AtthaPali Vol.38

page1.

Tikanipatajatakatthakatha sankappavaggavannana ------- sankapparagajatakam sankapparagadhotenati idam sattha jetavane viharanto ukkanthitabhikkhum arabbha kathesi. Savatthinagaravasi kireko kulaputto satthu sasane uram datva pabbajitva ekadivasam savatthiyam pindaya caranto ekam alankatapatiyattam itathim disva uppannakamarago anabhirato vicarati. Tamenam acariyupajjhayadayo disva anabhiratikaranam pucchitva vibbhamitukama- bhavamassa natva avuso sattha nama ragadikilese samharetva dametva saccani pakasetva sotapattiphaladini deti ehi tam satthu santikam nessamati adaya agamamsu satthara ca kinnukho bhikkhave anicchamanakanneva bhikkhum gahetva agatatthati vutte tamattham arocesum. Sattha saccam kira tvam bhikkhu ukkanthitoti pucchitva saccanti vutte kimkaranati pucchi. So tamattham arocesi. Atha nam sattha itthiyo nameta bhikkhu pubbe jhanabalena vikkhambhitakilesanam visuddhasattanampi sankilesam uppadesum tadisam tucchapuggalam kimkarana na sankilissanti visuddhapi satta sankilissanti uttamayasasamanginopi ayasakyam papunanti pageva

--------------------------------------------------------------------------------------------- page2.

Aparisuddha sinerukampanakavato puranapannakasatam kim na kampessati bodhirukkhamule nisiditva abhisambujjhanakasattam ayam kileso aluleti tadisam kim na alulissatiti vatva tehi yacito atitam ahari. Atite baranasiyam brahmadatte rajjam karente bodhisatto asitikotivibhave brahmanamahasalakule nibbattitva vayappatto takkasilayam sabbasippani ugganhitva baranasim paccagantva kataputtadaraparigtaho matapitunam accayena tesam matakiccani katva raholokanakammam karonto idam dhanam pannayati yehi panetam sambhutam te na pannayantiti avajjento samvegappatto ahosi. Sarira seda muncimsu. So gharavase ciram vasanto mahadanam datva kame pahaya assumukham natisangham pariccajitva himavantam pavisitva ramaniye padese pannasalam mapetva unchacariyaya vanamulaphaladihi yapento nacirasseva abhinna ca samapattiyo ca uppadetva jhanakilam kilanto ciram vasitva cintesi manussapatham gantva lonambilam upasevissami evam me sariranceva thiram bhavissati janghaviharo ca me kato bhavissati ye ca madisassa silavantassa bhikkham va dassanti abhivadanadini va karissanti te saggapuram puressantiti. So himavanta otaritva anupubbena carikancaramano baranasim patva suriyatthangamanavelaya vasanatthanam olokento rajuyyanam disva idam patisallanasarupam ettha

--------------------------------------------------------------------------------------------- page3.

Vasissamiti uyyanam pavisitva annatarasmim rukkhamule nisinno jhanasukhena rattim khepetva punadivase katasarirapatijaggano pubbanhasamaye jatajinavakkalani santhapetva bhikkhabhajanam adaya santindriyo santamanaso iriyapathasampanno yugamattadassano hutva sabbakarasampannaya attano rupasiriya lokassa vilocanani akaddhanto nagaram pavisitva bhikkhaya caranto ranno nivesanadvaram sampapuni. Raja mahatale cankamanto vatapanantarena bodhisattam disva iriyapathasmimyevassa pasiditva sace santadhammo nama atthi imassa abbhantare tena bhavitabbanti cintetva gaccha tvam ca tapasam anehiti ekam amaccam anapesi. So gantva vanditva bhikkhabhajanam gahetva raja bhante tam pakkosatiti aha. Bodhisatto mahapunna amhe raja na janatiti aha. Tenahi bhante yavaham agacchami tava idheva hothati vatva ranno arocesi. Raja anno amhakam kulupakatapaso natthi gaccha tam tapasam anehiti vatva sayampi vatapanena hattham pasaretva vandanto ito etha bhanteti aha. Bodhisatto amaccassa hatthe bhikkhabhajanam datva mahatalam abhiruhi. Atha nam raja vanditva rajapallanke nisidapetva attano atthaya sampaditehi yagukhajjakabhattehi parivisitva katabhattakiccam panham pucchi panhabyakaranena bhiyyoso mattaya pasiditva vanditva bhante tumhe kattha vasika kuto agatati pucchitva himavantavasika mayam maharaja himavantato agatati

--------------------------------------------------------------------------------------------- page4.

Vutte puna kimkarana agatati pucchitva vassarattakale maharaja nibaddhavaso nama laddhum vattatiti vutte tenahi bhante rajuyyane vasatha tumhe ca catuhi paccayehi na kilamissatha ahanca saggasamvattanikam punnam papunissamiti patinnam gahetva bhuttapataraso bodhisattena saddhim uyyanam gantva pannasalam karetva cankamam mapetva senasanani rattitthanadivatthanadini sampadetva pabbajitaparikkhare patiyadetva sukhena vasatha bhanteti uyyanapalam sampaticchapesi. Bodhisatto tato patthaya dvadasa samvaccharani tattheva vasi. Athekadivasam ranno paccanto kuppito. So tassa vupasamanatthaya gantukamo devim amantetva bhadde taya tava nagare ohiyitum vattatiti aha. Kim nissaya kathetha devati. Silavantam tapasam bhaddeti. Deva naham tasmim pamajjissami amhakam ayyassa patijagganam mama bharo tumhe nirasanka gacchathati aha. Raja nikkhamitva gato. Devipi kho bodhisattam tatheva sakkaccam upatthahi. Bodhisatto pana ranno gatakale nibaddhavelaya agantava attano rucitaya velaya rajanivesanam gantva bhattakiccam karoti. Athekadivasam bodhisatte aticirayante devi sabbam khadaniyabhojaniyam patiyadetva nhatva alankaritva nicamancakam pannapetva bodhisattassa agamanam olokayamana matthasatakam sithilam katva nivasetva nipajji. Bodhisattopi velam sallakkhetva bhikkhabhajanam adaya akasenagantva mahavatapanadvaram papuni.

--------------------------------------------------------------------------------------------- page5.

Tassa vakkalasaddam sutva sahasa utthahamanaya deviya paridahita- matthasatako bhassittha. Bodhisatto visabhagarammanam disva indriyani bhinditva subhavaseneva olokesi. Athassa jhanabalena sannisinnopi kileso karandake pakkhittasiviso viya phanam katva utthahi khirarukkhassa vasiya akotitakalo viya ahosi. Kilesuppadanena saheva jhanangani parihayimsu. Indriyani aparipunnani ahesum. Sayam pakkhacchinnakako viya ahosi. So pubbe viya nisiditva bhattakiccampi katum nasakkhi nisidati vuccamanopi na nisidi. Athassa devi sabbam khadaniyam bhojaniyam bhikkhabhajaneyeva pakkhipi. Yatha ca pubbe bhattakiccam katva sihapanjarena nikkhamitva akaseneva gacchati evam tamdivasam gantum nasakkhi bhattam pana gahetva mahanisseniya otaritva uyyanam agamasi. Devipi tassa attani patibaddhacittattam annasi. So uyyanam gantva bhattam abhunjitvava hetthamance pakkhipitva deviya evarupa hattha sobha pada sobha evarupam katipariyosanam evarupam urulakkhananti adini vilapanto sattaham nipajji. Bhattam putikam ahosi nilamakkhikahi parikinnam. Atha raja paccantam vupasametva paccagato alankatapatiyattam nagaram padakkhinam katva rajanivesanam agantva bodhisattam passissamiti uyyanam gantva uklapam assamapadam disva pakkanto bhavissatiti pannasaladvaram vivaritva anto pavittho tam nipannakam disva kenaci aphasukena bhavitabbanti cintetva putibhattam

--------------------------------------------------------------------------------------------- page6.

Chaddapetva pannasalam patijaggitva bhante kim te aphasukanti pucchi. Viddhosmi maharajati. Raja mama paccamittehi mayi okasam alabhantehi piyatthanamassa dubbalam karissamati agantva esa viddho bhavissati manneti sariram parivattetva viddhatthanam olokento vedham adisva kattha viddhosi bhanteti pucchi. Bodhisatto naham maharaja annehi viddho aham pana attanava attanam hadaye vijjhamiti vatva utthaya nisiditva ima gatha avoca sankapparagadhotena vitakkanisitena ca nevalankatabhadrena nausukarakatena ca nakannayatamuttena napi morupasevina tenamhi hadaye viddho sabbangaparilahina avedhanca na passami yato ruhiramassave yava ayoniso cittam sayam me dukkhamabhatanti. Tattha sankapparagadhotenati kamavitakkasampayuttaragadhotena. Vitakkanisitena cati teneva ragodakena vitakkapasananisitena. Nevalankatabhadrenati analankatena vibhacchenati attho. Na usukarakatena cati usukarehipi akatena. Nakannayatamuttenati yava dakkhinakannaculikam akaddhitva amuttakena. Na pi morupasevinati morapattagijjhapattadihi akatupasevanena. Tenamhi hadaye viddhoti tena kilesakandena hadaye viddho. Sabbangaparilahinati.

--------------------------------------------------------------------------------------------- page7.

Sabbani angani paridahanasamatthena maharaja tenamhi kilesakandena hadaye viddho viddhakalato patthaya mama aggipadittaniva sabbani angani dayhantiti dasseti. Avedhanca na passamiti viddhatthananca na passami. Yato ruhiramassaveti yato me avedha lohitam pagghareyya tam na passamiti attho. Yava ayoniso cittanti ettha yavati dalhatthe nipato ativiya dalham katva ayoniso cittam viddhanti attho. Sayam me dukkhamabhatanti attanava maya attano dukkham anitanti. Evam bodhisatto imahi tihi gathahi ranno dhammam desetva rajanam pannasalato bahi katva kasinaparikammam katva natthajjhanam uppadetva pannasalaya nikkhamitva akase nisinno rajanam ovaditva maharaja aham himavantameva gamissamiti vatva na sakka bhante gantunti vuccamanopi maharaja maya idha vasantena evarupo vippakaro patto idani na sakka idheva vasitunti ranno yacantasseva akase uppatitva himavantam gantva yavatayukam thatva jivitapariyosane brahmalokupago ahosi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu arahatte patitthasi. Keci sotapanna keci sakadagamino keci anagamino ahesum tada raja anando ahosi tapaso pana ahamevati. Sankapparagajatakam pathamam

The Pali Atthakatha in Roman Book 38 page 1-7. http://84000.org/tipitaka/pitaka_item/read_rm.php?B=38&A=1&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=1&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=352 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1986 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1974 The Pali Tipitaka in Roman Character :- http://84000.org/tipitaka/read/roman_read.php?B=27&A=1974 Contents of The Tipitaka Volume 27 http://84000.org/tipitaka/read/?index_27