ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓ ภาษาบาลีอักษรไทย วินย.อ. (สมนฺต.๓)

หน้าที่ ๑๐๑.

กโรมิ ตาว เทถาติ ยาจิตฺวา คหิเตน ตาวกาลิเกนาติ อตฺโถ ฯ อีทิเสน หิ ปตฺเตน วา จีวเรน วา ปตฺตจีวเรน วา อุปสมฺปาเทนฺตสฺเสว อาปตฺติ โหติ กมฺมมฺปน น กุปฺปติ ตสฺมา ปริปุณฺณปตฺตจีวโรว อุปสมฺปาเทตพฺโพ ฯ สเจ ตสฺส นตฺถิ อาจริยุปชฺฌายา จสฺส ทาตุกามา โหนฺติ อญฺเหิ วา ภิกฺขูหิ นิรเปกฺเขหิ นิสฺสชฺชิตฺวา อธิฏฺานุปคํ ปตฺตจีวรํ ทาตพฺพํ ฯ ปพฺพชฺชาเปกฺขมฺปน ปณฺฑุปลาสํ ยาจิตเกนาปิ ปตฺตจีวเรน ปพฺพาเชตุํ วฏฺฏติ ฯ สภาคฏฺาเน วิสฺสาเสน คเหตฺวาปิ ปพฺพาเชตุํ วฏฺฏติ ฯ สเจ ปน อปกฺกํ ปตฺตํ จีวรุปคานิ จ วตฺถานิ คเหตฺวา อาคโต โหติ ยาว ปตฺโต ปจฺจติ จีวรานิ จ กรียนฺติ ตาว วิหาเร วสนฺตสฺส อนามฏฺปิณฺฑปาตํ ทาตุํ วฏฺฏติ ฯ ถาลเก ภุญฺชิตุํ วฏฺฏติ ฯ ปุเรภตฺตํ สามเณรภาคสมโก อามิสภาโค ทาตุํ วฏฺฏติ ฯ เสนาสนคาโห ปน สลากภตฺตอุทฺเทสภตฺตนิมนฺตนาทีนิ จ น วฏฺฏนฺติ ฯ ปจฺฉาภตฺตมฺปิ สามเณรภาคสมโก เตลมธุผาณิตาทิ- เภสชฺชภาโค วฏฺฏติ ฯ สเจ คิลาโน โหติ เภสชฺชมสฺส กาตุํ วฏฺฏติ สามเณรสฺส วิย จ สพฺพํ ปฏิชคฺคนกมฺมนฺติ ฯ {๑๑๙} หตฺถจฺฉินฺนาทิวตฺถูสุ หตฺถจฺฉินฺโนติ ยสฺส หตฺถตเล วา มณิพนฺเธ วา กปฺปเร วา ยตฺถ กตฺถจิ เอโก วา เทฺว วา หตฺถา ฉินฺนา โหนฺติ ฯ ปาทจฺฉินฺโนติ ยสฺส อคฺคปาเท วา โคปฺผเกสุ วา ชงฺฆาย วา ยตฺถกตฺถจิ เอโก วา เทฺว วา ปาทา ฉินฺนา โหนฺติ ฯ หตฺถปาทจฺฉินฺโนติ ยสฺส วุตฺตปฺปกาเรเนว จตูสุ

--------------------------------------------------------------------------------------------- หน้าที่ ๑๐๒.

หตฺถปาเทสุ เทฺว วา ตโย วา สพฺเพ วา หตฺถปาทา ฉินฺนา โหนฺติ ฯ กณฺณจฺฉินฺโนติ ยสฺส กณฺณมูเล วา กณฺณสกฺขลิกาย วา เอโก วา เทฺว วา กณฺณา ฉินฺนา โหนฺติ ฯ ยสฺส ปน กณฺณพุนฺเธ ฉิชฺชนฺติ สกฺกา จ โหติ สงฺฆาเฏตุํ โส กณฺณํ สงฺฆาเฏตฺวา ปพฺพาเชตพฺโพ ฯ นาสจฺฉินฺโนติ ยสฺส อชปทเก วา เอกปูเฏ วา เทฺวปูเฏ วา ยตฺถ กตฺถจิ นาสา ฉินฺนา โหติ ฯ ยสฺส ปน นาสิกา สกฺกา โหติ สนฺเธตุํ โส ตํ ผาสุํ กตฺวา ปพฺพาเชตพฺโพ ฯ กณฺณนาสจฺฉินฺโนติ อุภยวเสน เวทิตพฺโพ ฯ องฺคุลิจฺฉินฺโนติ ยสฺส นขเสสํ อทสฺเสตฺวา เอโก วา พหู วา องฺคุลิโย ฉินฺนา โหนฺติ ฯ ยสฺส ปน สุตฺตตนฺตุมตฺตมฺปิ นขเสสํ ปญฺายติ ตํ ปพฺพาเชตุํ วฏฺฏติ ฯ อฬจฺฉินฺโนติ ยสฺส จตูสุ องฺคุฏฺเกสุ องฺคุลิยํ วุตฺตนเยเนว เอโก วา พหู วา องฺคุฏฺกา ฉินฺนา โหนฺติ ฯ กณฺฑรจฺฉินฺโนติ ยสฺส กณฺฑรนามกา มหานหารู ปุรโต วา ปจฺฉโต วา ฉินฺนา โหนฺติ ฯ เตสุ เอกสฺสปิ ฉินฺนตฺตา อคฺคปาเทน วา มูเลน วา จงฺกมติ น วา ปาทํ ปติฏฺาเปตุํ สกฺโกติ ฯ ผณหตฺถโกติ ยสฺส วคฺคุลิปกฺขกา วิย องฺคุลิโย สมฺพทฺธา โหนฺติ เอตํ ปพฺพาเชตุกาเมน องฺคุลนฺตริกาโย ผาเลตฺวา สพฺพํ อนฺตรจมฺมํ อปเนตฺวา ผาสุํ กตฺวา ปพฺพาเชตพฺโพ ฯ ยสฺสปิ ฉ องฺคุลิโย โหนฺติ ตํ ปพฺพาเชตุกาเมน อธิกงฺคุลึ ฉินฺทิตฺวา ผาสุํ กตฺวา ปพฺพาเชตพฺโพ ฯ ขุชฺโชติ โย อุรสฺส วา ปิฏฺิยา วา ปสฺสสฺส วา นิกฺขนฺตตฺตา ขุชฺชสรีโร ฯ ยสฺส ปน

--------------------------------------------------------------------------------------------- หน้าที่ ๑๐๓.

กิญฺจิ องฺคปจฺจงฺคํ อีสกํ วงฺกํ ตํ ปพฺพาเชตุํ วฏฺฏติ ฯ มหาปุริโสเอว หิ พฺรหฺมุชุคตฺโต อวเสโส สตฺโต อขุชฺโช นาม นตฺถิ ฯ วามโนติ ชงฺฆวามโน วา กฏิวามโน วา อุภยวามโน วา ฯ ชงฺฆวามนสฺส กฏิโต ปฏฺาย เหฏฺิมกาโย รสฺโส โหติ อุปริมกาโย ปริปุณฺโณ ฯ กฏิวามนสฺส กฏิโต ปฏฺาย อุปริม- กาโย รสฺโส โหติ เหฏฺิมกาโย ปริปุณฺโณ ฯ อุภยวามนสฺส อุโภปิ กายา รสฺสา โหนฺติ เยสํ รสฺสตฺตา ภูตานํ วิย ปริวฏุโม มหากุจฺฉิฆฏสทิโส อตฺตภาโว โหติ ตํ ติวิธมฺปิ ปพฺพาเชตุํ น วฏฺฏติ ฯ คลคณฺฑีติ ยสฺส กุมฺภณฺฑํ วิย คเล คณฺโฑ โหติ ฯ เทสนามตฺตเมว เจตํ ฯ ยสฺมึ กิสฺมิญฺจิ ปน ปเทเส คณฺเฑ สติ น ปพฺพาเชตพฺโพ ฯ ตตฺถ วินิจฺฉโย น ภิกฺขเว ปญฺจหิ อาพาเธหิ ผุฏฺโ ปพฺพาเชตพฺโพติ เอตฺถ วุตฺตนเยเนว เวทิตพฺโพ ฯ ลกฺขณาหตกสาหตลิขิตเกสุ ยํ วตฺตพฺพํ ตํ น ภิกฺขเว ลกฺขณาหโตติ- อาทีสุ วุตฺตเมว ฯ สีปทีติ ภารปาโท วุจฺจติ ฯ ยสฺส ปาโท ถูโล โหติ สญฺชาตปีฬโก ขโร โส น ปพฺพาเชตพฺโพ ฯ ยสฺส ปน น ตาว ขรภาวํ คณฺหาติ สกฺกา โหติ อุปนาหํ พนฺธิตฺวา อุทกอาวาเฏ ปเวเสตฺวา อุทกวาลิกาย ปูเรตฺวา ยถา สิรา ปญฺายนฺติ ชงฺฆา จ เตลนาฬิกา วิย โหติ เอวํ มิลาเปตุํ ตสฺส ปาทํ อีทิสํ กตฺวา ตํ ปพฺพาเชตุํ วฏฺฏติ ฯ สเจ ปุน วฑฺฒติ อุปสมฺปาเทนฺเตนาปิ ตถา กตฺวา อุปสมฺปาเทตพฺโพ ฯ ปาปโรคีติ อริสภคนฺทรปิตฺตเสมฺหกาสสาสาทีสุ เยน เกนจิ โรเคน

--------------------------------------------------------------------------------------------- หน้าที่ ๑๐๔.

นิจฺจาตุโร อเตกิจฺฉโรโค เชคุจฺโฉ อมนาโป อยมฺปิ น ปพฺพาเชตพฺโพ ฯ ปริสทูสโกติ โย อตฺตโน วิรูปตาย ปริสํ ทูเสติ อติทีโฆ วา โหติ อญฺเสํ สีสปฺปมาณนาภิปฺปเทโส อติรสฺโส วา อุภยวามนภูตรูปํ วิย อติกาโฬ วา ฌาปิตเขตฺตขาณุโก วิย อจฺโจทาโต วา ทธิตกฺกาทีหิ ปมชฺชิตปตฺตตมฺพโลหวณฺโณ อติกีโส วา มนฺทมํสโลหิโต อฏฺิสิราจมฺมสรีโร วิย อติถูโล วา ภาริยมํโส มโหทโร มหาภูตสทิโส อติมหนฺตสีโส วา ปจฺฉึ สีเส กตฺวา ิโต วิย อติขุทฺทกสีโส วา สรีรสฺส อนนุรูเปน อติขุทฺทเกน สีเสน สมนฺนาคโต กุฏกุฏกสีโส วา ตาลผลปิณฺฑ- สทิเสน สีเสน สมนฺนาคโต สิขรสีโส วา อุทฺธํ อนุปุพฺพตนุเกน สีเสน สมนฺนาคโต นาฬิสีโส วา มหาเวฬุปพฺพสทิเสน สีเสน สมนฺนาคโต กปฺปสีโส วา ปพฺภารสีโส วา จตูสุ ปสฺเสสุ เยน เกนจิ ปสฺเสน โอนเตน สีเสน สมนฺนาคโต วณสีโส วา ปูติสีโส วา กณฺณิกเกโส วา ปาณเกหิ ขายิตเกทาเร สสฺสสทิเสหิ ตหึ ตหึ อุฏฺิเตหิ เกเสหิ สมนฺนาคโต นิลฺโลมสีโส วา ถูลตฺถทฺธเกโส วา ตาลหิรสทิเสหิ เกเสหิ สมนฺนาคโต ชาติปลิเตหิ ปณฺฑรเกโส วา ปกติตมฺพเกโส วา อาทิตฺเตหิ วิย เกเสหิ สมนฺนาคโต อาวฏฺฏสีโส วา คุนฺนํ สรีเร อาวฏฺฏสทิเสหิ อุทฺธคฺเคหิ เกสาวฏฺเฏหิ สมนฺนาคโต ฯ สีสโลเมหิ สทฺธึ เอกาพทฺธภมุกโลโม วา ชาลพทฺเธน วิย นลาเฏน สมนฺนาคโต สมฺพทฺธภมุโก วา นิลฺโลมภมุโก วา มกฺกฏภมุโก วา

--------------------------------------------------------------------------------------------- หน้าที่ ๑๐๕.

อติมหนฺตกฺขิ วา อติขุทฺทกกฺขิ วา มหีสจมฺเม วาสิโกเณน ปหริตฺวา กตฉิทฺทสทิเสหิ อกฺขีหิ สมนฺนาคโต ฯ วิสมกฺขิ วา เอเกน มหนฺเตน เอเกน ขุทฺทเกน อกฺขินา สมนฺนาคโต ฯ วิสมจกฺกโล วา เอเกน อุทฺธํ เอเกน อโธติ เอวํ วิสมชาเตหิ อกฺขิจกฺกเลหิ สมนฺนาคโต เกกโร วา คมฺภีรกฺขิ วา ยสฺส คมฺภีเร อุทปาเน อุทกตารกา วิย อกฺขิตารกา ปญฺายนฺติ นิกฺขนฺตกฺขิ วา ยสฺส กกฺกฏกสฺเสว อกฺขิตารกา นิกฺขนฺตา โหนฺติ หตฺถิกณฺโณ วา มหนฺตาหิ กณฺณสกฺขลิกาหิ สมนฺนาคโต มูสิกกณฺโณ วา ชตุกกณฺโณ วา ขุทฺทกาหิ กณฺณสกฺขลิกาหิ สมนฺนาคโต ฯ ฉิทฺทมตฺตกณฺโณ วา ยสฺส วินา กณฺณสกฺขลิกาหิ กณฺณฉิทฺท- มตฺตเมว โหติ อวิทฺธกณฺโณ ๑- วา โยนกชาติโก ปน ปริสทูสโก น โหติ สภาโวเยว หิ โส ตสฺส กณฺณภคนฺทริโก วา นิจฺจปูตินา กณฺเณน สมนฺนาคโต คณฺฑกณฺโณ วา สทา ปคฺฆริตปุพฺเพน กณฺเณน สมนฺนาคโต วงฺกิตกณฺโณ วา โคภตฺตนาฬิกาย อคฺคสทิเสหิ กณฺเณหิ สมนฺนาคโต อติปิงฺคลกฺขิ วา มธุปิงฺคลกฺขึ ปน ปพฺพาเชตุํ วฏฺฏติ นิปฺปขุมกฺขิ วา อสฺสุปคฺฆรณกฺขิ วา ปุปฺผิตกฺขิ อกฺขิปาเกน สมนฺนาคตกฺขิ วา อติมหนฺตนาสิโก วา อติขุทฺทกนาสิโก วา วิปิฏนาสิโก วา มชฺเฌ อปฺปติฏฺหิตฺวา เอกปสฺเส ิตวงฺกนาสิโก วา ทีฆนาสิโก วา สูกรตุณฺฑสทิสาย ชิวฺหาย เลหิตุํ สกฺกุเณยฺยาย นาสิกาย สมนฺนาคโต ฯ นิจฺจปคฺฆริตสิงฺฆานิกนาโส วา มหามุโข วา ยสฺส @เชิงอรรถ: ๑. อาวิทฺธกณฺโณติ ยุตฺตตรํ ฯ

--------------------------------------------------------------------------------------------- หน้าที่ ๑๐๖.

ขรมณฺฑูกสฺเสว มุขนิมิตฺตํเยว มหนฺตํ โหติ มุขํ ปน ลาพุสทิสํ อติขุทฺทกํ ภินฺนมุโข วา วงฺกมุโข วา มหาโอฏฺโ วา อุกฺขลิมุขวฏฺฏิสทิเสหิ โอฏฺเหิ สมนฺนาคโต ฯ ตนุกโอฏฺโ วา เภริจมฺมสทิเสหิ ทนฺเต ปิทหิตุํ อสมตฺเถหิ โอฏฺเหิ สมนฺนาคโต มหาอธโรฏฺโ วา ตนุกอุตฺตโรฏฺโ วา ตนุกอธโรฏฺโ วา มหาอุตฺตโรฏฺโ วา โอฏฺจฺฉินฺนโก วา เอฬมุโข วา อุปกฺกมุโข วา สงฺขตุณฺฑโก วา พหิเสเตหิ อนฺโตอติรตฺเตหิ โอฏฺเหิ สมนฺนาคโต ทุคฺคนฺธกุณปมุโข วา มหาทนฺโต วา อฏฺก- ทนฺตกสทิเสหิ ทนฺเตหิ สมนฺนาคโต อสุรทนฺโต วา เหฏฺา วา อุปริ วา พหิ นิกฺขนฺตทนฺโต ยสฺส ปน สกฺกา โหติ โอฏฺเหิ ปิทหิตุํ กเถนฺตสฺเสว ปญฺายติ โน อกเถนฺตสฺส ตํ ปพฺพาเชตุํ วฏฺฏติ ปูติทนฺโต วา นิทฺทนฺโต วา ยสฺส ปน ทนฺตนฺตเร กลนฺทกทนฺโต วิย สุขุมทนฺโต โหติ ตํ ปพฺพาเชตุํ วฏฺฏติ มหาหนุโก วา โคหนุสทิเสน หนุนา สมนฺนาคโต ทีฆหนุโก วา วิปิฏหนุโก วา อนฺโต ปวิฏฺเน วิย อติรสฺเสน หนุเกน สมนฺนาคโต ภินฺนหนุโก วา วงฺกหนุโก วา นิมฺมสฺสุทาิโก วา ภิกฺขุนีสทิสมุโข ทีฆคโล วา พกคลสทิเสน คเลน สมนฺนาคโต รสฺสคโล วา อนฺโตปวิฏฺเน วิย คเลน สมนฺนาคโต ภินฺนคโล วา ภฏฺอํสกูโฏ วา อหตฺโถ วา เอกหตฺโถ วา อติรสฺสหตฺโถ วา อติทีฆหตฺโถ วา ภินฺนอุโร วา ภินฺนปิฏฺิ วา กจฺฉุคตฺโต วา กณฺฑุคตฺโต วา ททฺทุคตฺโต วา โคธาคตฺโต วา ยสฺส

--------------------------------------------------------------------------------------------- หน้าที่ ๑๐๗.

โคธา วิย คตฺตโต จุณฺณานิ ปตนฺติ สพฺพญฺเจตํ วิรูปกรณํ สนฺธาย วิตฺถาริกวเสน วุตฺตํ ฯ วินิจฺฉโย ปเนตฺถ น ภิกฺขเว ปญฺจหิ อาพาเธหิ ผุฏฺโติ เอตฺถ วุตฺตนเยเนว เวทิตพฺโพ ฯ ภฏฺกฏิโก วา มหาอานิสโท วา อุทฺธนกุฏสทิเสหิ อานิสทมํเสหิ อจฺจุคฺคเตหิ สมนฺนาคโต ฯ มหาอูรุโก วา วาตณฺฑิโก วา มหาชานุโก วา สงฺฆฏฺฏนชานุโก วา ทีฆชงฺโฆ วา ยฏฺิสทิสชงฺโฆ วิกโฏ วา สณฺโฑ วา อุพฺพทฺธปิณฺฑิโก วา โส ทุวิโธ เหฏฺาโอรูฬฺหาหิ วา อุปริอารูฬฺหาหิ วา มหตีติ ชงฺฆปิณฺฑิกาหิ สมนฺนาคโต มหาชงฺโฆ วา ถูลชงฺฆปิณฺฑิโก วา มหาปาโท วา มหาปณฺหิ วา สิฏฺกปาโท วา ปาทเวมชฺฌโต อุฏฺิตชงฺโฆ วงฺกปาโท วา โส ทุวิโธ อนฺโต วา พหิ วา ปริวตฺตปาโท คณฺิกงฺคุลิโก วา สิงฺคิเวรผณสทิสาหิ องฺคุลีหิ สมนฺนาคโต อนฺธนโข วา กาฬวณฺเณหิ ปูตินเขหิ สมนฺนาคโต ฯ สพฺโพปิ เอส ปริสทูสโก ฯ เอวรูโป ปริสทูสโก น ปพฺพาเชตพฺโพ ฯ กาโณติ ปสนฺนนฺโธ วา โหตุ ปุปฺผาทีหิ วา อุปหตปสาโท ฯ โย ทฺวีหิ วา เอเกน วา อกฺขินา น ปสฺสติ โส น ปพฺพาเชตพฺโพ ฯ มหาปจฺจริยมฺปน เอกกฺขิกาโณ กาโณติ วุตฺโต เทฺวอกฺขิกาโณ อนฺเธน สงฺคหิโตติ ฯ มหาอฏฺกถายํ ชจฺจนฺโธ อนฺโธติ วุตฺโต ตสฺมา อุภยมฺปิ ปริยาเยน ยุชฺชติ ฯ กุณีติ หตฺถกุณี วา ปาทกุณี วา องฺคุลิกุณี วา ยสฺส เอเตสุ หตฺถาทีสุ ยงฺกิญฺจิ วงฺกํ ปญฺายติ เอโส กุณี นาม ฯ ขญฺโชติ

--------------------------------------------------------------------------------------------- หน้าที่ ๑๐๘.

นตชานุโก วา ภินฺนชงฺโฆ วา มชฺเฌ สงฺกุฏิตปาทตฺตา กุฏณฺฑปาทโก วา ปิฏฺิปาทมชฺเฌน จงฺกมนฺโต อคฺเค สงฺกุฏิตปาทตฺตา กุณฺฑปาทโก วา ปิฏฺิปาทคฺเคน จงฺกมนฺโต อคฺคปาเทเนว จงฺกมนขญฺโช วา ปณฺหิกาย จงฺกมนขญฺโช วา ปาทสฺส พาหิรนฺเตน จงฺกมนขญฺโช วา ปาทสฺสพฺภนฺตรนฺเตน จงฺกมนขญฺโช วา โคปฺผกานํ อุปริภคฺคตฺตา สกเลน ปิฏฺิปาเทน จงฺกมนขญฺโช วา สพฺโพเปส ขญฺโชเยว น ปพฺพาเชตพฺโพ ฯ ปกฺขหโตติ ยสฺส เอโก หตฺโถ วา ปาโท วา อฑฺฒสรีรํ วา สุขํ น วหติ ฯ ฉินฺนิริยาปโถติ ปีสปฺปิ วุจฺจติ ฯ ชราทุพฺพโลติ ชิณฺณภาเวน ทุพฺพโล อตฺตโน จีวรรชนาทิกมฺมมฺปิ กาตุํ อสมตฺโถ ฯ โย ปน มหลฺลโก พลวา โหติ อตฺตานํ ปฏิชคฺคิตุํ สกฺโกติ โส ปพฺพาเชตพฺโพ ฯ อนฺโธติ ชจฺจนฺโธ วุจฺจติ ฯ มูโคติ ยสฺส วจีเภโท นปฺปวตฺตติ ยสฺสาปิ ปวตฺตติ สรณคมนมฺปน ปริปุณฺณํ ภาสิตุํ น สกฺโกติ ตาทิสํ มมฺมนมฺปิ ปพฺพาเชตุํ น วฏฺฏติ ฯ โย ปน สรณคมนมตฺตํ ปริปุณฺณํ ภาสิตุํ สกฺโกติ ตํ ปพฺพาเชตุํ วฏฺฏติ ฯ พธิโรติ โย สพฺเพน สพฺพํ น สุณาติ ฯ โย ปน มหาสทฺทํ สุณาติ ตํ ปพฺพาเชตุํ วฏฺฏติ ฯ อนฺธมูคาทโย อุภยโทสวเสน วุตฺตา ฯ เยสญฺจ ปพฺพชฺชา ปฏิกฺขิตฺตา อุปสมฺปทาปิ เตสํ ปฏิกฺขิตฺตาว ฯ สเจ ปน เต สงฺโฆ อุปสมฺปาเทติ สพฺเพปิ หตฺถจฺฉินฺนาทโย สูปสมฺปนฺนา การกสงฺโฆ ปน อาจริยุปชฺฌายา จ อาปตฺติโต น มุจฺจนฺติ ฯ วกฺขติ จ อตฺถิ

--------------------------------------------------------------------------------------------- หน้าที่ ๑๐๙.

ภิกฺขเว ปุคฺคโล อปฺปตฺโต โอสารณํ ตญฺเจ สงฺโฆ โอสาเรติ เอกจฺโจ สุโอสาริโต เอกจฺโจ ทุโอสาริโตติ ฯ ตสฺสตฺโถ อาคตฏฺาเนเยว อาวีภวิสฺสตีติ ฯ หตฺถจฺฉินฺนาทิวตฺถุกถา นิฏฺิตา ฯ

             อรรถกถาภาษาบาลีอักษรไทย เล่มที่ ๓ หน้า ๑๐๑-๑๐๙. http://84000.org/tipitaka/pitaka_item/read_th.php?B=3&A=2102&modeTY=1&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=3&A=2102&modeTY=1&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=4&i=133              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3609              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3705              The Pali Tipitaka in Roman Character :- http://84000.org/tipitaka/read/roman_read.php?B=4&A=3705              สารบัญพระไตรปิฎกเล่มที่ ๔ http://84000.org/tipitaka/read/?index_4

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]