พระไตรปิฎกเล่มที่ ๓๒ ภาษาบาลี อักษรไทย
พระสุตตันตปิฎกเล่มที่ ๒๔ สุตฺต. ขุ. อปทานํ (๑)

                                          ทุติยํ เสลตฺเถราปทานํ (๓๙๒)
     [๓๙๔]   |๓๙๔.๒๑๒| นคเร หํสวติยา      วีถิสามิ อโหสหํ
                           มม าตี สมาเนตฺวา    อิทํ วจนมพฺรวึ ฯ
       |๓๙๔.๒๑๓| พุทฺโธ โลเก สมุปฺปนฺโน  ปุญฺกฺเขตฺโต อนุตฺตโร
                           อาสิ ๒- โส สพฺพโลกสฺส  อาหุตีนํ ปฏิคฺคโห ฯ
       |๓๙๔.๒๑๔| ขตฺติยา เนคมา เจว        มหาสาลา จ พฺราหฺมณา
                           ปสนฺนจิตฺตา สุมนา       ปูคธมฺมํ อกํสุ เต ฯ
@เชิงอรรถ: ๑ ม. ยุ. เวปุลฺลชวนปญฺโ ฯ ๒ ยุ. อาธาโร สพฺพโลกสฺส ฯ
---------------------------------------------------------------------------------------------
หน้าที่ ๔๙๘.
       |๓๙๔.๒๑๕| หตฺถาโรหา อนีกตฺถา     รถิกา ปตฺติการกา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๑๖| อุคฺคา จ ราชปุตฺตา จ     เวสิยานา จ พฺราหฺมณา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๑๗| อาฬาริกา จ สูทา ๑- จ  นฺหาปกา มาลการกา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๑๘| รชกา เปสการา จ          ตุนฺนวายา จ นฺหาปิกา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๑๙| อุสุการา ภมการา          จมฺมการา จ ตจฺฉกา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๒๐| กมฺมารา โสณฺณการา จ ติปุโลหกรา ตถา
                           ปสนฺนจิตฺตา สุมนา      ปูคธมฺมํ อกํสุ เต ฯ
       |๓๙๔.๒๒๑| ภตกา เจลกา ๒- เจว     ทาสกมฺมกรา พหู
                           ยถา สเกน ถาเมน        ปูคธมฺมํ อกํสุ เต ฯ
       |๓๙๔.๒๒๒| อุทหารา กฏฺหารา       กสิกา ๓- ติณหารกา
                           ยถา สเกน ถาเมน        ปูคธมฺมํ อกํสุ เต ฯ
       |๓๙๔.๒๒๓| ปุปฺผิกา มาลิกา เจว      ปณฺณิกา ผลหารกา
                           ยถา สเกน ถาเมน        ปูคธมฺมํ อกํสุ เต ฯ
       |๓๙๔.๒๒๔| คณิกา กุมฺภทาสี จ        ปูวิกา มจฺฉิกาปิจ ๔-
                           ยถา สเกน ถาเมน        ปูคธมฺมํ อกํสุ เต ฯ
@เชิงอรรถ: ๑ ม. ยุ. กปฺปกา ฯ ๒ ยุ. คีตกา ฯ ๓ ม. กสฺสกา ฯ ๔ ยุ. มจฺฉกายิกา ฯ
---------------------------------------------------------------------------------------------
หน้าที่ ๔๙๙.
       |๓๙๔.๒๒๕| เอเต ๑- สพฺเพ สมาคนฺตฺวา คณพนฺธาว ๒- เอกโต
                           อธิการํ กริสฺสาม          ปุญฺกฺเขตฺเต อนุตฺตเร ฯ
       |๓๙๔.๒๒๖| เต เม สุตฺวาน วจนํ        คณํ พนฺธึสุ ตาวเท
                           อุปฏฺานสาลํ สุกตํ       ภิกฺขุสงฺฆสฺส การยุํ ฯ
       |๓๙๔.๒๒๗| นิฏฺาเปตฺวาน ตํ สาลํ    อุทคฺโค ตุฏฺมานโส
                           ปเรโต เตหิ สพฺเพหิ       สมฺพุทฺธํ อุปสงฺกมึ ฯ
       |๓๙๔.๒๒๘| อุปสงฺกมฺม สมฺพุทฺธํ       โลกนาถํ นราสภํ
                           วนฺทิตฺวา สตฺถุโน ปาเท  อิทํ วจนมพฺรวึ ฯ
       |๓๙๔.๒๒๙| อิเม ตีณิสตา วีร            ปุริสา เอกโต คณา
                           อุปฏฺานสาลํ สุกตํ       นิยฺยาเทนฺติ ตว ๓- มุนิ ฯ
       |๓๙๔.๒๓๐| ภิกฺขุสงฺฆสฺส ปุรโต         สมฺปฏิจฺฉตุ จกฺขุมา
                           ติณฺณํ สตานํ ปุรโต       อิมา คาถา อภาสถ ฯ
       |๓๙๔.๒๓๑| ติสตาปิ จ เชฏฺโ จ        อนุวตฺตึสุ เอกโต
                           สมฺปตฺตี ๔- หิ กริตฺวาน สพฺเพ อนุภวิสฺสถ ฯ
       |๓๙๔.๒๓๒| ปจฺฉิเม ภวสมฺปตฺเต ๕-  สีติภาวมนุตฺตรํ
                           อชรํ อมรํ ๖- เขมํ          นิพฺพานํ ปสฺสยิสฺสถ ๗- ฯ
       |๓๙๔.๒๓๓| เอวํ พุทฺโธ วิยากาสิ       สพฺพญฺูตมนุตฺตโร ๘-
                           พุทฺธสฺส วจนํ สุตฺวา      โสมนสฺสมฺปเวทยึ ฯ
       |๓๙๔.๒๓๔| ตึสกปฺปสหสฺสานิ          เทวโลเก รมึ อหํ
                           เทวาธิโป ปญฺจสตํ        เทวรชฺชมการยึ ฯ
@เชิงอรรถ: ๑ ม. เอถ ฯ ๒ ม. ยุ. คณํ พนฺธาม ฯ ๓ ม. ยุ. ตวํ ฯ ๔ ม. ยุ. สมฺปตฺตึ ฯ
@๕ ม. ยุ. ภเว สมฺปตฺเต ฯ ๖ ม. อมตํ สนฺตํ ฯ ยุ. อมรํ สนฺตึ ฯ
@๗ ม. ผสฺสยิสฺสถ ฯ ยุ. ผุสฺสยิสฺสถ ฯ ๘ ม. ยุ. สพฺพญฺู สมณุตฺตโร ฯ
---------------------------------------------------------------------------------------------
หน้าที่ ๕๐๐.
       |๓๙๔.๒๓๕| สหสฺสกฺขตฺตุํ ราชา จ      จกฺกวตฺติ อโหสหํ
                           ปเทสรชฺชํ ๑- วิปุลํ        คณนาโต ๒- อสงฺขยํ ฯ
       |๓๙๔.๒๓๖| อิธ มานุสเก รชฺเช ๓-     ปริสา โหนฺติ พนฺธวา
                           ปจฺฉิเม ภวสมฺปตฺเต      วาเสฏฺโ นาม พฺราหฺมโณ ฯ
       |๓๙๔.๒๓๗| อสีติโกฏินิจฺจโย            ตสฺส ปุตฺโต อโหสหํ
                           เสโล อิติ มม นามํ        ฉฬงฺเค ปารมึ คโต ฯ
       |๓๙๔.๒๓๘| ชงฺฆาวิหารํ วิจรํ            สสิสฺเสหิ ปุรกฺขโต
                           ชฏาภารภริตํปิ ๔-        เกนิยํ นาม ตาปสํ ฯ
       |๓๙๔.๒๓๙| ปฏิยตฺตาหุตึ ทิสฺวา       อิทํ วจนมพฺรวึ
                           อาวาโห วา วิวาโห วา   ราชา วา เต นิมนฺติโต ฯ
       |๓๙๔.๒๔๐| อาหุตึ ยิฏฺฐุกาโมหํ        พฺราหฺมเณ เทวสมฺมเต
                           น นิมนฺเตมิ ราชานํ       อาหุติ เม น วิชฺชติ ฯ
       |๓๙๔.๒๔๑| น จตฺถิ มยฺหมาวาโห     วิวาโห เม น วิชฺชติ
                           สกฺยานํ นนฺทิชนโน       เสฏฺโ โลเก สเทวเก ฯ
       |๓๙๔.๒๔๒| สพฺพโลกหิตตฺถาสิ ๕-    สพฺพสตฺตสุขาวโห
                           โส เม นิมนฺติโต อชฺช     ตสฺเสตํ ปฏิยาทนํ ฯ
       |๓๙๔.๒๔๓| ตมฺพรุสกวณฺณาโภ        อปฺปเมยฺโย อนูปโม
                           รูเปนาสทิโส พุทฺโธ       สฺวาตนาย นิมนฺติโต ฯ
       |๓๙๔.๒๔๔| อุกฺกามุขปหฏฺโ ๖- จ ๗-   ขทิรงฺคารสนฺนิโภ
                         วิชฺชูปโม มหาวีโร            โส เม นาโถ ๘- นิมนฺติโต ฯ
@เชิงอรรถ: ๑ ม. ยุ. เทวรชฺชํ กโรนฺตสฺส ฯ ๒ ม. ยุ. มหาเทวา อวนฺทิสุํ ฯ ๓ ม. รชฺชํ ฯ
@๔ ม. ชฏาภาริกภริตํ ฯ ยุ. ชฏาภารภริตํ ฯ ๕ ม. ยุ. สพฺพโลกหิตตฺถาย ฯ
@๖ ยุ. อุกฺกามุขปหโต ว ฯ ๗ ม. ว ฯ ๘ ม. ยุ. พุทฺโธ ฯ
---------------------------------------------------------------------------------------------
หน้าที่ ๕๐๑.
       |๓๙๔.๒๔๕| ปพฺพตคฺเค ยถา อคฺคิ     ปุณฺณมาเยว จนฺทิมา
                            นฬคฺคิวณฺณสงฺกาโส    โส เม พุทฺโธ นิมนฺติโต ฯ
       |๓๙๔.๒๔๖| อสมฺภีโต ภยาตีโต         ภวนฺตกรโณ มุนิ
                            สีหูปโม มหาวีโร          โส เม พุทฺโธ นิมนฺติโต ฯ
       |๓๙๔.๒๔๗| กุสโล พุทฺธธมฺเมสุ         อปฺปสโยฺห ปเรหิ โส
                            นาคูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๔๘| สทฺธมฺมปารกุสโล          พุทฺธนาโค อสาทิโส
                            อุสภูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๔๙| อนนฺตวณฺโณ อมิตยโส   วิจิตฺตสพฺพลกฺขโณ
                            สกฺกูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๕๐| วสี คณี ปตาปี จ            เตชสี จ ทุราสโท
                            พฺรหฺมูปโม มหาวีโร      โส เม พุทฺโธ นิมนฺติโต ฯ
       |๓๙๔.๒๕๑| มหคฺคธมฺโม ๑- ทสพโล พลาติพลปารคู ๒-
                            ธรณูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๕๒| สีลธีติสมากิณฺโณ          ธมฺมวิญฺาณโขภิโต
                            อุทธูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๕๓| ทุราสโท ทุปฺปสโห         อจโล อุคฺคโต พฺรหฺมา ๓-
                            เนรูปโม มหาวีโร          โส เม พุทฺโธ นิมนฺติโต ฯ
       |๓๙๔.๒๕๔| อนนฺตาโณ อสโม ๔-  อตุโล อคฺคตํ คโต
                            คคนูปโม มหาวีโร        โส เม พุทฺโธ นิมนฺติโต ฯ
                                           ปนฺนรสมํ ภาณวารํ ฯ
@เชิงอรรถ: ๑ ม. ปตฺตธมฺโม ฯ ยุ. มหนฺตธมฺโม ฯ ๒ ม. ยุ. พลาติพลปารโค ฯ
@๓ ยุ. พฺรหา ฯ ๔ ม. ยุ. อสมสโม ฯ
---------------------------------------------------------------------------------------------
หน้าที่ ๕๐๒.
       |๓๙๔.๒๕๕| ปติฏฺา ภยภีตานํ          ตาโณ สรณคามินํ
                            อสฺสาสโก มหาวีโร       โส เม พุทฺโธ นิมนฺติโต ฯ
       |๓๙๔.๒๕๖| อาสโย พุทฺธิมนฺตานํ      ปุญฺกฺเขตฺตํ สุเขสินํ
                            รตนากโร มหาวีโร        โส เม พุทฺโธ นิมนฺติโต ฯ
       |๓๙๔.๒๕๗| อสฺสาสโก เทวกโร          สามญฺผลทายโก
                            เมฆูปโม มหาวีโร         โส เม พุทฺโธ นิมนฺติโต ฯ
       |๓๙๔.๒๕๘| โลเก ๑- สมุสฺสิโต วีโร     สพฺพตมวิโนทโน
                            สุริยูปโม มหาวีโร         โส เม พุทฺโธ นิมนฺติโต ฯ
       |๓๙๔.๒๕๙| อารมฺมณวิมุตฺตีสุ           สภาวทสฺสโก มุนิ
                            จนฺทูปโม มหาวีโร        โส เม พุทฺโธ นิมนฺติโต ฯ
       |๓๙๔.๒๖๐| พุทฺโธ สมุสฺสิโต โลเก      ลกฺขเณหิ อลงฺกโต
                            อปฺปเมยฺโย มหาวีโร     โส เม พุทฺโธ นิมนฺติโต ฯ
       |๓๙๔.๒๖๑| ยสฺส าณํ อปฺปเมยฺยํ    สีลํ ยสฺส อนูปมํ
                            วิมุตฺติ อสทิสา ยสฺส      โส เม พุทฺโธ นิมนฺติโต ฯ
       |๓๙๔.๒๖๒| ยสฺส ธีติ อสทิสา            ถาโม ยสฺส อจินฺติโย
                            ยสฺส ปรกฺกโม เสฏฺโ    โส เม พุทฺโธ นิมนฺติโต ฯ
       |๓๙๔.๒๖๓| ราโค โทโส จ โมโห จ      วิสา สพฺเพ สมูหตา
                            อคทูปโม ๒- มหาวีโร    โส เม พุทฺโธ นิมนฺติโต ฯ
       |๓๙๔.๒๖๔| กิเลสพฺยาธิ พหุทุกฺขา     โอสถีว ๓- วิโนทโก
                            วิชฺชูปโม ๔- มหาวีโร     โส เม พุทฺโธ นิมนฺติโต ฯ
@เชิงอรรถ: ๑ ม. โลกจกฺขุ มหาเตโช ฯ ๒ ยุ. อครูปโม ฯ ๓ ม. สพฺพตมวิโนทโน ฯ
@ยุ. สพฺพนฺตมวิโนทโก ฯ ๔ ม. เวชฺชูปโม ฯ
---------------------------------------------------------------------------------------------
หน้าที่ ๕๐๓.
       |๓๙๔.๒๖๕| พุทฺโธติ โฆสํ ๑- วเทสิ    โฆโส เม โส สุทุลฺลโภ
                          พุทฺโธติ ๒- โฆสนํ สุตฺวา ปีติ เม อุปปชฺชถ ฯ
       |๓๙๔.๒๖๖| อพฺภนฺตรํ อคณฺหนฺตํ      ปีติ เม พหิ นิจฺฉเร
                           โสหํ ปีติมโน สนฺโต       อิทํ วจนมพฺรวึ ฯ
       |๓๙๔.๒๖๗| กหํ นุ โข โส ภควา         โลกเชฏฺโ นราสโภ
                            ตตฺถ คนฺตฺวา นมสฺสิสฺสํ สามญฺผลทายกํ ฯ
       |๓๙๔.๒๖๘| ปคฺคยฺห ทกฺขิณํ พาหุํ     เวทชาโต กตญฺชลี
                          อาจิกฺข ๓- เม ธมฺมราชํ   โสกสลฺลวิโนทนํ ฯ
       |๓๙๔.๒๖๙| อุเทนฺตํว มหาเมฆํ          นีลํ อญฺชนสนฺนิภํ
                            สาครํ วิย ทิสฺสนฺตํ        ปสฺสเสตํ มหาวนํ ฯ
       |๓๙๔.๒๗๐| เอตฺถ โส วสเต พุทฺโธ     อทนฺตทมโก มุนิ
                            วินยนฺโต จ เวเนยฺเย      โพเธนฺโต โพธิปกฺขิเย ฯ
       |๓๙๔.๒๗๑| ปิปาสิโตว อุทกํ             โภชนํว ชิคจฺฉโต ๔-
                            คาวี ยถา วจฺฉคิทฺธา     เอวาหํ วิจินึ ชินํ ฯ
       |๓๙๔.๒๗๒| อาจารอุปจารญฺู         ธมฺมานุจฺฉวิสํวรํ
                            สิกฺขาเปสึ สเก สิสฺเส     คจฺฉนฺเต ๕- ชินสนฺติกํ ฯ
       |๓๙๔.๒๗๓| ทุราสทา ภควนฺโต          สีหาว เอกจาริโน
                            ปาเท ปาทํ นิกฺขิปนฺตา  อาคจฺเฉยฺยาถ มาณวา ฯ
       |๓๙๔.๒๗๔| อาสิวิโส ยถา โฆโร         มิคราชาว เกสรี
                            มตฺโตว กุญฺชโร ทนฺโต ๖-   เอวํ พุทฺธา ทุราสทา ฯ
@เชิงอรรถ: ๑ ม. ยุ. โภ ยํ ฯ ๒ ม. ยุ. พุทฺโธ พุทฺโธติ สุตฺวาน ฯ ๓ ม. อาจิกฺขิ ฯ
@๔ ม. ยุ. ชิคจฺฉิโต ฯ ๕ ยุ. คจฺฉนฺโต ฯ ๖ ม. ยุ. ทนฺตี ฯ
---------------------------------------------------------------------------------------------
หน้าที่ ๕๐๔.
       |๓๙๔.๒๗๕| อุกฺกาสิตญฺจ ขิปิตํ         อชฺฌุเปกฺขาย มาณวา
                            ปาเท ปาทํ นิกฺขิปนฺตา อุเปถ พุทฺธสนฺติกํ ฯ
       |๓๙๔.๒๗๖| ปฏิสลฺลานครุกา           อปฺปสทฺทา ทุราสทา
                            ทุรูปสงฺกมา พุทฺธา       ครู โหนฺติ สเทวเก ฯ
       |๓๙๔.๒๗๗| ยมหํ ๑- ปญฺหํ ปุจฺฉามิ   ปฏิสมฺโมทยามิ ๒- วา
                            อปฺปสทฺทา ตทา โหถ   มุนีภูตาว ติฏฺถ ฯ
       |๓๙๔.๒๗๘| ยํ โส เทเสสิ สทฺธมฺมํ ๓- เขมํ นิพฺพานปตฺติยา
                            ตเมวตฺถํ นิสาเมถ         สทฺธมฺมสฺสวนํ สุภํ ฯ
       |๓๙๔.๒๗๙| อุปสงฺกมฺม สมฺพุทฺธํ       สมฺโมทึ มุนินา อหํ
                            ตํ กถํ วีติสาเรตฺวา        ลกฺขเณ อุปธารยึ ฯ
       |๓๙๔.๒๘๐| ลกฺขเณ เทฺว น ทกฺขามิ ๔-  ปสฺสามิ ตึสลกฺขเณ
                            โกโสหิตวตฺถุํ ๕- คุยฺหํ   อิทฺธิยา ทสฺสยิ มุนิ ฯ
       |๓๙๔.๒๘๑| ชิวฺหํ นินฺนามยิตฺวา จ ๖- กณฺณโสเต จ นาสิเก
                            ปฏิมสฺส ๗- นลาตนฺตํ   เกวลํ ฉาทยิ ชิโน ฯ
       |๓๙๔.๒๘๒| ตสฺสาหํ ลกฺขเณ ทิสฺวา   ปริปุณฺเณ สพฺยญฺชเน
                            พุทฺโธติ นิฏฺ คนฺตฺวาน สห สิสฺเสหิ ปพฺพชึ ฯ
       |๓๙๔.๒๘๓| สเตหิ ตีหิ สหิโต            ปพฺพชึ อนคาริยํ
                            อฑฺฒมาเส อสมฺปตฺเต สพฺเพ ปตฺตมฺห นิพฺพุตึ ฯ
       |๓๙๔.๒๘๔| เอกโต กมฺมํ กตฺวาน      ปุญฺกฺเขตฺเต อนุตฺตเร
                            เอกโต สํสริตฺวาน        เอกโต วินิวฏฺฏยุํ ฯ
@เชิงอรรถ: ๑ ม. ยทาหํ ฯ ยุ. ยาวาหํ ฯ ๒ ยุ. ปฏิสมฺโมทิยามิ วา ฯ ๓ ม. สมฺพุทฺโธ ฯ
@๔ ม. จ กงฺขามิ ฯ ยุ. ว กงฺขามิ ฯ ๕ ม. ยุ. โกโสหิตวตฺถคุยฺหํ ฯ
@๖ ม. นินฺนามยิตฺวาน ฯ ๗ ม. ปฏิมสิ ฯ
---------------------------------------------------------------------------------------------
หน้าที่ ๕๐๕.
       |๓๙๔.๒๘๕| โคปานสิโย ทตฺวาน       ปูคธมฺเม วสึ อหํ
                            เตน กมฺเมน สุกเตน     อฏฺ เหตู ลภามหํ ฯ
       |๓๙๔.๒๘๖| ทิสาสุ ปูชิโต โหมิ          โภคา จ อมิตา มม
                            ปติฏฺา โหมิ สพฺเพสํ    ตาโส มม น วิชฺชติ ฯ
       |๓๙๔.๒๘๗| พฺยาธโย ๑- เม น วิชฺชนฺติ  ทีฆายุํ ปาลยามิ จ
                            สุขุมจฺฉวิโก โหมิ          อาวาเส ปตฺติเต วสฺเส ๒- ฯ
       |๓๙๔.๒๘๘| อฏฺ โคปานสี ทตฺวา      ปูคธมฺเม วสึ อหํ
                            ปฏิสมฺภิทา อรหตฺตญฺจ เอตํ เม อปรฏฺมํ ฯ
       |๓๙๔.๒๘๙| สพฺพโวสิตโวสาโน         กตกิจฺโจ อนาสโว
                            อฏฺโคปานสี นาม       ตว ปุตฺโต มหามุนิ
       |๓๙๔.๒๙๐| ปญฺจ ถมฺภานิ ทตฺวาน    ปูคธมฺเม วสึ อหํ
                            เตน กมฺเมน สุกเตน     ปญฺจ เหตู ลภามหํ ฯ
       |๓๙๔.๒๙๑| อจโล โหมิ เมตฺตาย       อนูนโภความหํ ๓-
                            อาเทยฺยวจโน โหมิ       น ธํเสมิ ยถา อหํ ฯ
       |๓๙๔.๒๙๒| อภนฺตํ โหติ เม จิตฺตํ       อขิโล ๔- โหมิ กสฺสจิ
                            เตน กมฺเมน สุกเตน     วิมโล โหมิ สาสเน ฯ
       |๓๙๔.๒๙๓| สคารโว สปฺปติสฺโส        กตกิจฺโจ อนาสโว
                            สาวโก เต มหาวีร         ภิกฺขุ ตํ วนฺทเต มุนิ ฯ
       |๓๙๔.๒๙๔| กตฺวา สุกตปลฺลงฺกํ         สาลายํ ปญฺเปสหํ
                            เตน กมฺเมน สุกเตน     ปญฺจ เหตู ลภามหํ ฯ
@เชิงอรรถ: ๑ ยุ. พฺยาธิโย ฯ ๒ ม. ยุ. วเส ฯ ๓ ม. อนูนงฺโค ภวามหํ ฯ ๔ ยุ. อจโล ฯ
---------------------------------------------------------------------------------------------
หน้าที่ ๕๐๖.
       |๓๙๔.๒๙๕| อุจฺเจ กุเล ปชายามิ ๑-  มหาโภโค ภวามหํ
                            สพฺพสมฺปตฺติโก โหมิ   มจฺเฉรํ เม น วิชฺชติ ฯ
       |๓๙๔.๒๙๖| คมเน ปตฺถิเต มยฺหํ       ปลฺลงฺโก อุปติฏฺติ
                            สห ปลฺลงฺกเสฏฺเน     คจฺฉามิ มม ปตฺถิตํ ฯ
       |๓๙๔.๒๙๗| เตน ปลฺลงฺกทาเนน       ตมํ สพฺพํ วิโนทยึ
                            สพฺพาภิญฺาพลปฺปตฺโต       เถโร วนฺทติ ตํ มุเน ๒- ฯ
       |๓๙๔.๒๙๘| ปรกิจฺจตฺตกิจฺจานิ          สพฺพกิจฺจานิ สาธยึ
                            เตน กมฺเมน สุกเตน     ปาวิสึ อภยํ ปุรํ ฯ
       |๓๙๔.๒๙๙| ปรินิฏฺิตสาลสฺมึ           ปริโภคมทาสหํ
                            เตน กมฺเมน สุกเตน     เสฏฺตฺตํ อชฺฌุปาคโต ฯ
       |๓๙๔.๓๐๐| เยเกจิ ทมกา โลเก         หตฺถิอสฺเส ทเมนฺติ เต ๓-
                            กาเรตฺวา ๔- การณา นานา ทารุเณน ทเมนฺติ เต ฯ
       |๓๙๔.๓๐๑| นเหว ๕- ตฺวํ มหาวีร      ทเมสิ นรนาริโย
                            อทณฺเฑน อสตฺเถน     ทเมสิ อุตฺตเม ทเม ฯ
       |๓๙๔.๓๐๒| ทานสฺส วณฺเณ กิตฺเตนฺโต    เทสนากุสโล มุนิ
                            เอกปญฺหํ กเถนฺโต จ ๖-    โพเธสิ ติสเต มุนิ ฯ
       |๓๙๔.๓๐๓| ทนฺตา มยํ สารถินา       สุวิมุตฺตา อนาสวา
                            สพฺพาภิญฺาพลปฺปตฺตา       นิพฺพุตา อุปธิกฺขเย ฯ
       |๓๙๔.๓๐๔| สตสหสฺเส อิโต กปฺเป     ยํ ทานมททินฺตทา
                            อติกฺกนฺตา ภยา สพฺเพ  สาลทานสฺสิทํ ผลํ ฯ
@เชิงอรรถ: ๑ ม. ปชายิตฺวา ฯ ๒ ม. ยุ. มุนิ ฯ ๓ ม. เย ฯ ยุ. เม ฯ
@๔ ม. กริตฺวา ฯ ยุ. กเรตฺวา ฯ ๕ ม. นเหวํ ฯ ๖ ม. ยุ. ว ฯ
---------------------------------------------------------------------------------------------
หน้าที่ ๕๐๗.
       |๓๙๔.๓๐๕| สฺวาคตํ วต เม อาสิ         มม พุทฺธสฺส สนฺติเก
                            ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ
       |๓๙๔.๓๐๖| กิเลสา ฌาปิตา มยฺหํ      ภวา สพฺเพ สมูหตา
                            นาโคว พนฺธนํ เฉตฺวา    วิหรามิ อนาสโว ฯ
       |๓๙๔.๓๐๗| ปฏิสมฺภิทา จตสฺโส         วิโมกฺขาปิจ อฏฺิเม
                            ฉฬภิญฺา สจฺฉิกตา     กตํ พุทฺธสฺส สาสนนฺติ ฯ
         อิตฺถํ สุทํ อายสฺมา เสโล สปริโส ภควโต สนฺติเก อิมา
คาถาโย อภาสิตฺถาติ ฯ
                                     เสลตฺเถรสฺส อปทานํ สมตฺตํ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๙๗-๕๐๗.
http://84000.org/tipitaka/pitaka_item/pali_item_s.php?book=32&item=394&items=1&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=32&item=394&items=1&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=32&item=394&items=1&pagebreak=1
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=32&item=394&items=1&pagebreak=1
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=32&i=394
             The Pali Atthakatha in Thai :-
http://84000.org/tipitaka/atthapali/read_th.php?B=50&A=5330
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=5330
             สารบัญพระไตรปิฎกเล่มที่ ๓๒
http://84000.org/tipitaka/read/?index_32