ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
                                   ทสมํ อชิตตฺเถราปทานํ (๔๐๐)
     [๔๐๒]   |๔๐๒.๔๘๘| ปทุมุตฺตโร นาม ชิโน  สพฺพธมฺมาน ปารคู
                          อชฺโฌคเหตฺวา หิมวนฺตํ   นิสีทิ โลกนายโก ฯ
       |๔๐๒.๔๘๙| นาหํ อทฺทกฺขิ ๑- สมฺพุทฺธํ   นปิ สทฺทํ สุโณมหํ
                          มม ภิกฺขํ ๒- คเวสนฺโต    อาหิณฺฑามิ วเน อหํ ฯ
       |๔๐๒.๔๙๐| ตตฺถทฺทสฺสามิ สมฺพุทฺธํ  ทฺวตฺตึสวรลกฺขณํ
                          ทิสฺวาน จิตฺตมาปชฺชึ ๓- สตฺโต โก นามยํ ภเว ฯ
@เชิงอรรถ:  ม. ยุ. อทฺทกฺขึ ฯ  ม. ภกฺขํ ฯ  ม. วิตฺติมาปชฺชึ ฯ
       |๔๐๒.๔๙๑| ลกฺขณานิ วิโลเกตฺวา     มม วิชฺชํ อนุสฺสรึ
                          สุตํ หิ เมตํ พุทฺธานํ        ปณฺฑิตานํ สุภาสิตํ ฯ
       |๔๐๒.๔๙๒| เตสํ ยถา ๑- ตํ วจนํ      อยํ พุทฺโธ ภวิสฺสติ
                          ยนฺนูน ๒- ตํ สกฺกเรยฺยํ  คตึ เม โสธยิสฺสติ ฯ
       |๔๐๒.๔๙๓| ขิปฺปํ อสฺสมมาคนฺตฺวา   มธุเตลํ ๓- คหึ อหํ
                          โกลมฺพกํ คเหตฺวาน       อุปคญฺฉึ วินายกํ ฯ
       |๔๐๒.๔๙๔| ติทณฺฑเก คเหตฺวาน      อพฺโภกาเส เปสหํ
                          ปทีปํ ปชฺชลิตฺวาน         อฏฺกฺขตฺตุํ อวนฺทหํ ฯ
       |๔๐๒.๔๙๕| สตฺตรตฺตินฺทิวํ พุทฺโธ      นิสีทิ ปุริสุตฺตโม
                          ตโต รตฺยา วิวสเน          วุฏฺาสิ โลกนายโก ฯ
       |๔๐๒.๔๙๖| ปสนฺนจิตฺโต สุมโน        สพฺพรตฺตินฺทิวํ อหํ
                          ทีปํ พุทฺธสฺส ปาทาสึ      ปสนฺโน เสหิ ปาณิภิ ฯ
       |๔๐๒.๔๙๗| สพฺเพ คนฺธา ๔- วนมยา ปพฺพเต คนฺธมาทเน
                          พุทฺธสฺส อานุภาเวน      อาคญฺฉุํ พุทฺธสนฺติเก ฯ
       |๔๐๒.๔๙๘| เยเกจิ ปุปฺผคนฺธา เส     ปุปฺผิตา ธรณีรุหา
                          พุทฺธสฺส อานุภาเวน      สพฺเพ สนฺนิปตุํ ตทา ฯ
       |๔๐๒.๔๙๙| ยาวตา หิมวนฺตมฺหิ       นาคา จ ครุฬา อุโภ
                          ธมฺมญฺจ โสตุกามา เต   อาคญฺฉุํ พุทฺธสนฺติเก ฯ
       |๔๐๒.๕๐๐| เทวโล นาม สมโณ        พุทฺธสฺส อคฺคสาวโก
                          วสีสตสหสฺเสหิ              พุทฺธสนฺติกุปาคมิ ฯ
@เชิงอรรถ:  ยุ. ตถา ฯ  ม. ยุ. ยนฺนูนาหํ ฯ  โป. ยุ. ทุมเตลํ ฯ  ม. ... วนา คนฺธมยา ฯ
       |๔๐๒.๕๐๑| ปทุมุตฺตโร โลกวิทู         อาหุตีนํ ปฏิคฺคโห
                          ภิกฺขุสงฺเฆ นิสีทิตฺวา       อิมา คาถา อภาสถ ฯ
       |๔๐๒.๕๐๒| โย เม ทีปํ ปทีเปสิ         ปสนฺโน เสหิ ปาณิภิ
                          ตมหํ กิตฺตยิสฺสามิ         สุณาถ มม ภาสโต ฯ
       |๔๐๒.๕๐๓| สฏฺี กปฺปสหสฺสานิ       เทวโลเก รมิสฺสติ
                          สหสฺสกฺขตฺตุํ ราชา จ      จกฺกวตฺติ ภวิสฺสติ ฯ
                                           โสฬสมํ ภาณวารํ ฯ
       |๔๐๒.๕๐๔| ฉตฺตึสกฺขตฺตุํ เทวินฺโท     เทวรชฺชํ กริสฺสติวิยํ สตฺตสตํ               วิปุลํ รชฺชํ กริสฺสติ ฯ
       |๔๐๒.๕๐๕| ปเทสรชฺชํ วิปุลํ              คณนาโต อสงฺขยํ
                          อิมินา ทีปทาเนน           ทิพฺพจกฺขุ ภวิสฺสติ ฯ
       |๔๐๒.๕๐๖| สมนฺตโต อฑฺฒโกสํ       ปสฺสิสฺสติ อยํ สทา
                          เทวโลกา จวนฺตสฺส         นิพฺพตฺตนฺตสฺส ชนฺตุโน ฯ
       |๔๐๒.๕๐๗| ทิวา วา ยทิวา รตฺตึ        ปทีปํ ธารยิสฺสติ
                          ชายมานสฺส สนฺตสฺส      ปุญฺกมฺมสมงฺคิโน ฯ
       |๔๐๒.๕๐๘| ยาวตา นครํ อาสิ           ตาวตา โชตยิสฺสติ
                          อุปปชฺชติ ยํ โยนึ           เทวตฺตํ อถ มานุสํ ฯ
       |๔๐๒.๕๐๙| อสฺเสว ทีปทานสฺส        อฏฺทีปผเลน จ ๑-
                          อุปฏฺิสฺสนฺติมํ ๒- ชนฺตุํ  ทีปทานสฺสิทํ ผลํ ฯ
@เชิงอรรถ:  ม. ยุ. หิ ฯ  ม. ยุ. น จชิสฺสนฺติมํ ชนฺตุํ ฯ
       |๔๐๒.๕๑๐| กปฺปสตสหสฺสมฺหิ         โอกฺกากกุลสมฺภโว
                          โคตโม นาม นาเมน      สตฺถา โลเก ภวิสฺสติ ฯ
       |๔๐๒.๕๑๑| ตสฺส ธมฺเมสุ ทายาโท    โอรโส ธมฺมนิมฺมิโต
                          สพฺพาสเว ปริญฺาย     นิพฺพายิสฺสตินาสโว ฯ
       |๔๐๒.๕๑๒| โตสยิตฺวาน สมฺพุทฺธํ      โคตมํ สกฺยปุงฺควํ
                          อชิโต นาม นาเมน        เหสฺสติ สตฺถุสาวโก ฯ
       |๔๐๒.๕๑๓| สฏฺิกปฺปสหสฺสานิ        เทวโลเก รมึ อหํ
                          ตตฺราปิ เม ทีปสตํ          โชตเต ๑- นิจฺจกาลิกํ ฯ
       |๔๐๒.๕๑๔| เทวโลเก มนุสฺเส วา       นิทฺธาวนฺติ ปภา มม
                          พุทฺธเสฏฺ สริตฺวาน       ภิยฺโย หาสํ ชเนสหํ ฯ
       |๔๐๒.๕๑๕| ตุสิตาหํ จวิตฺวาน           โอกฺกมึ มาตุกุจฺฉิยา
                          ชายมานสฺส สนฺตสฺส      อาโลโก วิปุโล อหุ ฯ
       |๔๐๒.๕๑๖| อคารา อภินิกฺขมฺม        ปพฺพชึ อนคาริยํ
                          พาวรึ อุปสงฺกมฺม           สิสฺสตฺตํ อชฺฌุปาคมึ ฯ
       |๔๐๒.๕๑๗| หิมวนฺเต วสนฺโตหํ         อสฺโสสึ โลกนายกํ
                          อุตฺตมตฺถํ คเวสนฺโต       อุปคญฺฉึ วินายกํ ฯ
       |๔๐๒.๕๑๘| ทนฺโต พุทฺโธ ทเมตาปิ ๒- โอฆติณฺโณ นิรูปธิ
                           นิพฺพานํ กถยิ พุทฺโธ      สพฺพทุกฺขา ปโมจนํ ฯ
       |๔๐๒.๕๑๙| ตมฺเม อาคมนํ สิทฺธํ        โตสิโตหํ มหามุนึ
                          ติสฺโส วิชฺชา อนุปฺปตฺตา  กตํ พุทฺธสฺส สาสนํ ฯ
@เชิงอรรถ:  ยุ. โชตเร ฯ  ม. ทเมตาวี ฯ ยุ ... จ เมธาวี ฯ
       |๔๐๒.๕๒๐| สตสหสฺเส อิโต กปฺเป     ยํ ทีปํ อททินฺตทา
                          ทุคฺคตึ นาภิชานามิ        ทีปทานสฺสิทํ ผลํ ฯ
       |๔๐๒.๕๒๑| กิเลสา ฌาปิตา มยฺหํ     ภวา สพฺเพ สมูหตา
                          นาโคว พนฺธนํ เฉตฺวา     วิหรามิ อนาสโว ฯ
       |๔๐๒.๕๒๒| สฺวาคตํ วต เม อาสิ        มม พุทฺธสฺส สนฺติเก
                          ติสฺโส วิชฺชา อนุปฺปตฺตา  กตํ พุทฺธสฺส สาสนํ ฯ
       |๔๐๒.๕๒๓| ปฏิสมฺภิทา จตสฺโส        วิโมกฺขาปิจ อฏฺิเม
                          ฉฬภิญฺา สจฺฉิกตา      กตํ พุทฺธสฺส สาสนนฺติ ฯ
         อิตฺถํ สุทํ อายสฺมา อชิโต เถโร อิมา คาถาโย
อภาสิตฺถาติ ฯ
                                  อชิตตฺเถรสฺส อปทานํ สมตฺตํ ฯ
                                                   อุทฺทานํ
                       ปิลินฺทวจฺโฉ เสโล จ        สพฺพกิตฺตมธูทโท
                       กูฏาคารี พกุโล จ            คิริสลฬสวฺหโย ฯ
                       สพฺพโท อชิโต เจว           คาถาโย คณิตา วิสา
                       สตานิ ปญฺจ คาถานํ       วีสติ จ ตทุตฺตริ ฯ
                                       ปิลินฺทวคฺโค จตฺตาฬีโส ฯ
                                              อถ วคฺคุทฺทานํ
                       ปทุมารกฺขโท เจว             อุมฺมา คนฺโธทเกน จ
                       เอกปฺปทสทฺทสญฺี         มนฺทารํ โพธิวนฺทโก ฯ
                       อมฺพฏญฺจ ปิลินฺที จ          คาถาโย คณิตาปิจ
                       จตุสตฺตติ คาถาโย            เอกาทสสตานิ จ ฯ
                                            ปทุมวคฺคทสกํ ฯ
                                         จตุตฺถํ สตกํ สมตฺตํ ฯ
                                                  ---------



             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๕๒๗-๕๓๒. http://84000.org/tipitaka/pitaka_item/pali_item_s.php?book=32&item=402&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=402&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=402&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=402&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=402              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :