บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

ตติยํ สพฺพกิตฺติกตฺเถราปทานํ (๓๙๓) [๓๙๕] |๓๙๕.๓๐๘| กณิการํว ชลิตํ ทีปรุกฺขํว โชติตํ ^๑- โอสธึว วิโรจนฺตํ วิชฺชูว คคเน ยถา ฯ |๓๙๕.๓๐๙| อสมฺภีตํ อนุตฺราสึ มิคราชํว เกสรึ าณาโลกํ ปกาเสนฺตํ มทฺทนฺตํ ติตฺถิเย คเณ ฯ |๓๙๕.๓๑๐| อุทฺธรนฺตํ อิมํ โลกํ ฉินฺทนฺตํ สพฺพสํสยํ อสมฺภีตํ ^๒- มิคราชํว อทฺทสํ โลกนายกํ ฯ |๓๙๕.๓๑๑| ชฏาชินธโร อาสึ พฺรหฺมา ^๓- อุชุ ปตาปวา วากจีรํ คเหตฺวาน ปาทมูเล อปตฺถรึ ฯ |๓๙๕.๓๑๒| กาฬานุสาริยํ คยฺห อนุลิมฺปึ ตถาคตํ สมฺพุทฺธํ อุปลิมฺปิตฺวา สนฺถวึ โลกนายกํ ฯ @เชิงอรรถ: ^๑ ม. อุชฺชลํ ฯ ม. วิชฺชุตํ .. ฯ ยุ. วิชฺชุํ อพฺภฆเน ฯ ^๒ ม. คชฺชนฺตํ .. ฯ @ยุ. ลสนฺตํ .. ฯ ^๓ ม. ยุ. พฺรหา ฯ

--------------------------------------------------------------------------------------------- หน้าที่ ๕๐๘.

|๓๙๕.๓๑๓| สมุทฺธรสิมํ โลกํ โอฆติณฺโณ มหามุนิ าณาโลเกน โชเตสิ ปวรํ ^๑- าณมุตฺตมํ ฯ |๓๙๕.๓๑๔| ธมฺมจกฺกํ ปวตฺเตสิ มทฺทเส ปรติตฺถิเย อุสโภ ชิตสงฺคาโม ^๒- สมฺปกมฺเปสิ เมทนึ ฯ |๓๙๕.๓๑๕| มหาสมุทฺเท อุมฺมีว ^๓- เวลนฺตมฺหิ ปภิชฺชติ ^๔- ตเถว ตว าณสฺมึ สพฺพทิฏฺิ ปภิชฺชติ ^๕- ฯ |๓๙๕.๓๑๖| สุขุมจฺฉิกชาลานิ ^๖- สรมฺหิ สมฺปตานิ เต อนฺโตชาลิคตา ปาณา ปีฬิตา โหนฺติ ตาวเท ฯ |๓๙๕.๓๑๗| ตเถว ติตฺถิยา โลเก มุฬฺหา ^๗- สจฺจวินิสฺสิตา อนฺโตาณวเร ตุยฺหํ ปริวตฺตนฺติ มาริส ฯ |๓๙๕.๓๑๘| ปติฏฺา ว วุยฺหตํ โอเฆ ตฺวญฺหิ นาโถ อพนฺธุนํ ภยฏฺิตานํ สรโณ ^๘- มุตฺตตฺถีนํ ปรายโน ^๙- ฯ |๓๙๕.๓๑๙| เอกจฺจโร ^๑๐- อสทิโส เมตฺตากรุณสญฺุโต ปญฺวา ^๑๑- ยุตฺตจาโค จ วสี ตาที คุณาลโย ฯ |๓๙๕.๓๒๐| ธีโร วิคตสมฺโมโห อเนญฺโช อกถํกถี ตุสฺสิโต ^๑๒- วนฺตโทโสสิ นิมฺมโล สํยโต สุจิ ฯ |๓๙๕.๓๒๑| สงฺคาตีโต ^๑๓- คตมโท เตวิชฺโชสิ ^๑๔- ภวนฺตโค สีมาติโค ธมฺมครุ ตตตฺโถ หิตวปฺปโก ^๑๕- ฯ @เชิงอรรถ: ^๑ ยุ. วชิร .. ฯ ^๒ ยุ. ชิตสงฺคาเม ฯ ^๓ ม. อูมิโย ฯ ^๔-๕ ม. ยุ. ปภิชฺชเร ฯ @^๖ ม. .. ชาเลน ฯ ยุ. ชาเลว ฯ ^๗ ม. ปุถุปสณฺฑนิสฺสิตา ฯ ยุ. ผุฏา สจฺจ .. ฯ @^๘ ม. สรณํ ฯ ^๙ ม. ปรายนํ ฯ ^๑๐ ม. ยุ. เอกวีโร ฯ ^๑๑ ม. .. สญฺจโย ฯ ยุ. @เมตฺตาการุณาทิสญฺจโย ฯ ^๑๒ ม. อสโม สุสโม สนฺโต วสี ตาที ชิตญฺชโย ฯ ยุ. @สุสีโล อสโม สนฺโต วสิตวิชิตญฺชโย ฯ ^๑๓ ยุ. วุสิโต ฯ ^๑๔ ยุ. สงฺคาติโค หตมโท ฯ @^๑๕ ม. หิตวพฺภุโต ฯ ยุ. หิตธมฺมโต ฯ

--------------------------------------------------------------------------------------------- หน้าที่ ๕๐๙.

|๓๙๕.๓๒๒| ตารโก ตฺวํ ยถา นาวา นิธิวสฺสาสการโก อสมฺภีโต ยถา สีโห คชราชาว ทมฺมิโต ฯ |๓๙๕.๓๒๓| โถเมตฺวา ทสคาถาหิ ปทุมุตฺตรํ มหามุนึ ^๑- วนฺทิตฺวา สตฺถุโน ปาเท ตุณฺหี อฏฺาสหํ ตทา ฯ |๓๙๕.๓๒๔| ปทุมุตฺตโร โลกวิทู อาหุตีนํ ปฏิคฺคโห ภิกฺขุสงฺเฆ ิโต สตฺถา อิมา คาถา อภาสถ ฯ |๓๙๕.๓๒๕| โย เม สีลญฺจ ปญฺญฺจ ^๒- ธมฺมญฺจาปิ ^๓- ปกิตฺตยิ ตมหํ กิตฺตยิสฺสามิ สุณาถ มม ภาสโต ฯ |๓๙๕.๓๒๖| สฏฺี กปฺปสหสฺสานิ เทวโลเก รมิสฺสติ อญฺเ เทเว อภิภวิตฺวา อิสฺสรํ การยิสฺสติ ฯ |๓๙๕.๓๒๗| โส ปจฺฉา ปพฺพชิตฺวาน สุกฺกมูเลน โจทิโต โคตมสฺส ภควโต สาสเน ปพฺพชิสฺสติ ฯ |๓๙๕.๓๒๘| ปพฺพชิตฺวาน กาเยน ปาปกมฺมํ วิวชฺชิย สพฺพาสเว ปริญฺาย นิพฺพายิสฺสตินาสโว ฯ |๓๙๕.๓๒๙| ยถา จ ^๔- เมโฆ ถนยํ ตปฺเปติ เมทนึ อิมํ ตเถว ตฺวํ มหาวีร ธมฺเมน ตปฺปยิ มมํ ฯ |๓๙๕.๓๓๐| สีลํ ปญฺญฺจ ธมฺมญฺจ ถวิตฺวา โลกนายกํ ปตฺโตมฺหิ ปรมํ สนฺตํ นิพฺพานํ ปทมจฺจุตํ ฯ |๓๙๕.๓๓๑| อโห นูน ส ภควา จิรํ ติฏฺเยฺย จกฺขุมา อญฺาตญฺจ วิชาเนยฺยํ ปสฺเสยฺยํ อมตํ ปทํ ฯ @เชิงอรรถ: ^๑ ม. ยุ. มหายสํ ฯ ^๒ ม. ยุ. าณญฺจ ฯ ^๓ ม. สทฺธมฺมญฺจาปิ วณฺณยิ ฯ @^๔ ม. ยุ. ยถาปิ ฯ

--------------------------------------------------------------------------------------------- หน้าที่ ๕๑๐.

|๓๙๕.๓๓๒| อยํ เม ปจฺฉิมา ชาติ ภวา สพฺเพ สมูหตา สพฺพาสเว ปริญฺาย วิหรามิ อนาสโว ฯ |๓๙๕.๓๓๓| สตสหสฺเส อิโต กปฺเป ยํ พุทฺธมภิโถมยึ ^๑- ทุคฺคตึ นาภิชานามิ กิตฺตนาย อิทํ ผลํ ฯ |๓๙๕.๓๓๔| กิเลสา ฌาปิตา มยฺหํ ภวา สพฺเพ สมูหตา สพฺพาสวา ปริกฺขีณา นตฺถิ ทานิ ปุนพฺภโว ฯ |๓๙๕.๓๓๕| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๓๙๕.๓๓๖| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สพฺพกิตฺติโก เถโร อิมา คาถาโย อภาสิตฺถาติ ฯ สพฺพกิตฺติกตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๕๐๗-๕๑๐. http://84000.org/tipitaka/pitaka_item/pali_item_s.php?book=32&item=395&items=1&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=395&items=1&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=395&items=1&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=395&items=1&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=395 สารบัญพระไตรปิฎกเล่มที่ ๓๒ http://84000.org/tipitaka/read/?index_32