|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
|
|
ปญฺจมํ อุปสีวตฺเถราปทานํ (๔๐๕) [๔๐๗] |๔๐๗.๑๐๐| หิมวนฺตสฺส อวิทูเร อโนโม นาม ปพฺพโต อสฺสโม สุกโต มยฺหํ ปณฺณสาลา สุมาปิตา ฯ |๔๐๗.๑๐๑| นที จ สนฺทติ ตตฺถ สุปติตฺถา มโนรมา อนูปติตฺเถ ชายนฺติ ปทุมุปฺปลกา พหู ฯ |๔๐๗.๑๐๒| ปาีนา ปาวุสา มจฺฉา พลชา ๑- มุญฺชโรหิตา มจฺฉกจฺฉปสญฺฉนฺนา นทิกา สนฺทเต ตทา ฯ |๔๐๗.๑๐๓| ติมิรา ปุปฺผิตา ตตฺถ อโสกา ขุทฺทมาลกา ปุณฺณา วา คิริปุณฺณา วา สมฺปวนฺติ มมสฺสมํ ฯ |๔๐๗.๑๐๔| กุฏชา ปุปฺผิตา ตตฺถ ติณสูลวนานิ จ สาลา จ สลฬา ตตฺถ จมฺปกา ปุปฺผิตา พหู ฯ |๔๐๗.๑๐๕| อชฺชุนา อธิมุตฺตา ๒- จ มหานามา จ ปุปฺผิตา อสนา มธุคนฺธี จ ปุปฺผิตา เต มมสฺสเม ฯ |๔๐๗.๑๐๖| อุทฺทาลกา ปาฏลิกา ยูถิกา จ ปิยงฺคุกา พิมฺพิชาลกสญฺฉนฺนา สมนฺตา อฑฺฒโยชนํ ฯ |๔๐๗.๑๐๗| มาตกรา ๓- สตฺตลิโย ปาฏลี สินฺธุวาริตา องฺโกลกา พหู ตตฺถ ตาลกุฏา ๔- จ ปุปฺผิตา ฯ |๔๐๗.๑๐๘| เสเลยฺยกา พหู ตตฺถ ปุปฺผิตา มม อสฺสเม เอเตสุ ปุปฺผชาเตสุ โสภนฺติ ปาทปา พหู ฯ @เชิงอรรถ: ๑ ยุ. ชลาชา ฯ ๒ ม. ยุ. อติมุตฺตา ฯ ๓ ม. มาตคฺคารา ฯ ยุ. มาตงฺคา วา @๔ ม. ตาลกุฏฺิ ฯ ยุ. ตาลกุฏฺา ฯ--------------------------------------------------------------------------------------------- หน้าที่ ๕๔๕.
|๔๐๗.๑๐๙| สมนฺตา เตน คนฺเธน วายเต มม อสฺสเม หรีตกา อามลกา อมฺพชมฺพู วิเภทกา ๑- ฯ |๔๐๗.๑๑๐| โกลา ภลฺลาตกา เพลฺลา ผารุสกผลานิ จ ตินฺทุกา จ ปิยาลา จ มธุกา กาสมาริโย ๒- ฯ |๔๐๗.๑๑๑| ลพุชา ปนสา ตตฺถ กทลี จนฺทรีผลา ๓- อมฺพาฏกา พหู ตตฺถ วลฺลิการผลานิ จ ฯ |๔๐๗.๑๑๒| จิรสํรสปากา จ ๔- ผลิตา มม อสฺสเม อาฬกา อิสิมุคฺคา จ ตโต โสรผลา ๕- พหู ฯ |๔๐๗.๑๑๓| อวฏา ปกฺกภริตา มิลกฺขุทุมฺพรานิ จ ปิปฺผลี มริจา ตตฺถ นิโคฺรธา จ กปิฏฺนา ฯ |๔๐๗.๑๑๔| อุทุมฺพรกา พหโว กณฺฑปกฺกา จ ปาริโย ๖- เอเต จญฺเ จ พหโว ผลิตา อสฺสเม มม ฯ |๔๐๗.๑๑๕| ปุปฺผรุกฺขาปิ พหโว ปุปฺผิตา มม อสฺสเม อาลุวา จ กทมฺพา จ พิฬาลิตกฺกลานิ จ ฯ |๔๐๗.๑๑๖| อาลกา ตาลกา เจว วิชฺชนฺติ มม อสฺสเม อสฺสมสฺสาวิทูเร เม มหาชาตสฺสโร อหุ ฯ |๔๐๗.๑๑๗| อจฺโฉทโก สีตชโล สุปติตฺโถ มโนรโม ปทุมุปฺปลา พหู ตตฺถ ปุณฺฑริกสมายุตา ฯ |๔๐๗.๑๑๘| มนฺทาลเกหิ สญฺฉนฺนา นานาคนฺธสมีริตา คพฺภํ คณฺหนฺติ ปทุมา อญฺเ ปุปฺผนฺติ เกสรี ฯ @เชิงอรรถ: ๑ ม. ยุ. วิภีตกา ฯ ๒ ม. กาสุมารโย ฯ ๓ ม. พทรีผลา ฯ ๔ ม. พีชปูรสปาริโย ฯ @ยุ. วิฏปา จ สปากา จ ฯ ๕ ม. โมทผลา ฯ ยุ. โจรผลา ฯ ๖ ม. กณฺฑุปณฺณา @จ หริโย ฯ--------------------------------------------------------------------------------------------- หน้าที่ ๕๔๖.
|๔๐๗.๑๑๙| โอปุปฺผปตฺตา ติฏฺนฺติ ปทุมา กณฺณิกา พหู มธุ ภิสมฺหา สวติ ขีรสปฺปิ มุฬาลิภิ ฯ |๔๐๗.๑๒๐| สมนฺตา เตน คนฺเธน นานาคนฺธสโมหิตา กุมุทา อมฺพคนฺธี จ นยิตา ทิสฺสเร พหู ฯ |๔๐๗.๑๒๑| ชาตสฺสรสฺสานุกูลํ เกตกา ปุปฺผิตา พหู สุผุลฺลา พนฺธุชีวา จ เสตวารี สุคนฺธิกา ฯ |๔๐๗.๑๒๒| กุมฺภีลา สุํสุมารา ๑- จ คหกา ตตฺถ ชายเร อุคฺคาหกา อชครา ตตฺถ ชาตสฺสเร พหู ฯ |๔๐๗.๑๒๓| ปาีนา ปาวุสา มจฺฉา พลชา มุญฺชโรหิตา มจฺฉกจฺฉปสญฺฉนฺนา อโถ สปฏเกหิ ๒- จ ฯ |๔๐๗.๑๒๔| ปาเรวตา รวิหํสา กุกฺกุตฺถกา ๓- นทีจรา ทินฺทิภา ๔- จกฺกวากา จ จปฺปกา ชีวชีวกา ฯ |๔๐๗.๑๒๕| กลนฺทกา อุกฺกุสา จ เสนกา อุทฺธรา พหู โกตฺถกา สุกโปตา จ กุฬีรา ๕- จมรา พหู ฯ |๔๐๗.๑๒๖| กาเสนิยา ๖- จ ติลกา อุปชีวนฺติ ตํ สรํ สีหา พฺยคฺฆา จ ทีปี จ อจฺฉโกกตรจฺฉโย ฯ |๔๐๗.๑๒๗| วานรา กินฺนรา เจว ทิสฺสนฺติ มม อสฺสเม ตานิ คนฺธานิ ฆายนฺโต ภกฺขยนฺโต ผลานหํ ฯ |๔๐๗.๑๒๘| คนฺโธทกํ ปิวนฺโต จ วสามิ มม อสฺสเม เอณิมิคา วราหา จ ปสทา ขุทฺทรูปกา ฯ @เชิงอรรถ: ๑ ม. สุสุมารา ฯ ๒ ม. ยุ. ปปฏกาหิ ฯ ๓ ม. กุกฺกุตฺถา จ ฯ ๔ ยุ. ติฏีภา ฯ @๕ ม. ตุลิยา ฯ ๖ ม. กาเรนิโย ฯ ยุ. กาเรริโย ฯ--------------------------------------------------------------------------------------------- หน้าที่ ๕๔๗.
|๔๐๗.๑๒๙| อคฺคิกา โชติกา เจว วสนฺติ มม อสฺสเม หํสา โกญฺจา มยูรา จ สหิตาปิจ ๑- โกกิลา ฯ |๔๐๗.๑๓๐| มญฺชริกา ๒- พหู ตตฺถ โกสิกา โปตฺถสีสกา ๓- ปิสาจา ทานวา เจว กุมฺภณฺฑา รกฺขสา พหู ฯ |๔๐๗.๑๓๑| ครุฬา ปนฺนคา เจว วสนฺติ มม อสฺสเม มหานุภาวา อิสโย สนฺตจิตฺตา สมาหิตา ฯ |๔๐๗.๑๓๒| กมณฺฑลุธรา สพฺเพ อชินุตฺตรวาสิโน ชฏาภารภริตา จ ๔- วสนฺติ มม อสฺสเม ฯ |๔๐๗.๑๓๓| ยุคมตฺตญฺจ เปกฺขนฺตา นิปกา สนฺตวุตฺติโน ลาภาลาเภน สนฺตุฏฺา วสนฺติ มม อสฺสเม ฯ |๔๐๗.๑๓๔| วากจีรํ ธุนนฺตา เต โปเนฺตา ๕- ชินจมฺมกํ สพเลหิ อุปตฺถทฺธา คจฺฉนฺติ อมฺพเร ตทา ฯ |๔๐๗.๑๓๕| นโวทกํ อาหรนฺติ กฏฺ วา อคฺคิทารุกํ สยญฺจ อุปสมฺปนฺนา สปฺปาฏิหิรสฺสิทํ ผลํ ฯ |๔๐๗.๑๓๖| โลหโทณึ คเหตฺวาน วนมชฺเฌ วสนฺติ เต กุญฺชราว มหานาคา อฉมฺภิตาว ๖- เกสรี ฯ |๔๐๗.๑๓๗| อญฺเ คจฺฉนฺติ โคยานํ อญฺเ ปุพฺพวิเทหนํ ๗- อญฺเ จ อุตฺตรกุรุํ สกมฺพลมปสฺสิตา ๘- ฯ |๔๐๗.๑๓๘| ตโต ปิณฺฑํ อาหริตฺวา ปริภุญฺชนฺติ เอกโต สพฺเพสํ ปกฺกมนฺตานํ อุคฺคเตชาน ตาทินํ ฯ @เชิงอรรถ: ๑ ม. สาลิกาปิจ ฯ ๒ ม. ยุ. มชฺชาริกา ฯ ๓ ยุ. โปตฺถสีสิกา ฯ ๔ ม. ว ฯ @ยุ. เต ชฏาภารภริตา ฯ ๕ ม. โผเฏนฺตา ฯ ๖ ม. ยุ. อสมฺภีตาว ฯ ๗ ม. @ปุพฺพวิเทหกํ ฯ ๘ ม. สกํ พลมวสฺสิตา ฯ--------------------------------------------------------------------------------------------- หน้าที่ ๕๔๘.
อชินจมฺมสทฺเทน วนํ สทฺทายเต ตทา ฯ |๔๐๗.๑๓๙| เอทิสา เต มหาวีร สิสฺสา อุคฺคตปา มม ปริวุโต อหํ เตหิ วสามิ มม อสฺสเม ฯ |๔๐๗.๑๔๐| โตสิตา สกกมฺเมน วินีตาปิ สมาคตา อาราธยึสุ มํ เอเต สกกมฺมาภิลาสิโน ๑- ฯ |๔๐๗.๑๔๑| สีลวนฺโต จ นิปกา อปฺปมญฺาสุ โกวิทา ปทุมุตฺตโร โลกวิทู อาหุตีนํ ปฏิคฺคโห ฯ |๔๐๗.๑๔๒| สมยํ สํวิทิตฺวาน อุปคญฺฉิ วินายโก อุปคนฺตฺวาน สมฺพุทฺโธ อาตาปี นิปโก มุนิ ฯ |๔๐๗.๑๔๓| ปตฺตํ ปคฺคยฺห สมฺพุทฺโธ ภิกฺขาย สมุปาคมิ ๒- อุปาคตํ มหาวีรํ ชลชุตฺตมนามกํ ๓- ฯ |๔๐๗.๑๔๔| ติณตฺถรํ ๔- ปญฺาเปตฺวา สาลปุปฺเผหิ โอกิรึ นิสีทิตฺวาน ๕- สมฺพุทฺธํ หฏฺโ สํวิคฺคมานโส ฯ |๔๐๗.๑๔๕| ขิปฺปํ ปพฺพตมารุยฺห อคฬุํ อคฺคหึ อหํ กุมฺภมตฺตํ คเหตฺวาน ปนสํ เทวคนฺธิกํ ฯ |๔๐๗.๑๔๖| ขนฺเธ อาโรปยิตฺวาน อุปคญฺฉึ วินายกํ ผลํ พุทฺธสฺส ทตฺวาน อคฬุํ อนุลิมฺปหํ ฯ |๔๐๗.๑๔๗| ปสนฺนจิตฺโต สุมโน พุทฺธเสฏฺ อวนฺทิหํ ปทุมุตฺตโร โลกวิทู อาหุตีนํ ปฏิคฺคโห ฯ @เชิงอรรถ: ๑ ยุ. สกกมฺมาภิลาภิโน ฯ ๒ ม. ยุ. มมุปาคมิ ฯ ๓ ม. ยุ. ชลชุตฺตมนายกํ ฯ @๔ ม. ติณสนฺถรํ ฯ ๕ ม. นิสาเทตฺวาน ฯ--------------------------------------------------------------------------------------------- หน้าที่ ๕๔๙.
|๔๐๗.๑๔๘| อิสิมชฺเฌ นิสีทิตฺวา อิมา คาถา อภาสถ โย จ เม ผลมคฬุํ ๑- อาสนญฺจ อทาสิ เม ฯ |๔๐๗.๑๔๙| ตมหํ กิตฺตยิสฺสามิ สุณาถ มม ภาสโต คาเม วา ยทิวารญฺเ ปพฺภาเรสุ คุหาสุ วา ฯ |๔๐๗.๑๕๐| อิมสฺส จิตฺตมญฺาย นิพฺพตฺติสฺสติ โภชนํ เทวโลเก มนุสฺเส วา อุปปนฺโน อยํ นโร ฯ |๔๐๗.๑๕๑| โภชเนหิ จ วตฺเถหิ ปริสนฺตปฺปยิสฺสติ อุปปชฺชติ ยํ โยนึ เทวตฺตํ อถ มานุสํ ฯ |๔๐๗.๑๕๒| อกฺโขพฺภโภโค หุตฺวาน สํสริสฺสติยํ นโร ตึสกปฺปสหสฺสานิ เทวโลเก รมิสฺสติ ฯ |๔๐๗.๑๕๓| สหสฺสกฺขตฺตุํ ราชา จ จกฺกวตฺติ ภวิสฺสติ เอกสตฺตติกฺขตฺตุญฺจ เทวรชฺชํ กริสฺสติ ฯ |๔๐๗.๑๕๔| ปเทสรชฺชํ วิปุลํ คณนาโต อสงฺขยํ กปฺปสตสหสฺสมฺหิ โอกฺกากกุลสมฺภโว ฯ |๔๐๗.๑๕๕| โคตโม นาม นาเมน สตฺถา โลเก ภวิสฺสติ ตสฺส ธมฺเมสุ ทายาโท โอรโส ธมฺมนิมฺมิโต ฯ |๔๐๗.๑๕๖| อุปสีโว นาม นาเมน เหสฺสติ สตฺถุสาวโก สพฺพาสเว ปริญฺาย วิหริสฺสตินาสโว ฯ |๔๐๗.๑๕๗| สุลทฺธลาโภ ลทฺโธ เม โยหํ อทฺทกฺขิ นายกํ ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ @เชิงอรรถ: ๑ ม. โย เม ผลญฺจ อครุํ ฯ ยุ. โย เม ผลญฺจาครุญฺจ ฯ--------------------------------------------------------------------------------------------- หน้าที่ ๕๕๐.
|๔๐๗.๑๕๘| คาเม วา ยทิวารญฺเ ปพฺภาเรสุ คุหาสุ วา มม สงฺกปฺปมญฺาย โภชนํ โหติ เม สทา ฯ |๔๐๗.๑๕๙| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๔๐๗.๑๖๐| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๔๐๗.๑๖๑| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุปสีโว เถโร อิมา คาถาโย อภาสิตฺถาติ ฯ อุปสีวตฺเถรสฺส อปทานํ สมตฺตํ ฯเนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๕๔๔-๕๕๐. http://84000.org/tipitaka/pitaka_item/pali_item_s.php?book=32&item=407&items=1&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=407&items=1&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=407&items=1&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=407&items=1&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=407 The Pali Atthakatha in Thai :- http://84000.org/tipitaka/atthapali/read_th.php?B=50&A=5427 The Pali Atthakatha in Roman :- http://84000.org/tipitaka/atthapali/read_rm.php?B=50&A=5427 สารบัญพระไตรปิฎกเล่มที่ ๓๒ http://84000.org/tipitaka/read/?index_32
       |
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]