ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้า คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
                                     ทสมํ อุเทนตฺเถราปทานํ (๔๑๐)
     [๔๑๒]   |๔๑๒.๓๓๑| หิมวนฺตสฺส อวิทูเร  ปทุโม นาม ปพฺพโต
                           อสฺสโม สุกโต มยฺหํ      ปณฺณสาลา สุมาปิตา ฯ
       |๔๑๒.๓๓๒| นทิโย สนฺทเร ๑- ตตฺถ   สุปติตฺถา มโนรมา
                           อจฺโฉทกา สีตชลา        สนฺทเร ๒-  นทิโย สทา ฯ
@เชิงอรรถ: ๑-๒ ยุ. สุนฺทรี ฯ
       |๔๑๒.๓๓๓| ปาีนา ปาวุสา มจฺฉา         วลชา ๑- มุญฺชโรหิตา
                           โสภนฺติ นทิโย เอเต            วสนฺติ นทิยา ตทา ฯ
       |๔๑๒.๓๓๔| อมฺพชมฺพูหิ สญฺฉนฺนา        กเรริติลกา ตถา
                           อุทฺทาลกา ปาฏลิโย           โสภนฺติ มม อสฺสมํ ฯ
       |๔๑๒.๓๓๕| องฺโกลกา ๒- พิมฺพิชาลา      มายาหรา ๓- จ ปุปฺผิตา
                           คนฺเธน อุปวายนฺตา ๔-       โสภนฺติ มม อสฺสมํ ฯ
       |๔๑๒.๓๓๖| อธิมุตฺตา สตฺตลิกา              นาคา สาลา จ ปุปฺผิตา
                           ทิพฺพา คนฺธา ๕- สมฺปวนฺตา  โสภนฺติ มม อสฺสมํ ฯ
       |๔๑๒.๓๓๗| โกสุมฺภา สลฬา นีปา          หตฺถปาตา ๖- จ ปุปฺผิตา
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
       |๔๑๒.๓๓๘| หรีตกา อามลกา                อมฺพา ชมฺพู วิเภทกา
                           โกลา ภลฺลาตกา เพลฺลา     ผลานิ พหุ อสฺสเม ฯ
       |๔๑๒.๓๓๙| กลมฺพา กทลี ตตฺถ             ปุปฺผนฺติ มม อสฺสเม
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
       |๔๑๒.๓๔๐| อโสกปิณฺฑี จ วรี ๗-           นิมฺพรุกฺขา ๘- จ ปุปฺผิตา
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
       |๔๑๒.๓๔๑| ปุณฺณาวา คิริปุณฺณาวา ๙-  ติมิรา ตตฺถ ปุปฺผิตา
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
       |๔๑๒.๓๔๒| นิคฺคุณฺฑี สิรินิคฺคุณฺฑี         จมฺปรุกฺเขตฺถ ปุปฺผิตา
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
@เชิงอรรถ:  ยุ. ชลชา ฯ  ยุ. อาโกลกา ฯ  ม. มายาการี ฯ ยุ. มายาจารา ฯ
@๔-๕ ยุ. ทิพฺพคนฺธสมาปนฺนา ฯ อิโต ปรํ อีทิสเมว ฯ  ม. อฏฺงฺคาปิ ฯ
@ยุ. กฏฺงฺคา จ สุปุปฺผิตา ฯ  ม. อโสกาปิณฺฑิวารี จ ฯ  ยุ. นีปรุกฺขา ฯ
@ ม. ยุ. ปุนฺนาคา คิริปุนฺนาคา ฯ
       |๔๑๒.๓๔๓| อวิทูเร โปกฺขรณี                จกฺกวากุปกุชฺชิตา
                           มนฺทาลเกหิ สญฺฉนฺนา      ปทุมุปฺปลเกหิ จ ฯ
       |๔๑๒.๓๔๔| อจฺโฉทกา สีตชลา             สุปติตฺถา มโนรมา
                           อจฺฉา ผลิกสมานา            โสภนฺติ มม อสฺสมํ ฯ
       |๔๑๒.๓๔๕| ปทุมา ปุปฺผเร ตตฺถ            ปุณฺฑรีกา จ อุปฺปลา
                           มนฺทาลเกหิ สญฺฉนฺนา      โสภนฺติ มม อสฺสมํ ฯ
       |๔๑๒.๓๔๖| ปาีนา ปาวุสา มจฺฉา        พลชา มุญฺชโรหิตา
                           วิจรนฺตาว เต ตตฺถ             โสภนฺติ มม อสฺสมํ ฯ
       |๔๑๒.๓๔๗| กุมฺภีลา สุํสุมารา จ            กจฺฉปา จ คหา พหู
                            โอคหา ๑- อชครา จ         โสภนฺติ มม อสฺสมํ ฯ
       |๔๑๒.๓๔๘| ปาเรวตา รวิหํสา                จกฺกวากา นทีจรา
                           ทินฺทิภา ๒- สาลิกา เจว     โสภนฺติ มม อสฺสมํ ฯ
       |๔๑๒.๓๔๙| นยิตา อมฺพคนฺธี จ             เกตกา ตตฺถ ปุปฺผิตา
                           ทิพฺพา คนฺธา สมฺปวนฺตา    โสภนฺติ มม อสฺสมํ ฯ
       |๔๑๒.๓๕๐| สีหา พฺยคฺฆา จ ทีปี จ         อจฺฉโกกตรจฺฉโย
                           อนุสญฺจรนฺตา ปวเน          โสภนฺติ มม อสฺสมํ ฯ
       |๔๑๒.๓๕๑| ชฏาภาเรน ภริตา               อชินุตฺตรวาสิโน
                           อนุสญฺจรนฺตา ปวเน          โสภนฺติ มม อสฺสมํ ฯ
       |๔๑๒.๓๕๒| อชินานิ ธรา เอเก ๓-          นิปกา สนฺตวุตฺติโน
                           อปฺปาหารา จ เต สพฺเพ      โสภนฺติ มม อสฺสมํ ฯ
@เชิงอรรถ:  ยุ. โอคุหา ฯ  ม. จนฺทิภา ฯ  ม. ยุ. เอเต ฯ
       |๔๑๒.๓๕๓| ขาริกาชํ ๑- คเหตฺวาน    อชฺโฌคยฺห วนํ ตทา
                           มูลผลานิ ภุญฺชนฺตา      วสนฺติ อสฺสเม ตทา ฯ
       |๔๑๒.๓๕๔| น เต ทารุํ อาหรนฺติ        อุทกํ ปาทโธวนํ
                           สพฺเพสํ อานุภาเวน       สยเมวาหรียติ ฯ
       |๔๑๒.๓๕๕| จุลฺลาสีติสหสฺสานิ         อิสโย ตตฺถ สมาคตา
                           สพฺเพว ฌายิโน เอเต     อุตฺตมตฺถํ คเวสิโน ฯ
       |๔๑๒.๓๕๖| ตปสฺสิโน พฺรหฺมจารี       โจเทนฺโต อปฺปนาว เต
                           อมฺพราวจรา สพฺเพ       วสนฺติ อสฺสเม ตทา ฯ
       |๔๑๒.๓๕๗| ปญฺจาหํ สนฺนิปตนฺติ      เอกคฺคา สนฺตวุตฺติโน
                           อญฺมญฺ ๒- อภิวาเทตฺวา   ปกฺกมนฺติ ทิสามุขา ฯ
        |๔๑๒.๓๕๘| ปทุมุตฺตโร นาม ชิโน     สพฺพธมฺมาน ปารคู
                           ตมนฺธการํ วิธมํ             อุปฺปชฺชิ ตาวเท ชิโน ฯ
       |๔๑๒.๓๕๙| มม อสฺสมสามนฺตา        ยกฺโข อาสิ  มหิทฺธิโก
                           โส เม สํสิตฺถ สมฺพุทฺธํ    ชลชุตฺตมนามกํ ๓- ฯ
       |๔๑๒.๓๖๐| เอส พุทฺโธ สมุปฺปนฺโน    ปทุมุตฺตโร มหามุนิ
                    ขิปฺปํ คนฺตฺวาน สมฺพุทฺธํ         ปยิรุปาสสฺสุ ๔- มาริส ๕- ฯ
        |๔๑๒.๓๖๑| ยกฺขสฺส วจนํ สุตฺวา        วิปฺปสนฺเนน เจตสา
                           อสฺสมํ สํสาเมตฺวาน       นิกฺขมึ ปวนา ตทา ฯ
        |๔๑๒.๓๖๒| เจเลว ฑยฺหมานมฺหิ      นิกฺขมิตฺวาน อสฺสมา
                           เอกรตฺตึ นิวาสิตฺวา        อุปคญฺฉึ วินายกํ ฯ
@เชิงอรรถ:  ม. ยุ. ขาริภารํ ฯ  ม. ยุ. อญฺโญฺ ม. ยุ. ... นายกํ ฯ
@ ม. ปยิรุปาส ฯ  ยุ. ปยิรุปาสสฺสุ ตํ มุนิ ฯ
       |๔๑๒.๓๖๓| ปทุมุตฺตโร โลกวิทู             อาหุตีนํ ปฏิคฺคโห
                           จตุสจฺจํ ปกาเสนฺโต           เทเสสิ อมตํ ปทํ ฯ
       |๔๑๒.๓๖๔| สุผุลฺลํ ปทุมํ คยฺห              อุปคนฺตฺวา มเหสิโน
                           ปสนฺนจิตฺโต สุมโน            พุทฺธสฺส อภิวาทยึ ๑- ฯ
       |๔๑๒.๓๖๕| ปูชยิตฺวาน สมฺพุทฺธํ            ชลชุตฺตมนายกํ
                           เอกํสํ อชินํ กตฺวา              สนฺถวึ โลกนายกํ ฯ
       |๔๑๒.๓๖๖| เยน าเณน สมฺพุทฺโธ       วสตีห อนาสโว
                           ตํ าณํ กิตฺตยิสฺสามิ        สุณาถ มม ภาสโต ฯ
       |๔๑๒.๓๖๗| สํสารโสตํ ฉินฺทิตฺวา            ตาเรสิ สพฺพปาณินํ
                           ตว ธมฺมํ สุณิตฺวาน            ตณฺหาโสตํ ตรนฺติ เต ฯ
       |๔๑๒.๓๖๘| ตุวํ สตฺถา จ เกตุว ๒-          ธโช ยูโปว ๓- ปาณินํ
                           ปรายโน ปติฏฺาสิ             ทีโป จ ทิปทุตฺตโม ๔- ฯ
       |๔๑๒.๓๖๙| ยาวตา คณิโน โลเก            สตฺถวาหา ปวุจฺจเร
                           ตุวํ อคฺโคสิ สปฺปญฺโ        ตว อนฺโตคธาว เต ฯ
       |๔๑๒.๓๗๐| ตว าเณน สปฺปญฺโ ๕-  ตาเรสิ ชนตํ พหุํ
                           ตว ทสฺสนมาคมฺม             ทุกฺขสฺสนฺตํ กริสฺสเร ฯ
       |๔๑๒.๓๗๑| เยเกจิเม คนฺธชาตา            โลเก วายนฺติ จกฺขุม
                           ตว คนฺธสโม นตฺถิ             ปุญฺกฺเขตฺเต มหามุนิ ฯ
       |๔๑๒.๓๗๒| ติรจฺฉานโยนึ นิรยํ              ปริโมเจหิ ๖- จกฺขุมา
                           อสงฺขตํ ปทํ สนฺตํ               เทเสสิ ตฺวํ มหามุนิ ฯ
@เชิงอรรถ:  ม. ยุ. อภิโรปยึ ฯ ๒-๓  ม. ยุ. จ ฯ  ม. ยุ. ทิปทุตฺตม ฯ
@ ม. ตุวํ อคฺโคสิ สพฺพญฺู ฯ ยุ. ตุวํ อคฺโคสิ สปฺปญฺโ ม. ยุ. ปริโมเจสิ ฯ
       |๔๑๒.๓๗๓| ปทุมุตฺตโร โลกวิทู             อาหุตีนํ ปฏิคฺคโห
                           ภิกฺขุสงฺเฆ นิสีทิตฺวา          อิมา คาถา อภาสถ ฯ
       |๔๑๒.๓๗๔| โย เม าณํ อปูเชสิ           ปสนฺโน เสหิ ปาณิหิ
                           ตมหํ กิตฺตยิสฺสามิ             สุณาถ มม ภาสโต ฯ
       |๔๑๒.๓๗๕| ตึส กปฺปสหสฺสานิ             เทวโลเก รมิสฺสติ
                           สหสฺสกฺขตฺตุํ ราชา จ         จกฺกวตฺติ ภวิสฺสติ ฯ
       |๔๑๒.๓๗๖| สุลทฺธลาโภ ๑- ลทฺโธมฺหิ    โตสยิตฺวาน สุพฺพตํ
                           สพฺพาสเว ปริญฺาย         วิหรามิ อนาสโว ฯ
       |๔๑๒.๓๗๗| กิเลสา ฌาปิตา มยฺหํ         ภวา สพฺเพ สมูหตา
                           นาโคว พนฺธนํ เฉตฺวา        วิหรามิ อนาสโว ฯ
       |๔๑๒.๓๗๘| สฺวาคตํ วต เม อาสิ            มม พุทฺธสฺส สนฺติเก
                           ติสฺโส วิชฺชา อนุปฺปตฺตา     กตํ พุทฺธสฺส สาสนํ ฯ
       |๔๑๒.๓๗๙| ปฏิสมฺภิทา จตสฺโส            วิโมกฺขาปิจ อฏฺิเม
                           ฉฬภิญฺา สจฺฉิกตา         กตํ พุทฺธสฺส สาสนนฺติ ฯ
         อิตฺถํ สุทํ อายสฺมา อุเทโน เถโร อิมา คาถาโย
อภาสิตฺถาติ ฯ
                                   อุเทนตฺเถรสฺส อปทานํ สมตฺตํ ฯ
                                                อุทฺทานํ
                         เมตฺเตยฺโย ปุณฺณโก เถโร     เมตฺตคู โธตโกปิจ
@เชิงอรรถ:  ม. ยุ. สุลทฺธลาภํ ฯ
                       อุปสีโว จ นนฺโท จ                 เหมโก สตฺตโม ตหึ ฯ
                       โตเทยฺโย ชตุกณฺณี จ             อุเทโน จ มหายโส
                       ตีณิ คาถาสตาเนตฺถ              อสีติ ตีณิ จุตฺตรึ ฯ
                                    เมตฺเตยฺยวคฺโค เอกจตฺตาฬีสโม ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๕๖๘-๕๗๔. http://84000.org/tipitaka/pitaka_item/pali_item_s.php?book=32&item=412&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=412&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=412&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=412&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=412              The Pali Atthakatha in Thai :- http://84000.org/tipitaka/atthapali/read_th.php?B=50&A=5471              The Pali Atthakatha in Roman :- http://84000.org/tipitaka/atthapali/read_rm.php?B=50&A=5471              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้า คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :