|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Anabhiratijatakam yatha nadi ca pantho cati idam sattha jetavane viharanto tatharupanneva upasakam arabbha kathesi. So pana parigganhanto tassa dussilabhavam natva candikato cittabyakulataya sattatthadivase upatthanam na agamasi. So ekadivasam viharam gantva tathagatam vanditva nisinno kasma sattatthadivasani nagatositi vutte bhariya me bhante dussila tassa upari byakulacittataya nagatomhiti aha. Sattha upasaka itthisu anacara etati kopam akatva majjhatteneva bhavitum vattati pubbepi te pandita kathayimsu tvam pana bhavantarena paticchannatta tam karanam na sallakkhesiti vatva tena yacito atitam ahari. Atite baranasiyam brahmadatte rajjam karente bodhisatto purimanayeneva disapamokkho acariyo ahosi. Athassa antevasiko bhariyaya dosam disva byakulacittataya katipaham anagantva ekadivasam acariyena pucchito tam karanam nivedesi. Athassa acariyo tata itthi nama sabbasadharana tasu dussila papadhamma etati pandita kopam na karontiti ovadavasena imam gathamaha yatha nadi ca pantho ca panagaram sabha papa evam lokitthiyo nama nasam kujjhanti panditati.--------------------------------------------------------------------------------------------- page99.
Tattha yatha naditi yatha anekatittha nadi nhanatthaya sampattasampattanam candaladinampi khattiyadinampi sadharana na tattha koci nhayitum na labhati nama. Panthoti adisu yatha mahamaggopi sabbesam sadharano na koci tena gantum na labhati. Panagaranti surageham sabbesam sadharanam yo yo patukamo sabbo tattha pavisateva. Punnatthikehi tattha tattha manussanam nivasanatthaya kata sabhapi sadharana na tattha koci pavisitum na labhati. Mahamagge paniyacatiyo thapetva kata papapi sabbesam sadharana na tattha koci paniyam pivitum na labhati. Evam lokitthiyo namati evameva tata manava imasmim loke itthiyo sabbasadharana teneva sadharanatthena nadipanthapanagarasabhapapa sadisa. Tasma nasam kujjhanti panditati etasam itthinam lamika eta anacara dussila sabbasadharanati cintetva pandita cheka buddhisampanna na kujjhantiti. Evam bodhisatto antevasikassa ovadam adasi. So tam ovadam sutva majjhatto ahosi. Bhariyapissa acariyena kiramhi natati tato patthaya papakammam nakasi. Tassapi upasakassa bhariya satthara kiramhi natati tato patthaya papakammam nakasi. Sattha imam dhammadesanam aharitva saccani pakasesi.--------------------------------------------------------------------------------------------- page100.
Saccapariyosane upasako sotapattiphale patitthahi. Satthapi anusandhim ghatetva jatakam samodhanesi tada jayapatika etarahi jayapatikayeva acariyabrahmano pana ahameva ahositi. Anabhiratijatakam pancamam. ------------The Pali Atthakatha in Roman Book 36 page 98-100. http://84000.org/tipitaka/pitaka_item/read_rm.php?B=36&A=1945&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=36&A=1945&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=65 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=429 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=420 The Pali Tipitaka in Roman Character :- http://84000.org/tipitaka/read/roman_read.php?B=27&A=420 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]