ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๔ ภาษาบาลี อักษรไทย พระอภิธรรมปิฎกเล่มที่ ๑ อภิ. ธมฺมสงฺคณิ
     [๕๘๘]   กตมนฺตํ   รูปํ   อชฺฌตฺติกํ   อุปาทา  จกฺขายตนํ  ฯเปฯ
กายายตนํ    อิทนฺตํ    รูปํ   อชฺฌตฺติกํ   อุปาทา   ฯ   กตมนฺตํ   รูปํ
พาหิรํ    อุปาทา   รูปายตนํ   ฯเปฯ   กพฬึกาโร   อาหาโร   อิทนฺตํ
รูปํ  พาหิรํ  อุปาทา  ฯ  กตมนฺตํ  รูปํ  พาหิรํ  โนอุปาทา โผฏฺฐพฺพายตนํ
อาโปธาตุ อิทนฺตํ รูปํ พาหิรํ โนอุปาทา ฯ
     [๕๘๙]   กตมนฺตํ   รูปํ   อชฺฌตฺติกํ  อุปาทินฺนํ  จกฺขายตนํ  ฯเปฯ
กายายตนํ    อิทนฺตํ   รูปํ   อชฺฌตฺติกํ   อุปาทินฺนํ   ฯ   กตมนฺตํ   รูปํ
พาหิรํ   อุปาทินฺนํ   อิตฺถินฺทฺริยํ   ปุริสินฺทฺริยํ   ชีวิตินฺทฺริยํ   ยํ  วา
ปนญฺญมฺปิ    อตฺถิ    รูปํ    กมฺมสฺส   กตตฺตา   รูปายตนํ   คนฺธายตนํ
รสายตนํ   โผฏฺฐพฺพายตนํ   อากาสธาตุ   อาโปธาตุ   รูปสฺส   อุปจโย
รูปสฺส สนฺตติ กพฬึกาโร อาหาโร อิทนฺตํ รูปํ พาหิรํ อุปาทินฺนํ ฯ
     {๕๘๙.๑}   กตมนฺตํ  รูปํ  พาหิรํ  อนุปาทินฺนํ สทฺทายตนํ กายวิญฺญตฺติ
วจีวิญฺญตฺติ   รูปสฺส   ลหุตา   รูปสฺส  มุทุตา  รูปสฺส  กมฺมญฺญตา  รูปสฺส
ชรตา  รูปสฺส  อนิจฺจตา  ยํ  วา  ปนญฺญมฺปิ  อตฺถิ รูปํ น กมฺมสฺส กตตฺตา
รูปายตนํ   สทฺทายตนํ  คนฺธายตนํ  รสายตนํ  โผฏฺฐพฺพายตนํ  อากาสธาตุ
อาโปธาตุ  รูปสฺส  อุปจโย  รูปสฺส  สนฺตติ  กพฬึกาโร  อาหาโร  อิทนฺตํ
รูปํ พาหิรํ อนุปาทินฺนํ ฯ
     [๕๙๐]   กตมนฺตํ   รูปํ   อชฺฌตฺติกํ  อุปาทินฺนุปาทานิยํ  จกฺขายตนํ
ฯเปฯ    กายายตนํ   อิทนฺตํ   รูปํ   อชฺฌตฺติกํ   อุปาทินฺนุปาทานิยํ   ฯ
กตมนฺตํ    รูปํ   พาหิรํ   อุปาทินฺนุปาทานิยํ   อิตฺถินฺทฺริยํ   ปุริสินฺทฺริยํ
ชีวิตินฺทฺริยํ    ยํ    วา    ปนญฺญมฺปิ   อตฺถิ   รูปํ   กมฺมสฺส   กตตฺตา
รูปายตนํ     คนฺธายตนํ     รสายตนํ    โผฏฺฐพฺพายตนํ    อากาสธาตุ
อาโปธาตุ   รูปสฺส   อุปจโย   รูปสฺส   สนฺตติ   กพฬึกาโร   อาหาโร
อิทนฺตํ รูปํ พาหิรํ อุปาทินฺนุปาทานิยํ ฯ
     {๕๙๐.๑}   กตมนฺตํ           รูปํ          พาหิรํ
อนุปาทินฺนุปาทานิยํ    สทฺทายตนํ    กายวิญฺญตฺติ    วจีวิญฺญตฺติ    รูปสฺส
ลหุตา   รูปสฺส   มุทุตา   รูปสฺส   กมฺมญฺญตา   รูปสฺส   ชรตา  รูปสฺส
อนิจฺจตา   ยํ   วา   ปนญฺญมฺปิ   อตฺถิ   รูปํ   น   กมฺมสฺส   กตตฺตา
รูปายตนํ   คนฺธายตนํ  รสายตนํ  โผฏฺฐพฺพายตนํ  อากาสธาตุ  อาโปธาตุ
รูปสฺส     อุปจโย     รูปสฺส     สนฺตติ     กพฬึกาโร     อาหาโร
อิทนฺตํ รูปํ พาหิรํ อนุปาทินฺนุปาทานิยํ ฯ
     [๕๙๑]   กตมนฺตํ   รูปํ   อชฺฌตฺติกํ  อนิทสฺสนํ  จกฺขายตนํ  ฯเปฯ
กายายตนํ    อิทนฺตํ   รูปํ   อชฺฌตฺติกํ   อนิทสฺสนํ   ฯ   กตมนฺตํ   รูปํ
พาหิรํ    สนิทสฺสนํ   รูปายตนํ   อิทนฺตํ   รูปํ   พาหิรํ   สนิทสฺสนํ   ฯ
กตมนฺตํ    รูปํ    พาหิรํ   อนิทสฺสนํ   สทฺทายตนํ   ฯเปฯ   กพฬึกาโร
อาหาโร อิทนฺตํ รูปํ พาหิรํ อนิทสฺสนํ ฯ
     [๕๙๒]   กตมนฺตํ   รูปํ   อชฺฌตฺติกํ   สปฺปฏิฆํ  จกฺขายตนํ  ฯเปฯ
กายายตนํ    อิทนฺตํ    รูปํ   อชฺฌตฺติกํ   สปฺปฏิฆํ   ฯ   กตมนฺตํ   รูปํ
พาหิรํ    สปฺปฏิฆํ    รูปายตนํ   ฯเปฯ   โผฏฺฐพฺพายตนํ   อิทนฺตํ   รูปํ
พาหิรํ    สปฺปฏิฆํ   ฯ   กตมนฺตํ   รูปํ   พาหิรํ   อปฺปฏิฆํ   อิตฺถินฺทฺริยํ
ฯเปฯ กพฬึกาโร อาหาโร อิทนฺตํ รูปํ พาหิรํ อปฺปฏิฆํ ฯ
     [๕๙๓]   กตมนฺตํ   รูปํ   อชฺฌตฺติกํ   อินฺทฺริยํ  จกฺขุนฺทฺริยํ  ฯเปฯ
กายินฺทฺริยํ    อิทนฺตํ    รูปํ   อชฺฌตฺติกํ   อินฺทฺริยํ   ฯ   กตมนฺตํ   รูปํ
พาหิรํ  อินฺทฺริยํ  อิตฺถินฺทฺริยํ  ปุริสินฺทฺริยํ  ชีวิตินฺทฺริยํ อิทนฺตํ รูปํ
พาหิรํ    อินฺทฺริยํ   ฯ   กตมนฺตํ   รูปํ   พาหิรํ   นอินฺทฺริยํ   รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นอินฺทฺริยํ ฯ
     [๕๙๔]   กตมนฺตํ    รูปํ    อชฺฌตฺติกํ    นมหาภูตํ   จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   นมหาภูตํ   ฯ  กตมนฺตํ
รูปํ    พาหิรํ    มหาภูตํ    โผฏฺฐพฺพายตนํ   อาโปธาตุ   อิทนฺตํ   รูปํ
พาหิรํ    มหาภูตํ   ฯ   กตมนฺตํ   รูปํ   พาหิรํ   นมหาภูตํ   รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นมหาภูตํ ฯ
     [๕๙๕]   กตมนฺตํ    รูปํ    อชฺฌตฺติกํ    นวิญฺญตฺติ   จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   นวิญฺญตฺติ   ฯ  กตมนฺตํ
รูปํ    พาหิรํ    วิญฺญตฺติ    กายวิญฺญตฺติ    วจีวิญฺญตฺติ    อิทนฺตํ   รูปํ
พาหิรํ    วิญฺญตฺติ   ฯ   กตมนฺตํ   รูปํ   พาหิรํ   นวิญฺญตฺติ   รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นวิญฺญตฺติ ฯ
     [๕๙๖]   กตมนฺตํ   รูปํ   อชฺฌตฺติกํ   นจิตฺตสมุฏฺฐานํ   จกฺขายตนํ
ฯเปฯ    กายายตนํ    อิทนฺตํ    รูปํ   อชฺฌตฺติกํ   นจิตฺตสมุฏฺฐานํ   ฯ
กตมนฺตํ    รูปํ    พาหิรํ    จิตฺตสมุฏฺฐานํ    กายวิญฺญตฺติ    วจีวิญฺญตฺติ
ยํ   วา   ปนญฺญมฺปิ   อตฺถิ   รูปํ   จิตฺตชํ   จิตฺตเหตุกํ   จิตฺตสมุฏฺฐานํ
รูปายตนํ   สทฺทายตนํ  คนฺธายตนํ  รสายตนํ  โผฏฺฐพฺพายตนํ  อากาสธาตุ
อาโปธาตุ    รูปสฺส    ลหุตา    รูปสฺส   มุทุตา   รูปสฺส   กมฺมญฺญตา
รูปสฺส    อุปจโย    รูปสฺส    สนฺตติ   กพฬึกาโร   อาหาโร   อิทนฺตํ
รูปํ   พาหิรํ   จิตฺตสมุฏฺฐานํ   ฯ   กตมนฺตํ  รูปํ  พาหิรํ  นจิตฺตสมุฏฺฐานํ
อิตฺถินฺทฺริยํ   ปุริสินฺทฺริยํ  ชีวิตินฺทฺริยํ  รูปสฺส  ชรตา  รูปสฺส  อนิจฺจตา
ยํ  วา  ปนญฺญมฺปิ  อตฺถิ  รูปํ  น  จิตฺตชํ  น  จิตฺตเหตุกํ น จิตฺตสมุฏฺฐานํ
รูปายตนํ     สทฺทายตนํ     คนฺธายตนํ     รสายตนํ    โผฏฺฐพฺพายตนํ
อากาสธาตุ    อาโปธาตุ    รูปสฺส   ลหุตา   รูปสฺส   มุทุตา   รูปสฺส
กมฺมญฺญตา   รูปสฺส   อุปจโย   รูปสฺส   สนฺตติ   กพฬึกาโร   อาหาโร
อิทนฺตํ รูปํ พาหิรํ นจิตฺตสมุฏฺฐานํ ฯ
     [๕๙๗]   กตมนฺตํ   รูปํ  อชฺฌตฺติกํ  นจิตฺตสหภุ  จกฺขายตนํ  ฯเปฯ
กายายตนํ   อิทนฺตํ   รูปํ   อชฺฌตฺติกํ   นจิตฺตสหภุ   ฯ   กตมนฺตํ   รูปํ
พาหิรํ    จิตฺตสหภุ    กายวิญฺญตฺติ   วจีวิญฺญตฺติ   อิทนฺตํ   รูปํ   พาหิรํ
จิตฺตสหภุ   ฯ   กตมนฺตํ   รูปํ   พาหิรํ   นจิตฺตสหภุ   รูปายตนํ  ฯเปฯ
กพฬึกาโร อาหาโร อิทนฺตํ รูปํ พาหิรํ นจิตฺตสหภุ ฯ
     [๕๙๘]   กตมนฺตํ   รูปํ   อชฺฌตฺติกํ   นจิตฺตานุปริวตฺติ  จกฺขายตนํ
ฯเปฯ    กายายตนํ    อิทนฺตํ   รูปํ   อชฺฌตฺติกํ   นจิตฺตานุปริวตฺติ   ฯ
กตมนฺตํ    รูปํ    พาหิรํ    จิตฺตานุปริวตฺติ    กายวิญฺญตฺติ   วจีวิญฺญตฺติ
อิทนฺตํ  รูปํ  พาหิรํ  จิตฺตานุปริวตฺติ ฯ กตมนฺตํ รูปํ พาหิรํ นจิตฺตานุปริวตฺติ
รูปายตนํ      ฯเปฯ     กพฬึกาโร     อาหาโร     อิทนฺตํ     รูปํ
พาหิรํ นจิตฺตานุปริวตฺติ ฯ
     [๕๙๙]   กตมนฺตํ   รูปํ   อชฺฌตฺติกํ  โอฬาริกํ  จกฺขายตนํ  ฯเปฯ
กายายตนํ    อิทนฺตํ   รูปํ   อชฺฌตฺติกํ   โอฬาริกํ   ฯ   กตมนฺตํ   รูปํ
พาหิรํ     โอฬาริกํ    รูปายตนํ    ฯเปฯ    โผฏฺฐพฺพายตนํ    อิทนฺตํ
รูปํ   พาหิรํ   โอฬาริกํ   ฯ   กตมนฺตํ   รูปํ  พาหิรํ  สุขุมํ  อิตฺถินฺทฺริยํ
ฯเปฯ กพฬึกาโร อาหาโร อิทนฺตํ รูปํ พาหิรํ สุขุมํ ฯ
     [๖๐๐]   กตมนฺตํ   รูปํ   อชฺฌตฺติกํ   สนฺติเก  จกฺขายตนํ  ฯเปฯ
กายายตนํ    อิทนฺตํ    รูปํ   อชฺฌตฺติกํ   สนฺติเก   ฯ   กตมนฺตํ   รูปํ
พาหิรํ    ทูเร    อิตฺถินฺทฺริยํ   ฯเปฯ   กพฬึกาโร   อาหาโร   อิทนฺตํ
รูปํ   พาหิรํ   ทูเร   ฯ   กตมนฺตํ   รูปํ   พาหิรํ   สนฺติเก  รูปายตนํ
ฯเปฯ โผฏฺฐพฺพายตนํ อิทนฺตํ รูปํ พาหิรํ สนฺติเก ฯ
     [๖๐๑]   กตมนฺตํ   รูปํ  พาหิรํ  จกฺขุสมฺผสฺสสฺส  นวตฺถุ  รูปายตนํ
ฯเปฯ  กพฬึกาโร  อาหาโร  อิทนฺตํ  รูปํ  พาหิรํ จกฺขุสมฺผสฺสสฺส นวตฺถุ ฯ
กตมนฺตํ     รูปํ     อชฺฌตฺติกํ    จกฺขุสมฺผสฺสสฺส    วตฺถุ    จกฺขายตนํ
อิทนฺตํ    รูปํ   อชฺฌตฺติกํ   จกฺขุสมฺผสฺสสฺส   วตฺถุ   ฯ   กตมนฺตํ   รูปํ
อชฺฌตฺติกํ    จกฺขุสมฺผสฺสสฺส    นวตฺถุ   โสตายตนํ   ฯเปฯ   กายายตนํ
อิทนฺตํ รูปํ อชฺฌตฺติกํ จกฺขุสมฺผสฺสสฺส นวตฺถุ ฯ
     [๖๐๒]   กตมนฺตํ  รูปํ  พาหิรํ  จกฺขุสมฺผสฺสชาย  เวทนาย  ฯเปฯ
สญฺญาย     ฯเปฯ     เจตนาย    ฯเปฯ    จกฺขุวิญฺญาณสฺส    นวตฺถุ
รูปายตนํ  ฯเปฯ  กพฬึกาโร  อาหาโร  อิทนฺตํ  รูปํ พาหิรํ จกฺขุวิญฺญาณสฺส
นวตฺถุ      ฯ      กตมนฺตํ     รูปํ     อชฺฌตฺติกํ     จกฺขุวิญฺญาณสฺส
วตฺถุ   จกฺขายตนํ   อิทนฺตํ   รูปํ   อชฺฌตฺติกํ   จกฺขุวิญฺญาณสฺส  วตฺถุ  ฯ
กตมนฺตํ     รูปํ    อชฺฌตฺติกํ    จกฺขุวิญฺญาณสฺส    นวตฺถุ    โสตายตนํ
ฯเปฯ     กายายตนํ     อิทนฺตํ    รูปํ    อชฺฌตฺติกํ    จกฺขุวิญฺญาณสฺส
นวตฺถุ ฯ
     [๖๐๓]   กตมนฺตํ  รูปํ  พาหิรํ  โสตสมฺผสฺสสฺส ฯเปฯ ฆานสมฺผสฺสสฺส
ฯเปฯ      ชิวฺหาสมฺผสฺสสฺส      ฯเปฯ     กายสมฺผสฺสสฺส     นวตฺถุ
รูปายตนํ    ฯเปฯ    กพฬึกาโร    อาหาโร    อิทนฺตํ   รูปํ   พาหิรํ
กายสมฺผสฺสสฺส   นวตฺถุ   ฯ   กตมนฺตํ   รูปํ   อชฺฌตฺติกํ  กายสมฺผสฺสสฺส
วตฺถุ   กายายตนํ   อิทนฺตํ   รูปํ   อชฺฌตฺติกํ   กายสมฺผสฺสสฺส  วตฺถุ  ฯ
กตมนฺตํ   รูปํ   อชฺฌตฺติกํ   กายสมฺผสฺสสฺส   นวตฺถุ   จกฺขายตนํ  ฯเปฯ
ชิวฺหายตนํ อิทนฺตํ รูปํ อชฺฌตฺติกํ กายสมฺผสฺสสฺส นวตฺถุ ฯ
     [๖๐๔]   กตมนฺตํ  รูปํ  พาหิรํ  กายสมฺผสฺสชาย  เวทนาย  ฯเปฯ
สญฺญาย     ฯเปฯ     เจตนาย    ฯเปฯ    กายวิญฺญาณสฺส    นวตฺถุ
รูปายตนํ  ฯเปฯ  กพฬึกาโร  อาหาโร  อิทนฺตํ  รูปํ พาหิรํ กายวิญฺญาณสฺส
นวตฺถุ      ฯ      กตมนฺตํ     รูปํ     อชฺฌตฺติกํ     กายวิญฺญาณสฺส
วตฺถุ   กายายตนํ   อิทนฺตํ   รูปํ   อชฺฌตฺติกํ   กายวิญฺญาณสฺส  วตฺถุ  ฯ
กตมนฺตํ     รูปํ    อชฺฌตฺติกํ    กายวิญฺญาณสฺส    นวตฺถุ    จกฺขายตนํ
ฯเปฯ     ชิวฺหายตนํ     อิทนฺตํ    รูปํ    อชฺฌตฺติกํ    กายวิญฺญาณสฺส
นวตฺถุ ฯ
     [๖๐๕]   กตมนฺตํ   รูปํ   อชฺฌตฺติกํ   จกฺขุสมฺผสฺสสฺส   นอารมฺมณํ
จกฺขายตนํ   ฯเปฯ   กายายตนํ   อิทนฺตํ  รูปํ  อชฺฌตฺติกํ  จกฺขุสมฺผสฺสสฺส
นอารมฺมณํ      ฯ     กตมนฺตํ     รูปํ     พาหิรํ     จกฺขุสมฺผสฺสสฺส
อารมฺมณํ     รูปายตนํ     อิทนฺตํ     รูปํ    พาหิรํ    จกฺขุสมฺผสฺสสฺส
อารมฺมณํ    ฯ    กตมนฺตํ   รูปํ   พาหิรํ   จกฺขุสมฺผสฺสสฺส   นอารมฺมณํ
สทฺทายตนํ    ฯเปฯ    กพฬึกาโร    อาหาโร   อิทนฺตํ   รูปํ   พาหิรํ
จกฺขุสมฺผสฺสสฺส นอารมฺมณํ ฯ
     [๖๐๖]   กตมนฺตํ   รูปํ   อชฺฌตฺติกํ   จกฺขุสมฺผสฺสชาย   เวทนาย
ฯเปฯ   สญฺญาย   ฯเปฯ   เจตนาย  ฯเปฯ  จกฺขุวิญฺญาณสฺส  นอารมฺมณํ
จกฺขายตนํ     ฯเปฯ     กายายตนํ     อิทนฺตํ     รูปํ     อชฺฌตฺติกํ
จกฺขุวิญฺญาณสฺส   นอารมฺมณํ   ฯ   กตมนฺตํ   รูปํ  พาหิรํ  จกฺขุวิญฺญาณสฺส
อารมฺมณํ     รูปายตนํ     อิทนฺตํ     รูปํ    พาหิรํ    จกฺขุวิญฺญาณสฺส
อารมฺมณํ      ฯ      กตมนฺตํ     รูปํ     พาหิรํ     จกฺขุวิญฺญาณสฺส
นอารมฺมณํ   สทฺทายตนํ   ฯเปฯ   กพฬึกาโร   อาหาโร   อิทนฺตํ   รูปํ
พาหิรํ จกฺขุวิญฺญาณสฺส นอารมฺมณํ ฯ
     [๖๐๗]   กตมนฺตํ  รูปํ อชฺฌตฺติกํ โสตสมฺผสฺสสฺส ฯเปฯ ฆานสมฺผสฺสสฺส
ฯเปฯ     ชิวฺหาสมฺผสฺสสฺส     ฯเปฯ     กายสมฺผสฺสสฺส    นอารมฺมณํ
จกฺขายตนํ     ฯเปฯ     กายายตนํ     อิทนฺตํ     รูปํ     อชฺฌตฺติกํ
กายสมฺผสฺสสฺส   นอารมฺมณํ   ฯ   กตมนฺตํ   รูปํ  พาหิรํ  กายสมฺผสฺสสฺส
อารมฺมณํ    โผฏฺฐพฺพายตนํ    อิทนฺตํ    รูปํ    พาหิรํ   กายสมฺผสฺสสฺส
อารมฺมณํ    ฯ    กตมนฺตํ   รูปํ   พาหิรํ   กายสมฺผสฺสสฺส   นอารมฺมณํ
รูปายตนํ    ฯเปฯ    กพฬึกาโร    อาหาโร    อิทนฺตํ   รูปํ   พาหิรํ
กายสมฺผสฺสสฺส นอารมฺมณํ ฯ
     [๖๐๘]   กตมนฺตํ  รูปํ  อชฺฌตฺติกํ  กายสมฺผสฺสชาย  เวทนาย ฯเปฯ
สญฺญาย    ฯเปฯ    เจตนาย    ฯเปฯ    กายวิญฺญาณสฺส   นอารมฺมณํ
จกฺขายตนํ   ฯเปฯ   กายายตนํ   อิทนฺตํ  รูปํ  อชฺฌตฺติกํ  กายวิญฺญาณสฺส
นอารมฺมณํ      ฯ     กตมนฺตํ     รูปํ     พาหิรํ     กายวิญฺญาณสฺส
อารมฺมณํ    โผฏฺฐพฺพายตนํ    อิทนฺตํ    รูปํ    พาหิรํ   กายวิญฺญาณสฺส
อารมฺมณํ    ฯ    กตมนฺตํ   รูปํ   พาหิรํ   กายวิญฺญาณสฺส   นอารมฺมณํ
รูปายตนํ  ฯเปฯ  กพฬึกาโร  อาหาโร  อิทนฺตํ  รูปํ พาหิรํ กายวิญฺญาณสฺส
นอารมฺมณํ ฯ
     [๖๐๙]   กตมนฺตํ   รูปํ   พาหิรํ   นจกฺขายตนํ  รูปายตนํ  ฯเปฯ
กพฬึกาโร   อาหาโร   อิทนฺตํ   รูปํ   พาหิรํ  นจกฺขายตนํ  ฯ  กตมนฺตํ
รูปํ   อชฺฌตฺติกํ   จกฺขายตนํ   ยํ   จกฺขุํ   จตุนฺนํ  มหาภูตานํ  อุปาทาย
ปสาโท    ฯเปฯ    สุญฺโญ    คาโมเปโส    อิทนฺตํ   รูปํ   อชฺฌตฺติกํ
จกฺขายตนํ    ฯ   กตมนฺตํ   รูปํ   อชฺฌตฺติกํ   นจกฺขายตนํ   โสตายตนํ
ฯเปฯ กายายตนํ อิทนฺตํ รูปํ อชฺฌตฺติกํ นจกฺขายตนํ ฯ
     [๖๑๐]   กตมนฺตํ   รูปํ  พาหิรํ  นโสตายตนํ  ฯเปฯ  นฆานายตนํ
ฯเปฯ     นชิวฺหายตนํ    ฯเปฯ    นกายายตนํ    รูปายตนํ    ฯเปฯ
กพฬึกาโร   อาหาโร   อิทนฺตํ   รูปํ   พาหิรํ  นกายายตนํ  ฯ  กตมนฺตํ
รูปํ   อชฺฌตฺติกํ   กายายตนํ   โย  กาโย  จตุนฺนํ  มหาภูตานํ  อุปาทาย
ปสาโท    ฯเปฯ    สุญฺโญ    คาโมเปโส    อิทนฺตํ   รูปํ   อชฺฌตฺติกํ
กายายตนํ    ฯ   กตมนฺตํ   รูปํ   อชฺฌตฺติกํ   นกายายตนํ   จกฺขายตนํ
ฯเปฯ ชิวฺหายตนํ อิทนฺตํ รูปํ อชฺฌตฺติกํ นกายายตนํ ฯ
     [๖๑๑]   กตมนฺตํ    รูปํ    อชฺฌตฺติกํ   นรูปายตนํ   จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   นรูปายตนํ  ฯ  กตมนฺตํ
รูปํ    พาหิรํ    รูปายตนํ   ยํ   รูปํ   จตุนฺนํ   มหาภูตานํ   อุปาทาย
วณฺณนิภา   ฯเปฯ   รูปธาตุเปสา   อิทนฺตํ   รูปํ   พาหิรํ  รูปายตนํ  ฯ
กตมนฺตํ      รูปํ     พาหิรํ     นรูปายตนํ     สทฺทายตนํ     ฯเปฯ
กพฬึกาโร อาหาโร อิทนฺตํ รูปํ พาหิรํ นรูปายตนํ ฯ
     [๖๑๒]   กตมนฺตํ  รูปํ  อชฺฌตฺติกํ  นสทฺทายตนํ  ฯเปฯ  นคนฺธายตนํ
ฯเปฯ      นรสายตนํ      ฯเปฯ     นโผฏฺฐพฺพายตนํ     จกฺขายตนํ
ฯเปฯ    กายายตนํ    อิทนฺตํ   รูปํ   อชฺฌตฺติกํ   นโผฏฺฐพฺพายตนํ   ฯ
กตมนฺตํ  รูปํ  พาหิรํ  โผฏฺฐพฺพายตนํ  ปฐวีธาตุ  ฯเปฯ โผฏฺฐพฺพธาตุเปสา
อิทนฺตํ     รูปํ     พาหิรํ     โผฏฺฐพฺพายตนํ    ฯ    กตมนฺตํ    รูปํ
พาหิรํ    นโผฏฺฐพฺพายตนํ    รูปายตนํ   ฯเปฯ   กพฬึกาโร   อาหาโร
อิทนฺตํ รูปํ พาหิรํ นโผฏฺฐพฺพายตนํ ฯ
     [๖๑๓]   กตมนฺตํ   รูปํ   พาหิรํ   นจกฺขุธาตุ   รูปายตนํ  ฯเปฯ
กพฬึกาโร   อาหาโร   อิทนฺตํ   รูปํ   พาหิรํ   นจกฺขุธาตุ  ฯ  กตมนฺตํ
รูปํ    อชฺฌตฺติกํ    จกฺขุธาตุ    จกฺขายตนํ    อิทนฺตํ   รูปํ   อชฺฌตฺติกํ
จกฺขุธาตุ    ฯ    กตมนฺตํ    รูปํ   อชฺฌตฺติกํ   นจกฺขุธาตุ   โสตายตนํ
ฯเปฯ กายายตนํ อิทนฺตํ รูปํ อชฺฌตฺติกํ นจกฺขุธาตุ ฯ
     [๖๑๔]   กตมนฺตํ   รูปํ   พาหิรํ   นโสตธาตุ  ฯเปฯ  นฆานธาตุ
ฯเปฯ     นชิวฺหาธาตุ     ฯเปฯ    นกายธาตุ    รูปายตนํ    ฯเปฯ
กพฬึกาโร   อาหาโร   อิทนฺตํ   รูปํ   พาหิรํ   นกายธาตุ  ฯ  กตมนฺตํ
รูปํ    อชฺฌตฺติกํ    กายธาตุ    กายายตนํ    อิทนฺตํ   รูปํ   อชฺฌตฺติกํ
กายธาตุ    ฯ    กตมนฺตํ    รูปํ   อชฺฌตฺติกํ   นกายธาตุ   จกฺขายตนํ
ฯเปฯ ชิวฺหายตนํ อิทนฺตํ รูปํ อชฺฌตฺติกํ นกายธาตุ ฯ
     [๖๑๕]   กตมนฺตํ   รูปํ   อชฺฌตฺติกํ  นรูปธาตุ  จกฺขายตนํ  ฯเปฯ
กายายตนํ   อิทนฺตํ   รูปํ  อชฺฌตฺติกํ  นรูปธาตุ  ฯ  กตมนฺตํ  รูปํ  พาหิรํ
รูปธาตุ   รูปายตนํ   อิทนฺตํ   รูปํ   พาหิรํ   รูปธาตุ  ฯ  กตมนฺตํ  รูปํ
พาหิรํ     นรูปธาตุ    สทฺทายตนํ    ฯเปฯ    กพฬึกาโร    อาหาโร
อิทนฺตํ รูปํ พาหิรํ นรูปธาตุ ฯ
     [๖๑๖]   กตมนฺตํ   รูปํ  อชฺฌตฺติกํ  นสทฺทธาตุ  ฯเปฯ  นคนฺธธาตุ
ฯเปฯ    นรสธาตุ    ฯเปฯ    นโผฏฺฐพฺพธาตุ    จกฺขายตนํ    ฯเปฯ
กายายตนํ    อิทนฺตํ    รูปํ   อชฺฌตฺติกํ   นโผฏฺฐพฺพธาตุ   ฯ   กตมนฺตํ
รูปํ    พาหิรํ    โผฏฺฐพฺพธาตุ   โผฏฺฐพฺพายตนํ   อิทนฺตํ   รูปํ   พาหิรํ
โผฏฺฐพฺพธาตุ   ฯ   กตมนฺตํ   รูปํ   พาหิรํ   นโผฏฺฐพฺพธาตุ   รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นโผฏฺฐพฺพธาตุ ฯ
     [๖๑๗]   กตมนฺตํ   รูปํ   พาหิรํ   นจกฺขุนฺทฺริยํ   รูปายตนํ  ฯเปฯ
กพฬึกาโร   อาหาโร   อิทนฺตํ   รูปํ   พาหิรํ  นจกฺขุนฺทฺริยํ  ฯ  กตมนฺตํ
รูปํ   อชฺฌตฺติกํ   จกฺขุนฺทฺริยํ   ยํ   จกฺขุํ   จตุนฺนํ  มหาภูตานํ  อุปาทาย
ปสาโท    ฯเปฯ    สุญฺโญ    คาโมเปโส    อิทนฺตํ   รูปํ   อชฺฌตฺติกํ
จกฺขุนฺทฺริยํ    ฯ   กตมนฺตํ   รูปํ   อชฺฌตฺติกํ   นจกฺขุนฺทฺริยํ   โสตายตนํ
ฯเปฯ กายายตนํ อิทนฺตํ รูปํ อชฺฌตฺติกํ นจกฺขุนฺทฺริยํ ฯ
     [๖๑๘]   กตมนฺตํ   รูปํ  พาหิรํ  นโสตินฺทฺริยํ  ฯเปฯ  นฆานินฺทฺริยํ
ฯเปฯ     นชิวฺหินฺทฺริยํ    ฯเปฯ    นกายินฺทฺริยํ    รูปายตนํ    ฯเปฯ
กพฬึกาโร   อาหาโร   อิทนฺตํ   รูปํ   พาหิรํ  นกายินฺทฺริยํ  ฯ  กตมนฺตํ
รูปํ   อชฺฌตฺติกํ   กายินฺทฺริยํ   โย  กาโย  จตุนฺนํ  มหาภูตานํ  อุปาทาย
ปสาโท    ฯเปฯ    สุญฺโญ    คาโมเปโส    อิทนฺตํ   รูปํ   อชฺฌตฺติกํ
กายินฺทฺริยํ    ฯ   กตมนฺตํ   รูปํ   อชฺฌตฺติกํ   นกายินฺทฺริยํ   จกฺขายตนํ
ฯเปฯ ชิวฺหายตนํ อิทนฺตํ รูปํ อชฺฌตฺติกํ นกายินฺทฺริยํ ฯ
     [๖๑๙]   กตมนฺตํ    รูปํ   อชฺฌตฺติกํ   นอิตฺถินฺทฺริยํ   จกฺขายตนํ
ฯเปฯ    กายายตนํ    อิทนฺตํ    รูปํ    อชฺฌตฺติกํ    นอิตฺถินฺทฺริยํ   ฯ
กตมนฺตํ  รูปํ  พาหิรํ  อิตฺถินฺทฺริยํ  ยํ  อิตฺถิยา อิตฺถีลิงฺคํ อิตฺถีนิมิตฺตํ
อิตฺถีกุตฺตํ    อิตฺถากปฺโป   อิตฺถิตฺตํ   อิตฺถีภาโว   อิทนฺตํ   รูปํ   พาหิรํ
อิตฺถินฺทฺริยํ   ฯ   กตมนฺตํ   รูปํ   พาหิรํ  นอิตฺถินฺทฺริยํ  รูปายตนํ  ฯเปฯ
กพฬึกาโร อาหาโร อิทนฺตํ รูปํ พาหิรํ นอิตฺถินฺทฺริยํ ฯ
     [๖๒๐]   กตมนฺตํ    รูปํ   อชฺฌตฺติกํ   นปุริสินฺทฺริยํ   จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ  นปุริสินฺทฺริยํ  ฯ  กตมนฺตํ
รูปํ  พาหิรํ  ปุริสินฺทฺริยํ  ยํ ปุริสสฺส ปุริสลิงฺคํ ปุริสนิมิตฺตํ ปุริสกุตฺตํ
ปุริสากปฺโป   ปุริสตฺตํ   ปุริสภาโว   อิทนฺตํ  รูปํ  พาหิรํ  ปุริสินฺทฺริยํ  ฯ
กตมนฺตํ    รูปํ   พาหิรํ   นปุริสินฺทฺริยํ   รูปายตนํ   ฯเปฯ   กพฬึกาโร
อาหาโร อิทนฺตํ รูปํ พาหิรํ นปุริสินฺทฺริยํ ฯ
     [๖๒๑]   กตมนฺตํ    รูปํ   อชฺฌตฺติกํ   นชีวิตินฺทฺริยํ   จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ  นชีวิตินฺทฺริยํ  ฯ  กตมนฺตํ
รูปํ   พาหิรํ   ชีวิตินฺทฺริยํ  โย  เตสํ  รูปีนํ  ธมฺมานํ  อายุ  ฐิติ  ยปนา
ยาปนา   อิริยนา   วตฺตนา   ปาลนา   ชีวิตํ   ชีวิตินฺทฺริยํ  อิทนฺตํ  รูปํ
พาหิรํ   ชีวิตินฺทฺริยํ   ฯ   กตมนฺตํ   รูปํ  พาหิรํ  นชีวิตินฺทฺริยํ  รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นชีวิตินฺทฺริยํ ฯ
     [๖๒๒]   กตมนฺตํ   รูปํ   อชฺฌตฺติกํ   นกายวิญฺญตฺติ   จกฺขายตนํ
ฯเปฯ    กายายตนํ    อิทนฺตํ    รูปํ    อชฺฌตฺติกํ   นกายวิญฺญตฺติ   ฯ
กตมนฺตํ   รูปํ  พาหิรํ  กายวิญฺญตฺติ  ยา  กุสลจิตฺตสฺส  วา  อกุสลจิตฺตสฺส
วา    อพฺยากตจิตฺตสฺส    วา    อภิกฺกมนฺตสฺส    วา    ปฏิกฺกมนฺตสฺส
วา   อาโลเกตฺตสฺส   วา   วิโลเกตฺตสฺส   วา   สมฺมิญฺเชนฺตสฺส   วา
ปสาเรนฺตสฺส   วา   กายสฺส  ถมฺภนา  สนฺถมฺภนา  สนฺถมฺภิตตฺตํ  วิญฺญตฺติ
วิญฺญาปนา    วิญฺญาปิตตฺตํ    อิทนฺตํ    รูปํ   พาหิรํ   กายวิญฺญตฺติ   ฯ
กตมนฺตํ   รูปํ   พาหิรํ   นกายวิญฺญตฺติ   รูปายตนํ   ฯเปฯ   กพฬึกาโร
อาหาโร อิทนฺตํ รูปํ พาหิรํ นกายวิญฺญตฺติ ฯ
     [๖๒๓]   กตมนฺตํ    รูปํ   อชฺฌตฺติกํ   นวจีวิญฺญตฺติ   จกฺขายตนํ
ฯเปฯ    กายายตนํ    อิทนฺตํ    รูปํ    อชฺฌตฺติกํ    นวจีวิญฺญตฺติ   ฯ
กตมนฺตํ   รูปํ   พาหิรํ  วจีวิญฺญตฺติ  ยา  กุสลจิตฺตสฺส  วา  อกุสลจิตฺตสฺส
วา    อพฺยากตจิตฺตสฺส    วา    วาจา    คิรา    พฺยปฺปโถ   อุทีรณํ
โฆโส   โฆสกมฺมํ   วาจา   วจีเภโท   อยํ  วุจฺจติ  วาจา  ยา  ตาย
วาจาย    วิญฺญตฺติ    วิญฺญาปนา   วิญฺญาปิตตฺตํ   อิทนฺตํ   รูปํ   พาหิรํ
วจีวิญฺญตฺติ    ฯ    กตมนฺตํ    รูปํ    พาหิรํ   นวจีวิญฺญตฺติ   รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นวจีวิญฺญตฺติ ฯ
     [๖๒๔]   กตมนฺตํ   รูปํ   อชฺฌตฺติกํ   นอากาสธาตุ   จกฺขายตนํ
ฯเปฯ    กายายตนํ    อิทนฺตํ    รูปํ    อชฺฌตฺติกํ   นอากาสธาตุ   ฯ
กตมนฺตํ   รูปํ   พาหิรํ   อากาสธาตุ   โย   อากาโส  อากาสคตํ  อฆํ
อฆคตํ   วิวโร   วิวรคตํ   อสมฺผุฏฺฐํ   จตูหิ   มหาภูเตหิ   อิทนฺตํ  รูปํ
พาหิรํ   อากาสธาตุ   ฯ  กตมนฺตํ  รูปํ  พาหิรํ  นอากาสธาตุ  รูปายตนํ
ฯเปฯ กพฬึกาโร อาหาโร อิทนฺตํ รูปํ พาหิรํ นอากาสธาตุ ฯ
     [๖๒๕]   กตมนฺตํ    รูปํ   อชฺฌตฺติกํ   นอาโปธาตุ   จกฺขายตนํ
ฯเปฯ    กายายตนํ    อิทนฺตํ    รูปํ    อชฺฌตฺติกํ    นอาโปธาตุ   ฯ
กตมนฺตํ   รูปํ   พาหิรํ   อาโปธาตุ   ยํ   อาโป   อาโปคตํ   สิเนโห
สิเนหคตํ   พนฺธนตฺตํ   รูปสฺส   อิทนฺตํ   รูปํ   พาหิรํ   อาโปธาตุ   ฯ
กตมนฺตํ    รูปํ   พาหิรํ   นอาโปธาตุ   รูปายตนํ   ฯเปฯ   กพฬึกาโร
อาหาโร อิทนฺตํ รูปํ พาหิรํ นอาโปธาตุ ฯ
     [๖๒๖]   กตมนฺตํ   รูปํ   อชฺฌตฺติกํ   รูปสฺส  นลหุตา  จกฺขายตนํ
ฯเปฯ    กายายตนํ   อิทนฺตํ   รูปํ   อชฺฌตฺติกํ   รูปสฺส   นลหุตา   ฯ
กตมนฺตํ   รูปํ  พาหิรํ  รูปสฺส  ลหุตา  ยา  รูปสฺส  ลหุตา  ลหุปริณามตา
อทนฺธนตา   อวิตฺถนตา  อิทนฺตํ  รูปํ  พาหิรํ  รูปสฺส  ลหุตา  ฯ  กตมนฺตํ
รูปํ   พาหิรํ   รูปสฺส   นลหุตา  รูปายตนํ  ฯเปฯ  กพฬึกาโร  อาหาโร
อิทนฺตํ รูปํ พาหิรํ รูปสฺส นลหุตา ฯ
     [๖๒๗]   กตมนฺตํ   รูปํ   อชฺฌตฺติกํ   รูปสฺส  นมุทุตา  จกฺขายตนํ
ฯเปฯ    กายายตนํ   อิทนฺตํ   รูปํ   อชฺฌตฺติกํ   รูปสฺส   นมุทุตา   ฯ
กตมนฺตํ   รูปํ   พาหิรํ   รูปสฺส   มุทุตา  ยา  รูปสฺส  มุทุตา  มทฺทวตา
อกกฺขฬตา   อกถินตา   อิทนฺตํ  รูปํ  พาหิรํ  รูปสฺส  มุทุตา  ฯ  กตมนฺตํ
รูปํ   พาหิรํ   รูปสฺส   นมุทุตา  รูปายตนํ  ฯเปฯ  กพฬึกาโร  อาหาโร
อิทนฺตํ รูปํ พาหิรํ รูปสฺส นมุทุตา ฯ
     [๖๒๘]   กตมนฺตํ  รูปํ  อชฺฌตฺติกํ  รูปสฺส  นกมฺมญฺญตา  จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   รูปสฺส  นกมฺมญฺญตา  ฯ
กตมนฺตํ   รูปํ   พาหิรํ   รูปสฺส   กมฺมญฺญตา   ยา   รูปสฺส  กมฺมญฺญตา
กมฺมญฺญตฺตํ   กมฺมญฺญภาโว   อิทนฺตํ   รูปํ  พาหิรํ  รูปสฺส  กมฺมญฺญตา  ฯ
กตมนฺตํ   รูปํ  พาหิรํ  รูปสฺส  นกมฺมญฺญตา  รูปายตนํ  ฯเปฯ  กพฬึกาโร
อาหาโร อิทนฺตํ รูปํ พาหิรํ รูปสฺส นกมฺมญฺญตา ฯ
     [๖๒๙]   กตมนฺตํ   รูปํ   อชฺฌตฺติกํ  รูปสฺส  นอุปจโย  จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   รูปสฺส   นอุปจโย   ฯ
กตมนฺตํ   รูปํ   พาหิรํ   รูปสฺส  อุปจโย  โย  อายตนานํ  อาจโย  โส
รูปสฺส   อุปจโย   อิทนฺตํ   รูปํ   พาหิรํ   รูปสฺส  อุปจโย  ฯ  กตมนฺตํ
รูปํ   พาหิรํ   รูปสฺส  นอุปจโย  รูปายตนํ  ฯเปฯ  กพฬึกาโร  อาหาโร
อิทนฺตํ รูปํ พาหิรํ รูปสฺส นอุปจโย ฯ
     [๖๓๐]   กตมนฺตํ   รูปํ   อชฺฌตฺติกํ   รูปสฺส  นสนฺตติ  จกฺขายตนํ
ฯเปฯ    กายายตนํ   อิทนฺตํ   รูปํ   อชฺฌตฺติกํ   รูปสฺส   นสนฺตติ   ฯ
กตมนฺตํ   รูปํ   พาหิรํ   รูปสฺส   สนฺตติ   โย   รูปสฺส   อุปจโย  สา
รูปสฺส   สนฺตติ   อิทนฺตํ   รูปํ   พาหิรํ   รูปสฺส   สนฺตติ   ฯ  กตมนฺตํ
รูปํ    พาหิรํ    รูปสฺส    นสนฺตติ    รูปายตนํ    ฯเปฯ   กพฬึกาโร
อาหาโร อิทนฺตํ รูปํ พาหิรํ รูปสฺส นสนฺตติ ฯ
     [๖๓๑]   กตมนฺตํ   รูปํ   อชฺฌตฺติกํ   รูปสฺส  นชรตา  จกฺขายตนํ
ฯเปฯ    กายายตนํ    อิทนฺตํ   รูปํ   รูปสฺส   นชรตา   ฯ   กตมนฺตํ
รูปํ   พาหิรํ   รูปสฺส   ชรตา   ยา   รูปสฺส   ชรา  ชีรณตา  ขณฺฑิจฺจํ
ปาลิจฺจํ   วลิตฺตจตา   อายุโน   สํหานิ   อินฺทฺริยานํ   ปริปาโก  อิทนฺตํ
รูปํ   พาหิรํ   รูปสฺส  ชรตา  ฯ  กตมนฺตํ  รูปํ  พาหิรํ  รูปสฺส  นชรตา
รูปายตนํ   ฯเปฯ   กพฬึกาโร   อาหาโร   อิทนฺตํ  รูปํ  พาหิรํ  รูปสฺส
นชรตา ฯ
     [๖๓๒]   กตมนฺตํ   รูปํ  อชฺฌตฺติกํ  รูปสฺส  นอนิจฺจตา  จกฺขายตนํ
ฯเปฯ   กายายตนํ   อิทนฺตํ   รูปํ   อชฺฌตฺติกํ   รูปสฺส   นอนิจฺจตา  ฯ
กตมนฺตํ   รูปํ   พาหิรํ   รูปสฺส   อนิจฺจตา   โย   รูปสฺส  ขโย  วโย
เภโท   ปริเภโท   อนิจฺจตา   อนฺตรธานํ   อิทนฺตํ  รูปํ  พาหิรํ  รูปสฺส
อนิจฺจตา   ฯ   กตมนฺตํ   รูปํ   พาหิรํ   รูปสฺส   นอนิจฺจตา  รูปายตนํ
ฯเปฯ    กพฬึกาโร    อาหาโร    อิทนฺตํ    รูปํ    พาหิรํ    รูปสฺส
นอนิจฺจตา ฯ
     [๖๓๓]   กตมนฺตํ  รูปํ  อชฺฌตฺติกํ  น กพฬึกาโร อาหาโร จกฺขายตนํ
ฯเปฯ   กายายตนํ  อิทนฺตํ  รูปํ  อชฺฌตฺติกํ  น  กพฬึกาโร  อาหาโร  ฯ
กตมนฺตํ      รูปํ     พาหิรํ     กพฬึกาโร     อาหาโร     โอทโน
กุมฺมาโส   สตฺตุ   มจฺโฉ   มํสํ   ขีรํ   ทธิ   สปฺปิ  นวนีตํ  เตลํ  มธุ
ผาณิตํ  ยํ  วา  ปนญฺญมฺปิ  อตฺถิ  รูปํ  ยมฺหิ  ยมฺหิ  ชนปเท  เตสํ  เตสํ
สตฺตานํ    มุขาสิยํ   ทนฺตวิขาทนํ   คลชฺโฌหรณียํ   กุจฺฉิวิตฺถมฺภนํ   ยาย
โอชาย  สตฺตา  ยาเปนฺติ  อิทนฺตํ  รูปํ  พาหิรํ  กพฬึกาโร  อาหาโร  ฯ
กตมนฺตํ  รูปํ  พาหิรํ  น  กพฬึกาโร  อาหาโร  รูปายตนํ  ฯเปฯ  รูปสฺส
อนิจฺจตา อิทนฺตํ รูปํ พาหิรํ น กพฬึกาโร อาหาโร ฯ
                                   เอวํ ติวิเธน รูปสงฺคโห ฯ
                                          ติกนิทฺเทโส ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๓๔ หน้าที่ ๒๒๗-๒๔๓. http://84000.org/tipitaka/pitaka_item/pali_item_s.php?book=34&item=588&items=46&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=34&item=588&items=46&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=34&item=588&items=46&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=34&item=588&items=46&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=34&i=588              The Pali Atthakatha in Thai :- http://84000.org/tipitaka/atthapali/read_th.php?B=53&A=9875              The Pali Atthakatha in Roman :- http://84000.org/tipitaka/atthapali/read_rm.php?B=53&A=9875              สารบัญพระไตรปิฎกเล่มที่ ๓๔ http://84000.org/tipitaka/read/?index_34

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :