Atthakatha Book 36 : PALI ROMAN
Ja.A.2 ekanipat (2)

                    4. Jhanasodhanajatakam
     ye sanninoti idam sattha jetavane viharanto sankassanagaradvare
attana sankhittena pucchitapanhassa dhammasenapatina vittharabyakaranam
arabbha kathesi. Tatridam atitavatthum.
     Atite kira baranasiyam brahmadatte rajjam karente bodhisatto
arannayatane kalam karonto antevasikehi pucchito nevasanninasanniti
aha .pe. Tapasa jetthantevasikassa katham na
---------------------------------------------------------------------------------------------
page358.
Ganhimsu. Bodhisatto abhassarato agantva akase thatva
imam gathamaha
              ye sannino tepi duggata
              yepi asannino tepi duggata
              etam ubhayam vivajjaya
              tam samapattisukham anangananti.
     Tattha ye sanninoti thapetva nevasannanasannayatanalabhino
avasese sacittakasatte dasseti. Tepi duggatati tassa
samapattiya alabhato tepi duggata nama. Yepi asanninoti
asannibhave nibbatte acittakasatte dasseti. Tepi duggatati tepi
imissayeva samapattiya alabhato duggatayeva nama. Etam ubhayam
vivajjayati etam ubhayampi sannibhavanca asannibhavanca vivajjaya
pajahati antevasikam ovadati. Tam samapattisukham anangananti tam
nevasannanasannayatanasamapattilabhino santasantena sukhanti sankham
gatam jhanasukham ananganam niddosam balavacittekaggatasabhavenapi tam
ananganam nama jatam.
     Evam bodhisatto dhammam desetva antevasikassa gunam kathetva
brahmalokameva agamasi. Tada sesatapasa jetthantevasikassa
saddahimsu.
---------------------------------------------------------------------------------------------
page359.
     Sattha imam dhammadesanam aharitva jatakam samodhanesi tada
jetthantevasiko sariputto mahabrahma pana ahamevati.
                  Jhanasodhanajatakam catuttham.
                        -------


             The Pali Atthakatha in Roman Book 36 page 357-359.
http://84000.org/tipitaka/pitaka_item/read_rm.php?B=36&A=7112&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=36&A=7112&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=134
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=889
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=881
             The Pali Tipitaka in Roman Character :-
http://84000.org/tipitaka/read/roman_read.php?B=27&A=881
             Contents of The Tipitaka Volume 27
http://84000.org/tipitaka/read/?index_27