ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {120} Alajjinam nissaya vasantiti upayogatthe samivacanam. Alajjipuggale
nissaya vasantiti attho. Yava bhikkhusabhagatam janamiti
nissayadayakassa bhikakhuno bhikkhuhi sabhagatam lajjibhavam yava janamiti
attho. Tasma navam thanam gatena ehi bhikkhu nissayam ganhahiti
vuccamanenapi catuhapancaham nissayadayakassa lajjibhavam upaparikkhitva
nissayo gahetabbo. Sace thero lajjiti bhikkhunam santike sutva
agatadivaseyeva gahetukamo hoti thero pana agamehi tava
vasanto janissasiti katipaham acaram upaparikkhitva nissayam deti
vattati. Pakatiya nissayagahanatthanam gatena tadaheva gahetabbo
ekadivasampi pariharo natthi. Sace pathamayame acariyassa okaso
natthi okasam alabhanto paccusasamaye gahessamiti sayati arunam
uggatampi na janati anapatti. Sace pana ganhissamiti
abhogam akatva sayati arunuggamane dukkatam. Agatapubbam thanam
gatena dve tini divasani vasitva gantukamena anissitena vasitabbam.
Sattaham vasissamiti alayam karontena pana nissayo gahetabbo.
Sace thero kim sattaham vasantassa nissayenati vadati
patikkhittakalato patthaya laddhapariharo hoti. {121} Nissayakaraniyoti
Karaniyanissayo karaniyo maya nissayo gahetabboti attho.
Nissayam alabhamanenati attana saddhim addhanam patipanne nissayadayake
asati nissayam na labhati nama evam alabhantena anissitena
bahunipi divasani gantabbam. Sace pubbepi nissayam gahetva
vutthapubbam kanci avasam pavisati ekarattam vasantenapi nissayo
gahetabbo. Antaramagge vissamanto va sattham va pariyesanto
katipaham vasati anapatti. Antovasse pana nibaddhavasam vasitabbam
nissayo ca gahetabbo. Navaya gacchantassa pana vassane
agatepi nissayam alabhantassa anapatti. Yaciyamanenati tena
gilanena yaciyamanena. Sace gilano yacahi manti vuccamanopi
manena na yacati gantabbam. Phasu hotiti samathavipassananam
patilabhavasena phasu hoti. Imanhi pariharam neva sotapanno
na sakadagamianagamiarahanto labhanti na thamagatassa samadhino va
vipassanaya va labhi. Vissatthakammatthane pana balaputhujjane
kathava natthi. Yassa kho pana samatho va vipassana va taruna
hoti ayam imam pariharam labhati. Pavaranasangahopi etasseva
anunnato. Tasma imina puggalena temasaccayena acariye
pavaretva gatepi yada patirupo nissayadayako agacchissati tassa
nissaya vasissamiti abhogam katva puna yava asalhapunnami
tava anissitena vatathum vattati. Sace pana asalhamase
acariyo nagacchati yattha nissayo labbhati tattha gantabbam.



             The Pali Atthakatha in Roman Book 3 page 109-110. http://84000.org/tipitaka/pitaka_item/read_rm.php?B=3&A=2275&modeTY=2              อรรถกถาบาลีอักษรไทย :- http://84000.org/tipitaka/pitaka_item/read_th.php?B=3&A=2275&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=136              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3702              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3796              The Pali Tipitaka in Roman Character :- http://84000.org/tipitaka/read/roman_read.php?B=4&A=3796              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]