ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๑ ภาษาบาลี อักษรไทย พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ
                                  ปญฺหาวาโร
     [๖๖๒]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส     เหตุปจฺจเยน     ปจฺจโย     ทสฺสเนนปหาตพฺพา     เหตู
สมฺปยุตฺตกานํ ขนฺธานํ เหตุปจฺจเยน ปจฺจโย ฯ
     [๖๖๓]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส    ธมฺมสฺส    เหตุปจฺจเยน   ปจฺจโย   ทสฺสเนนปหาตพฺพา
เหตู จิตฺตสมุฏฺฐานานํ รูปานํ เหตุปจฺจเยน ปจฺจโย ฯ
     [๖๖๔]   ทสฺสเนนปหาตพฺโพ   ธมฺโม   ทสฺสเนนปหาตพฺพสฺส   จ
เนวทสฺสเนนนภาวนายปหาตพฺพสฺส      จ     ธมฺมสฺส     เหตุปจฺจเยน
ปจฺจโย     ทสฺสเนนปหาตพฺพา     เหตู     สมฺปยุตฺตกานํ     ขนฺธานํ
จิตฺตสมุฏฺฐานานญฺจ รูปานํ ฯ
     [๖๖๕]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส     เหตุปจฺจเยน     ปจฺจโย     ภาวนายปหาตพฺพา     เหตู
สมฺปยุตฺตกานํ ขนฺธานํ เหตุปจฺจเยน ปจฺจโย ฯ
     [๖๖๖]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส  ...  ภาวนายปหาตพฺพา  เหตู  จิตฺตสมุฏฺฐานานํ
รูปานํ เหตุปจฺจเยน ปจฺจโย ฯ
     [๖๖๗]   ภาวนายปหาตพฺโพ   ธมฺโม   ภาวนายปหาตพฺพสฺส   จ
เนวทสฺสเนนนภาวนายปหาตพฺพสฺส   จ  ธมฺมสฺส  ...  ภาวนายปหาตพฺพา
เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ  รูปานํ  เหตุปจฺจเยน
ปจฺจโย ฯ
     [๖๖๘]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส   ธมฺมสฺส   ...  เนวทสฺสเนนนภาวนายปหาตพฺพา
เหตู   สมฺปยุตฺตกานํ   ขนฺธานํ  จิตฺตสมุฏฺฐานานญฺจ  รูปานํ  เหตุปจฺจเยน
ปจฺจโย     ปฏิสนฺธิกฺขเณ     เนวทสฺสเนนนภาวนายปหาตพฺพา     เหตู
สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย ฯ
     [๖๖๙]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส     อารมฺมณปจฺจเยน     ปจฺจโย    ทสฺสเนนปหาตพฺพํ    ราคํ
อสฺสาเทติ   อภินนฺทติ  ตํ  อารพฺภ  ทสฺสเนนปหาตพฺโพ  ราโค  อุปฺปชฺชติ
ทิฏฺฐิ    อุปฺปชฺชติ   วิจิกิจฺฉา   อุปฺปชฺชติ   ทสฺสเนนปหาตพฺพํ   โทมนสฺสํ
อุปฺปชฺชติ   ทิฏฺฐึ   อสฺสาเทติ  อภินนฺทติ  ตํ  อารพฺภ  ทสฺสเนนปหาตพฺโพ
ราโค  อุปฺปชฺชติ  ทิฏฺฐิ  อุปฺปชฺชติ  วิจิกิจฺฉา  อุปฺปชฺชติ  ทสฺสเนนปหาตพฺพํ
โทมนสฺสํ  อุปฺปชฺชติ  วิจิกิจฺฉํ อารพฺภ วิจิกิจฺฉา อุปฺปชฺชติ ทิฏฺฐิ อุปฺปชฺชติ
ทสฺสเนนปหาตพฺพํ    โทมนสฺสํ   อุปฺปชฺชติ   ทสฺสเนนปหาตพฺพํ   โทมนสฺสํ
อารพฺภ ทสฺสเนนปหาตพฺพํ โทมนสฺสํ อุปฺปชฺชติ วิจิกิจฺฉา อุปฺปชฺชติ ฯ
     [๖๗๐]   ทสฺสเนนปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส    อารมฺมณปจฺจเยน    ปจฺจโย    อริยา    ทสฺสเนนปหาตพฺเพ
ปหีเน   กิเลเส   ปจฺจเวกฺขนฺติ   ปุพฺเพ  สมุทาจิณฺเณ  กิเลเส  ชานนฺติ
ทสฺสเนนปหาตพฺเพ   ขนฺเธ   อนิจฺจโต   ทุกฺขโต   อนตฺตโต   วิปสฺสนฺติ
เจโตปริยญาเณน     ทสฺสเนนปหาตพฺพจิตฺตสมงฺคิสฺส     จิตฺตํ    ชานนฺติ
ทสฺสเนนปหาตพฺพา    ขนฺธา    เจโตปริยญาณสฺส    ปุพฺเพนิวาสานุสฺสติ-
ญาณสฺส      ยถากมฺมูปคญาณสฺส      อนาคตํสญาณสฺส     อาวชฺชนาย
อารมฺมณปจฺจเยน ปจฺจโย ฯ
     [๖๗๑]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส     อารมฺมณปจฺจเยน     ปจฺจโย    ภาวนายปหาตพฺพํ    ราคํ
อสฺสาเทติ   อภินนฺทติ  ตํ  อารพฺภ  ภาวนายปหาตพฺโพ  ราโค  อุปฺปชฺชติ
อุทฺธจฺจํ   อุปฺปชฺชติ   ภาวนายปหาตพฺพํ   โทมนสฺสํ   อุปฺปชฺชติ   อุทฺธจฺจํ
อารพฺภ   อุทฺธจฺจํ   อุปฺปชฺชติ   ภาวนายปหาตพฺพํ   โทมนสฺสํ   อุปฺปชฺชติ
ภาวนายปหาตพฺพํ    โทมนสฺสํ    อารพฺภ   ภาวนายปหาตพฺพํ   โทมนสฺสํ
อุปฺปชฺชติ อุทฺธจฺจํ อุปฺปชฺชติ ฯ
     [๖๗๒]   ภาวนายปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส     อารมฺมณปจฺจเยน     ปจฺจโย    ภาวนายปหาตพฺพํ    ราคํ
อสฺสาเทติ   อภินนฺทติ  ตํ  อารพฺภ  ทสฺสเนนปหาตพฺโพ  ราโค  อุปฺปชฺชติ
ทิฏฺฐิ    อุปฺปชฺชติ   วิจิกิจฺฉา   อุปฺปชฺชติ   ทสฺสเนนปหาตพฺพํ   โทมนสฺสํ
อุปฺปชฺชติ   อุทฺธจฺจํ   อารพฺภ   ทิฏฺฐิ   อุปฺปชฺชติ   วิจิกิจฺฉา   อุปฺปชฺชติ
ทสฺสเนนปหาตพฺพํ       โทมนสฺสํ      อุปฺปชฺชติ      ภาวนายปหาตพฺพํ
โทมนสฺสํ    อารพฺภ    ทสฺสเนนปหาตพฺพํ   โทมนสฺสํ   อุปฺปชฺชติ   ทิฏฺฐิ
อุปฺปชฺชติ วิจิกิจฺฉา อุปฺปชฺชติ ฯ
     [๖๗๓]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส     ธมฺมสฺส     อารมฺมณปจฺจเยน     ปจฺจโย     อริยา
ภาวนายปหาตพฺพํ    ปหีนํ    กิเลสํ   ปจฺจเวกฺขนฺติ   วิกฺขมฺภิตํ   กิเลสํ
ปจฺจเวกฺขนฺติ     ปุพฺเพ    สมุทาจิณฺเณ    ภาวนายปหาตพฺเพ    ขนฺเธ
อนิจฺจโต     ทุกฺขโต     อนตฺตโต     วิปสฺสนฺติ     เจโตปริยญาเณน
ภาวนายปหาตพฺพจิตฺตสมงฺคิสฺส     จิตฺตํ    ชานนฺติ    ภาวนายปหาตพฺพา
ขนฺธา    เจโตปริยญาณสฺส    ปุพฺเพนิวาสานุสฺสติญาณสฺส    ยถากมฺมูปค-
ญาณสฺส อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๖๗๔]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส    ธมฺมสฺส    อารมฺมณปจฺจเยน   ปจฺจโย   ทานํ
ทตฺวา   สีลํ   สมาทิยิตฺวา  อุโปสถกมฺมํ  กตฺวา  ตํ  ปจฺจเวกฺขติ  ปุพฺเพ
สุจิณฺณานิ    ปจฺจเวกฺขติ    ฌานา    วุฏฺฐหิตฺวา    ฌานํ   ปจฺจเวกฺขติ
อริยา   มคฺคา   วุฏฺฐหิตฺวา  มคฺคํ  ปจฺจเวกฺขนฺติ  นิพฺพานํ  ปจฺจเวกฺขนฺติ
นิพฺพานํ    โคตฺรภุสฺส    โวทานสฺส    มคฺคสฺส    ผลสฺส   อาวชฺชนาย
อารมฺมณปจฺจเยน    ปจฺจโย    จกฺขุํ    อนิจฺจโต   ทุกฺขโต   อนตฺตโต
วิปสฺสติ   โสตํ   ...   ฆานํ  ชิวฺหํ  กายํ  รูเป  สทฺเท  คนฺเธ  รเส
โผฏฺฐพฺเพ    ...    วตฺถุํ    เนวทสฺสเนนนภาวนายปหาตพฺเพ   ขนฺเธ
อนิจฺจโต   ทุกฺขโต   อนตฺตโต   วิปสฺสติ  ทิพฺเพน  จกฺขุนา  รูปํ  ปสฺสติ
ทิพฺพาย   โสตธาตุยา   สทฺทํ   ...   เจโตปริยญาเณน  เนวทสฺสเนน-
นภาวนายปหาตพฺพจิตฺตสมงฺคิสฺส    จิตฺตํ    ชานนฺติ   อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
รูปายตนํ        จกฺขุวิญฺญาณสฺส       อารมฺมณปจฺจเยน       ปจฺจโย
โผฏฺฐพฺพายตนํ      กายวิญฺญาณสฺส      อารมฺมณปจฺจเยน      ปจฺจโย
เนวทสฺสเนนนภาวนายปหาตพฺพา         ขนฺธา         อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๖๗๕]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส    ธมฺมสฺส    อารมฺมณปจฺจเยน   ปจฺจโย   ทานํ   ทตฺวา
สีลํ   สมาทิยิตฺวา   อุโปสถกมฺมํ   กตฺวา   ตํ  อสฺสาเทติ  อภินนฺทติ  ตํ
อารพฺภ    ทสฺสเนนปหาตพฺโพ    ราโค    อุปฺปชฺชติ   ทิฏฺฐิ   อุปฺปชฺชติ
วิจิกิจฺฉา   อุปฺปชฺชติ   ทสฺสเนนปหาตพฺพํ   โทมนสฺสํ   อุปฺปชฺชติ   ปุพฺเพ
สุจิณฺณานิ    ปจฺจเวกฺขติ   ฌานา   วุฏฺฐหิตฺวา   ฌานํ   อสฺสาเทติ   ตํ
อารพฺภ  ทสฺสเนนปหาตพฺโพ  ราโค  ... ทิฏฺฐิ ... วิจิกิจฺฉา ... ฌาเน
ปริหีเน   วิปฺปฏิสาริสฺส   ...   ทสฺสเนนปหาตพฺพํ   โทมนสฺสํ  อุปฺปชฺชติ
จกฺขุํ  อสฺสาเทติ  อภินนฺทติ  โสตํ  ...  ฆานํ  ชิวฺหํ  กายํ  รูเป สทฺเท
คนฺเธ   รเส   โผฏฺฐพฺเพ  ...  วตฺถุํ  เนวทสฺสเนนนภาวนายปหาตพฺเพ
ขนฺเธ    อสฺสาเทติ    อภินนฺทติ    ตํ    อารพฺภ   ทสฺสเนนปหาตพฺโพ
ราโค ... ทิฏฺฐิ ... วิจิกิจฺฉา ... ฯ
     [๖๗๖]   เนวทสฺสเนนนภาวนายปหาตพฺโพ    ธมฺโม   ภาวนาย-
ปหาตพฺพสฺส    ธมฺมสฺส    อารมฺมณปจฺจเยน   ปจฺจโย   ทานํ   ทตฺวา
สีลํ    สมาทิยิตฺวา   อุโปสถกมฺมํ   กตฺวา   ตํ   อสฺสาเทติ   อภินนฺทติ
ตํ   อารพฺภ   ราโค   อุปฺปชฺชติ   อุทฺธจฺจํ  อุปฺปชฺชติ  ภาวนายปหาตพฺพํ
โทมนสฺสํ   อุปฺปชฺชติ   ปุพฺเพ  สุจิณฺณานิ  ...  ฌานา  วุฏฺฐหิตฺวา  ...
จกฺขุํ  ...  วตฺถุํ  ... เนวทสฺสเนนนภาวนายปหาตพฺเพ ขนฺเธ อสฺสาเทติ
ตํ   อารพฺภ   ภาวนายปหาตพฺโพ   ราโค  อุปฺปชฺชติ  อุทฺธจฺจํ  อุปฺปชฺชติ
ภาวนายปหาตพฺพํ โทมนสฺสํ อุปฺปชฺชติ ฯ
     [๖๗๗]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อธิปติปจฺจเยน   ปจฺจโย   อารมฺมณาธิปติ   สหชาตาธิปติ   ฯ
อารมฺมณาธิปติ:    ทสฺสเนนปหาตพฺพํ   ราคํ   ครุํ   กตฺวา   อสฺสาเทติ
อภินนฺทติ    ตํ   ครุํ   กตฺวา   ทสฺสเนนปหาตพฺโพ   ราโค   อุปฺปชฺชติ
ทิฏฺฐิ   อุปฺปชฺชติ   ทิฏฺฐึ   ครุํ   กตฺวา   อสฺสาเทติ  อภินนฺทติ  ตํ  ครุํ
กตฺวา   ทสฺสเนนปหาตพฺโพ   ราโค   อุปฺปชฺชติ   ทิฏฺฐิ   อุปฺปชฺชติ   ฯ
สหชาตาธิปติ:     ทสฺสเนนปหาตพฺพาธิปติ     สมฺปยุตฺตกานํ     ขนฺธานํ
อธิปติปจฺจเยน ปจฺจโย ฯ
     [๖๗๘]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   อธิปติปจฺจเยน   ปจฺจโย   ฯ   สหชาตาธิปติ:
ทสฺสเนนปหาตพฺพาธิปติ จิตฺตสมุฏฺฐานานํ รูปานํ ฯ
     [๖๗๙]   ทสฺสเนนปหาตพฺโพ   ธมฺโม   ทสฺสเนนปหาตพฺพสฺส   จ
เนวทสฺสเนนนภาวนายปหาตพฺพสฺส     จ     ธมฺมสฺส     อธิปติปจฺจเยน
ปจฺจโย    ฯ    สหชาตาธิปติ:   ทสฺสเนนปหาตพฺพาธิปติ   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     [๖๘๐]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส   อธิปติปจฺจเยน   ปจฺจโย   อารมฺมณาธิปติ   สหชาตาธิปติ   ฯ
อารมฺมณาธิปติ:    ภาวนายปหาตพฺพํ   ราคํ   ครุํ   กตฺวา   อสฺสาเทติ
อภินนฺทติ   ตํ   ครุํ   กตฺวา   ภาวนายปหาตพฺโพ  ราโค  อุปฺปชฺชติ  ฯ
สหชาตาธิปติ:     ภาวนายปหาตพฺพาธิปติ     สมฺปยุตฺตกานํ     ขนฺธานํ
อธิปติปจฺจเยน ปจฺจโย ฯ
     [๖๘๑]   ภาวนายปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อธิปติปจฺจเยน  ปจฺจโย  ฯ  อารมฺมณาธิปติ:  ภาวนายปหาตพฺพํ
ราคํ  ครุํ  กตฺวา  อสฺสาเทติ  อภินนฺทติ  ตํ ครุํ กตฺวา ทสฺสเนนปหาตพฺโพ
ราโค อุปฺปชฺชติ ทิฏฺฐิ อุปฺปชฺชติ ฯ
     [๖๘๒]   ภาวนายปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส  อธิปติปจฺจเยน  ปจฺจโย  ฯ สหชาตาธิปติ: ภาวนายปหาตพฺพาธิปติ
จิตฺตสมุฏฺฐานานํ รูปานํ ฯ
     [๖๘๓]   ภาวนายปหาตพฺโพ   ธมฺโม   ภาวนายปหาตพฺพสฺส   จ
เนวทสฺสเนนนภาวนายปหาตพฺพสฺส     จ     ธมฺมสฺส     อธิปติปจฺจเยน
ปจฺจโย    ฯ    สหชาตาธิปติ:   ภาวนายปหาตพฺพาธิปติ   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ ฯ
     [๖๘๔]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส   ธมฺมสฺส  อธิปติปจฺจเยน  ปจฺจโย  อารมฺมณาธิปติ
สหชาตาธิปติ   ฯ   อารมฺมณาธิปติ:   ทานํ   ทตฺวา   สีลํ  สมาทิยิตฺวา
อุโปสถกมฺมํ  กตฺวา  ตํ  ครุํ  กตฺวา  ปจฺจเวกฺขติ  ปุพฺเพ  สุจิณฺณานิ ...
ฌานา  วุฏฺฐหิตฺวา  ฌานํ  ครุํ  กตฺวา ปจฺจเวกฺขติ อริยา มคฺคา วุฏฺฐหิตฺวา
มคฺคํ  ครุํ  กตฺวา  ปจฺจเวกฺขนฺติ  ผลํ  ครุํ  กตฺวา  ปจฺจเวกฺขนฺติ นิพฺพานํ
ครุํ   กตฺวา   ปจฺจเวกฺขนฺติ   นิพฺพานํ   โคตฺรภุสฺส  โวทานสฺส  มคฺคสฺส
ผลสฺส   อธิปติปจฺจเยน   ปจฺจโย   ฯ   สหชาตาธิปติ:   เนวทสฺสเนน-
นภาวนายปหาตพฺพาธิปติ    สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     [๖๘๕]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส   ธมฺมสฺส   อธิปติปจฺจเยน   ปจฺจโย   ฯ  อารมฺมณาธิปติ:
ทานํ   ทตฺวา   สีลํ   สมาทิยิตฺวา  อุโปสถกมฺมํ  กตฺวา  ตํ  ครุํ  กตฺวา
อสฺสาเทติ   อภินนฺทติ   ตํ   ครุํ   กตฺวา   ทสฺสเนนปหาตพฺโพ   ราโค
อุปฺปชฺชติ   ทิฏฺฐิ   อุปฺปชฺชติ   ปุพฺเพ   สุจิณฺณานิ   ครุํ   กตฺวา   ...
ฌานา   วุฏฺฐหิตฺวา   ฌานํ   ครุํ   กตฺวา   ...  วตฺถุํ  เนวทสฺสเนน-
นภาวนายปหาตพฺเพ   ขนฺเธ   ครุํ   กตฺวา   อสฺสาเทติ  อภินนฺทติ  ตํ
ครุํ กตฺวา ทสฺสเนนปหาตพฺโพ ราโค อุปฺปชฺชติ ทิฏฺฐิ อุปฺปชฺชติ ฯ
     [๖๘๖]   เนวทสฺสเนนนภาวนายปหาตพฺโพ    ธมฺโม   ภาวนาย-
ปหาตพฺพสฺส   ธมฺมสฺส   ...   ฯ  อารมฺมณาธิปติ:  ทานํ  ทตฺวา  สีลํ
สมาทิยิตฺวา    อุโปสถกมฺมํ    กตฺวา   ตํ   อสฺสาเทติ   อภินนฺทติ   ตํ
ครุํ   กตฺวา   ภาวนายปหาตพฺโพ   ราโค   อุปฺปชฺชติ   ปุพฺเพ   ฯเปฯ
เนวทสฺสเนนนภาวนายปหาตพฺเพ    ขนฺเธ    ครุํ    กตฺวา   อสฺสาเทติ
อภินนฺทติ ตํ ครุํ กตฺวา ภาวนายปหาตพฺโพ ราโค อุปฺปชฺชติ ฯ
     [๖๘๗]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อนนฺตรปจฺจเยน   ปจฺจโย   ปุริมา  ปุริมา  ทสฺสเนนปหาตพฺพา
ขนฺธา     ปจฺฉิมานํ     ปจฺฉิมานํ     ทสฺสเนนปหาตพฺพานํ     ขนฺธานํ
อนนฺตรปจฺเยน ปจฺจโย ฯ
     [๖๘๘]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   ...   ทสฺสเนนปหาตพฺพา   ขนฺธา  วุฏฺฐานสฺส
อนนฺตรปจฺจเยน ปจฺจโย ฯ
     [๖๘๙]   ภาวนายปหาตพฺโพ  ธมฺโม  ภาวนายปหาตพฺพสฺส  ธมฺมสฺส
อนนฺตรปจฺจเยน   ปจฺจโย   ปุริมา   ปุริมา   ภาวนายปหาตพฺพา  ขนฺธา
ปจฺฉิมานํ    ปจฺฉิมานํ   ภาวนายปหาตพฺพานํ   ขนฺธานํ   อนนฺตรปจฺจเยน
ปจฺจโย ฯ
     [๖๙๐]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   อนนฺตรปจฺจเยน   ปจฺจโย   ภาวนายปหาตพฺพา
ขนฺธา วุฏฺฐานสฺส อนนฺตรปจฺจเยน ปจฺจโย ฯ
     [๖๙๑]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส    ธมฺมสฺส    อนนฺตรปจฺจเยน   ปจฺจโย   ปุริมา
ปุริมา   เนวทสฺสเนนนภาวนายปหาตพฺพา   ขนฺธา   ปจฺฉิมานํ   ปจฺฉิมานํ
เนวทสฺสเนนนภาวนาย    ฯเปฯ    อนนฺตรปจฺจเยน   ปจฺจโย   อนุโลมํ
โคตฺรภุสฺส   อนุโลมํ   โวทานสฺส   โคตฺรภุ   มคฺคสฺส  โวทานํ  มคฺคสฺส
มคฺโค  ผลสฺส  ผลํ  ผลสฺส  อนุโลมํ  ผลสมาปตฺติยา  นิโรธา วุฏฺฐหนฺตสฺส
เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโย ฯ
     [๖๙๒]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส    ธมฺมสฺส    ฯเปฯ    อาวชฺชนา    ทสฺสเนนปหาตพฺพานํ
ขนฺธานํ อนนฺตรปจฺจเยน ปจฺจโย ฯ
     [๖๙๓]   เนวทสฺสเนนนภาวนายปหาตพฺโพ    ธมฺโม   ภาวนาย-
ปหาตพฺพสฺส     ธมฺมสฺส     อนนฺตรปจฺจเยน    ปจฺจโย    อาวชฺชนา
ภาวนายปหาตพฺพานํ ขนฺธานํ อนนฺตรปจฺจเยน ปจฺจโย ฯ
     [๖๙๔]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส สมนนฺตรปจฺจเยน ปจฺจโย ฯ อนนฺตรสทิสํ ฯ
     [๖๙๕]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส สหชาตปจฺจเยน ปจฺจโย ตีณิ ฯ
     [๖๙๖]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส ... ตีณิ ฯ
     [๖๙๗]   เนวทสฺสเนนนภาวนายปหาตพฺโพ         ธมฺโม
เนวทสฺสเนนนภาวนายปหาตพฺพสฺส    ธมฺมสฺส   สหชาตปจฺจเยน   ปจฺจโย
เนวทสฺสเนนนภาวนายปหาตพฺโพ    เอโก    ขนฺโธ   ติณฺณนฺนํ   ขนฺธานํ
จิตฺตสมุฏฺฐานานญฺจ  รูปานํ  สหชาตปจฺจเยน  ปจฺจโย  เทฺว  ขนฺธา  ...
ปฏิสนฺธิกฺขเณ    ขนฺธา    วตฺถุสฺส    สหชาตปจฺจเยน   ปจฺจโย   วตฺถุ
ขนฺธานํ   เอกํ  มหาภูตํ  ติณฺณนฺนํ  มหาภูตานํ  มหาภูตา  จิตฺตสมุฏฺฐานานํ
รูปานํ พาหิรํ ... อาหารสมุฏฺฐานํ ... อุตุสมุฏฺฐานํ ... อสญฺญสตฺตานํ ... ฯ
     [๖๙๘]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ     ธมฺมา     เนวทสฺสเนนนภาวนายปหาตพฺพสฺส    ธมฺมสฺส    ...
ทสฺสเนนปหาตพฺพา ขนฺธา จ มหาภูตา จ จิตฺตสมุฏฺฐานานํ รูปานํ ฯ
     [๖๙๙]   ภาวนายปหาตพฺโพ   จ  เนวทสฺสเนนนภาวนายปหาตพฺโพ
จ   ธมฺมา   เนวทสฺสเนนนภาวนายปหาตพฺพสฺส  ธมฺมสฺส  สหชาตปจฺจเยน
ปจฺจโย   ภาวนายปหาตพฺพา   ขนฺธา  จ  มหาภูตา  จ  จิตฺตสมุฏฺฐานานํ
รูปานํ ฯ
     [๗๐๐]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส    อญฺญมญฺญปจฺจเยน    ปจฺจโย    ทสฺสเนนปหาตพฺโพ    เอโก
ขนฺโธ ... ฯ
     [๗๐๑]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส ... ภาวนายปหาตพฺโพ เอโก ขนฺโธ ติณฺณนฺนํ ขนฺธานํ ฯ
     [๗๐๒]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส   ธมฺมสฺส   ...  เนวทสฺสเนนนภาวนายปหาตพฺโพ
เอโก   ขนฺโธ   ติณฺณนฺนํ   ขนฺธานํ   อญฺญมญฺญปจฺจเยน   ปจฺจโย  เทฺว
ขนฺธา      ...     ปฏิสนฺธิกฺขเณ     เนวทสฺสเนนนภาวนายปหาตพฺโพ
เอโก    ขนฺโธ   ติณฺณนฺนํ   ขนฺธานํ   วตฺถุสฺส   จ   อญฺญมญฺญปจฺจเยน
ปจฺจโย  เทฺว  ขนฺธา  ...  ขนฺธา  วตฺถุสฺส  วตฺถุ ขนฺธานํ เอกํ มหาภูตํ
ติณฺณนฺนํ มหาภูตานํ อญฺญมญฺญปจฺจเยน ปจฺจโย อสญฺญสตฺตานํ ... ฯ
     [๗๐๓]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   นิสฺสยปจฺจเยน   ปจฺจโย   ตีณิ   ฯ  ภาวนาย  ...  ตีณิ  ฯ
เนวทสฺสเนนนภาวนายปหาตพฺโพ      ธมฺโม      เนวทสฺสเนนนภาวนาย
ฯเปฯ       เนวทสฺสเนนนภาวนายปหาตพฺโพ       เอโก      ขนฺโธ
ติณฺณนฺนํ   ขนฺธานํ   จิตฺตสมุฏฺฐานานญฺจ   รูปานํ   เทฺว   ขนฺธา   ...
ปฏิสนฺธิกฺขเณ   ขนฺธา   วตฺถุสฺส   วตฺถุ   ขนฺธานํ  เอกํ  มหาภูตํ  ...
อสญฺญสตฺตานํ   ...   จกฺขายตนํ   จกฺขุวิญฺญาณสฺส   ฯเปฯ   กายายตนํ
กายวิญฺญาณสฺส วตฺถุ ... ฯ
     [๗๐๔]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส  ธมฺมสฺส  นิสฺสย  ปจฺจเยนปจฺจโย  วตฺถุ ทสฺสเนนปหาตพฺพานํ
ขนฺธานํ    นิสฺสยปจฺจเยน    ปจฺจโย    เนวทสฺสเนนนภาวนายปหาตพฺโพ
ธมฺโม   ภาวนายปหาตพฺพสฺส   ธมฺมสฺส  ...  วตฺถุ  ภาวนายปหาตพฺพานํ
ขนฺธานํ นิสฺสยปจฺจเยน ปจฺจโย ฯ
     [๗๐๕]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ      ธมฺมา     ทสฺสเนนปหาตพฺพสฺส     ธมฺมสฺส     นิสฺสยปจฺจเยน
ปจฺจโย   ทสฺสเนนปหาตพฺโพ   เอโก   ขนฺโธ   จ   วตฺถุ  จ  ติณฺณนฺนํ
ขนฺธานํ นิสฺสยปจฺจเยน ปจฺจโย เทฺว ขนฺธา ... ฯ
     [๗๐๖]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ     ธมฺมา     เนวทสฺสเนนนภาวนายปหาตพฺพสฺส    ธมฺมสฺส    ...
ทสฺสเนนปหาตพฺพา    ขนฺธา    จ    มหาภูตา    จ   จิตฺตสมุฏฺฐานานํ
รูปานํ ฯ
     [๗๐๗]   ภาวนายปหาตพฺโพ   จ  เนวทสฺสเนนนภาวนายปหาตพฺโพ
จ    ธมฺมา   ภาวนายปหาตพฺพสฺส   ธมฺมสฺส   นิสฺสยปจฺจเยน   ปจฺจโย
ภาวนายปหาตพฺโพ   เอโก   ขนฺโธ   จ   วตฺถุ   จ  ติณฺณนฺนํ  ขนฺธานํ
นิสฺสยปจฺจเยน ปจฺจโย เทฺว ขนฺธา ... ฯ
     [๗๐๘]   ภาวนายปหาตพฺโพ   จ  เนวทสฺสเนนนภาวนายปหาตพฺโพ
จ       ธมฺมา       เนวทสฺสเนนนภาวนายปหาตพฺพสฺส       ธมฺมสฺส
นิสฺสยปจฺจเยน   ปจฺจโย   ภาวนายปหาตพฺพา   ขนฺธา  จ  มหาภูตา  จ
จิตฺตสมุฏฺฐานานํ รูปานํ ฯ
     [๗๐๙]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส       อุปนิสฺสยปจฺจเยน       ปจฺจโย       อารมฺมณูปนิสฺสโย
อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:   ทสฺสเนนปหาตพฺพํ
ราคํ   อุปนิสฺสาย   ปาณํ   หนติ   อทินฺนํ  อาทิยติ  ...  สงฺฆํ  ภินฺทติ
ทสฺสเนนปหาตพฺพํ  โทสํ  ... โมหํ ... ทิฏฺฐึ ... ปตฺถนํ อุปนิสฺสาย ปาณํ
หนติ  ...  สงฺฆํ  ภินฺทติ  ทสฺสเนนปหาตพฺโพ  ราโค  ... โทโส โมโห
ทิฏฺฐิ   ...   ปตฺถนา   ทสฺสเนนปหาตพฺพสฺส  ราคสฺส  โทสสฺส  โมหสฺส
ทิฏฺฐิยา ปตฺถนาย อุปนิสฺสยปจฺจเยน ปจฺจโย ฯ
     [๗๑๐]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส    ธมฺมสฺส    ...   อนนฺตรูปนิสฺสโย   ปกตูปนิสฺสโย   ฯ
ปกตูปนิสฺสโย:    ทสฺสเนนปหาตพฺพํ    ราคํ   อุปนิสฺสาย   ทานํ   เทติ
สีลํ  สมาทิยติ  อุโปสถกมฺมํ  กโรติ  ฯ  สงฺขิตฺตํ  ฯ  สมาปตฺตึ อุปฺปาเทติ
ทสฺสเนนปหาตพฺพํ  โทสํ  ...  ปตฺถนํ อุปนิสฺสาย ทานํ เทติ ... สมาปตฺตึ
อุปฺปาเทติ  ทสฺสเนนปหาตพฺโพ  ราโค  ...  โทโส  โมโห  ทิฏฺฐิ  ...
ปตฺถนา    สทฺธาย   ปญฺญาย   กายิกสฺส   สุขสฺส   กายิกสฺส   ทุกฺขสฺส
ผลสมาปตฺติยา อุปนิสฺสยปจฺจเยน ปจฺจโย ฯ
     [๗๑๑]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส       อุปนิสฺสยปจฺจเยน       ปจฺจโย       อารมฺมณูปนิสฺสโย
อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:  ภาวนายปหาตพฺโพ
ราโค  ...  โทโส  โมโห  มาโน  ...  ปตฺถนา  ภาวนายปหาตพฺพสฺส
ราคสฺส    โทสสฺส    โมหสฺส   มานสฺส   ปตฺถนาย   อุปนิสฺสยปจฺจเยน
ปจฺจโย ฯ
     [๗๑๒]   ภาวนายปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส       อุปนิสฺสยปจฺจเยน       ปจฺจโย       อารมฺมณูปนิสฺสโย
ปกตูปนิสฺสโย     ฯ     ปกตูปนิสฺสโย:     ภาวนายปหาตพฺพํ     ราคํ
อุปนิสฺสาย  ปาณํ  หนติ  ...  สงฺฆํ  ภินฺทติ  ภาวนายปหาตพฺพํ โทสํ ...
โมหํ  ...  มานํ  ...  ปตฺถนํ  อุปนิสฺสาย  ปาณํ หนติ ... สงฺฆํ ภินฺทติ
ภาวนายปหาตพฺโพ   ราโค  ...  โทโส  โมโห  มาโน  ...  ปตฺถนา
ทสฺสเนนปหาตพฺพสฺส   ราคสฺส   โทสสฺส   โมหสฺส   ทิฏฺฐิยา   ปตฺถนาย
อุปนิสฺสยปจฺจเยน     ปจฺจโย     สกภณฺเฑ     ฉนฺทราโค    ปรภณฺเฑ
ฉนฺทราคสฺส    อุปนิสฺสยปจฺจเยน    ปจฺจโย    สกปริคฺคเห   ฉนฺทราโค
ปรปริคฺคเห ฉนฺทราคสฺส อุปนิสฺสยปจฺจเยน ปจฺจโย ฯ
     [๗๑๓]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส    ธมฺมสฺส   อุปนิสฺสยปจฺจเยน   ปจฺจโย   อนนฺตรูปนิสฺสโย
ปกตูปนิสฺสโย     ฯ     ปกตูปนิสฺสโย:     ภาวนายปหาตพฺพํ     ราคํ
อุปนิสฺสาย   ทานํ   เทติ  ...  สมาปตฺตึ  อุปฺปาเทติ  ภาวนายปหาตพฺพํ
โทสํ  ...  โมหํ  ...  มานํ  ...  ปตฺถนํ  อุปนิสฺสาย ทานํ เทติ ...
สมาปตฺตึ   อุปฺปาเทติ   ภาวนายปหาตพฺโพ  ราโค  ...  โทโส  โมโห
มาโน    ...   ปตฺถนา   สทฺธาย   ผลสมาปตฺติยา   อุปนิสฺสยปจฺจเยน
ปจฺจโย ฯ
     [๗๑๔]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส      ธมฺมสฺส      อุปนิสฺสยปจฺจเยน     ปจฺจโย
อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:
สทฺธํ   อุปนิสฺสาย   ทานํ  เทติ  ...  สมาปตฺตึ  อุปฺปาเทติ  สีลํ  ...
สุตํ  จาคํ  ปญฺญํ  กายิกํ  สุขํ  กายิกํ  ทุกฺขํ  อุตุํ  โภชนํ  ... เสนาสนํ
อุปนิสฺสาย  ทานํ  เทติ  ...  สมาปตฺตึ  อุปฺปาเทติ  สทฺธา ... สีลํ สุตํ
จาโค   ปญฺญา  กายิกํ  สุขํ  กายิกํ  ทุกฺขํ  อุตุ  โภชนํ  ...  เสนาสนํ
สทฺธาย   ปญฺญาย   กายิกสฺส  สุขสฺส  กายิกสฺส  ทุกฺขสฺส  ผลสมาปตฺติยา
อุปนิสฺสยปจฺจเยน ปจฺจโย ฯ
     [๗๑๕]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส   ธมฺมสฺส   อุปนิสฺสยปจฺจเยน   ปจฺจโย   อารมฺมณูปนิสฺสโย
อนนฺตรูปนิสฺสโย      ปกตูปนิสฺสโย     ฯ     ปกตูปนิสฺสโย:     สทฺธํ
อุปนิสฺสาย ... ทิฏฺฐึ คณฺหาติ สีลํ ... เสนาสนํ อุปนิสฺสาย ปาณํ หนติ ...
สงฺฆํ   ภินฺทติ   สทฺธา   ...   เสนาสนํ  ทสฺสเนนปหาตพฺพสฺส  ราคสฺส
โทสสฺส โมหสฺส ทิฏฺฐิยา ปตฺถนาย อุปนิสฺสยปจฺจเยน ปจฺจโย ฯ
     [๗๑๖]   เนวทสฺสเนนนภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส       อุปนิสฺสยปจฺจเยน       ปจฺจโย       อารมฺมณูปนิสฺสโย
อนนฺตรูปนิสฺสโย      ปกตูปนิสฺสโย     ฯ     ปกตูปนิสฺสโย:     สทฺธํ
อุปนิสฺสาย   มานํ  ชปฺเปติ  สีลํ  ...  ปญฺญํ  กายิกํ  สุขํ  กายิกํ  ทุกฺขํ
อุตุํ   โภชนํ   ...  เสนาสนํ  อุปนิสฺสาย  มานํ  ชปฺเปติ  สทฺธา  ...
ปญฺญา   กายิกํ   สุขํ   กายิกํ   ทุกฺขํ   อุตุ   โภชนํ   ...  เสนาสนํ
ภาวนายปหาตพฺพสฺส   ราคสฺส   โทสสฺส   โมหสฺส   มานสฺส   ปตฺถนาย
อุปนิสฺสยปจฺจเยน ปจฺจโย ฯ
     [๗๑๗]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส      ธมฺมสฺส      ปุเรชาตปจฺจเยน     ปจฺจโย
อารมฺมณปุเรชาตํ   วตฺถุปุเรชาตํ  ฯ  อารมฺมณปุเรชาตํ:  จกฺขุํ  อนิจฺจโต
ทุกฺขโต  อนตฺตโต  วิปสฺสติ  โสตํ  ...  ฆานํ  ชิวฺหํ  กายํ  รูเป สทฺเท
คนฺเธ   รเส   โผฏฺฐพฺเพ   วตฺถุํ  ...  ทิพฺเพน  จกฺขุนา  รูปํ  ปสฺสติ
ทิพฺพาย    โสตธาตุยา    สทฺทํ    สุณาติ    รูปายตนํ   จกฺขุวิญฺญาณสฺส
โผฏฺฐพฺพายตนํ     กายวิญฺญาณสฺส    ปุเรชาตปจฺจเยน    ปจฺจโย    ฯ
วตฺถุปุเรชาตํ:   จกฺขายตนํ   จกฺขุวิญฺญาณสฺส   กายายตนํ  กายวิญฺญาณสฺส
วตฺถุ    เนวทสฺสเนนนภาวนายปหาตพฺพานํ    ขนฺธานํ   ปุเรชาตปจฺจเยน
ปจฺจโย ฯ
     [๗๑๘]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส   ธมฺมสฺส   ปุเรชาตปจฺจเยน   ปจฺจโย   อารมฺมณปุเรชาตํ
วตฺถุปุเรชาตํ    ฯ   อารมฺมณปุเรชาตํ:   จกฺขุํ   อสฺสาเทติ   อภินนฺทติ
ตํ     อารพฺภ     ทสฺสเนนปหาตพฺโพ     ราโค    อุปฺปชฺชติ    ทิฏฺฐิ
อุปฺปชฺชติ     วิจิกิจฺฉา     อุปฺปชฺชติ     ทสฺสเนนปหาตพฺพํ    โทมนสฺสํ
อุปฺปชฺชติ  ฯเปฯ  วตฺถุํ  อสฺสาเทติ อภินนฺทติ ตํ อารพฺภ ทสฺสเนนปหาตพฺโพ
ราโค  อุปฺปชฺชติ  ทิฏฺฐิ  อุปฺปชฺชติ  วิจิกิจฺฉา  อุปฺปชฺชติ  ทสฺสเนนปหาตพฺพํ
โทมนสฺสํ   อุปฺปชฺชติ   ฯ   วตฺถุปุเรชาตํ:   วตฺถุ   ทสฺสเนนปหาตพฺพานํ
ขนฺธานํ ปุเรชาตปจฺจเยน ปจฺจโย ฯ
     [๗๑๙]   เนวทสฺสเนนนภาวนายปหาตพฺโพ    ธมฺโม   ภาวนาย-
ปหาตพฺพสฺส   ธมฺมสฺส   ปุเรชาตปจฺจเยน   ปจฺจโย   อารมฺมณปุเรชาตํ
วตฺถุปุเรชาตํ   ฯ   อารมฺมณปุเรชาตํ:   จกฺขุํ  อสฺสาเทติ  อภินนฺทติ  ตํ
อารพฺภ      ภาวนายปหาตพฺโพ      ราโค     อุปฺปชฺชติ     อุทฺธจฺจํ
อุปฺปชฺชติ   ภาวนายปหาตพฺพํ   โทมนสฺสํ   อุปฺปชฺชติ   โสตํ  ...  กายํ
รูเป   ...  โผฏฺฐพฺเพ  ...  วตฺถุํ  อสฺสาเทติ  อภินนฺทติ  ตํ  อารพฺภ
ภาวนายปหาตพฺโพ      ราโค     อุปฺปชฺชติ     อุทฺธจฺจํ     อุปฺปชฺชติ
ภาวนายปหาตพฺพํ    โทมนสฺสํ    อุปฺปชฺชติ   ฯ   วตฺถุปุเรชาตํ:   วตฺถุ
ภาวนายปหาตพฺพานํ ขนฺธานํ ปุเรชาตปจฺจเยน ปจฺจโย ฯ
     [๗๒๐]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   ปจฺฉาชาตปจฺจเยน   ปจฺจโย  ฯ  ปจฺฉาชาตา:
ทสฺสเนนปหาตพฺพา      ขนฺธา     ปุเรชาตสฺส     อิมสฺส     กายสฺส
ปจฺฉาชาตปจฺจเยน ปจฺจโย ฯ
     [๗๒๑]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   ปจฺฉาชาตปจฺจเยน   ปจฺจโย  ฯ  ปจฺฉาชาตา:
ภาวนายปหาตพฺพา  ขนฺธา  ปุเรชาตสฺส  อิมสฺส กายสฺส ปจฺฉาชาตปจฺจเยน
ปจฺจโย ฯ
     [๗๒๒]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส           ธมฺมสฺส          ปจฺฉาชาตปจฺจเยน
ปจฺจโย    ฯ   ปจฺฉาชาตา:   เนวทสฺสเนนนภาวนายปหาตพฺพา   ขนฺธา
ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย ฯ
     [๗๒๓]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อาเสวนปจฺจเยน   ปจฺจโย  ปุริมา  ปุริมา  ทสฺสเนนปหาตพฺพา
ขนฺธา ปจฺฉิมานํ ปจฺฉิมานํ อาเสวนปจฺจเยน ปจฺจโย ฯ
     [๗๒๔]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส   อาเสวนปจฺจเยน   ปจฺจโย  ปุริมา  ปุริมา  ภาวนายปหาตพฺพา
ขนฺธา ปจฺฉิมานํ ปจฺฉิมานํ อาเสวนปจฺจเยน ปจฺจโย ฯ
     [๗๒๕]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส      ธมฺมสฺส      อาเสวนปจฺจเยน     ปจฺจโย
ปุริมา    ปุริมา    เนวทสฺสเนนนภาวนายปหาตพฺพา   ขนฺธา   ปจฺฉิมานํ
ปจฺฉิมานํ     อาเสวนปจฺจเยน     ปจฺจโย     อนุโลมํ     โคตฺรภุสฺส
อนุโลมํ     โวทานสฺส     โคตฺรภุ     มคฺคสฺส    โวทานํ    มคฺคสฺส
อาเสวนปจฺจเยน ปจฺจโย ฯ
     [๗๒๖]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส     กมฺมปจฺจเยน     ปจฺจโย    ทสฺสเนนปหาตพฺพา    เจตนา
สมฺปยุตฺตกานํ ขนฺธานํ กมฺมปจฺจเยน ปจฺจโย ฯ
     [๗๒๗]   ทสฺสเนนปหาตพฺโพ      ธมฺโม      เนวทสฺสเนน-
นภาวนายปหาตพฺพสฺส    ธมฺมสฺส    กมฺมปจฺจเยน   ปจฺจโย   สหชาตา
นานาขณิกา      ฯ     สหชาตา:     ทสฺสเนนปหาตพฺพา     เจตนา
จิตฺตสมุฏฺฐานานํ    รูปานํ   กมฺมปจฺจเยน   ปจฺจโย   ฯ   นานาขณิกา:
ทสฺสเนนปหาตพฺพา   เจตนา   วิปากานํ   ขนฺธานํ   กฏตฺตา  จ  รูปานํ
กมฺมปจฺจเยน ปจฺจโย ฯ
     [๗๒๘]   ทสฺสเนนปหาตพฺโพ   ธมฺโม   ทสฺสเนนปหาตพฺพสฺส   จ
เนวทสฺสเนนนภาวนายปหาตพฺพสฺส      จ     ธมฺมสฺส     กมฺมปจฺจเยน
ปจฺจโย     ทสฺสเนนปหาตพฺพา     เจตนา    สมฺปยุตฺตกานํ    ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
     [๗๒๙]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส     กมฺมปจฺจเยน     ปจฺจโย    ภาวนายปหาตพฺพา    เจตนา
สมฺปยุตฺตกานํ ขนฺธานํ กมฺมปจฺจเยน ปจฺจโย ฯ
     [๗๓๐]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส    ธมฺมสฺส    กมฺมปจฺจเยน   ปจฺจโย   ภาวนายปหาตพฺพา
เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโย ฯ
     [๗๓๑]   ภาวนายปหาตพฺโพ   ธมฺโม   ภาวนายปหาตพฺพสฺส   จ
เนวทสฺสเนนนภาวนายปหาตพฺพสฺส      จ     ธมฺมสฺส     กมฺมปจฺจเยน
ปจฺจโย     ภาวนายปหาตพฺพา     เจตนา    สมฺปยุตฺตกานํ    ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
     [๗๓๒]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส    ธมฺมสฺส    กมฺมปจฺจเยน   ปจฺจโย   สหชาตา
นานาขณิกา      ฯ     สหชาตา:     เนวทสฺสเนนนภาวนายปหาตพฺพา
เจตนา     สมฺปยุตฺตกานํ     ขนฺธานํ     จิตฺตสมุฏฺฐานานญฺจ    รูปานํ
กมฺมปจฺจเยน     ปจฺจโย     ปฏิสนฺธิกฺขเณ     เนวทสฺสเนนนภาวนาย-
ปหาตพฺพา     เจตนา     สมฺปยุตฺตกานํ    ขนฺธานํ    กฏตฺตา    จ
รูปานํ    ฯ   นานาขณิกา:   เนวทสฺสเนนนภาวนายปหาตพฺพา   เจตนา
วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     [๗๓๓]   เนวทสฺสเนนนภาวนายปหาตพฺโพ         ธมฺโม
เนวทสฺสเนนนภาวนายปหาตพฺพสฺส    ธมฺมสฺส    วิปากปจฺจเยน   ปจฺจโย
วิปาโก    เนวทสฺสเนนนภาวนายปหาตพฺโพ    เอโก   ขนฺโธ   ติณฺณนฺนํ
ขนฺธานํ     จิตฺตสมุฏฺฐานานญฺจ     รูปานํ    วิปากปจฺจเยน    ปจฺจโย
ปฏิสนฺธิกฺขเณ ขนฺธา วตฺถุสฺส วิปากปจฺจเยน ปจฺจโย ฯ
     [๗๓๔]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อาหารปจฺจเยน   ปจฺจโย   ฯ   สงฺขิตฺตํ   ฯ  กพฬึกาโร  ฯ
สตฺต    ปญฺหา   ฯ   ...   อินฺทฺริยปจฺจเยน   ปจฺจโย   จกฺขุนฺทฺริยญฺจ
รูปชีวิตินฺทฺริยญฺจ    ฯ    สตฺต    ปญฺหา   ฯ   ฌานปจฺจเยน   ปจฺจโย
มคฺคปจฺจเยน   ปจฺจโย   สมฺปยุตฺตปจฺจเยน   ปจฺจโย   วิปฺปยุตฺตปจฺจเยน
ปจฺจโย    สหชาตํ    ปจฺฉาชาตํ   ฯ   สหชาตา:   ทสฺสเนนปหาตพฺพา
ขนฺธา        จิตฺตสมุฏฺฐานานํ        รูปานํ        วิปฺปยุตฺตปจฺจเยน
ปจฺจโย   ฯ   ปจฺฉาชาตา:   ทสฺสเนนปหาตพฺพา   ขนฺธา   ปุเรชาตสฺส
อิมสฺส กายสฺส วิปฺปยุตฺตปจฺจเยน ปจฺจโย ฯ
     [๗๓๕]   ภาวนายปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส     ธมฺมสฺส     วิปฺปยุตฺตปจฺจเยน     ปจฺจโย    สหชาตํ
ปจฺฉาชาตํ ฯ อิทมฺปิ ทสฺสเนน สทิสํ ฯ
     [๗๓๖]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส   ธมฺมสฺส   วิปฺปยุตฺตปจฺจเยน   ปจฺจโย   สหชาตํ
ปุเรชาตํ   ปจฺฉาชาตํ   ฯ   สหชาตา:  เนวทสฺสเนนนภาวนายปหาตพฺพา
ขนฺธา     จิตฺตสมุฏฺฐานานํ     รูปานํ     วิปฺปยุตฺตปจฺจเยน    ปจฺจโย
ปฏิสนฺธิกฺขเณ    เนวทสฺสเนนนภาวนายปหาตพฺพา   ขนฺธา   กฏตฺตารูปานํ
วิปฺปยุตฺตปจฺจเยน     ปจฺจโย    ขนฺธา    วตฺถุสฺส    วิปฺปยุตฺตปจฺจเยน
ปจฺจโย   วตฺถุ   ขนฺธานํ   วิปฺปยุตฺตปจฺจเยน   ปจฺจโย   ฯ  ปุเรชาตํ:
จกฺขายตนํ     จกฺขุวิญฺญาณสฺส     กายายตนํ    กายวิญฺญาณสฺส    วตฺถุ
เนวทสฺสเนนนภาวนายปหาตพฺพานํ       ขนฺธานํ       วิปฺปยุตฺตปจฺจเยน
ปจฺจโย    ฯ   ปจฺฉาชาตา:   เนวทสฺสเนนนภาวนายปหาตพฺพา   ขนฺธา
ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     [๗๓๗]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส    ธมฺมสฺส   วิปฺปยุตฺตปจฺจเยน   ปจฺจโย   ฯ   ปุเรชาตํ:
วตฺถุ ทสฺสเนนปหาตพฺพานํ ขนฺธานํ วิปฺปยุตฺตปจฺจเยน ปจฺจโย ฯ
     [๗๓๘]   เนวทสฺสเนนนภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส       วิปฺปยุตฺตปจฺจเยน      ปจฺจโย      ฯ      ปุเรชาตํ:
วตฺถุ ภาวนายปหาตพฺพานํ ขนฺธานํ วิปฺปยุตฺตปจฺจเยน ปจฺจโย ฯ
     [๗๓๙]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส   อตฺถิปจฺจเยน   ปจฺจโย   ทสฺสเนนปหาตพฺโพ   เอโก   ขนฺโธ
ติณฺณนฺนํ ขนฺธานํ อตฺถิปจฺจเยน ปจฺจโย เทฺว ขนฺธา ... ฯ
     [๗๔๐]   ทสฺสเนนปหาตพฺโพ    ธมฺโม   เนวทสฺสเนนนภาวนาย-
ปหาตพฺพสฺส   ธมฺมสฺส   อตฺถิปจฺจเยน  ปจฺจโย  สหชาตํ  ปจฺฉาชาตํ  ฯ
สหชาตา:    ทสฺสเนนปหาตพฺพา    ขนฺธา    จิตฺตสมุฏฺฐานานํ    รูปานํ
อตฺถิปจฺจเยน     ปจฺจโย     ฯ    ปจฺฉาชาตา:    ทสฺสเนนปหาตพฺพา
ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ
     [๗๔๑]   ทสฺสเนนปหาตพฺโพ   ธมฺโม   ทสฺสเนนปหาตพฺพสฺส   จ
เนวทสฺสเนนนภาวนายปหาตพฺพสฺส   จ   ธมฺมสฺส   อตฺถิปจฺจเยน  ปจฺจโย
ทสฺสเนนปหาตพฺโพ   เอโก  ขนฺโธ  ติณฺณนฺนํ  ขนฺธานํ  จิตฺตสมุฏฺฐานานญฺจ
รูปานํ  เทฺว  ขนฺธา ... ฯ ภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส ... ตีณิ ฯ ทสฺสเนน สทิสํ กาตพฺพํ ฯ
     [๗๔๒]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส    ธมฺมสฺส    อตฺถิปจฺจเยน    ปจฺจโย   สหชาตํ
ปุเรชาตํ   ปจฺฉาชาตํ   อาหารํ  อินฺทฺริยํ  ฯ  สหชาโต:  เนวทสฺสเนน-
นภาวนายปหาตพฺโพ      เอโก      ขนฺโธ     ติณฺณนฺนํ     ขนฺธานํ
จิตฺตสมุฏฺฐนานญฺจ    รูปานํ    อตฺถิปจฺจเยน    ปจฺจโย    ปฏิสนฺธิกฺขเณ
ขนฺธา    วตฺถุสฺส    วตฺถุ    ขนฺธานํ   อตฺถิปจฺจเยน   ปจฺจโย   เอกํ
มหาภูตํ ฯ สงฺขิตฺตํ ฯ อสญฺญสตฺตานํ เอกํ มหาภูตํ ... ฯ
     {๗๔๒.๑}   ปุเรชาตํ:  จกฺขุํ  อนิจฺจโต  ทุกฺขโต  อนตฺตโต วิปสฺสติ
โสตํ ... กายํ รูเป ... โผฏฺฐพฺเพ ... วตฺถุํ อนิจฺจโต ทุกฺขโต อนตฺตโต
วิปสฺสติ   ทิพฺเพน   จกฺขุนา   รูปํ   ปสฺสติ  ทิพฺพาย  โสตธาตุยา  สทฺทํ
สุณาติ    รูปายตนํ    จกฺขุวิญฺญาณสฺส    โผฏฺฐพฺพายตนํ   กายวิญฺญาณสฺส
จกฺขายตนํ       จกฺขุวิญฺญาณสฺส       กายายตนํ       กายวิญฺญาณสฺส
วตฺถุเนวทสฺสเนนนภาวนายปหาตพฺพานํ       ขนฺธานํ       อตฺถิปจฺจเยน
ปจฺจโย    ฯ   ปจฺฉาชาตา:   เนวทสฺสเนนนภาวนายปหาตพฺพา   ขนฺธา
ปุเรชาตสฺส   อิมสฺส   กายสฺส   อตฺถิปจฺจเยน   ปจฺจโย  ฯ  กพฬึกาโร
อาหาโร อิมสฺส กายสฺส รูปชีวิตินฺทฺริยํ กฏตฺตารูปานํ ฯ
     [๗๔๓]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส   ธมฺมสฺส   อตฺถิปจฺจเยน   ปจฺจโย   ฯ  ปุเรชาตํ:  จกฺขุํ
อสฺสาเทติ    อภินนฺทติ    ตํ    อารพฺภ    ทสฺสเนนปหาตพฺโพ   ราโค
อุปฺปชฺชติ     ทิฏฺฐิ     อุปฺปชฺชติ    วิจิกิจฺฉา    อุปฺปชฺชติ    โทมนสฺสํ
อุปฺปชฺชติ   โสตํ   ...   วตฺถุํ   อสฺสาเทติ  วตฺถุ  ทสฺสเนนปหาตพฺพานํ
ขนฺธานํ อตฺถิปจฺจเยน ปจฺจโย ฯ
     [๗๔๔]   เนวทสฺสเนนนภาวนายปหาตพฺโพ         ธมฺโม
ภาวนายปหาตพฺพสฺส   ธมฺมสฺส   อตฺถิปจฺจเยน   ปจฺจโย   ฯ  ปุเรชาตํ:
จกฺขุํ   อสฺสาเทติ   อภินนฺทติ   ตํ   อารพฺภ  ภาวนายปหาตพฺโพ  ราโค
อุปฺปชฺชติ    ทิฏฺฐิ    อุปฺปชฺชติ    ภาวนายปหาตพฺพํ    โทมนสฺสํ   ...
โสตํ   ...   วตฺถุํ   อสฺสาเทติ   อภินนฺทติ  วตฺถุ  ภาวนายปหาตพฺพานํ
ขนฺธานํ อตฺถิปจฺจเยน ปจฺจโย ฯ
     [๗๔๕]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ      ธมฺมา      ทสฺสเนนปหาตพฺพสฺส     ธมฺมสฺส     อตฺถิปจฺจเยน
ปจฺจโย    สหชาตํ    ปุเรชาตํ    ฯ   สหชาโต:   ทสฺสเนนปหาตพฺโพ
เอโก   ขนฺโธ   จ  วตฺถุ  จ  ติณฺณนฺนํ  ขนฺธานํ  อตฺถิปจฺจเยน  ปจฺจโย
เทฺว ขนฺธา จ วตฺถุ จ ... ฯ
     [๗๔๖]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ       ธมฺมา       เนวทสฺสเนนนภาวนายปหาตพฺพสฺส       ธมฺมสฺส
อตฺถิปจฺจเยน   ปจฺจโย   สหชาตํ   ปจฺฉาชาตํ   อาหารํ   อินฺทฺริยํ   ฯ
สหชาตา:     ทสฺสเนนปหาตพฺพา     ขนฺธา     จ    มหาภูตา    จ
จิตฺตสมุฏฺฐานานํ    รูปานํ   อตฺถิปจฺจเยน   ปจฺจโย   ฯ   ปจฺฉาชาตา:
ทสฺสเนนปหาตพฺพา    ขนฺธา   จ   กพฬึกาโร   อาหาโร   จ   อิมสฺส
กายสฺส   อตฺถิปจฺจเยน   ปจฺจโย   ฯ  ปจฺฉาชาตา:  ทสฺสเนนปหาตพฺพา
ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
     [๗๔๗]   ภาวนายปหาตพฺโพ   จ  เนวทสฺสเนนนภาวนายปหาตพฺโพ
จ    ธมฺมา    ภาวนายปหาตพฺพสฺส    ธมฺมสฺส   ...   ฯเปฯ   เทฺว
ปญฺหา กาตพฺพา ฯ
     [๗๔๘]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส      นตฺถิปจฺจเยน      ปจฺจโย     วิคตปจฺจเยน     ปจฺจโย
อวิคตปจฺจเยน ปจฺจโย ฯ
     [๗๔๙]   เหตุยา   สตฺต   อารมฺมเณ   อฏฺฐ   อธิปติยา   ทส
อนนฺตเร    สตฺต    สมนนฺตเร    สตฺต   สหชาเต   นว   อญฺญมญฺเญ
ตีณิ     นิสฺสเย    เตรส    อุปนิสฺสเย    อฏฺฐ    ปุเรชาเต    ตีณิ
ปจฺฉาชาเต   ตีณิ   อาเสวเน   ตีณิ   กมฺเม   สตฺต   วิปาเก   เอกํ
อาหาเร    สตฺต    อินฺทฺริเย   สตฺต   ฌาเน   สตฺต   มคฺเค   สตฺต
สมฺปยุตฺเต    ตีณิ    วิปฺปยุตฺเต    ปญฺจ    อตฺถิยา   เตรส   นตฺถิยา
สตฺต วิคเต สตฺต อวิคเต เตรส ฯ เอวํ คเณตพฺพํ ฯ
                                      อนุโลมํ ฯ
     [๗๕๐]   ทสฺสเนนปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส     อารมฺมณปจฺจเยน    ปจฺจโย    สหชาตปจฺจเยน    ปจฺจโย
อุปนิสฺสยปจฺจเยน ปจฺจโย ฯ
     [๗๕๑]   ทสฺสเนนปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส        อารมฺมณปจฺจเยน       ปจฺจโย       สหชาตปจฺจเยน
ปจฺจโย       อุปนิสฺสยปจฺจเยน       ปจฺจโย      ปจฺฉาชาตปจฺจเยน
ปจฺจโย กมฺมปจฺจเยน ปจฺจโย ฯ
     [๗๕๒]   ทสฺสเนนปหาตพฺโพ   ธมฺโม   ทสฺสเนนปหาตพฺพสฺส   จ
เนวทสฺสเนนนภาวนายปหาตพฺพสฺส     จ     ธมฺมสฺส    สหชาตปจฺจเยน
ปจฺจโย ฯ
     [๗๕๓]   ภาวนายปหาตพฺโพ     ธมฺโม    ภาวนายปหาตพฺพสฺส
ธมฺมสฺส     อารมฺมณปจฺจเยน    ปจฺจโย    สหชาตปจฺจเยน    ปจฺจโย
อุปนิสฺสยปจฺจเยน ปจฺจโย ฯ
     [๗๕๔]   ภาวนายปหาตพฺโพ     ธมฺโม    ทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย อุปนิสฺสยปจฺจเยน ปจฺจโย ฯ
     [๗๕๕]   ภาวนายปหาตพฺโพ ธมฺโม เนวทสฺสเนนนภาวนายปหาตพฺพสฺส
ธมฺมสฺส     อารมฺมณปจฺจเยน    ปจฺจโย    สหชาตปจฺจเยน    ปจฺจโย
อุปนิสฺสยปจฺจเยน ปจฺจโย ปจฺฉาชาตปจฺจเยน ปจฺจโย ฯ
     [๗๕๖]   ภาวนายปหาตพฺโพ   ธมฺโม   ภาวนายปหาตพฺพสฺส   จ
เนวทสฺสเนนนภาวนายปหาตพฺพสฺส     จ     ธมฺมสฺส    สหชาตปจฺจเยน
ปจฺจโย ฯ
     [๗๕๗]   เนวทสฺสเนนนภาวนายปหาตพฺโพ   ธมฺโม  เนวทสฺสเนน-
นภาวนายปหาตพฺพสฺส      ธมฺมสฺส      อารมฺมณปจฺจเยน     ปจฺจโย
สหชาตปจฺจเยน   ปจฺจโย   อุปนิสฺสยปจฺจเยน  ปจฺจโย  ปุเรชาตปจฺจเยน
ปจฺจโย        ปจฺฉาชาตปจฺจเยน        ปจฺจโย       กมฺมปจฺจเยน
ปจฺจโย อาหารปจฺจเยน ปจฺจโย อินฺทฺริยปจฺจเยน ปจฺจโย ฯ
     [๗๕๘]   เนวทสฺสเนนนภาวนายปหาตพฺโพ    ธมฺโม   ทสฺสเนน-
ปหาตพฺพสฺส   ธมฺมสฺส   อารมฺมณปจฺจเยน   ปจฺจโย   อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ฯ
     [๗๕๙]   เนวทสฺสเนนนภาวนายปหาตพฺโพ ธมฺโม ภาวนายปหาตพฺพสฺส
ธมฺมสฺส    อารมฺมณปจฺจเยน    ปจฺจโย    อุปนิสฺสยปจฺจเยน    ปจฺจโย
ปุเรชาตปจฺจเยน ปจฺจโย ฯ
     [๗๖๐]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ ธมฺมา ทสฺสเนนปหาตพฺพสฺส ธมฺมสฺส ... สหชาตํ ปุเรชาตํ ฯ
     [๗๖๑]   ทสฺสเนนปหาตพฺโพ   จ  เนวทสฺสเนนนภาวนายปหาตพฺโพ
จ   ธมฺมา   เนวทสฺสเนนนภาวนายปหาตพฺพสฺส   ธมฺมสฺส  ...  สหชาตํ
ปจฺฉาชาตํ อาหารํ อินฺทฺริยํ ฯ
     [๗๖๒]   ภาวนายปหาตพฺโพ   จ  เนวทสฺสเนนนภาวนายปหาตพฺโพ
จ ธมฺมา ภาวนายปหาตพฺพสฺส ธมฺมสฺส ... สหชาตํ ปุเรชาตํ ฯ
     [๗๖๓]   ภาวนายปหาตพฺโพ   จ  เนวทสฺสเนนฺนภาวนายปหาตพฺโพ
จ   ธมฺมา   เนวทสฺสเนนนภาวนายปหาตพฺพสฺส   ธมฺมสฺส  ...  สหชาตํ
ปจฺฉาชาตํ อาหารํ อินฺทฺริยํ ฯ
     [๗๖๔]   นเหตุยา   จุทฺทส   นอารมฺมเณ   จุทฺทส   นอธิปติยา
จุทฺทส     นอนนฺตเร    จุทฺทส    นสมนนฺตเร    จุทฺทส    นสหชาเต
ทส    นอญฺญมญฺเญ    ทส    นนิสฺสเย    ทส    นอุปนิสฺสเย   จุทฺทส
นปุเรชาเต    ทฺวาทส    นปจฺฉาชาเต   จุทฺทส   นอาเสวเน   จุทฺทส
นกมฺเม   จุทฺทส   นวิปาเก   จุทฺทส   นอาหาเร   จุทฺทส   นอินฺทฺริเย
จุทฺทส    นฌาเน    จุทฺทส    นมคฺเค    จุทฺทส    นสมฺปยุตฺเต   ทส
นวิปฺปยุตฺเต   อฏฺฐ   โนอตฺถิยา   อฏฺฐ   โนนตฺถิยา   จุทฺทส  โนวิคเต
จุทฺทส โนอวิคเต อฏฺฐ ฯ เอวํ  คเณตพฺพํ ฯ
                                      ปจฺจนียํ ฯ
     [๗๖๕]   เหตุปจฺจยา  นอารมฺมเณ  สตฺต  ...  นอธิปติยา  สตฺต
นอนนฺตเร   สตฺต   นสมนนฺตเร   สตฺต   นอญฺญมญฺเญ  ตีณิ  นอุปนิสฺสเย
สตฺต     นปุเรชาเต    สตฺต    นปจฺฉาชาเต    สตฺต    นอาเสวเน
สตฺต   นกมฺเม   สตฺต   นวิปาเก   สตฺต  นอาหาเร  สตฺต  นอินฺทฺริเย
สตฺต   นฌาเน   สตฺต   นมคฺเค   สตฺต  นสมฺปยุตฺเต  ตีณิ  นวิปฺปยุตฺเต
ตีณิ โนนตฺถิยา สตฺต โนวิคเต สตฺต ฯ เอวํ คเณตพฺพํ ฯ
                                 อนุโลมปจฺจนียํ ฯ
     [๗๖๖]   นเหตุปจฺจยา   อารมฺมเณ   อฏฺฐ  ...  อธิปติยา  ทส
อนนฺตเร   สตฺต   สมนนฺตเร   สตฺต   สหชาเต   นว  อญฺญมญฺเญ  ตีณิ
นิสฺสเย   เตรส   อุปนิสฺสเย   อฏฺฐ  ปุเรชาเต  ตีณิ  ปจฺฉาชาเต  ตีณิ
อาเสวเน  ตีณิ  กมฺเม  สตฺต  วิปาเก เอกํ อาหาเร สตฺต อินฺทฺริเย สตฺต
ฌาเน   สตฺต  มคฺเค  สตฺต  สมฺปยุตฺเต  ตีณิ  วิปฺปยุตฺเต  ปญฺจ  อตฺถิยา
เตรส นตฺถิยา สตฺต วิคเต สตฺต อวิคเต เตรส ฯ เอวํ คเณตพฺพํ ฯ
                                 ปจฺจนียานุโลมํ ฯ
                               ทสฺสนตฺติกํ อฏฺฐมํ
                                      นิฏฺฐิตํ
                                     --------



             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๒๑๕-๒๔๓. http://84000.org/tipitaka/pitaka_item/pali_item_s.php?book=41&item=662&items=105&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=41&item=662&items=105&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=41&item=662&items=105&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=41&item=662&items=105&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=41&i=662              สารบัญพระไตรปิฎกเล่มที่ ๔๑ http://84000.org/tipitaka/read/?index_41

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :