|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3 Khandhaparittajatakam
virupakkhehi me mettanti idam sattha jetavane viharanto annataram
bhikkhum arabbha kathesi.
Tam kira jantagharadvare katthani phalentam putirukkhantara nikkhamitva
eko sappo padanguliyam damsi. So tattheva mato. Tassa
tathamatabhavo sakalavihare pakato ahosi. Dhammasabhayam bhikkhu katham
---------------------------------------------------------------------------------------------
page193.
Samutthapesum avuso asuko kira bhikkhu jantagharadvare katthani phalento
sappena dattho tattheva matoti. Sattha agantva kayanuttha
bhikkhave etarahi kathaya sannisinnati pucchitva imaya namati
vutte sace so bhikkhave bhikkhu cattari ahirajakulani arabbha mettam
abhavayissa, na nam sappo damseyya, poranakapandita tapasapi
anuppanne buddhepi catusu ahirajakulesu mettam bhavetva tani
ahirajakulani nissaya uppajjanakabhayato muccimsuti vatva atitam ahari.
Atite baranasiyam brahmadatte rajjam karente bodhisatto
kasikaratthe brahmanakule nibbattitva vayappatto kame pahaya
isipabbajjam pabbajitva abhinna ca samapattiyo ca nibattetva
himavantappadese ekasmim ganganivattane assamapadam mapetva jhanakilam
kilanto ganasattha hutva isiganaparivuto vihasi. Tada gangatire
nanappakara dighajatika isinam paripantham karonti. Yebhuyyena isayo
jivitakkhayam papunanti. Tapasa tamattham bodhisattassa arocesum.
Bodhisatto sabbe tapase sannipatetva sace tumhe catusu
ahirajakulesu mettam bhaveyyatha, na vo sappa damseyyum, tasma ito
patthaya catusu ahirajakulesu evam mettam bhavethati vatva imam
gathamaha
virupakkhehi me mettam mettam erapathehi me
chabyaputtehi me mettam mettam kanhagotamakehi cati.
---------------------------------------------------------------------------------------------
page194.
Tattha virupakkhehi me mettanti virupakkhanagarajakulehi saddhim
mayham mettam. Erapathadisupi eseva nayo. Etanipi hi
erapathanagarajakulam chabyaputtanagarajakulam kanhagotamakanagarajakulanti
nagarajakulaneva.
Evam cattari nagarajakulani dassetva sace tumhe etesu
mettam bhavetum sakkhissatha, dighajatika vo na damsissanti na
vihethessantiti vatva dutiyam gathamaha
apadakehi me mettam mettam dipadakehi me
catuppadehi me mettam mettam bahuppadehi meti.
Tattha pathamapadena odissakam katva sabbesu apadesu dighajatikesu
ceva macchesu ca mettabhavana dassita. Dutiyapadena manussesu
ceva pakkhijatesu ca. Tatiyapadena hatthiassadisu sabbacatuppadesu.
Catutthapadena vicchikasatapadiuccalingapanakamakkatakadisu.
Evam sarupena mettabhavanam dassetva idani ayacanavasena
dassento imam gathamaha
ma mam apadako himsi, ma mam himsi dipadako,
ma mam catuppado himsi, ma mam himsi bahuppadoti.
Tattha ma manti mam etesu apadakadisu koci ekopi ma
himsatu ma vihethetuti evam ayacanta mettam bhavethati attho.
Idani anodissakavasena bhavanam dassento imam gathamaha
---------------------------------------------------------------------------------------------
page195.
Sabbe satta sabbe pana sabbe bhuta ca kevala
sabbe bhadrani passantu ma kanci papamagamati.
Tattha tanhaditthivasena vatte pancasu khandhesu asatta visatta
1- lagga vilaggati satta. Assasapassasapavattanasankhatena
pananavasena panati. Bhutabhavitanibbattanavasena 2- bhutati. Evam
vacanamattena viseso veditabbo. Avisesena pana sabbanipetani padani
sabbasattasangahakaneva. Kevalati sakala. Idam sabbasattasseva
pariyayavacanam. Bhadrani passantuti sabbepete satta bhadrani
sadhuni kalyananeva passantu. Ma kanci papamagamati etesu
kanci ekam sattampi papam lamakam dukkham ma agama ma gacchatu
ma papunatu. Sabbe avera abyapajjha sukhita niddukkha
hontuti.
Evam sabbasattesu anodissakamettam bhavethati vatva puna tinnam
ratananam gune anussarapetum appamano buddho appamano dhammo
appamano sanghoti aha.
Tattha pamanakaranam kilesanam abhavena gunananca pamanabhavena
buddharatanam appamanam. Dhammoti navavidho lokuttaradhammo
tassapi pamanam nama katum na sakkati appamano. Tena
appamanena dhammena samannagatatta sanghopi appamano.
Iti bodhisatto imesam tinnam ratananam gune anussarethati
@Footnote: 1 lagga laggitatipi . 2 bhuta bhavita nibbattavasenatipi.
---------------------------------------------------------------------------------------------
page196.
Vatva tinnam ratananam appamanagunatam dassetva sappamane
satte dassetum pamanavantani sirimsapani ahi vicchika satapadi
unnanabhi sarabu musikati aha.
Tattha sirimsapaniti sabbadighajatikanam namam. Te hi saranta
gacchanti, sirena va sapantiti sirimsapa. Ahitiadi tesam sarupato
nidassanam. Tattha unnanabhiti makkatako. Tassa hi nabhito
unnasadisam suttam nikkhamati tasma unnanabhiti vuccati. Sarabuti
gharagolika.
Iti bodhisatto yasma etesam antoragadayo pamanakara
dhamma atthi, tasma etani sirimsapani pamanavantaniti dassetva
appamananam tinnam ratananam anubhavena ime no pamanavanta
satta rattidivam parittakammam karontuti evam tinnam ratananam gunam
anussarathati vatva tato uttarim kattabbam dassetum imam gathamaha
kata me rakkha kata me paritta,
patikkamantu bhutani,
soham namo bhagavato,
namo sattannam sammasambuddhananti.
Tattha kata me rakkhati maya ratanattayagune anussarantena
attano rakkha gutti kata. Kata me parittati parittanampi me
attano katam. Patikkamantu bhutaniti mayi ahitajjhasayani bhutani
patikkamantu apagacchantu. Soham namo bhagavatoti soham evam
---------------------------------------------------------------------------------------------
page197.
Kataparitto atitassa parinibbutassa sabbassapi buddhassa bhagavato
namo karomi. Namo sattannam sammasambuddhananti visesena pana
atite patipatiya parinibbutanam sattannam sammasambuddhanam namo
karomi, evam namakaram karontapi sabbabuddhe anussarathati attho.
Bodhisatto isiganassa imam parittam bandhitva adasi.
Adito pana patthaya dvihi gathahi catusu ahirajakulesu
mettaya dipitatta odissakaanodissakavasena va dvinnam mettabhavananam
dipitatta idam parittam idha vuttanti veditabbam. Annatha 1-
karanam pariyesitabbam.
Tato patthaya isigana bodhisattassa ovade thatva metta
bhavesum buddhagune anussarimsu. Evam tesu buddhagune anussarantesu
yeva sabbe dighajatika patikkamimsu. Bodhisattopi brahmavihare
bhavetva brahmalokaparayano ahosi.
Sattha imam dhammadesanam aharitva jatakam samodhanesi.
Tada isigana buddhaparisa ahesum, ganasattha pana ahamevati.
Khandhaparittajatakam tatiyam.
@Footnote: 1 annam vatipi.
The Pali Atthakatha in Roman Book 37 page 192-197.
http://84000.org/tipitaka/pitaka_item/read_rm.php?B=37&A=3804&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=37&A=3804&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=255
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1512
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1494
The Pali Tipitaka in Roman Character :-
http://84000.org/tipitaka/read/roman_read.php?B=27&A=1494
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]