บาลีพระไตรปิฎกเล่มที่ ๓๔ - พระอภิธรรมปิฎกเล่มที่ ๑

[๙๑๓] กตเม ธมฺมา อาสวา จตฺตาโร อาสวา กามาสโว ภวาสโว ทิฏฺาสโว อวิชฺชาสโว กามาสโว อฏฺสุ โลภสหคเตสุ จิตฺตุปฺปาเทสุ อุปฺปชฺชติ ภวาสโว จตูสุ ทิฏฺิคตวิปฺปยุตฺตโลภสหคเตสุ จิตฺตุปฺปาเทสุ อุปฺปชฺชติ ทิฏฺาสโว จตูสุ ทิฏฺิคตสมฺปยุตฺเตสุ จิตฺตุปฺปาเทสุ อุปฺปชฺชติ อวิชฺชาสโว สพฺพากุสเลสุ อุปฺปชฺชติ อิเม ธมฺมา อาสวา ฯ กตเม ธมฺมา โนอาสวา เปตฺวา อาสเว อวเสสํ อกุสลํ จตูสุ ภูมีสุ กุสลํ จตูสุ ภูมีสุ วิปาโก ตีสุ ภูมีสุ กิริยาพฺยากตํ รูปญฺจ นิพฺพานญฺจ

--------------------------------------------------------------------------------------------- หน้าที่ ๓๕๖.

อิเม ธมฺมา โนอาสวา ฯ [๙๑๔] กตเม ธมฺมา สาสวา ตีสุ ภูมีสุ กุสลํ อกุสลํ ตีสุ ภูมีสุ วิปาโก ตีสุ ภูมีสุ กิริยาพฺยากตํ สพฺพญฺจ รูปํ อิเม ธมฺมา สาสวา ฯ กตเม ธมฺมา อนาสวา จตฺตาโร มคฺคา อปริยาปนฺนา จตฺตาริ จ สามญฺผลานิ นิพฺพานญฺจ อิเม ธมฺมา อนาสวา ฯ [๙๑๕] กตเม ธมฺมา อาสวสมฺปยุตฺตา เทฺว โทมนสฺสสหคตา จิตฺตุปฺปาทา เอตฺถุปฺปนฺนํ โมหํ เปตฺวา วิจิกิจฺฉาสหคตํ โมหํ อุทฺธจฺจสหคตํ โมหํ เปตฺวา อวเสสํ อกุสลํ อิเม ธมฺมา อาสวสมฺปยุตฺตา ฯ กตเม ธมฺมา อาสววิปฺปยุตฺตา ทฺวีสุ โทมนสฺสสหคเตสุ จิตฺตุปฺปาเทสุ อุปฺปนฺโน โมโห วิจิกิจฺฉาสหคโต โมโห อุทฺธจฺจสหคโต โมโห จตูสุ ภูมีสุ กุสลํ จตูสุ ภูมีสุ วิปาโก ตีสุ ภูมีสุ กิริยาพฺยากตํ รูปญฺจ นิพฺพานญฺจ อิเม ธมฺมา อาสววิปฺปยุตฺตา ฯ [๙๑๖] กตเม ธมฺมา อาสวาเจวสาสวาจ เตว อาสวา อาสวาเจวสาสวาจ ฯ กตเม ธมฺมา สาสวาเจวโนจอาสวา เปตฺวา อาสเว อวเสสํ อกุสลํ ตีสุ ภูมีสุ กุสลํ ตีสุ ภูมีสุ วิปาโก ตีสุ ภูมีสุ กิริยาพฺยากตํ สพฺพญฺจ รูปํ อิเม ธมฺมา สาสวาเจวโนจอาสวา ฯ อนาสวา ธมฺมา น วตฺตพฺพา อาสวา- เจวสาสวาจาติปิ สาสวาเจวโนจอาสวาติปิ ฯ

--------------------------------------------------------------------------------------------- หน้าที่ ๓๕๗.

[๙๑๗] กตเม ธมฺมา อาสวาเจวอาสวสมฺปยุตฺตาจ ยตฺถ เทฺว ตโย อาสวา เอกโต อุปฺปชฺชนฺติ อิเม ธมฺมา อาสวา- เจวอาสวสมฺปยุตฺตาจ ฯ กตเม ธมฺมา อาสวสมฺปยุตฺตาเจว- โนจอาสวา เปตฺวา อาสเว อวเสสํ อกุสลํ อิเม ธมฺมา อาสวสมฺปยุตฺตาเจวโนจอาสวา ฯ อาสววิปฺปยุตฺตา ธมฺมา น วตฺตพฺพา อาสวาเจวอาสวสมฺปยุตฺตาจาติปิ อาสวสมฺปยุตฺตาเจว- โนจอาสวาติปิ ฯ [๙๑๘] กตเม ธมฺมา อาสววิปฺปยุตฺตา สาสวา ทฺวีสุ โทมนสฺส- สหคเตสุ จิตฺตุปฺปาเทสุ อุปฺปนฺโน โมโห วิจิกิจฺฉาสหคโต โมโห อุทฺธจฺจสหคโต โมโห ตีสุ ภูมีสุ กุสลํ ตีสุ ภูมีสุ วิปาโก ตีสุ ภูมีสุ กิริยาพฺยากตํ สพฺพญฺจ รูปํ อิเม ธมฺมา อาสววิปฺปยุตฺตา สาสวา ฯ กตเม ธมฺมา อาสววิปฺปยุตฺตา อนาสวา จตฺตาโร มคฺคา อปริยาปนฺนา จตฺตาริ จ สามญฺผลานิ นิพฺพานญฺจ อิเม ธมฺมา อาสววิปฺปยุตฺตา อนาสวา ฯ อาสวสมฺปยุตฺตา ธมฺมา น วตฺตพฺพา อาสววิปฺปยุตฺตา สาสวาติปิ อาสววิปฺปยุตฺตา อนาสวาติปิ ฯ -------------

เนื้อความพระไตรปิฎกฉบับภาษาบาลีอักษรไทย เล่มที่ ๓๔ หน้าที่ ๓๕๕-๓๕๗. http://84000.org/tipitaka/pitaka_item/pali_item_s.php?book=34&item=913&items=6&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=34&item=913&items=6&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=34&item=913&items=6&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=34&item=913&items=6&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=34&i=913 สารบัญพระไตรปิฎกเล่มที่ ๓๔ http://84000.org/tipitaka/read/?index_34