕๖| กุญฺจิเก สุคเต ทตฺวา      สงฺเฆ คณวรุตฺตเม
                           ธมฺมทฺวารวิวรณํ           ลภามิ ญาณกุญฺจิกํ ฯ
       |๓๙๓.๑๕๗| กุญฺจิกานํ ฆเร ทตฺวา     สงฺเฆ ๖- คณวรุตฺตเม
                           ทฺวานิสํเส อนุโภมิ        กมฺมานุจฺฉวิเก มม ฯ
@เชิงอรรถ:  ม. ยุ. มุขปุญฺฉนโจเล ทตฺวา พุทฺเธ คณุตฺตเม ฯ  ม. คณุตฺตเม ฯ
@ ม. ยุ. ฉานิสํเส ฯ  ยุ. ชลิตํ มํ น ชานามิ ฯ ๕-๖ ม. ยุ. พุทฺเธ
@สงฺเฆ คณุตฺตเม ฯ
       |๓๙๓.๑๕๘| อปฺปโกโธ อนุปายาโส   สํสรนฺโต ภเว อหํ
                           อาโยเค สุคเต ทตฺวา     สงฺเฆ คณวรุตฺตเม ฯ
       |๓๙๓.๑๕๙| ปญฺจานิสํเส อนุโภมิ     กมฺมานุจฺฉวิเก มม
                           สมาธีสุ น กมฺปามิ       วสี โหมิ สมาธิสุ ฯ
       |๓๙๓.๑๖๐| อเภชฺชปริโส โหมิ          อาเทยฺยวจโน สทา
                           ชายติ ๑- โภคสมฺปตฺติ  ภเว สํสรโต มม ฯ
       |๓๙๓.๑๖๑| ธูมเนตฺเต ชิเน ทตฺวา      สงฺเฆ คณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๖๒| สติ เม อุชุกา โหติ          สุสมฺพนฺธา จ นฺหารุโย ๒-
                           ลภามิ ทิพฺพสยนํ ๓-     ตสฺส นิสฺสนฺทโต อหํ ฯ
       |๓๙๓.๑๖๓| ทีปทาเน ๔- ชิเน ทตฺวา  สงฺเฆ คณวรุตฺตเม
                           ตีณานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๖๔| ชาติมา องฺคสมฺปนฺโน    ปญฺญวา พุทฺธสมฺมโต
                           อิเม คุเณ ปฏิลเภ         ตสฺส นิสฺสนฺทโต มม ๕- ฯ
       |๓๙๓.๑๖๕| ตุมฺพเก จ กรณฺเฑ จ      ทตฺวา พุทฺเธ คณุตฺตเม
                           ทสานิสํเส อนุโภมิ       กมฺมานุจฺฉวิเก มม ฯ
       |๓๙๓.๑๖๖| ตทา ๖- คุตฺโต ๗- สุขสมงฺคี มหายสวา ตถา คติ
                           วิภตฺติคตฺโต ๘- สุขุมาโล  สพฺพีติปริวชฺชิโต ฯ
       |๓๙๓.๑๖๗| วิปุเล จ คุเณ ลาภี         สมฺมานจลนา ๙- มม
                           สุวิวชฺชิตอุพฺเพโค          ตุมฺพเก จ กรณฺฑเก ฯ
@เชิงอรรถ:  ยุ. ชาติจฺจ ฯ  ม. นหารโว ฯ  ม. ยุ. ทิพฺพนยนํ ฯ  ม. ยุ. ทีปธาเร ฯ
@ ม. ยุ. อหํ ฯ  ยุ. สทา ฯ  ม. สุคุตฺโต ฯ  ม. วิปตฺติวิคโต ฯ ยุ. ภตฺติกโต ฯ
@ ม. สมาวจลนา ฯ
       |๓๙๓.๑๖๘| ลภามิ จตุโร วณฺเณ       หตฺถิสฺสรตนานิ จ
                           ตานิ เม น วินสฺสนฺติ     ตุมฺพกาเร ๑- อิทํ ผลํ ฯ
       |๓๙๓.๑๖๙| หตฺถลีลงฺคเก ๒- ทตฺวา  พุทฺเธ สงฺเฆ คณุตฺตเม
                           ปญฺจานิสํเส อนุโภมิ    กมฺมานุจฺฉวิเก มม ฯ
       |๓๙๓.๑๗๐| สพฺพลกฺขณสมฺปนฺโน    อายุปญฺญาสมาหิโต
                           สพฺพายาสวินิมุตฺโต      กาโย เม โหติ สพฺพทา ฯ
       |๓๙๓.๑๗๑| ตนุธาเร สุนิสิเต             สงฺเฆ ทตฺวาน ปิปฺผเล
                           กิเลสกนฺตนํ ญาณํ        ลภามิ อตุลํ สุจึ ฯ
       |๓๙๓.๑๗๒| สณฺฑาเส สุคเต ทตฺวา   สงฺเฆ คณวรุตฺตเม
                           กิเลสลุญฺจนํ ๓- ญาณํ  ลภามิ อตุลํ สุจึ ฯ
       |๓๙๓.๑๗๓| นตฺถุเก สุคเต ทตฺวา       สงฺเฆ คณวรุตฺตเม
                           อฏฺฐานิสํเส อนุโภมิ      กมฺมานุจฺฉวิเก มม ฯ
       |๓๙๓.๑๗๔| สทฺธา สีลํ หิริญฺจาปิ      อถ โอตฺตปฺปิยํ คุณํ
                           สุตํ จาคญฺจ ขนฺตี ๔- จ ปญฺญา เม อฏฺฐมํ คุณํ ฯ
       |๓๙๓.๑๗๕| ปีฐเก สุคเต ทตฺวา         สงฺเฆ คณวรุตฺตเม
                           ปญฺจานิสํเส อนุโภมิ     กมฺมานุจฺฉวิเก มม ฯ
       |๓๙๓.๑๗๖| อุจฺเจ กุเล ปชายามิ        มหาโภโค ภวามหํ
                           สพฺเพ มํ อปจายนฺติ      กิตฺติ อพฺภุคฺคตา มม ฯ
       |๓๙๓.๑๗๗| กปฺปสตสหสฺสานิ          ปลฺลงฺกา จตุรสฺสกา
                           ปริวาเรนฺติ มํ นิจฺจํ        สํวิภาครโต อหํ ฯ
@เชิงอรรถ:  ม. ยุ. ตุมฺพทาเน ฯ  ม. มลหรณิโย ฯ  ม. กิเลสภญฺชนํ ฯ  ม. ยุ. ขนฺติญฺจ ฯ
       |๓๙๓.๑๗๘| ภิสิโย สุคเต ทตฺวา        สงฺเฆ คณวรุตฺตเม
                           ฉานิสํเส อนุโภมิ          กมฺมานุจฺฉวิเก มม ฯ
       |๓๙๓.๑๗๙| สมสุคตฺโตปจิโต ๑-       มุทุโก จารุทสฺสโน
                           ลภามิ ญาณปวรํ ๒-     ภิสิทานสฺสิทํ ผลํ ฯ
       |๓๙๓.๑๘๐| ตูลิกา วิกติกาโย           กฏิสฺสา จิตฺตกา พหู
                           วรโปตฺถเก กมฺพเล จ    ลภามิ วิวิเธ อหํ ฯ
       |๓๙๓.๑๘๑| ปาวารเก จ มุทุเก          มุทุกาชินเวณิโย
                           ลภามิ วิวิธฏฺฐาเน ๓-    ภิสิทานสฺสิทํ ผลํ ฯ
       |๓๙๓.๑๘๒| ยโต สรามิ อตฺตานํ        ยโต ปตฺโตสฺมิ วิญฺญุตํ
                           อตุจฺโฉ ฌานมญฺโจมฺหิ ภิสิทานสฺสิทํ ผลํ ฯ
       |๓๙๓.๑๘๓| พิพฺโพหเน ชิเน ทตฺวา    สงฺเฆ คณวรุตฺตเม
                           ฉานิสํเส อนุโภมิ          กมฺมานุจฺฉวิเก มม ฯ
       |๓๙๓.๑๘๔| อุณฺณิเก ปทุมเก จ        อโถ โลหิตจนฺทเน
                           พิพฺโพหเน อุปาเตมิ ๔-  อุตฺตมงฺคํ สทา มม ฯ
       |๓๙๓.๑๘๕| อฏฺฐงฺคิเก มคฺควเร         สามญฺเญ จตุโร ผเล
                           เตสุ ญาณํ อุปฺปาเทตฺวา ๕-  วิหเร นิจฺจกาลิกํ ฯ
       |๓๙๓.๑๘๖| ทาเน ทเม สญฺญเม จ    อปฺปมญฺญาสุ รูปิสุ
                           เตสุ ญาณํ อุปฺปาเทตฺวา วิหเร สพฺพกาลิกํ ฯ
       |๓๙๓.๑๘๗| วตฺเต คุเณ จ ๖- ปฏิเม    อาจารกิริยาสุ จ
                           เตสุ ญาณํ อุปฺปาเทตฺวา วิหเร สพฺพทา อหํ ฯ
@เชิงอรรถ:  ยุ. สมํ สมฺภตฺโตปจิโต ฯ  ม. ยุ. ญาณปริวารํ ฯ  ม. ยุ. วิวิธตฺถาเร ฯ
@ ม. อุปาเธมิ ฯ ยุ. อุปาเทมิ ฯ  ยุ. สพฺพตฺถ อุปาเนตฺวา ฯ
@ ม. ปฏิปตฺติ ฯ ยุ. ปญฺจเม ฯ
       |๓๙๓.๑๘๘| จงฺกเม วา ปธาเน วา      วิริเย โพธิปกฺขิเก ๑-
                           เตสุ ญาณํ อุปฺปาเทตฺวา วิหรามิ ยถิจฺฉกํ ฯ
       |๓๙๓.๑๘๙| สีลํ สมาธิ ปญฺญา จ       วิมุตฺติ จ อนุตฺตรา
                           เตสุ ญาณํ อุปฺปาเทตฺวา วิหรามิ สุขํ อหํ ฯ
       |๓๙๓.๑๙๐| ผลปีเฐ ชิเน ทตฺวา         สงฺเฆ คณวรุตฺตเม
                           ทฺวานิสํเส ๒- อนุโภมิ   กมฺมานุจฺฉวิเก มม ฯ
       |๓๙๓.๑๙๑| โสณฺณมเย มณิมเย       ทนฺตสารมเย พหู
                           ปลฺลงฺกเสฏฺเฐ วินฺทามิ   ผลปีฐสฺสิทํ ผลํ ฯ
       |๓๙๓.๑๙๒| ปาทปีเฐ ชิเน ทตฺวา       สงฺเฆ คณวรุตฺตเม
                           ทฺวานิสํเส อนุโภมิ        กมฺมานุจฺฉวิเก มม ฯ
       |๓๙๓.๑๙๓| ลภามิ พหุเก ยาเน        ปาทปีฐสฺสิทํ ผลํ
                           ทาสี ทาสา จ ภริยา      เย จญฺเญ อนุชีวิโน ฯ
       |๓๙๓.๑๙๔| สมฺมา ปริจรนฺเตว ๓-     ปาทปีฐสฺสิทํ ผลํ
                           เตลอพฺภญฺชเน ทตฺวา   สงฺเฆ คณวรุตฺตเม ฯ
       |๓๙๓.๑๙๕| ปญฺจานิสํเส อนุโภมิ     กมฺมานุจฺฉวิเก มม
                           อพฺยาธิตา รูปวตา        ขิปฺปํ ธมฺมนิสนฺธิตา ๔- ฯ
       |๓๙๓.๑๙๖| ลาภิตา อนฺนปานสฺส     อายุํ ปญฺจมกํ มม
                           สปฺปิเตลญฺจ ทตฺวาน    สงฺเฆ คณวรุตฺตเม ฯ
       |๓๙๓.๑๙๗| ปญฺจานิสํเส อนุโภมิ     กมฺมานุจฺฉวิเก มม
                           ถามวา รูปสมฺปนฺโน     ปหฏฺฐตนุโช สทา ฯ
@เชิงอรรถ:  ม. โพธิปกฺขิเย ฯ  ยุ. จตุรานิสํเส ฯ  ม. ยุ. ปริจรนฺเต มํ ฯ
@ ม. ยุ. ธมฺมนิสนฺติตา ฯ
       |๓๙๓.๑๙๘| อพฺยาธิ ๑- จ สทา โหมิ สปฺปิเตลสฺสิทํ ผลํ
                           มุขโธวนํ ทตฺวาน          สงฺเฆ คณวรุตฺตเม ฯ
       |๓๙๓.๑๙๙| ปญฺจานิสํเส อนุโภมิ     กมฺมานุจฺฉวิเก มม
                           วิสุทฺธกณฺโฐ มธุสฺสโร   กาสสาสวิวชฺชิโต ฯ
       |๓๙๓.๒๐๐| อุปฺปลคนฺโธ มุขโต        อุปวายติ  เม สทา
                           ทธึ ทตฺวาน สมฺปนฺนํ     พุทฺเธ สงฺเฆ คณุตฺตเม ฯ
       |๓๙๓.๒๐๑| ภุญฺชามิ อมตํ ภตฺตํ ๒-  วรํ กายคตาสตึ
                           วณฺณคนฺธรโสเปตํ        มธุํ ทตฺวา ชิเน คเณ ฯ
       |๓๙๓.๒๐๒| อนูปมํ อนญฺญมฺปิ ๓-   ลภามิ วิมุตฺติรสํ
                           ยถาภูตํ รสํ ทตฺวา         พุทฺเธ สงฺเฆ คณุตฺตเม ฯ
       |๓๙๓.๒๐๓| จตุโร ผเล อนุโภมิ          กมฺมานุจฺฉวิเก มม
                           อนฺนปานญฺจ ทตฺวาน    พุทฺเธ สงฺเฆ คณุตฺตเม ฯ
       |๓๙๓.๒๐๔| ทสานิสํเส อนุโภมิ         กมฺมานุจฺฉวิเก มม
                           อายุวา พลวา ธีโร         วณฺณวา ยสวา สุขี ฯ
       |๓๙๓.๒๐๕| ลาภี อนฺนสฺส ปานสฺส    สูโร ปญฺญาณวา ตถา ๔-
                           อิเม คุเณ ปฏิลเภ          สํสรนฺโต ภเว อหํ ฯ
       |๓๙๓.๒๐๖| ธูปํ ทตฺวาน สุคเต          สงฺเฆ คณวรุตฺตเม
                           ทสานิสํเส อนุโภมิ        กมฺมานุจฺฉวิเก มม ฯ
       |๓๙๓.๒๐๗| สุคนฺธเทโห ยสวา          สีฆปญฺโญ จ กิตฺติมา
                           ติกฺขปญฺโญ ภูริปญฺโญ  หาสคมฺภีรปญฺญวา ฯ
@เชิงอรรถ:  ม. อพฺยาธิ วิสโท โหมิ ฯ ยุ. ... วิสชี ... ฯ  ยุ. จิตฺตํ ฯ
@ ม. ยุ. อตุลิยํ ปิเว มุตฺติรสํ อหํ ฯ  ม. สทา ฯ
       |๓๙๓.๒๐๘| เวปุลฺลชวนสปฺปญฺโญ ๑-     สํสรนฺโต ภวาภเว
                           ตสฺเสว วาหสา ทานิ      ปตฺโต สนฺติสุขํ สิวํ ฯ
       |๓๙๓.๒๐๙| สฺวาคตํ วต เม อาสิ        มม พุทฺธสฺส สนฺติเก
                           ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ
       |๓๙๓.๒๑๐| กิเลสา ฌาปิตา มยฺหํ     ภวา สพฺเพ สมูหตา
                           นาโคว พนฺธนํ เฉตฺวา    วิหรามิ อนาสโว ฯ
       |๓๙๓.๒๑๑| ปฏิสมฺภิทา จตสฺโส        วิโมกฺขาปิจ อฏฺฐิเม
                           ฉฬภิญฺญา สจฺฉิกตา     กตํ พุทฺธสฺส สาสนนฺติ ฯ
         อิตฺถํ สุทํ อายสฺมา ปิลินฺทวจฺโฉ เถโร อิมา คาถาโย
อภาสิตฺถาติ ฯ
                                   ปิลินฺทวจฺฉตฺเถรสฺส อปทานํ สมตฺตํ ฯ
                                          ทุติยํ เสลตฺเถราปทานํ (๓๙๒)



             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๗๖-๔๙๗. http://84000.org/tipitaka/pitaka_item/pali_item_s.php?book=32&item=393&items=1&modeTY=2&mode=bracket              อ่านโดยใช้เนื้อความเป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=393&items=1&modeTY=2              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=393&items=1&modeTY=2&mode=bracket              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=393&items=1&modeTY=2&mode=bracket              ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=393              The Pali Atthakatha in Thai :- http://84000.org/tipitaka/atthapali/read_th.php?B=50&A=5304              The Pali Atthakatha in Roman :- http://84000.org/tipitaka/atthapali/read_rm.php?B=50&A=5304              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :