บาลีอรรถกถาเล่มที่ ๓๐

หน้าที่ ๓๑๔.

[๑๐๑๒] ขีณายุกญฺจ มํ ญตฺวา สรีรํ ปาทาสิ สตฺถุโน อิมํ สุชาต ปูเชหิ ตํ เต อตฺถาย เหหิติ. ^๑- [๑๐๑๓] ตาหํ คนฺเธหิ มาเลหิ ปูชยิตฺวา สมุยฺยุโต ปหาย มานุสํ เทหํ อุปปนฺโนมฺหิ นนฺทนํ. [๑๐๑๔] นนฺทเน จ วเน ^๒- รมฺเม นานาทิชคณายุเต รมามิ นจฺจคีเตหิ อจฺฉราหิ ปุรกฺขิโต"ติ. #[๑๐๑๒-๓] ตตฺถ สรีรนฺติ สรีรธาตุํ. เหหิตีติ ^๑- ภวิสฺสติ. สมุยฺยุโตติ สมฺมา อุยฺยุตฺโต, ยุตฺตปฺปยุตฺโตติ อตฺโถ. เอวํ เทวปุตฺโต เถเรน ปุจฺฉิตมตฺถํ กเถตฺวา เถรํ วนฺทิตฺวา ปทกฺขิณํ กตฺวา ปิตรํ ^๓- อาปุจฺฉิตฺวา รถํ อารุยฺห เทวโลกเมว คโต. เถโรปิ ตมตฺถํ อฏฺฐุปฺปตฺตึ กตฺวา สมฺปตฺตปริสาย วิตฺถาเรน ธมฺมิกถํ กเถสิ, สา ธมฺมกถา มหาชนสฺส สาตฺถิกา อโหสิ. อถ เถโร ตํ สพฺพํ อตฺตนา จ เตน จ กถิตนิยาเมเนว สงฺคีติกาเล ธมฺมสงฺคาหกานํ อาโรเจสิ, เต จ ตํ ตถา สงฺคหํ อาโรเปสุนฺติ. จูฬรถวิมานวณฺณนา นิฏฺฐิตา. ---------------------

อรรถกถาภาษาบาลีอักษรไทย เล่มที่ ๓๐ หน้า ๓๑๔. http://84000.org/tipitaka/pitaka_item/read_th.php?B=30&A=6616&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=30&A=6616&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=63 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2141 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2133 The Pali Tipitaka in Roman Character :- http://84000.org/tipitaka/read/roman_read.php?B=26&A=2133 สารบัญพระไตรปิฎกเล่มที่ ๒๖ http://84000.org/tipitaka/read/?index_26